&& تـــجــهــيــز آلـــعــــروس (آلــجــزء آلــثــآنـي) &&

[نبض آلخفوق]

مـــــرحبآ شلونكم شخبآركم ....
طبعآ هذآ ( آلبآرت آلثآني ) وانآ افتر بآلنت حصلته وحفظته عندي بآلمفضله وقلت آحطه للعرآيس يستفيدون منه .. طبعآ موضوعي بآلجزء آلأول كآن شآاااااامل كل شي ...بس هذآ للآفآده زود يعني ...يَ آلله بحطه لكم وللأمآنه منقووووووول ...

تجهيزات العروسه من كل النواحي ضروووري لكل عروس الدخول مهم ،،


في البدايه أحب أبارك للعرايس ،، ألف ألــــف مبرووووك و بالرفاه و البنين إن شاء الله










طبعا حبيت أنزل هالموضوع كل شي أعرفه لعيوووووونكم و إن شاء الله بيكون كامل متكامل لكل شي يخص [URL="http://www.hawaksa.com/vb/showthread.php?t=14693"]العروسه [/URL]عشان تكون جاهزه من جميـــــــــــع [URL="http://www.hawaksa.com/vb/showthread.php?t=14693"]النواحي [/URL]لعش الزوجيه و تكون أحلا عروسه ،،

في البدايه ،،
العروس لما تستلم مهرها لازم تقسمه لأجزاء ،، جزء للذهب ،، و جزء للفستان الأبيض مع المسكه و الصالون و الاكسسوار ،، جزء للملابس و الاكسسوارات ،، و جزء للمكياج و العطور ،،،

(( و لازم تحسبين حسابج إذا تبين ليزر ))

*****


سؤال يدور في بال كل عروسه :

&& ..................... متى أبدى بالتجهيز ؟؟؟

الجواب :

&& ..................... أول ما تستلمين المهر ،،

*****

إذا عرسج قريب ابدي أول شي بالفستااااان الأبيض و الذهب و الشبكه ،،،

و إذا عرسج بعيد ،، ابدي بالتناتيف مثل البجايم و اللانجري و الاكسسوارات و غيرها .. عالأقل تخلصين جزء مهم جدا و ترتاحين منه
و طبعا بدوووون لعب لازم تحسبين حسابج عدل !!!

*****

شنو أول شي تبلش فيه [URL="http://www.hawaksa.com/vb/showthread.php?t=14693"]العروسه [/URL]؟؟؟؟؟

العروسه من أول ما تملج و قبل لا تستلم المهر و قبل لا يتحدد عرسها لازم تبدا الاهتمام بنفسها من ناحية
( البشره \ الشعر \ الوزن \ الجسم \ الأسنان \ الليزر إذا فبالج تسوين ....)


فلااااازم نبدا نتحرك و ما ننطر قبل العرس بشهر ولا أسبوعين !!!


طبعا شنو راح تحتاجين يا عرووووسه ؟؟

نبتدي بأهم شي


أولا :

الـــبــــشــــــره








(( الحبوب ))

إذا كان فيج حبوب عالجيهم بأسرع وقت حاولي بكل العلاجات و شوفي أكثر من دكتور
و أنا جربت الروكتان الحمدلله خلصت الكورس قبل لا أملج و افتكيت
و كتبت عنه موضوع كامل و شامل و هذا الرابط للي بتاخذ فكره و تعرف شنو هالعلاج :


الروأكتين لعلاج حب الشباب - مرجع شامل متكامل - هام لكل عروسه و فتاة و من تعاني - حياج




(( السلوليت و السترج ماركس البيضا و الحمرا ))

الكثير يعاني منها بسبب التغيرات في الوزن ،، و لو تدشين قسم الحياة الزوجيه بتلقين شكثر استفسارات عنها ،، و المتزوجات يقولون الرجال ما ينتبه ،،
لكن هذا مو عذر و ما يمنع إن نسنع نفسنا و عشان نسد عينه و ما يتكلم ههههههههههههههههه
طبعا في بقسم العنايه بالبشره خلطة ماي ورد للسترج مارك و موضوع لعضوه جربتها و كانت نتائجها رووووعه أنا شفتها ما شاء الله اختفت الخطوط نهائيا ،،


مع خلطة ماي ورد وجهاز المساج السحري وبـ 3 جلسات قلت حق الخطوط البيضا بيباااااي للأبد ‏


(( البشره الجافه \ الدهنيه \ المختلطه ))

