تـجمـع 8 كيلو بمده آسبوعين منو تبي تنظم ؟ الاثنين 12-4

[Blonde B]

انا بنظم معاكم
اسمي / ادمنت حبك
الطول / 154
الوزن /63
الهدف / 53

ريوقي اليوم توست اسمر مع جبن لايت و جاي ( الساعه 6 الصبح)
والساعه 8 شربت قلاص ماي
والساعه 9 ونص كلت خيار
هذا لي الحين اللي كلته
وان شاءالله بشبك بعدين واكتب لكم الغدا والعشا

آهلآ آهلآ
:eh_s(6):
الله على النشاااط
الله يوفقج

 

[كيكه توفي]

موفقين انشالله

 

[حرم_طيار]

انا بعد معاكم من فضلكم

الاسم: ام ليون
الطول:1,55
الوزن:64
الهدف:55

 

[حبـ admant ـك]

راح اكمل لكم امس تغديت نص ديايه مشويه مع سلطه

والعشا لبنه وزعتر و جاي

واليوم الصبح سندويج اسمر وجبن وجاي نفس امس

وبحاول اليوم اسوي رياضه على الاقل نص ساعه اذا قدرت

 

[Shade]

أمس الساعة 1 الظهر أكلت روب قليل الدسم

والغدا أكلت ربع دياية + خضروات مفيوحة + كوبين شوربة

المغرب أكلت فواكه

اليوم الصبح شربت نسكافيه مع حليب

الضحى شربت نسكافيه مع حليب + قطعتين شابورة سمراء

ونفس أمس الساعة 1 راح أكل روب أكتيفيا ( عشان ما أنفجع عالغدا... غدانا الساعة 3 العصر )

والعشاء نفس أمس فواكه

 

[حرم_طيار]

اول ما قعت من النوم شربت ماي

بعدها كليت تفاحه

المغرب شربت كافيه لاتيه مال تروبكانا سليم

وكليت كميه كبيرة من الخيار يقولون ما يمتن

 

[اشتياق]

يصير أدش معاكم

اسمي:شواقه
وزني:86
طولي:163
هدفي 70 راضيه فيه

 

[حرم_طيار]

هلا بنات وينكم

اول ما قعت من النوم كليت تفاحه
بعدها طلعت رحت المهلب شربت موكا من كوستا
بعدها المغرب كليت شيش طاووق

 

[شوشو الشقيه]

يسلمو
غريبه
انا اكلي اليومي
جذي
كل يوم لازم روب
شيء اساسي عندي

عيل بشترك معاكم
حطوني
معاكم
ههههههههههههه
الوزن 55
الوزن المطلوب 48 واكثر

طلبوا اني اكون نفس زوجه باباي في الرسوم المتحركه واايد حلو جسمهاااااااااااااااا
عظم ملبس جلد فقط
حلم حياتي
خاطري اكون نفس زيتونه

الطول بصراحه ما عندي القياس
بشترك اليوم
انا معاكم
رجيمكم واايد حلو
بس انا كل يوم اكل نفس اكلكم بس ما ضعفت
بس بجرب معاكم
من اختكم شوشو الشقيه
تاريخ 16

 

[شوشو الشقيه]

نصيحه يا بنات
الي تقول تشرب شاي اخضر
انا بصراحه جربته
شاي الاخضر
خطر
تره يسوي قرحه في المعده
والله اني استخدمته قبل شهرين
صابني الم في بطني
لدرجه ما خطيت عتبه المستشفي
الا انا مرجعه كل الاكل الي في بطني
قمت ارجع بدون حواس
لدرجه كنت بموت الله يعلم
قالوا لي بيعطوني ابره
قلت لهم
لا
لاني اخاف من الابره
هههههههههههههههه
ساعات اكون عنيده ومخي يابس
بقيت اسبوع ما اقدر احط في فمي شيء
اخاف من الاكل كل ما اشوف الاكل اهرب منه

