تـجمع عـمليآت الخـشوم (2)

[cuteq8tya]

هلا بنات شلوونكم وكيف خشومكم طبعااا لازم اطمن عليكم وعلى خشومكم مانستغني عنكم

طبعا من دون مدح خششمي جدآ الحمدالله يارب عاجبني وصارلي شهرين وكم اسبوع وشلت اللزقات صرت استخدمها فقط وقت النوم والحمدالله الحمدالله ان خشمي عاجبني وعجب امي وسألت عن الدكتور وهي كانت ضد هذا الشى وسويتها من دون علمها لانها رافضه الفكره ويوم شافته قالت وينه هالدكتور ههههههه
وفي التصوير يطلع يهبببل ماشاءالله عكس اول اصور واروح الفوتشوب اصغره ههههههههههه
وكنت ابيه صغيرر حييل بس ماوافق حتى كنت احن عليه بس مارضى ابد يصغره لي والحمدالله ماصغره حيل لان كذا الي يناسبني
الحين مرتاحه حيل وصرت اصور وانا واثقه .. والشكر لله ثم الدكتور
والي تذم الدكتور يمكن حظ ونصيحه لاتحكمين على خشمك الا بعد كم شهر تدرين انا خشمي شهر وشوي وانا اسب بالدكتور وكنت ابجي بس الحيين تغييير حييييل وكنت بكتب عن الدكتور في المنتدى وبسبه واذمه بس قلت لا كلهم كاتبين انتظري 6 شهور هذا انا لسه صارلي شهرين وشوي وعجبني الحمدالله يارب .. وفي بنت سبته وبعدين اختفت اكيد بعدين اعجبتها النتيجه انا فكرت بذا الشى قبل لا اروح عنده والاستخاره وااايد زينه وانا استخرت والله وفقني

والحين راح ارسل صورة وجهي كامله للدكتور

واااي ما شالله حدي استاااانست لما قريت كلامج

يضيق خلقي اذا وحده مو عاجبها خشمها احس انا بعد ماراح يعجبني

انتي منو دكتورج ؟ وشنو كانت مشكله خشمج ؟ وشنو اللي عدله لج؟

 

[حلوة سبيشل]

ويي درييمي فديتج وجد والله العين حق انا حطيتها مره لكم للعضوات الي كانوا متابعين معي ومن بعدها حذفت الموضوع بكبره
وهذا بعد بعدي مانزل ديرتي لو انزل ديرتي من عيون الناس احس خشمي بينعوي هههههههه
وانتي بعد صبري على خشمج تحمليه مرا منتفخ مرا عادي وترا اللزقات تجيب نتيجه كبييره


هلا كيوت اي استانسي وفليها ترا بس اول الايام نفسيتج كلش بعد شهور والله الخشم غيير حيل ودكتوري لطفي بايران وطلبته طبيعي جدا لا هو مرفوع ولا يبان تجميل ومشكلتي عندي انحراف في خشمي على جنب وكان حيييل نازل

 

[cuteq8tya]

حلوه سبيشل خشمج كان منتفخ عقب العمليه وايد ؟ وشكثر صغر ؟

يصير تدزين لي رقم موبايلج ولا بيبي بن مالج عشان ادز لج صوره خشمي الحين ؟ ابي اعرف رايج شكثر راح يفش ؟

وتهقين راح يطلع خشمي حلو ولا لا بدووون مجاملات عفيه

 

[noona]

بشوف الدكنور دريمي والله كريم

 

[ريسان]

دريمي امين

خشمي مشكلته دهني مقرف والله


افكر بالريكاتون


ينشوفن الدهن زهقت

نونا ادري راح اتقولين عني ملقوفة بس لما شفتج كاتبة انج تبين تاخذين هالدوا قلت لازم اتكلم لا تاخذينه لان الي اعرفة انه في احتمال يخرب الخشم يمكن غضاريفج تخترب و انا كنت ابي اخذهم حق الحبوب الي بويهي بس قلت اسال الدكتور مالي خلق خشمي يخترب زيادة فدكتور خالد قالي لا تاخذينهم بس انتي سالي دكتورج عشان تتاكدين

 

[$نرجس$]

اللبووووه اي والله انا رحت عله على المدح واهوو طيييب وخلوووق ومحترررم واسلووبه رااقي مع المرييض بس حسييت من الكلااام انه خلااص اخييرااا بس ماسواا الي ابييه... وتجربه كتكوتااا أكدتلي الموضووع

 

[$نرجس$]

نرجس كيف حالك
اخيرا سويتي العمليه الف الحمد الله على السلامه
انا زمان عن المنتدى
فديتك اذا ماعندك مانع ارسلي لي صوره خشمك بعد
وشرايك اروح لبهرزاد والا بور صادق؟؟؟؟؟؟؟؟؟؟؟؟؟؟ظ

الله يسلمج قلبي والله الحيين اناا حااطه اللزاقاات وتعباانه حييل منه واذا تقدريين اترووحيين روحي لبهزاااد

 

[$نرجس$]

نونا ان شالله بنطر على اسبوعين جذي اروح ينظفون لي

حاليا التنفس ماشي حاله اغلب شي من حلجي فما ودي استعيل اخاف يعوروني

اليوم الصبح شلت الجبس وببدل اللزقه

لما شلت اللزقه بنظف خشمي من الدبق والدهن وجذي بغسول منظف اول ماحطيت القطنه على خشمي

يتني دوخه مو طبيعيه وصارت الدنيا تفر فيني وقلبي يرقع حيل قمت ابجي مادري شفيني مع ان الالم

مو قوي بس الظاهر نفسيا خايفه اتعور رحت قطيت روحي على سريري وارتحت شوي ورديت حطيت اللزقات :eh_s(11):


واااي والكدمات الزرق تحت عيوني زادو امي اليوم تقول لي لو ادري بتورمين جذي 3 شهور ماخليتج

تسوينها !


