تـجمع عـمليآت الخـشوم (2)

[غرور 9]

اهم شي خشيمي ونتيجتي خل يخزون مني لباجر اصلا لو تكونين طالعه بدون شي ملفت بيخزون بيخزون يعني وضع ايزي
والله باقي اسبوعين ع عمليتي اذا سويتها ثالث يوم بداوم والي تسالني انتي مسويه خشمج بغثها وارفع ضغطها واقولها لا اعوذ بالله بخليها تشك بنظرها خخخخخ

 

[Dreamy G!rl]

هههههههههههههههه حلوه غرور فديتج اموووت ع الثقة و ربي الوحدة لي صارت واثقة
من شكلها ما يهمها شي بس التعليقات ما ترحم و شكلج عقب الجبس ماراح تتقبلينه نهائيا
و راح اتحسين ويهج وحش دراكولا فامباير زومبي الساحرة كللل شي
ف اشلون تطلعين بهالشكل ؟؟؟ مادري البس نقاب مؤقت بس اخاف يتحرك العظم و الا اخرع الاوادم
المشكلة يقولون اللزقات مو زينة لازم الدكتور يحطهم لج

 

[غرور 9]

ههههه تفداج الجنة ياربي عاد انتي بس خشم بتسوين الا انا بتفخ خدودي طال عمرج وبسوي غمازات وبقص هالخشيم يعني مو وحش الا بصير مخلوق فضائي الله وكيلج بس يختي شسوي اهلي بطلعت الروح وافقو اسافر واسوي العمليه عاد هالمرا أأجلها عشان هالناس ماتسوئ
بداوم يعني بداوم وعاد تخيلي انا ممرضه والله اتوقع لو ييت بقز احد ابره او اعطيه دوا بيقولي روحي عالجي نفسج بالاول من هالمطبات الي بويهج هههههههه

 

[غرور 9]

لاتلبسين نقاب ديري بالج انا كنت مفكره البس ماسك مال المستشفيات وحجة بحاجه بس قالتلي وحده بالدوام مسويه خشمها ديري بالج تلبسينه بيصير خشمج عوي وانتي بكفيج عاد من يومها قلت طز والله بروح جذي والي يقولونه خل يقولون لما يشبعون
باجر بييووني ويسالوني وين سويتها وبجم وعطينا رقم الدكتور حزتها العين بالعين والسن بالسن والبادي اظلم خخخخخخخخ

 

[Gucci 2012]

هاااااااااااااااي
بنات كيفكم هذي اول مشاركة لي

حبيت اشاركم بتجربتي
انا سويت عملية تجميل للأنف قبل سنة في البحرين وكانت للأسف فاشلة
عند دكتور برازيلي اسمه ريكاردو
وسويت مرة ثانية عملية تجميل عندنا باللاحساء عند دكتور عبدالله السلمان
والحين صار لي تقريبا خمس ايام لسى الجبس موجود عطاني موعد الثلاثاء يشيل الغرز

 

[حلوة سبيشل]

قوتشي انتي مثلي انا الجبس علي صارله 5 ايام ويوم الاحد قال بيشيله

انزين بنات انا اكل شبسات وخرابيط وعلي الجبس وفالتها على كيفي عادي ؟

احد يفيدنا

 

[ندىـا]

بنات انا لي 9 شهور من سويت خشمي
هذا الشهرين احس خشمي كبييير !!!!!!!
كان صغيروووون
بس هالشهرين كبييير بالمره
طبيعي ؟؟ بيرجع يصغر ولا شنو !

 

[Diana *]

حلوه سبيشل الحمدلله على سلامتج ويارب يصير أحلى مماتتمنين
سمعت إن سعر لطفي زاده صار غالي بكم سوا لك العمليه ؟

 

[حلوة سبيشل]

هلا كروز انا سويت خيره وطلعت لطفي زاده
كنت بروح لبور الله ماكتب سبحان الله ماقدر اوصل له محجوز اربع اشهر وشفت مسوي لكم وحده ماعجبني شغله يعني حظ
وكنت بروح لبهزاد الله ماكتب اروح طهران
ورحت لدكتور اسمه عامريون قابلته وراني الصور ماعجبني شغله قلت له بوجهه عصب علي قال روحي عندك نعيمي ومدري مين
ورحت لنعيمي قالوا محجوز تعالي بعد يومين يمكن نشوف لك موعد شغل نعيمي زي شغل لبنان زي خشوم نانسي مافيها عظم
يعني سبحان الله الخيره مكتوبه مكتوبه عند لطفي