لاااااازم تعرفين تتعاملين مع بشرتج عشان ترتاحين بعش الزوجيه و تسيطرين عليها عدل و ما تواجهين مشاكل مع بشرتج بإذن الله
هم شهادتي مجرووووحه بأحلا كويتيات
في قسم العنايه في البشره تجمعات رائعه للبشره

(( نعووووووووووومة و توحيد لون الجسم ))

طبعا غير و قبل برنامج العروس
تبدين بالبيت

اللي تقدرين تسوينه بالبيت إنج عالأقل مره أو مرتين في الأسبوع تنقعين جسمج بزريت اللوز المر لمدة ساعة إلى ساعتين و تتسبحين عقبها
+
تستعملين خلطه صابونيه تسوينها بنفسج أو تشترينها من عضواتنا العزيزات
للأمانه جربت خلطة ماي ورد تجنن ،، و إختي جربت خلطة مزيونه و شقره
هالخلطات رووووووووعه بمعنى الكلمه تنظف بشكل مو طبيعي و تفتح مع الاستعمال اليومي أو عالأقل 4 مرات بالأسبوع
+
خلطة الجولسليد للجسم حتى للمنطقه الحساسه
* مكوناتها *
كريم جولسليد - زيت اللوز المر مع الكركم - زيت الجلسرين - ليمون أو زيت الليمون ،، للأمانه استخدمت زيت الليمون

هالخلطه تعطيج نعووووووووووومه خيااااااااال
تخليج حريــــــــــــر

+

سنفره
من النوع اللي تحبينه

+

ملح الحليب

بهالطريقه مع الاستعمال بتصيرين زبده و حتى الشعر اللي تحت الجلد بيروح
طبعا مو كل البشرات في بشرات تحتاج ليزر أفضل


(( الركب و الأكواع و لون المفاصل ))


الحمامات المغربية و السنفرات و ملح الحليب و الخلطات أو الكريمات الموثوقه
تبدين فيها على طول
و حاولي تعودين نفسج ما تتراكين عالأكواع عشان تخف و رطبيها على طول

(( لون المنطقه الحساسه و بين الفخذين ))

امنعي الاحتكاك عن طريق لبس شورت و لازم ملابسج الداخليه تكون قطنيه 100%

+

ابتعدي عن نزع الشعر بالموس و تعودي عالشيره أو الليزر براحتج بس أهم شي ابتعدي عن الموس ههههههه

+

الترطيب
خلطة الجولسليد اللي كتبتها رووووووووعه ترطب و تفتح مع الاستمرار

+

خلطه صابونيه

+

استخدام كريمات أو خلطات موثوقه
ديروا بالكم هالمنطقه حساسه مو أي شي تجربونه و تزيدون الطين بله

+
غسول للأماكن الحساسه

(( آثار الحبوب أو الجروح ))

السنفره اللي متعوده عليها
+
خلطه طبيه أو كريم موثوق
** أتعب و أنا أقول موثووووق ،، عاد الوجه ديري بالج عليه حرام تخربينه بتتعبين بعدين **


و في خلطة وصفتها لي الدكتورة نورة الصليلي للآثار و تفتيح البشره
و طبعا على كلامها هالخلطه تنفع لجميع مناطق الجسم و آمنه عالبشره إن شاء الله
و أعتقد هالخلطه مشهووووره

( خلطة الرتن أي )

كريم رتن أي ( مقشر ) + إلدكوين ( مبيض ) + بيرديرم

استخدمتها للإيدين لمدة أسبوع فتحت إيدي ،، و بعدين لهيت و تركتها
و الحين برد أستخدمها إن شاء الله

(( نضارة البشرة ))

عن طريق العنايه و السنفره و الزيوت الطبيعيه و التفتيح إذا تحتاج و الماسكات
و من أكثر الماسكات اللي أحبها
ماسكات الروب :
روب مع طحينه اللي اهي هرده مع عسل مع حليب مع ماي ورد المهم فيها روب تمشي ههههههه


(( الليزر ))

شوفي نفسج من البدايه إذا تحتاجين أو تبين ليزر ولا لأ ؟؟؟
و ابدي جلسات على طول
خليج حار بحار هههههههه

و نصيحه مني بنات ...
لااااااا تيأسوووون و خليكم على طول متابعين قسم العنايه بالبشره و الجسم

*****
ثانيا :

الشــــــعـــر






ابدي بالزيوت عشان تريحين الشعر إذا كان متقصف و ناشف
+
إذا شعرج خشن جربي الريلاكس أو الكيراتين
** أرشح صالون لافينوس للتمليس روووووووووووعه **
+
إذا فبالج قصه أو صبغه جربيها مبجر ولا تصبغين مية صبغه و تقطعين شعرج

