تـجمع عـمليآت الخـشوم (2)

[$نرجس$]

نونااا جم صاارلج انا صراااحه ما اقدر اسوي مسااج بس حاطه لزقاات اخاااف احووشه

لااا ادوارد عبدالنوور فااشل البناات يذمونه اشكثر ليش ما اتروحين عند تقي اتشوفيين شغله هم البنات يمدحوونه وايلي غاريوس راسلي الي يمدحوونه وشوفي اهم حالااتهم قبل نفسج ولاا لاااا

 

[noona]

صار لي 26يوم
اللزقه وايد مريحه على الاقل ما أشوف شكله واتأزم
تعبانه حيل وبالدوام ما احطها.وايد اتأذى مع الجو احس يعورني

حتى الميكب ما احط وقفت

انا نوع لشرتي دهنية والجلد سميك الله يعين

اليوم الاورام على جنب زادت


شكل خشمي حدث ولا حرج

 

[noona]

نونا :d يارب ان شالله تنفتح نفسيتج

بس قوليلي عند منو مسويه العملية ؟؟

امين حبيبتي سلمين

عند خالد الصبيح الدكتور يهبل وتحسينه خبره

شكل خشمي قبل بنات وا لي يشوفه يقول شلون ما سويتي عملية من زمان شكله حيل مشوهه كبير حتى اادكتور قالي خشمج حيل تعبني الحمدلله توكلت على الله وسويت العمليه رتب شكل خشمي وشل التشوهات الي فيه


الحمدلله النتيجه للحين زينه بس يبيله صبر وما اقدر احكم على شغل الدكتور التنفس الحمدلله تحسفت ما خليته يصغر الانفيات بس الحمد لله شكاه حيل طبيعي

 

[noona]

كل يوم شكل خشمي يتغير مره اوكي ومره لاء الصراحه

اهو مرتب بس احس الارنبه طويله ما ادري شلون

ودي احط صورة خشمي قبل

 

[~ كرز ~]

متابعة

 

[$نرجس$]

الحمدالله على سلاامتج هاذا اهم شي وصج في بناات يمدحوونه وانشاءالله يطلع حلوو ياااارب

 

[شيهانه الشعلان]

بس سوال يابنات الحين كل وحده تقول سعر عن العمليات بايران

يعني فيه وحده سوت العمليه عند لطفي زاده قالت ب 4000 دولار وفيه وحده قالت فيه قرار بايران بتثبيت الاسعار على 750 دينار والله احترت جم اخذ وياي لايران​

 

[ساراااه]

:eh_s(2): يعني والحل انزين انا بخاطري اسويها قبل الاجازه الصيفيه

نرجس ممكن تخبرين الي مسوين عند ايلي يجون هنا يحكون تجاربهم :eh_s(16):

او يرسلولي ع الخاص بليييييييييز ولج مني دعوه الله يفتح عليج ويسهل امرج

 

[العنا91]

السلام عليكم ورحمه الله وبركاته


كيف الحال ان شاء الله بخير
تراني من زمان متابعتكم قدلي كم شهر وانا ورى الكواليس واليوم تشجعت وبقول لي في خاطري

انا من زمان اشوف ردودكم و كلامكم وتجاربكم عن عمليات التجميل واكيد الحين عندكم الخبرة اكثر عني انا

مشكلتي انه خشمي وايد كارهته حتى كاره نفسي والسبة هو عزايم وحفلات وكل شي ماطلع لانه كلهم شغلتهم بس التعليق ع خشمي وشكلي

فقررت اني اسوي عملية تجميل هو من الاساس لاني انا مب مقتنعه به المهم
خشمي انا وايد طويل يعني ماخذ نص ويهي ماعرف كيف اشرحه هو طويل بس ضعيف يعني ما يبي له تضعيف من العظم بس عني عظمه ناطرة شوي
والارنبة عندي قاهرتني عودة تقول خشمي مثلث

وماروم اسويها برا الامارات طبعا هذا عقب اقناع شديد وضرابة ودنيا وافقو يسون لي ،،
بس ماعرف من الدخاترة خاطري يكون خشمي سيده مب زحليقه مثل اجنبيات وابغي الارنبة تكون صغيرة بعد لانه ويهي وايد صغير وخشمي وايد عود
بس ماعرف من الدكتور لي بيظبه لانه وايد خايفة وقالو الاهل الله يسامحهم لج فرصه وحده شوفي من تبين واحنا جاهزين عقبها مالنا خص عيبج ولا ماعيبج

انا رشحو لي غابريل صعب بس فية بنات يشتكون منه واهم شي اني اكون مرتاحه ف ما اريده ويقولون انه بي يعرف للعظم ويعدل الارنبة بس ترجع مثل قبل كبيرة

اريد واحد ايراني عندنا شجاع رهبري مادري اذا حد جرب عنده او لا بمن تنصحوني صح انا من الامارات وادرى بالدكاترة
بس الله يسامح البنات مووول مايخبرن بشي كله اسرار اسرار ولي يقهر تقول اون طبيعي يعني صدقني يعني

