بنات ادعولي :eh_s(2):
حدي متضايقه الحمدلله على كل حال :eh_s(2)::eh_s(2):
:eh_s(2):
اليوم سويت سونار وطلع الرحم عندي مفتوح على شكل 7 بالعربي :eh_s(2)::eh_s(2):
:eh_s(2)::eh_s(2):
وقرر الدكتور يسويلي ربط باجر
وماعطاني امل يقول الامل بالله لان الربط يمكن بس يمكن يشيل البيبي بس 3 اسابيع
خلقة عنق الرحم عندي صغير ومايتحمل :eh_s(2):
ويقول الربط مو حل بس الله كريم ويجعله الله سبب وحل لمشكلتي
منو مثلي او سمعت بجذي رحمها مفتوح وربطت :eh_s(2):
في بنات يربطون بس مو مثلي انا مفتوح خالص يعني مادري الربط بينفعني والا لا
يارب ياكريم ياذا الجلال والاكرام تثبته:eh_s(2):
هلا قمر الكويت
سبحان الله انتي من كلااااامج نفس حالتي ..
وبعد انتي بنفس الاسبوع اللي انا سويت فيه الربط
اول شي بعرف وينه دكتورج بالاسبوع ال12 وال13!!!!
ليش ماشاف اذا عندج قصر او لا وسوالج العمليه
لانه العمليه حدها اذا متاخر اتسوينها بالاسبوع ال14
وانتي مثل ما انا شايفه انج بالاسبوع ال15 !!
انا سويت العمليه بالاسبوع ال15 متاخر حييييييل
بس لانه كان فيه سبب كان عندي دم متجمع بالمشيمه
والدكتوره قالت لازم ننطر لين يخف وصج نطرنا
لين خف وتقريبا قعدت 3 اسابيع وانا كل اسبوع اروحلها
واشوف اذا خف او لا
واخر شي قالتلي باقي دم شووويه بس لاااازم اسويلج العمليه
الحين لانه حيييييييييل متاخر وسويتها الحمدلله ووضعي تمام
اللهم لك الحمد..
وترا لما سويت العمليه دكتورتي قالتلي عنق الرحم كان عندج مفتوح
وانا اسوي العمليه ..
وقالتلي لازم لازم ترتاحيييييييييييييييييين راحه تاااااامه
ماكوووووو مشي
ماكووو سوق
حتى جمعيه مافي
زواره ماااااكوووو
ع طووووووول خليج منسدحه ع ظهرج وارفعي رجولج بمخده
عشان البيبي يصعد لي فووووق ..
لاتشيلين شي ثقيل
انا حتا جنطة الايد ما اشيلها
اذا بطلع طبعا حدي المستشفى بس اخد فوني معاي بس
و ماااا اشيل اي شي ..
ما ادنق ع الارض
اتسبح وانا قاعده ع كرسي ..
طبعا مااتصعدين درج ابدا ابدا
ماكووو جماع ابدا ..
طبعا دكتورتي قالتلي جذي
تقولي لانه وانا اسوي العمليه العنق كان مفتوح عندج
لو انه مسكر وانا اسوي العمليه جان عادي تروحين وتردين وتسوين اللي تبين
وانا الحين الحمدلله توني امس دشيت السابع ولي الحين منسدحه ع ظهري
بس احسن من قبل قمت اروح زواره طبعا كله قاعده
رحت الجمعيه مره طبعا ماطولت 10 دقايق بسسسس
احس اني احسن اللهم لك الحمد
وماااالج شغل بالدكتور ع كيفه يقولج 3 اسابيع بس!!!!
انتي اهتمي بنفسج وديري بالج ع صحتج ولا اتحركين
وباذن الله مافيج الا العافيه