*****

ثالثا :

الأســـــنـــان






(( إذا تبين تبيض \ حشوات \ و أي شي يتعلق بالأسنان ))

*****

رابعا 0

الــوزن و الجــــســم





(( تشوفين جسمج إذا مرتاحه فيه أو محتاجه تمتنين أو تضعفين ))


*****

(( ملاحظه : كل شهر أو كل ما تحتاجين سوي بدكير و منكير خصوصا للأرجل عشان تطلع واااو ))


الحين خلصنا جزء العنايه الشخصيه الخاص فيج يا عروس


التجهيز ليوم العرس ...


الفستان الابيض




لما يتحدد عرسج على طول اخذي لج فره على كل المحلات و المصممين عشان تاخذين فكره عن الموديلات و الموضه الدارجه و الأسعار ،، و تشوفين الكتالوجات ،، و تعرفين شنو المستوى الدارج و الموديل اللي تبينه و عجبج أكثر شي ،،

شوفي شنو اللون اللي تبينه أبيض ولا اف وايت ؟؟
موديل الطرحه ؟؟
الاكسسوار ؟؟



المصمم لازم يكون ثقه ،،
سواء الفستان لك أو أجار
عشان ما تتوهقين و يجيبون لك الفستان ملبوس قبل عرسج بليله و مخربين القياس ،،،


و إن شاء الله ما تصادفين هالمشاكل و تكون بدلتج أحلا بدله



المسكه







طبعا تفصلينها مع الفستان الابيض و لا عقب ما تطلعين نفنوفج حسب موعد عرسج إذا قريب و لا بعيد ،، أو إذا مصممج نفسه يسويلج المسكه مع الفستان....​

و حلو إن المسكه يكون فيها ورد ،، لأن شكل العروس ما يكمل إلا بالورد اللي بإيدها ...

الميك أب + التسريحه






لازم تاخذين فره على صالونات و فنادق البلد عشان تشوفين شغلهم و معاملتهم شخصيا ،، و تروحين عالحزه اللي يكون فيها الزباين مخلصين عشان تشوفين الشغل ع الطبيعه يعني عالساعه 5 أو 6 ،،

حطي مكياج يناسب عيونج و أهم شي يكون كحل حول العين و الرسمه مرتبه و الألوان تناسب مسكتج و نفنوفج ،، و بعدي عن الإبداع في الرسمات و الفتحات يمين و يسار المبالغ فيها ،،

و أحلا لون حمره لشفايف العروس

وردي \ فوشي \ مشمشي \ أحمر ،،،،
أقصد ألوان غير شاذه
و ما أحبذ البنفسجي الغامق عالعروس حرام ليلة العمر هاللون كلش ما يلوق لعروس ...


نصيحه ​

قبل لا تبدين مكياج قولي للصالونه شنو تبين بالضبط بالتفصيل ،، عشان لا تلعب فيج و تطلع ابداعاتها ،،،
و التسريحه لا ترضين بأي شي ،، عدلي و بدلي ليما يوصلون للشكل اللي تبينه ،،،​

الذهــــــــــب​

تختلف الأذواق في الذهب ،، البعض يفضل الذهب الأبيض و الآخر يفضل الذهب الأصفر ،،،
و كلنا عارفين يا بنات إن مهما امتلكنا من الذهب فإننا نرجع للاكسسوارات لتجددها الدائم و موديلاتها الرائعه ،،،

و في دقات غريبه تسلب الألباب و راقيه للذهب ،،
و حاجة العروس للذهب حسب مجتمعها ،،
أنا إن شاء الله راح أشتري طقمين ناعمين ...

و حلاة العروس تزهى بالذهب في أول زواجها ،،،
ولا شرايكم يا حلوين ؟؟

الســـاعـــــات





تحتاجين لساعه ماركه عالأقل وحده حسب ذوقج ،،
الأغلب يحتوون ألماس ،، و هذا اللي أفضله شخصيا للتميز ...
و ساعة ليلة العرس تكون راقيه و ناعمه و تتميز بالكريستال ،،،​

و أخيرا و ليس آخرا ...

حــذاء ليــلــة الـعمــر​

لازم يكون مريح
و طول الكعب مناسب لطول النفنوف و أهم شي لطول أبو الشباب المستقبلي
و لازم تتدربين عالمشي فيه إذا كان طويل ...​

​

 

[نبض آلخفوق]

لترتيب أغراض [URL="http://www.hawaksa.com/vb/showthread.php?t=14693"]العروسه [/URL]...


