تـجمع عـمليآت الخـشوم (2)

[ملح الدنيآ.]

ملح الحياه كيف تحسين خشمج منفوخ بعد 12 يوم ولا خف الانتفاخ,,

وكيف نفسيتج,,انا نفسيتي جدا سئيه هل مريتي بهالشي؟؟يعني هالشي طبيعي بعد العمليه؟؟

الحمدالله كل يوم عن يوم يخف الانتفاخ ,,كل يوم اصور نفسي واحس بالفرق

ايي حياتي تاثر على النفسيه بس لازم نصبر لين يفش وانا راضيه عن النتيجه مبدئيا

فأنصحج صبري وحاولي تلهين نفسج ولا تتوقعين هذي نتيجه خشمج,, كل يوم عن يوم بيتغير ويصير احلى ان شاء الله

 

[$نرجس$]

امبي انصدمت انا ما كنت ادري انها مسويه تجميل بس الحين طالعة بالمسلسل اوفر صاير ويهها كله بوتكس و خشمها حده طبيعي كلش ما يبين تجميل

اي اعرفت اتنقي الدكتور الصح يخرب بيييته شااااطر بعدييين امسويه شد رافعه اعيونهااا كانت نازله وزراعه وجنات بعد رافعه حواجبهاا غير البلاوي اللثانيه :eh_s(1)::eh_s(1):

 

[$نرجس$]

و هذا بموقع ثاني حق دكتورة ثانية

من هو المريض المثالي لعملية تجميل الأنف؟
والمريض المثالي هو المريض الذي يعاني من تشوهات واضحة في الأنف كبروز العظم أو تضخم الغضاريف أو كبر فتحات الأنف شريطة أن يكون جلد الأنف غير سميك وغير دهني ليستطيع الإنكماش بعد العملية. <<< ضيقت خلقي

يجب أن يكون المريض منطقي وذو تطلعات واقعية وأن يتفهم أن الأنف الناجح هو الأنف الطبيعي و المتناغم مع بقية أجزاء الوجه، دون أن يشبه بالضرورة أنف صديق ما أو فنان معروف!​

دريمي خليهااا تقرق ليين نطلع عيينها والله ماشفناا اخشووم الايرانياات البلييه الي اشكبرهاا انطروو سنتيين... بعد شهر الا ااا الخشم يييييييييييهبل اهم يقولوون جذي عشاان نسكت عنهمم بس دكتوور رفيجتي قعد يقرق يمااال طووووط لاا تعلييق واخر شي ناسي صوب ويقوولها بصي اناا حأاووولك شتأوول بعد بقت تكمخه من القهر :eh_s(4)::eh_s(4):

 

[$نرجس$]

هاذي كاانت ررررررررررررعب امصوره وخشمهاا توه الاسابيع الاولى امحق ثقه
ههههههههههههههههههههه



بعد سنه



والله مجنوونه صار حلووو

 

[$نرجس$]

موو بعد سنه بعد فتره الظاهر خمس اشهوور وبعد في وحده امصوره مراحل خشمهاا ابفهم اشلوون يحطوون مكيااج والخشم اللزقه فووقه عفيه نفسيه ههههههههههههههه

 

[$نرجس$]

عاجبني خشمهااااااااا يهببببببببل ادري في بناات ما يعجبهم بي الارنبه ضابطهاا

 

[اوبالز]

حمدالله على السلامه نرجس وكل البنات
الصوره الاخيره فتحه الانف كل وحده غير عن الثانيه

 

[noona]

بلا جبيبتي لا تحبطين نفس حالتي اول ما سويت العمليه بس بعدين تشوفين النتيجه الصح وتستانسين


صبري


نرجس امبلا عملية تجميل الانف تحناج وقتايد ويبيلها صبر

بس احنا ماكو صبر


يعني الحين الي بالصوره حلوين والله يخرعون

شوفوا الممثلات الاتراك يهبلون طبيعيات وجمالهم طبيعي


وخشومهم مرتبه وحلوه لايقإ على ويهم


الي تصغر خشمها وايد تضطر تسوي بلاوي ثانيه


تكبر شفايفها وتزرع وجنات والله هذي كل أشياء تضر


وبامريكا صايرين يتحهون للأشياء الطبيعيه ويحذرون من العمليات

 

[cuteq8tya]

وااي بنات اليوم داومت بدون اللزقه خشمي انتفخ زياده بعد ماقطيتها

انا قبل ما اشوف خشمي الا لما ابدل اللزقات كل جم يوم

الحين خشمي منتفخ يخرع واحس الكل مخترع مني وحاسين اني مجكره بس مايبون يقولون

 