ديانا الله يسلمج حبيبتي
اي والله لطفي صااااار نااار ناار وكل الي هناك بالعياده كويتيين خذا علي 4500 دولار هو يقول مفروض 5000 دولا بس برخص لج
وعليه المستشفى والتحاليل ونمت بالمستشفى يوم

بس خشمي مرفوع يقولون ينزل حتى الي هناك الكويتيين البنات يقولون ينزل ويتغير في وحده تقول كل اهلي مسويين عنده
يوه بنات صغار هم فيه بعد اعمارهم 17 مسويين عنده

طيب حاليا لما يشيل الجبس احكم على خشمي ولا يتغير بعدين كليييا

 

[$نرجس$]

اهم شي خشيمي ونتيجتي خل يخزون مني لباجر اصلا لو تكونين طالعه بدون شي ملفت بيخزون بيخزون يعني وضع ايزي
والله باقي اسبوعين ع عمليتي اذا سويتها ثالث يوم بداوم والي تسالني انتي مسويه خشمج بغثها وارفع ضغطها واقولها لا اعوذ بالله بخليها تشك بنظرها خخخخخ

ههههههههههههههههههههه والله انج صااجه الخز عجيييييييب بكل الحاالااااااات

 

[حلوة سبيشل]

انزين بنات صحيح بعد العمليه الوحده لازم اذا طلعت حتى لو شمس خفيفه تحط كريم حمايه من اشعة الشمس وشلون يعني نحطه عالخشم ؟

 

[Dreamy G!rl]

قوتشي انتي مثلي انا الجبس علي صارله 5 ايام ويوم الاحد قال بيشيله

انزين بنات انا اكل شبسات وخرابيط وعلي الجبس وفالتها على كيفي عادي ؟

احد يفيدنا

لا تاكلين شي يابس و اكلي اشياء صحية نصيحة و الله عشان يلتئم الجرح بسرعة
شربي عصير برتقال طبيعي و حليب و عصير اناناس و اكلي فاكهة سهلة المضغ
و اكلي عسل مع ماي دافي كل يوم ع الريج :eh_s(15):

 

[Dreamy G!rl]

بنات انا لي 9 شهور من سويت خشمي
هذا الشهرين احس خشمي كبييير !!!!!!!
كان صغيروووون
بس هالشهرين كبييير بالمره
طبيعي ؟؟ بيرجع يصغر ولا شنو !

نطري بعد سنة عادي يمكن خشمج دهني و يحتاج ياخذ فترة اطول
الصبر زين :eh_s(15):

 

[Dreamy G!rl]

لاتلبسين نقاب ديري بالج انا كنت مفكره البس ماسك مال المستشفيات وحجة بحاجه بس قالتلي وحده بالدوام مسويه خشمها ديري بالج تلبسينه بيصير خشمج عوي وانتي بكفيج عاد من يومها قلت طز والله بروح جذي والي يقولونه خل يقولون لما يشبعون
باجر بييووني ويسالوني وين سويتها وبجم وعطينا رقم الدكتور حزتها العين بالعين والسن بالسن والبادي اظلم خخخخخخخخ

النقاب مو مشكلة بعد شهر بس تخففين الضغط عليه او تلبسين النقاب السعودي
بس المشكلة انا مو متنقبة اشلون البس نقاب ههههههههه
صح صح كلامج بييون يسألون بس عاد انا نحاسة ما اعلم

 

[ليلو جبريت]

دريمووووو قوليلهم طايحه على خشمي

 

[Dreamy G!rl]

هههههههههههه ليلو قوية الجذبة منو يصدقها الحين

امبيه بنات ويهي جني نمر و الله هههههههههه
كل ماشوف ويهي بالمنظرة اخترع اذا بطلع جدام الاوادم اشلون لازم اراعي مشاعر الناس
عشان ما يخترعون عبالهم نمر مهدود

 

[ليلو جبريت]

سويتي تجميل ؟؟؟

 

[البوه الحلوه]

بنات في نقطه مهمه محد اتكلم فيها

الحين لما الدكتور يقص الانف من الجوانب كيف الندبه مبينه ولا شلون

والله فشله عند زوجي يشوف وجهي مقصص

 

[ليلو جبريت]

حبوبه الي اعرفه يكون في خيوط وتروح

ما ادري غرز

 

[Dreamy G!rl]

شوفوا هالصورة بعد العملية و بعد ما انشال الجبس
يعني عادي لحد يخترع لما ينتفخ الخشم

و هذي صورة وحدة و خشمها امجبس

اهني بعد ما انشال الجبس بيوم و الغرز

و هذي بعد

قبل العملية

بعد الجبس ب 6 اسابيع

و هالصورة اتوضح لكم اشلون يسوون العملية