أولا​

طقم الحقائب​

تاخذين طقم حسب كمية تجهيزج و هالجناط راح يكونون لج بعدين للسفر مع الحبيب إن شاء الله



ثانيا


ستاند المكياج







تاخذين ستاند للميك أب عشان ترتبين أغراضج عالتسريحه ،،،
تلقينه في محلات تغليف الهدايا و في حريم يغلفون الستاند و يضبطون معاه علبة الكلينكس و سلال و صندوق و غيرها عشان يطلع فنتق



ثالثا


أطقم \ جناط \ ستاندات الاكسسوارات


و شوفوا هالأفكار و الشغلات الحلوة ...




































تلقين هالفناتق للقلايد و الخواتم و الأساور بأماكن كثيره ،،،
مثل سنتر بوينت و سيتي وشغلات نايس للاكسسوارات ،،،​

رابعا


العلاليق و المقسمات و الأكياس​

تلقين هالشغلات بنفس الأماكن اللي ذكرتها لعلب الاكسسوارت بالإضافه إلى ايكيا ​

 

[نبض آلخفوق]

عوده مع نصائح بسيطه لأحلى عرايس
مهمه جدا لحياة زوجيه سعيده إن شاء الله ...​

​

احرصى على ان يحب زوجك اهلك ويحترمهم
وخصوصا والدك ووالدتك واخواتك
ثم بقيه الاقارب


لا تخرجى من البيت ابدا
الا بأذن زوجك
حتى لو كان الخروج من اجل العمل​

احترمى زوجك واعطه مقامه وافخرى به
وحافظى دائما على برستيجه
امام كل الناس


احذرى ان تشتكى زوجك لاحد مهما كان هذا الشخص قريب منكم


الرجل لا يحب المرأه العنيده
فلا تتشبتى برأيك مهما كان هذا الرأى هو الصواب <<<< إن شاء الله يطخ و يفهم هههههه


عيشى مع زوجك على قدر دخله
مهما كان هذا الدخل


احبى اهل زوجك واحترميهم يحبك زوجك


كونى دائما جميله لزوجك
له وحده وليس للناس


احفظى اسرار زوجك واسرار بيتك
حتى عن اقرب الناس اليك


اطيعى زوجك دائما فيما يرضى الله
ولا تعصيه الا فيما يغضب الله


كونى بشوشه بقدر مااستطعتى
فالرجل لا يحب الزوجه النكديه مهما كانت


اهتمى بالتفاصيل الصغيره التى تصنع الحياه
مثلا ان تقولى تصبح على خير
او مساء الخير او حمدالله على السلامه الخ


لاتسرفى فى تدليل زوجك حتى لو كنت
غارقه فى حبه لان الشى اذا زاد عن حده
انقلب الى ضده (( خلج معتدله هههههههه))


كونى خفيضه الصوت ما استطعت فجميع الرجال لا يحبون النساء ذوات الصوت العالى


حاولى ان تقومى من النوم قبل ان يستيقظ زوجك
حتى لو اقتضى الامر ان تواصلى النوم بعد خروجه​

و الحين تكمله لـ ...



المنظمات لترتيب أغراض و غرفة العروس​

المقسمات


و تنفع حيـــــــل لأدراج الملابس الداخليه و الجوارب و حتى الشباصات
لأن هاذي الشغلات يومية الاستعمال و مهما ترتبينها ممكن بيوم واحد تتعفس
فهالمقسمات مريحه جدا و تعطي شكل أحلى و أذرب







حامل حقائب اليد


هم شغله مهمه جدا جدا لأن ما شاء الله الجناط تبي لها مكان و لازم تحافظين على ترتيب غرفتج و ما تلعوزج بالترتيب
و في بعد بسوق الصفافير علاقه حديد نفس علاقة التراجي بس للجناط روووعه







منظم للاكسسوارات


عجبني بصراحه ،، حده حلو لأدراج التواليت ينظم بشكل مو طبيعي و استعماله حلو







بوكسات الكرتون


تنفع تحطين فيها شغلات كثيره لا تعد ولا تحصى ،، خصوصا لما تودين الجهاز و بعدين تستعملينها لحفظ الأغراض






أكياس حفظ الملابس


مهمه جدا جدا جدا
و في طريقه حلوة عشان ترتبين جنطة التجهيز عشان ما تتعفس الملابس
إنج تاخذين كيس و تحطين داخله كل الدراريع و تصكرينه و تحطينه بالجنطه
و كيس مثلا للعبي ،، و اللانجري و غيرها ...