[cuteq8tya]

تحسفت اني سويتها صج صج تحسفت

 

[bela]

تحسفت اني سويتها صج صج تحسفت

انا الي صج تحسفت ,,قبل حتى واهي مكسوره احلى,,,

 

[bela]

بلا جبيبتي لا تحبطين نفس حالتي اول ما سويت العمليه بس بعدين تشوفين النتيجه الصح وتستانسين


صبري

تعبت نفسيا,,كيف تتغير الانف بعد فتره انا صار لي 11 يوم

احسها قصرت,,منفوخه ,,الارنبه مش طبيعيه,,

بس ابغى اتقبل شكلي الجديد مع اني طالبه تعديل كسر الخشم

 

[bela]

نرجس احس خشومهم مش طبيعيه ابدا؟!!!!!!!

 

[cuteq8tya]

بيلا انا جذي بعد قصر خشمي تحسين الارنبه متفوخه بعد

وحتى بين عيوني متفوخ ماكو عظم !

الكل يقول لي راح يتغير بس شكثر راح يتغير هذا السؤال ؟ يعني 20% ولا 80 %؟ لان وايد تفرق

 

[Dreamy G!rl]

نرجس الاولى الحمدلله الذي عافانا مادري شتحس فيه و اهيه بكل ثقة مصورة الف صورة
و الله لما شفتها حمدت ربي على خشمي
لو الدكتور يسويلي جذي ارتكب فيه جريمة قتل ههههههههههه
اما الثانية رسمته حلوة بس الفتحات اكسسسس حيل غلط مضعف الخشم حيل و بعدين الفتحات صاعدة
هذا عيب دكاترة ايران
انا اتوقع نرجس خشمج يهبل دام عاجبينج خشوم هذول معناته خشمج روعة

متى تمر 6 شهور بسرعة
ودي اغمض و افتح عيوني و الاقي نفسي مخلصة 3 شهور لووول

 

[bela]

بيلا انا جذي بعد قصر خشمي تحسين الارنبه متفوخه بعد

وحتى بين عيوني متفوخ ماكو عظم !

الكل يقول لي راح يتغير بس شكثر راح يتغير هذا السؤال ؟ يعني 20% ولا 80 %؟ لان وايد تفرق

ايه منفوخه وايــــــــــــــــــــــــد...وانا صارلي الحين 11 يوم,,

قالوا تبين النتيجه تقريبا بعد شهرين او ثلاثه كنتيجه مبدئيه لانه الحين الخشم منفوخ,,

والنتيجه النهائيه من 6 اشهر الى سنه,,,

انشاءالله خشمج بيكون احلى بعد ما يروح الانتفاخ,,

انا للحين اللصقه ما شلتها,,واسوي مساج حق خشمي لانه قالي الدكتور هالفتره الخشم يتشكل..

 

[bela]

نرجس الاولى الحمدلله الذي عافانا مادري شتحس فيه و اهيه بكل ثقة مصورة الف صورة
و الله لما شفتها حمدت ربي على خشمي
لو الدكتور يسويلي جذي ارتكب فيه جريمة قتل ههههههههههه
اما الثانية رسمته حلوة بس الفتحات اكسسسس حيل غلط مضعف الخشم حيل و بعدين الفتحات صاعدة
هذا عيب دكاترة ايران
انا اتوقع نرجس خشمج يهبل دام عاجبينج خشوم هذول معناته خشمج روعة

متى تمر 6 شهور بسرعة
ودي اغمض و افتح عيوني و الاقي نفسي مخلصة 3 شهور لووول

دريمي تحسين خشمج ضعف بعد 3 اشهر؟ ونزلت الارنبه وايد ولا شوي؟؟

ومتى بديتي تحطين ميكب؟؟وتمارسين حياتج الطبيعيه؟؟

 

[ملح الدنيآ.]

بنات جاوبوني متى يطيح الخياط الداخلي ؟؟؟

وشنو تقصدون بالارنبه ؟؟

 

[cuteq8tya]

ملح الدنيا الارنبه بوز الخشم فوق الفتحات مادري اذا فهمتيني ولا لا

وانا بعد ابي الخيوط ذبحوني كل يوم يشدون اكثر

 

[ملح الدنيآ.]

ايي حبيبتي فهمت مشكوره

انا مليت منهم متكترين على جنب لوووووول