بليز ساعدوني مالي غيركم ينصحني وماعندي مجال غير لين الصيف لانه يمكن اعرس جريب فشلة احس ويباله وقت لين يخوز الانتفاخ والورم
احس ماريد اعرس وانا جية خشمي .. فكوني من العذاب :'(

 

[قلب أمهـا]

السلام عليكم بنات شلونكم
قوتشي ياااااابعد عمري على تجاوبك معي مشكوره
ام ساره شلونك ؟

حلوه سبيشل حراام عليك حلوووو خشمك اقصد بعد العمليه لاتتعقدين ولا شي

اقول بنات انا خايفه بعد عمليتي تجيني حالة الاكتئاب اللي جاتكم والصياح والحاله وانا وراي اختبارات جامعه شسوي ؟ ولا ودي ااجلها خلاص طفشت ابي اسويها وافتك

 

[العنا91]

حلوة سبيشل خشمج بصراحه لا يعلي
عليه ماشاء الله عليج الله يحفظج ياربي ويفرح قليبج

 

[Mafnood]

مرحبااااا

حلوه سبششششل وااااااااو عن جد حلوووو
مشاءلله

 

[Mafnood]

حلوه سبشل انتي قبل مسويه عمليه في خشمج

 

[Mafnood]

حلوه سبششششل
180 درجه فرق

 

[حلوة سبيشل]

نقلت موضوعي بالقسم عشان تستفيدون

 

[DeCToOoRa]

سلااااااااااااااام
شلونكم بنات ؟؟ واشلون خشومكم

انا امس شلت الجبيره .. بعد عناء طويييل
أصعب اسبوعين مروا علي ... صج تعبت وصبري نفذ .. اليوم صارلي 17 يوم من العمليه

عندي واااايد أسئله ..
اشلون انظف خشمي من برااا ؟؟؟ وايد صاير سميك وعليه قشور .. عادي افركه بالصابون ؟؟ واحطله سنفره ؟؟
واشلون انظفه من داخل ؟؟ وصج عود الاذون يكبره ؟؟
وانا فيني حساسيه .. خشمي على طول يصبصب مع ان اخذ حبوب بس ماكو فايده .. يصير امشه بالكلينكس ههههههه اقصد حيل ارعصه يعني ؟؟؟
سوري على أسئلتي بس صج مو عارفه

عادي انزل راسي ؟؟ وبالصلاه اشلون عالركوع والسجود ؟؟
عادي لما اجيس خشمس كل شوي ؟؟ لوووووول
عادي احط مكياج ؟؟

ومتى يصير احف ؟؟؟ واروح طبيب اسنان ؟؟؟
امممممممم
صج حلجي صاير حده صغيره من بعد العمليه ماقدر افتحه نفس قبل ؟؟؟ متى يصير عادي ؟؟

وبالنسبه للشكل ... صج كل يوم يتغير ؟؟؟؟
انا حاليا راضيه فيه وخايفه يتغير للأسوأ

وبالنسبه للمراجعات ... انا ادرس بره الكويت ..
الدكتور قالي بشوفج بعد 3 اسابيع .. ماراح اقدر ..
مهمه هالمراجعه ؟؟؟ ولا عادي


وبس سوري طولت بالاسئله ... اتمنى تردون علي بسرعه

 

[~ كرز ~]

سلام حلوة شلونج
مشا الله تبارك الرحمن خشمج رووعة يهبل بس جان صورتيه من يدام

انا حدي مطولة ماراح اسوي العملية هالسنة لان هالسنة بشتري سيارة فالميزانية شوي تعبانة عشان جذي بسويها السنة الياية بس الله يصبرني مادري شلون بتحمل سنة كاملة

 

[تطبيل]

هاي بنات ..

أنا مسوية عمليتي بالرياض من شهر تقريباً .. وحبيت تجمعكم فديتكم ..

بس فيه وحده تسأل هل أجيس خشمي ؟

والله ياقلبي أنا مع المساج اللي عطاني اياه الدكتور يدي بخشمي كل شوي ماسكته والمرايه ماتفارقني ههههه وأنواع الوسوسة ..!

يعني أكيد لازم تجيسين خشم(ج) وتسويله مساج خمس مرات على الأقل حتى ماتتجمع الغضاريف بمكان وتسبب لك ميلان !

ويكون من فوق إلى تحت .. وكمان تسألي الدكتور حيفيدك في هالمسألة وموفقات ()

 

[Gucci 2012]

حلوة سبشل

ماشالله واااااااااااااااااااو ربي يهنيك فيه
عن جد تغيرتي للاحلى ياحلو

 

[Gucci 2012]

افااا للحين متورررم
طيب مو باينه ملامح نهائيا ؟؟

اي متورم حبيبي لسى يبيله وقت عشان يفش