​

ترتيب العطور & المكياج​

في الستاند المدرج الشفاف ،، و تقدرين تستخدمين سله كشخه و ناعمه ،،
أنا ناويه إن شاء الله فبداية العرس أحطهم عادي عالتواليت بعدين أستخدم سله ،،،


و في سلال بأحجام مختلفه تقدرين تستخدمينها لأدراج التواليت عشان ترتبين مكياجج ،، لأن الستاند أصلا ما راح يكفي ههههه
و تحطين فيها أصباغ الأظافر بيطلع شكلهم كيوووت



​

 

[نبض آلخفوق]

التجهيز لثاني يوم (( صباحيه \ مسائيه ))​

الأشياء اللي لازم تجهزينها لهذا اليوم

الفستان طبعا
تاخذين جاهز ولا إيجار ولا تفصال
اللي يعجبج و يريحج

+

الاكسسوارات
و الذهب \ الأطقم اللي شريتيهعم


+

الساعه

+

اكسسوار الشعر



+

الحذاء

​

​

 

[نبض آلخفوق]

حجز الصالون
(( مهم جدا ))






عشان ما تتوهقين لما يكون في زحمة و يقطونج من وحده لي وحده ولا ما يستقبلون العددد فل
فالأفضل تخلصين حجزج قبل العرس عالأقل بأسبوع حسب مواعيد الصالون


التصوير
فيديو + فوتوغراف






حجزي مصورة تعرفينها أو شايفه شغلها و سمعتها طيبه ،،،
هذا أهم شي


العشاء \ استقبـــالج






الفستان+ الاكسسوارات + الحذاء​

البـــجــايــم
قطن + حرير​

بجايم الحرير تحتاجين منهم عالأقل 3 ...
و موديلاتها كثيره و متنوعه ،، في منها الشورت \ قطعتين حفر \ طويل \ 3 قطع مع روب ....
تعجبني بجايم الجميع موديلاتهم واجد و الوانهم حلوه ...


بجايم القطن كثري منها على قد ما تقدرين
لأن اللي سمعته من كل اللي المتزوجات اللي أعرفهم إن القطن هو الأكثر استعمال و راحه في البيت
و طبعا الموديلات عذااااااب و كثيره لا تعد و لا تحصى ،، و قسمي شغلج بحيث أكثر شي يكون شغل دلع و سبورت ،،
نختصر بأهمها : الفستان القصير ، الشورت ، البرمودا ....
و لا تنسين تحسبين حساب الدوره تكون عندج بجامه مريحه و مناسبه عالأقل ثنتين


روب الحرير







موديلاته ناعمه و الألون هاديه مناسبه للعروس
من لحمي \ أف وايت \ سكري \ بيج \ بنك \ إلخ ........
أعتقد 2 كافي
و في موديل قصير و طويل ...​

 

[نبض آلخفوق]

روب الحمام







في موديل العادي و في الكت
و في الطقم الكامل مع الفوط و يجي روب لعريس الهنا
(( حلو الطقم عشان الفوط يصير شغلج كامل ))
أول صلاة للزوجين في أول ليلة ...​

فى أول ليلة تجمع بين الزوجين يصليان معاً ركعتين يؤم فيها الزوج زوجته وبعد الأنتهاء من الصلاة يضع يده على رأسها ويقول ..


(( اللهم إني أسألك خيرها وخير ما جبلتها عليه وأعوذ بك من شرها وشر ما جبلتها عليه )) .​

*****


إن شاء الله تكون أحلا ليلة لكم في العمر
و يعطيكم خيرها و يكفيكم من كل شر إن شاء الله ...


*****


و من أهم الأشياء اللي لااااازم تكون معاج فتجهيزج


المصحف الشريف






السجادة + ثوب الصلاة


​

اللانجري و قمصان النوم​

تحسبين حسابج يكون من ضمن جهازج :
قمصان نوم طويله \ وسط (فوق الركبه) \ قصيره بأرواب \ بدون أرواب
بيبي دول \ تنكري
أطقم حلوه و كشخه
أطقم نفس ألوان بدلج و بجايمج للشقه
أطقم عمليه لنزلتج و للطلعات
شلحات حرير \ قطن \ نص \ قصير \ طويل
سراويل نص قطن
سراويل حفر \ حمالات
أطقم الملابس الداخليه للنوم اللي تجي بأشكال متنوعه \ بلوزه حفر \ شورت \ حفر .....
(( هيلاهوب اللمعه \ المشبك \ أسود ... حسب قمصانج ))



طبعا ما أقدر أحددلج العدد لأنه يختلف من وحده لي وحده
كل وحده تعرف نفسها ،، أهم شي تنوعين بالموديلات و الخامات و الألوان و الأطوال ههههههههه
لأن المتزوجات نصحوني ما أكثر قمصان و ما أكثر من الطويل عشان أشوف ذوق زوجي و شنو يحب ،،
و السوق مو طاير و كل يوم تنزل شغلات جديده و تجنن ،، فعندج المجال تشترين اللي يعجب أبو الشباب ....


