تـجـاربـكـم مـع فـيـتـامـيـن سـي

[نوف الصقعبي]

السلام عليكم ورحمة الله وبركاته
أسعد الله مسائكم
بكل صدق وآمانه لكل وحده بتذكر تجربتها الخاصه
وتحط صورة المنتج الحبوب او الكبسولات
مع ذكر المكان اللي شرته منه
وذكر المده
والنتيجه​

 

[فدوووش]

انا جربت الفوار برمضان قبل زواجي يعني قبل سنتين كنت اشربه بعد الفطور مره كل ثلاث ايام وكنت اسوي حمام مغربي كل اسبوعين

يعني مده استخدامي له شهر والنتيجه تفتيح واضح

 

[طيبة83]

انا استخدمه كتونر وايد حلو ويعطي نظاره للويه

لكن استعمله جم يوم وبعدين اتعيجز يعني ما لتزم فيه

 

[زهرا_*]

بعد اذن صاحبه الموضوع الفيتامين سي الفوار او بشكل عام حبوب الفيتامن سي تسبب فتح شهية او زيادة وزن ؟

 

[نوف الصقعبي]

فديتكم كلكم نورتو وأسعدني مروركم
انا شريت فيتامين سي مو الفوار لا بنات من محل هيلث بلانت تركيزه الف وتو باديه فيه صارلي جم يوم في تقريبآ 133 كابلت ومره وحده باليوم بس الله وكيلكم الحبه جنها طابوقه ماتنبلع بس شسوي ندور الزين​

 

[محضوضة]

جربت حق بدي شوب كم شهر بس وماركة اورنج الامريكيه كلهم اخرطي

 

[ام عبد العزيز م]

رفع لعيونج نوف حبيبتي

 

[تبيني آرضى عليك]

جربت حبوب الفوار احطها مع ماي الورد وببخاخ بالثلاجه كنت ارش على وجهي قبل النوم حسيت تنشف الحبوب وتعطي شوي نضاره
بس اسمع عن المجموعه اللي ببودي شوب الكل يمدح فيها خاطري اجربها

 

[نوف الصقعبي]

منو جرب مال بودي شوب​

 

[dalo0oa121]

تقصدين كبسولات ولا الكريم اللي يحتوي على الفيتامين نفسه
المهم بقولج عن تجربتي استعملت حبوب فيتامين سي
لمدة تقريبا اسبوع ولا حظت نتيجة على بشرتي يعطي نظارة بس اقل شي 3 شهور
ولا مايبين واضح
واذا عندج اي استفسار انا حاضر

 

[دلوعة روحها]

اذا على بودي شوب ؛ طبعاً هي مجموعة كاملة انااستخدمت كريم كبس مررره ماعجبني حسس ببشرتي وماحبيته
علماً بأن مكونات هالعلبة نفس مكونات العلبة اللي فيها الكبسولات الصغيرة..

 

[نوف الصقعبي]

نورتو كلكم يا خواتي والله يرفع من قدركم ويعز شانكم جميعآ

اليوم وانا اتوضآ للصلاة حسيت مسلمس بشرتي حيل زبده ناعم والله على ما اقول شاهد

راح استمر عليهم واشوف النتيجه

اللي استخدمهم حبوب بلع يابنات من محل المكملات الغذائيه الأمريكي

هيلث بلانت

تركيزهم الف 1000

سعرهم
8.500 د.ك

بستمر عليهم لان حسيت ملمس بشرتي تغير بشوف شنو يصير لي بعد

فيهم 133 كابلتس = حبه​

 

[اوبراا]

انا استخدمت غسول وكريم بفيتامين سي بس مالاحظت نتجيه

 

[قاهره عذالي]

جربت سيروم فيتامين سي من بودي شوب طلع لي حبوب

وجربت كريم مرطب وواقي شمس من مجموعة فيتامين سي من بدي شوب
ريحته لا تطاق وتغطيته مو شي ويسمر ويحبحب بالوجه

مجموعة فيتامين سي من بودي شوب فاشله معاي

يمكن عشان بشرتي دهنيه

يمكن مع البشره الجافه تنفع

 

[نوف الصقعبي]

واي فديتج اوبرا نورتي موضوعي بس انا ما جربت كريم فديتج انتى وقاهره انا اللي اكلهم حبوب مثل شكل الكبسوله بس مو كبسوله لا حبوب وشفت فرق من ناحية النعومه والكريمات ماتطيح على اي احد انا في كريمات ممتازه لما احطها على جسمي يقب مرات الكريم يكون قوي والبشره اتحسس ماتحمله​

 

[fatma A]

فيتامين سي الفوار اتذكر يوم كنت منشله ورحت الصدليه عطاني اياه يقول حق النشله زين بس لاحظته انه يعطي نضاره يوم كنت منتشله

 

[نوف الصقعبي]

مشكوره على ذكر تجربتج فطامي وعساج ماتشوفين الشر يابعد قلبي​

 

[قاهره عذالي]

ترا الجسم محتاج قدر معين يومي من فيتامين سي

وما انصح بالعلبه اللي تركيزها الف

لان فيتامين سي الزايد راح يترسب بالكلى ويسوي حصوات واملاح زايده

الجسم يحتاج كحد اقصى باليوم 68 جم كحد اقصى

فيتامين c ...مصادره وفوائده ...


ترا حتى حبوب الحديد اذا مافي نقص مو زين تروح ترسب بالجسم وتسبب مشاكل

 

[myaar]

بروحه ماعندي فكرة

بس استعماله الصحيح يكون مع حبوب التبييض
يعطي مفعول قوووي

 

[أدعج غنج]

هلا نوف أنا استخدمتهم شهر ونص
الصيدلانيه حذرتني من استخدامهم لاكثر من شهرين لان الجسم ما يقدر يصرف الزايد منهم فيترسب فالكلى ويسبب حصوات

غير جذي ما شفت اي تغير واضح...
وترا كوب عصير برتقال واحد طازج فاليوم يعطيج اضعاف النتيجه وبشكل صحي وامن