والله انا بعد ماهقيت السالفه جايده جذي

كيووت لااتبجيين يااقلبي هدي وكلهاااا اسبوووع ويخف ان شاءالله ترا كلناا جذي زرقت اعيوونااا حييل انا صرت جني قندس ههههه والله كنت لماا اشووف نفسي اضحك حييل علييج بالثلج ميييه مييييه وانتي قااعده اتشووفيين التلفزيوون امسكي القفاازاات الطبييه ههههههه لغه عربييه المهم امسكييهم وحطي ثلج فييهم علطووول والله اناا اسبووع حااطه ثلج ولاا خلييته مع ان الدكتوور قاالي يووميين بس بس شفت الزرااق ماارااح واشتغلت ثلج ليين صاار لوونه بنفسجي بعديين اصفر ليين راااح

 

[$نرجس$]

كيووت الله يسمع منج بس امبيين من الحيين ما تغيير

اللبوه الحمدالله زووجج يحبج جذي ... شوفي سااحلييه كذاا مره وكثر الدق يفج اللحام هههههههههههههخخ

 

[$نرجس$]

حلوووه اسبشل امنووره قلبي الموضووع اشتقنااالج وصج لطفي شااطر والحمدالله على النتييجه الحلووه وياارب من الاحلىى للأحلى

 

[noona]

ريسان مشكوره على النصيحه

خرعتوني ما راح اخذ وبصبر

واذا احتاج عمليه ثانيه بسوي والي فيها فيها

 

[cuteq8tya]

نرجس اللي مضيق خلقي مو بس انه منتفخ

انا اساسا كان ودي يكون طويل ومرسوم ومنحوت مبوز شوي بس اهوه بالاساس عريض المشكله انه قصر !

على صوب يبين شكله اقصر ! انزين اهوه اساسا قصير ليش تقصره !


انتو اول اسبوع شكثر تغيرون اللزقات ؟ فيها شي اذا خليتها كذا يوم بدون تبديل ؟ لان التبديل يتعبني اخاف ادوخ واطيح غشيانه نفس اليوم

 

[ياحلمي لابد أوصلك]

بنات حجيكم يخررررع

باقي على عمليتي اقل من اسبوعييين
يارب كن في عوني وعونكم ان شاء الله

 

[حلوة سبيشل]

هلا حبيبتي نرجس فديت قلبج اشتقت لج اكثثر

طمنينا عن خششمج ان شاءالله يطلع بيرفكت

 

[غلا الأيام]

امبيه من صجج انا الابر سوتلي تليفات خلت خشمي شكبره
و انتفخ صوب الارنبة و الفتحات
و الله يسلمج نحط اللزقات عشان ما نشوف خشومنا و نفكر
تعرفين بعد دكاترتنا فاشلين و لزوم نبلغ الشيخ بالسالفة :eh_s(16):

اي والله دريمي اقولج رفيجتي اخترب خشمها
من هالابر اشكثر اقولها صبري ما سمعتني :bbbiu:
بالنسبة حق اللزقات ظليت شهر حاطتهم هههههه اقولج بنات الكلية قطيعه ما تقبلوني
وظليت حاطتهم ههه الدكتور قالي اذا ما شلتيهم
بكسر خشمج الحين لووووول

يعني الحيين بصيير ثلااث تشهر وماا تغيير كاان فييه عرض ونفسه اعتقد اخذ معااي صووره تذكااريه بس هههههههههههه

الحمدالله على سلاامتج غلااا بس عند منوو سويتي العملييه

الله يسلمج يا قلبي نرجوس :eh_s(7): سويتها عند دكتور علي

 

[ريسان]

يا بنات دكتور ريزا الي في رويال حياة طلع ايراني و انا عبالي امريكي منو سامعة عنه؟؟

انا خذيت عنده موعد بشوف شيقول

 

[Dreamy G!rl]

ريسان جربي حظج معاه و قوليلنا شيقولج
و ربي صرنا تجارب ب أيادي هالدكاترة حسبي الله عليهم

 

[ريسان]

عاد انا ما احب الايرانيين بس بلف على كل دكاترة الكويت بعدين اقرر لان صج حدي خايفة

 

[Dreamy G!rl]

ريسان هذي ثالث عملية بتسوينها صح ؟؟

 

[Dreamy G!rl]

شوفوها بعد العملية بيوم واحد

http://www.youtube.com/watch?v=mvJA_v9JP_k

بعد العملية ب 12 يوم

http://www.youtube.com/watch?v=r-Xvvd-Y6VU

بعد العملية ب 29 يوم

http://www.youtube.com/watch?v=gzX0jwjhRN4&feature=relmfu

بعد العملية ب سنة

http://www.youtube.com/watch?v=qTO5vj-ZUzg&feature=relmfu

ما احس تغير وايد عقب ما فش
بس البنت حدها واثقة من نفسها و عاجبها خشمها
لو احنا جان تحلطمنا تحلطم و انا اولهم هههههههههه