و الحين وصلنا لأهم شي لأهم ليله ....


قميص أول الليله






و طبعا ألوانه هي الأبيض و الأف وايت \ السكري
و تاخذين معاه الأندروير و الحماله إذا يحتاج حماله
و الشحاطه (( تلقينها بخمسه عند المحل نفسه ))


*** ملاحظه ***


في عند محلات اللانجري كريم موحد للون مثل كريم الأساس للجسم يعني تحطينه عالأماكن الغامجه و يصير لونها نفس لون الجسم بالضبط (( طبعا في درجات )) ،، و ما يبين إنج حاطه كريم ...
للأمانه ما جربته بس رفيجتي تمدحه ...
و بما إنا تكلمنا عن اللانجري يا عرايس
لازم نتكلم عن ...​

** منتجات رائعــــه للعرائس و المتزوجات **​

هالمنتجات تجنن عذاااااااااااااااب يا بناااااات ،،،
قصدي العطور و اللوشنات و الكريمات و الطعم و السنفرات ...
تلقين القلوسات بالطعم تجنن ،، و كريمات بنكهات مختلفه للجسم و عطورات رووووعه تعجب زوجج
في مجموعة كيك رووووعه لا تطوفكم بنات ...
انقر هنا لمشاهدة الصوره بحجمها الطبيعي. الحجم الاصلي لهذه الصوره هو 813x158 36kb




و طبعا لازم تاخذون شغلات اللوشنز و العطور و الكريمات و الشور جل (( الست و مو شرط كله ))
تنوعون فيهم من المحلات و النكهات و لا تكثرووون ....


عندنا محلات كثيره أنا باخذ من كل محل شغلة عندنا :
بودي شوب
بودي سنتر
ماركس آند سبنسر
زهور الريف
و غيرها .....
و الآاااااان ننتقل لـ ...
ملابس البيت​

لأحلى عروسه







انتي براحتج تشترين بدل من فساتين قصيره \ سكينيز \ لقينز \ شورتات \جينز \ بديات الكت و المشخلع هااا ههههههههههه و بعد ... تنانير قصيره و برمودات اللي تبينه حطي حرتج بهاللبس اللي ما تقدرين تلبسينه برا و الضيج و هالله هالله بالكشخه عاد و تسريحة الشعر الحلوه و العطر اللي يذبح .....
​

الشووووووز​

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 834x170 35kb




طبعا السليبرز بروحهم ولا مع البجايم ((يا حلاتهم))
شحاطات اشقتج ألوان و موديلات نعومه و زنوبه أم اصبع
جواتي \ صنادل للطلعه مع الحبيب تكون كشخه مرتبه و مريـــــــــــحه حطي تحتها 3 خطوط
صنادل و شحاطات للمناسبات و قدام الحريم يعني لازم تكون فل أوبشن هههههههههه
شحاطات لنزلتج عند أهل زوجج ..​

حقائب اليد و الأطقم​

طبعا احنا تكلمنا عن الأحذيه و حبيت أنوه لشغله إن الأحذيه اللي تشترينها مثلا للطلعه تشترين بعضهم بروحه و البعض مع جنطته


و لاااااااازم و مهم للمناسبات يكون أطقم بالغالب ...



و جناط بروحها للتغيير أو مع العبايه


و لازم تراعين الموديل جديد و راقي و غريب لأنج [URL="http://www.hawaksa.com/vb/showthread.php?t=14693"]عروس [/URL]
و العدد حسب ألوان بدلج أو عباياتج ...


و الحين ندخل عالملابس بشكل عام ....​

ملابس الطلعه حسب لبسج بدل ولا عبايات
تحسبين حسابج إذا عبي ما يقل عن 3 يكونون عمليين و ناعمين و وحده رسميه لمراجعه أو طبيب أو جمعيه ...


