تـسـلـمـيـن عـلـيـهـم واهـمـا قـاعـديـن ؟ . ؟ . ؟

[أصدق شعور]

بسم الله الرحمن الرحيم

السلام عليكم ورحمة الله وبركاته


.
.
.
.
.

بناات منو الناس اللي عاادي تسلمين عليهم واهما قاعدين ؟؟؟ ولو خالتج او اختج الكبيرة ماقاموا لج اذا جيتي بتسلمين عليهم عاادي؟؟ ...

او كم اعمارهم اللي عادي تحبينهم واهم قاعدين ....


في شغله خلتني اطرح هالموضوع .......... وبانتظار الردود ...........

 

[((لاموووووغ))]

اولا وناسه انا اول وحده ارد عليج ..
وناس الي اسلم عليهم وهم قاعدين كبار سن مثل خالي كبير جدتي ..
واذا خالاتي ماقامولي عادي لهم الحق اجي واسلم عليهم ..
اما اذا مرت خالي او بنت عمي الخ .. ماقامت لي تسلم والله مااسلم لو شنو لانها مااحترمتني ..!

 

[وجدان الكويت]

اي وحدة كبيرة بالعمر مارضى تقوم تسلم علي انا اسلم عليها واهي قاعدة

 

[!LoSha]

انا بالنسبة لي عادي اسلم على اللي قاعدين اذا كانو اكبر مني
اما اذا بنت خالتي وتقريبا نفس العمر لو شنو ما اسلم عليها اسكب عليها طاف ماهمتني
وثانكس على الوضوع

 

[أصدق شعور]

حلوو حلوو .........


كملوا ...........

 

[$الـــحـــلاوه$]

اي وحده كبيره بالعمر
خالتي عمتي او اي وحده كبيره

 

[~ miss NERD ~]

عمامي و خوالي و عماتي و خالاتي و يدي و يدتي .. و اللي اكبر مني طبعا
.. بس اذكر مره كنا معزومين على غبقه و انا و بنات خالاتي يعني من طقة 15 -17 ما كنا نروح نسلم على الحريم .. كنا ننطرهم اهم اللي ايوون يسلموون مع انهم يصيرون لنا .. بس مادري ليش سوينا جذي:/
يعني بالاخير على حسب الشخص =)

 

[عاشقه مودي]

علي حسسسب لو كانت الي قاعده كبيره بالعمر والا حتي بنت صغيره كبري بسسس فيها شششي يمنها والله أعذرها الا غيره تقوم تسسسلم والا مو لازم :eh_s(6):

 

[shAhoOody]

و الله آنا أسلم على الكبيرة بالعمر و عماتي و خالاتي

أما إذا كانت كبري و أي وحدة من الجماعة قاعدة

أعطيها طااااف و الله ما تهمني عجبها عجبها ما عجبها طق راسها بالطوفة .. سوري منفعلة شوي ههه


مشكوورة أختي ع الموضوع الحلو xD

 

[Ibtisama]

اللي من جيلي لازم تقوم لي لمن ايي اسلم عليها ..اما الحريم الكبار اللي بحسبت الوالده لا طبعا عادي لو ما تقوم لي اجندس عليها و اسلم

 

[M!$$.3NoNa]

موضوعج حلو

انا اسلم ع الي اكبر مني يعني الي بحسبة امي ولا جدتي مارضى انهم يقومون يسلمون علي استحي صراحه احلف انها تقعدون

بس اذا وحده من سني او اصغر مني او اكبر من بشي بسيط يعني بنفس االعمر تقريبا اسلم بيدي اذا ماقامت !!الي مايحشمني ماحشمه وزين مني اسلم بيدي بعد لووول


بس غلط المفروض اذا حد ياج يسلم عليج المفروض اني اقوم له ولي ماتقوم هذي فيها قلة سنع ,,

 

[جروحي انزفت]

عادي حبيبتي اي وحده اكبر مني حتى لو بسنه اسلم عليها وهيا قاعده
اما بنات خالاتي او عماتي نو لو شنو ما اسلم عليهم
ثانكس عالموضوع

 

[Tutti-Frutti]

كـل الـلـي اكـبـر مـنـي عـادي اسـلـم عـلـيـهـم واهـمـه قـاعـديـن
وهـم الـلـي كـبـري .. بـس عـلـى حـسـب الـمـوقـف .. يـعـنـي اذا مـا قـدروا يـوقـفـون بـوقـتـهـا ومـو مـتـعـمـديـن عـادي
بـس الـلـي اصـغـر مـنـي لا .. مـو حـلـوه

 

[Eva-SS]

اذا مرا كبيرة او وحده مريضة اوكي اسلم عليها وهي قاعده بس اذا مافيها شي بس مو مشتهيه تقوم تسلم اعطيها طاف جني ما شفتها ومرات لما اجي بسلم وقربت شفت اللي بسلم عليها ما وقفت اوقف عن راسها ليما تقوم لي ولا بلاها مالا داعي ماتبي تقوم مو لازم اسلم عليها خخخخخخخخخخخ

 

[وهج الخير]

اذا مريت واهما قاعدين وآنا مثلا من وراهم يايه واهما على نيتهم ما انتبهوا اسلم صغار كبار عادى يعنى ما انتبهت انزل اسلم عليها وافترض حسن النيه بالعكس احس انا احسن ابديت السلام والنيه الله اعلم فيها

 

[sweet dashttya]

انا بصراحة اهلي سواء كانت كبيرة او صغيرة اول ما ايي اسلم عليهم اهما يقومون لي معني ما ارضى

بس شفتوا الاحترام نادر بالهزمن جذي

 

[غربــــة اِحساس]

الحريم الكبار بالسن اسلم عليهم واهم قاعدين طبعا الي يصيرون لي واعرفهم ويعرفوني

اما الي من عمري او اكبر بشوي اذا ماقاموا اصافحهم او اسلم بالكلام

والي ماتقوم لي ماتشوف شر ..

 

[الأميرة نوره]

العجايز فوق ال55 سنه << تكون جده يعني << ادنق لها
اما الباجي اللي مايقوم لي .. امدلها ايدي بس ماادنق لها وابوسها << تخسي ههههههههههههههههههههههه

 

[اروى77]

شنو الشغله اللي خلتك تطرحين الموضوع>>>>>>>>فضوليه

 

[النهج الاسمى]

الحريم الكبار بالسن اسلم عليهم واهم قاعدين طبعا الي يصيرون لي واعرفهم ويعرفوني

اما الي من عمري او اكبر بشوي اذا ماقاموا اصافحهم او اسلم بالكلام

والي ماتقوم لي ماتشوف شر ..

__________________