بعدها والحمد الله

من كذا انتبهوا يا بنات من شاي الاخضر

وبنت عمتي كذا
صابها الم في بطنها يوم كشفوا لها تبين انها تشرب شاي الاخضر
الصبح
دله كامله
ههههههههههههههههه


من اختكم شوشو الشقيه

 

[Shade]

أمس تريقت نسكافيه مع حليب


والضحى شربت مرة ثانية نسكافيه مع حليب

الغدا أكلت خضروات مفيوحة مع حمسة دياي وملعقتين فيتوشوني ( ما قدرت أقاوم لذيييييييذ )

بصراحة المغرب بدعت بالتخربط لأن طلعنا رحنا الأفنيوز وتدرون هناك لازم أكل ... بس أكلت سلطة سيزر مع مولتن كيك

يعني أمس بصراحة كان خرابيط

بحاول اليوم ألتزم إن شاء الله ... الله يستر لأن اليوم عندنا زواره

اليوم


تريقت كالعادة نسكافيه مع حليب

 

[حرم_طيار]

اليوم اول ما قعت شربت ماي

بعدها تريقت كافيه لاتيه +نص خبزة شعيرة مع لبنه خالي الدسم و فيها اشوي زعتر

 

[Crispeya]

أنا معاكم اذا في مجال انا بلشت من اليوم
الطول : 161
الوزن :65.5الهدف : 60 وودي حدي ب 58 لوول
اليوم الريوق كان 2 توست مع جبن + عصير أناناس
سناك الضحى 2 كوكيز صغار قليل السعرات الحرارية
و الغدا واللي اهوه العشا بنفس الوقت p: 2 همبرجر + توسته وحده + خس

 

[Shade]

بنات اليوم الصبح أول ما قعدت من النوم وزنت كنت نزلة كيلوين


الحمدالله ... وعقبال ال 4 كيلوات اللي ودي أنزلهم بعد على صحة وعافية يارب

الريوق اليوم كالعادة كوب نسكافيه مع حليب

والضحى مرة ثانية نسكافيه مع حليب وقطعتين شابورة الرجيم

 

[مسس كارميلا]

ربي يوفقج يالغاليه
بس ودي اسالج احس وايد اكل لو اكله كل هذا حده ما ينزل وزني
الاني انا قريب من اكلج
يعني الصبح توست وسلطه
سناك نسكفي
الغدا مشوي او توست و برقر وسلطه
والعشى ماكوو الاني اتغدا بين المغرب والعشى
او ارحل الغدا للعشى
هم الوزن مو راضي ينزل اهي اهي

 

[78MariMar78]

موفقين ان شاءالله

 

[خالده الفارس]

قوه يا بنيات ....

بما أن ما في أحد ما يحب الرشاقة ...
أنا معااااااااااااكم حتى لو الوزن اللي محددينه ما يشملني
عموماً اسمي / خالده الفارس
الطول / 156
الوزن /78
الهدف / 70
انشاء الله اوصل ...
ماي سستم ....

الصبح بطل ماي صغير ...
أطلع الدوام اوصل ...
عالساعة 9 او 10 حليب (كرواسان .... لا تطقوني )...
الساعة 12 تفاحة + نسكافيه
وهم بعد على طول أشرب مااااااااااي
بعدين مافي أكل لأني الساعة 3.30 بالنادي لي 4.45 على فكره ما أشرب ماي ولا آكل لأني إذا شربت ماي قبل اللعب أو وأنا ألعب ما أقدر أكمل التمارين
أرد البيت أتسبح اشرب ماي أصلي ....
أتعشى.... تقريباً الساعة 7.30
لي بالليل ... وأنام....
بس يوم الجمعة طبعاً يوم مفتوح عشان الغداااااااااااااااااااااااااااااا ....

وشكراً

 

[شيخة الغراشيب]

بالتوفيق يالغاليات وان شاءالله كلنا نوصل للوزن المطلوب

 

[ZajiL]

الله.. ما شاء الله تبارك الله.... الرجييم رووعه

 

[OM-Saad]

انا ابي اضعف مثلكم