تحتاجين بعد للمناسبات تحسبين حسابج لعرس \ زيارات \ عزايم تكون شغل و ذربه و راقيه


بدل الاستقبال \ الدراريع
عالأقل 3 ...


اللي ساكنه عند حمولتها
عالأقل 5 دراريع عمليه و ناعمه
و اللي حمولتها يزورونهم ناس على طول تكون دراريع أكثر شغل


و البدلات بعد جهزي لج عالأقل ثنتين



طبعا أول شي لازم تبدين بلبس الاستقبال
الطلعات و العبي


دراريع الحموله


و بالأخير الملافع​

بنات هالشغله مهمه و خليها تكرمين للحمام​

اشتري اللي يتعلق و يرش من نفسه أحلا لما تطلعين من الحمام ترشينه ​

 

[نبض آلخفوق]

العطورات​

الفرنسيه
نصيحه لا تكثرون عالأقل 4 أو 5 و واحد يكون ست كامل : (( أهم شي بودره الجسم \ لوشن \ سبراي للشعر ))
نوعي بين ثقيل و بارد
و بعد اخذي لج من الشايع أو أجمل العطورات الفرنسيه حلوه للشقه خصوصا اللي ريحتها بناتيه و على حلاو ..


العربيه
عطر أو اثنين



دهن العود أعتقد واحد كافي <<< اللي تحب العود غير ههههههههه


و بنات اشتروا من القرشي​

مسك العروس للجسم​

و مسك الطهاره اللي لونه غامج للمنطقه الحساسه​

عطور و مرشات الغرفه و الشقه
في حلوين عند الشايع
و في بعد أكوا يجنن اللي لونه بنفسجي
اثنين كافي مو ؟؟؟


البخــــــــــــور
للشقه \ لج للعزايم
و هالله هالله بالبخور السنع
خلي ريحة البخور توصل لحمولتج عشان يسألونج شنو بخورج ...
خلي ريحتة شقتج خيال على طول
بس مو تخنقين الرجال باجر يصير فيه تنك


الاكسسوارات​

لازم تشترين اكسسوارات


الشقه ،، يكون كيوت و ناعمه
المناسبات مع الوان البدل و العبايات
طبعا مع البدل لازم يكون أطقم اكسسوارات ،،، و طقمين كافيين و يكونون مناسبين لملابسج
و أهم شي لا تنسين ( الخلخال ) للشقه ​

نــــــــكمــــــــل مع محطتنا الأخيره ....


المكياج و أدوات التجميل​

في البدايه حبيبتي لازم تشترين الأشياء اللي انتي متعوده عليها ،، و الأشياء اللي دايم على طول ما تستغنين عنها و تستخدكمينها في لوكج اليومي و في المناسبات ...
و لا تحاولين تشترين أشيا انتي عارفه إنج م راح تستخدمينها أو ما تعرفين لها
إلا إذا كانت ضروريه فعلا لازم تتعلمين عليها


الحين ندخل بالأساسياات​

و راح أرشح لكم ماركات من تجربتي و اللي عندها تفيد يعد فديتكم


كريمات الأساس
يومي و ناعم مع تغطيه حلوه و خفيف ع البشره : نيفيا \ ميبيلين واااااو
ثقيل للجمعات و الزوارات : ديور \ استي لودر​

كونسيلر
أرشح ديرماكول
و في من سمايلنق قلم كونسيلر برغي يجنن للحواجب يضبطهم بشكل مو طبيعي
و اللي عندها حلو بعد تقول لنا


البودره
ديور \ جيفنشي ماتي ميت \ ماكس فاكتور بوطباقه ذهبيه \ نيبو


لمعات و إضاءات
للوجه و تحت العين
(( ماحبهم قبل كنت أستخدهم ))


شارمل \ ميك ب فور ايفر
قلتر من شارمل يجننون اخذوا جلتر نانسي لونه على سماوي يعطي نظره حلوه للوك


إضاءه تحت الحاجب


بلشرات
بدون لمعه عملي شكثر حلوين بكل مكان
موزايييك اللي يجي على إضاءه و هذا الموضه الحين مثل شايمر بودي شوب و بورجوا و بلشرات الهنود و المنصور تجنن


مسكارا


عمليه يوميه : ريميل الحمرا \ الفضيه
قويه و تعطي لوك واااااو : ديووووور بلاك آوت عن تجربه


آيلاينر و كحل داخل العين
محموووود سعيد سواده خيالي بس ديروبالكم إذا طبع الله يعينكم
كحل كريمي مع فرشاة : فور إيفر : اخذوا اللون الأسود و الشذري : و يصلح داخل العين بعد أنصحكم فيه لا يطوفكم بنات
بصراحه أنا اتغنيت عن كحل القلم أحس الكريمي أحلا بواجد
و اللي تبي قلم بورجوا و نيفيا حلوين


كحل و تاتو الحواجب


سمايلنق
مبروك
فورإيفر
طبعا كل وحده حسب لون شعرها


شادو


اللي ما تحب الشدو نصيحه اخذي علبه ألوانها حلوه من نيبو أو رد ستار أو مبروك كافي
و اللي لها بالشادو تاخذ من كل مكاااان هههههههه و شارمل في ألوان حلوه
و لازم تاخذون مخملي و عادي
و لا تكثرون تخمون كل الألوان و تطيح بجبدكم
إذا بالحبات اخذوا ألوان مميزه و تستاهل يعني مثل الأسود الثابت أو التركواز و غيرها


الحمر


حلوه حمر ماك \ سالوران \ قولدن ليدي \ مبروك \ سلفر ليدي
الألوان : أحمر \ عنابي \ مشمشي \ وردي \ فوشي \ لحمي \ أورانج .....


التحاديد


ياااا حلااااة قولدن ليدي رووووووووعه + سمايلنق
بس قولدن ليدي توب


القلوسات


نيفيا \ والحين الحمر كل وحده مع قلوسها


الفرش


اللي تبي تاخذ باليت كامل
أو تاخذين اللي تبينه يعني تعرفين حق شنو تستخدمينه
طبعا فرشة البلاشر
فرشة البودره توزيعها و إزاحة البودره الزايده
فرشة البودره اللي تجي حجم وسط قد محجر العين و تستخدم لتحديد و تنظيف الشكل النهائي للكحل تحت العين
فرشاة الكحل الكريمي تكون حاده و ضعيييييفه عشان تضبط البوز و ثانيه لداخل العين بس ماتكون حاده
فرشة الالشدو الأسود اللي فوق الكحل و تكون نفس فرش السدو ب راسها صغيييير و مدبب يعني مدو بس حاد شويه


برايه + حليب \ مناديل مزيله للمكياج
رموش \ مثبت مكياج \ لمعة الفاكس أو الفازلين


اللي تستخدم كريم جسم للمناسبات [URL="http://www.hawaksa.com/vb/showthread.php?t=14693"]عروس [/URL]و جذي
استخدمي فلورل البرغي + بودرة بف إليزابيث هيلين الخضرا
بتطلعين أحلا من كريم الصالون


سر : على فكره هالبودره تقدرين تستخدمينها للوجه فظيييييييييييعه تعطي لوك مخملي


عدسات
اخذي عدسات مريحه و انتبهي لمدتهم الأفضل ما تقل عن شهرين


الألوان الأساسيه : مهم الرمادي \ العسلي
و اللي يحبون بعد الأخضر و السماوي


+
قطرات العين للجفاف تنحط للعدسات فقط


و أخيــــرا


صبغ الأظافر


ماركه أو مو ماركه كل نفس الشي بس انتي جربي قبل لا تشترين
عندج زويا \ سمايلنق \بي يو



و سلاااااااااااااااااامتكم


تم بحمد الله
و اللي عندها نصايح أو معلومات
تثرينا و تنورنا​

 

[mi corazon]

يعطيج الف عافيه موضوع متكامل ماشالله

واللله يتمم لج ولنا ع خير :*

 

[&موناليزا&]

مشكورة حبيبتي

 

[نبض آلخفوق]

تسلمووووون حبايبي

 

[تبيني آرضى عليك]

يعطيج العااااااااااااااااافيه حبيبتي

 

[^^ريهام^^]

يعطيج العافية
موضوع روعة

 

[نبض آلخفوق]

يعآفيكم حبآيبي

 

[طموحه بزياده]

موضوع روووعه


يعطيج العافيه

 

[حبي حيآاآتي ّ]

شكرااا عالموضوع المفيد

 

[نبض آلخفوق]

آلعفؤؤؤ.... يعآفيكم حبآيبي

 

[لورآ ،]

يابعد عمري انتي عسى ربي يوفقج ويسهل امورج



ساعدتيني والله ورتبتي افكاري​

 

[نبض آلخفوق]

ويوفقج أجمعين يآرب تسلمين حبيبتي ...


هآلشي يسعدني ...ربي يسهل عليج

 

[قلبهـ 86]

يعطيج العاااااافيه

 

[نبض آلخفوق]

آلله يعآفيييج