تـــــجــــمــــع عـــــراايــس كـــويــتــنا- الــمــلـقى الـحادى عــشر

[MaMa & P!nK]

مرحبااااااا بنات

شلونكم مع التجهيز؟

بنات مثل ماقتلكم انا كنت محتاره بين صالون حنان دشتي وبين انتر

وامس كنت بالافنيوز قبل لانطلع وانا اسولف مع خالتي الا اشوف حنان دشتي جدامي

خالتي قالت لاااااااااازم اكلمها والحقتها لي المحل وقالتها بنت اختي عروس وتبي تحط عندج

ماشاللللللله عليها نفستها حلوووووووه قالت نادوها بشوفها انا كنت بره حدي مفتشله ما كنت ابي خالتي تكلمها

المهم قالتلي هلا حبيتي شفيج مستحيه ههههههه <<<< بسرعه استحي

قتلها لا عادي قالتلي هاذا رقمي سجلته عندي وخذت رقمي واسمي قالت اذا رحتي الصالون دقي علي

وانشالله انا بحطلج مكياجج

الحمدلله احس صج كنت محتاره وجنه الله دزها عشان اثبت على صالونها

 

[عبث طفله]

مرت دودي .

اذا حنان بنفسها تسويلج توكلي على الله وسوي عندها مكياجها روعه .. والله يوفقج يا رب وتصيرين احلى عروس

المشقر يا حلوات نفس الاكسجين بس اخف على الشعر هذا اللي اعرفه وحلو حييل حتى يقولون زين للشعر مره اختي جربته حطته مع الحنه وحطت دم الغزال ينباع عند الحواج صج صج عجيب وله اسماء عدة : شاقور ، مشقر

 

[عبث طفله]

مركب الامل .. حبيت افيدج اليوكو مو زين للشعر الا اذا شعرررج كثيف حييل او شعرتج خشنه بس اذا شعرج خفيف حرام لانه يطيح الشعر وعن تجربه وحده اعرفها مسويته طاح شعرها لانه خفيف ..

وبعدين حرام تغامرين روحي لطبيب جلديه وسأليه شنو احسن نوع اسويه ما يضر بشعري ؟ لان الصوالين ما يهمهم الا الفلوس وماراح ينصحونج بالشي الزين ..

 

[مركب الأمل]

هلاااا عبووووثة

يقولون الكيراتين أحسن للشعر

وبصراحه أنــــا شعري حفيف وخااايفة أنه مثل ما قلتي يطييييح


بستخير وبشووووف

؟؟!!!


محتاااااااارة حدي ما بقى إلا شهر عالعرس

ربي ييسر

 

[مركب الأمل]

عبووووثة أنا شعري نااااااعم بس فيه رده عرفتي

مستحية كل يوم استشور والأخ يسمع صوت الأستشوار

!!!!!

 

[عبث طفله]

قووه ..

مركبه الامل .. عندي لج حل مدام شعرج ناعم ، استخدمي الستريت اللي ينباع بالغانم ماله صوت وسريع انا استعمله احيانا حلوو حيييل انا استخدم براون ..

 

[alzen_kilah]

سكرة << بروح لها وشوف مكياج حنان دشتي (أمل )

دودي << الحمد الله يالله ان شاء الله تطلعين احلى عروس ودام اهيا بتحطلج اهيا فنانة ما شاء الله عليها

وبنات ابي اسألكم ابي اشتري استشوار بس ابي نوعه زين انا شعري ناعم بس يبيله استشوار طبعاً يعني مو حرير اللي تعرف نوع زين تقولي عنه ؟؟
وسااااانكيوووووووو​

 

[جواهر روعة]

صباح الخيرر يا عرااايس

امبيه المنتدى حده لااااااااااااااااق من البارح وانا احاول ادش وما يضبط معاي



شلونكم ..شخباركم؟؟؟

مرت دودي مبروك على التثبيت (اختيارج للصالون) و ان شاءالله تصيرين مثل ما تبين و احلى

عبوثة وينج يالغلا ما تبينين؟؟

الزين كله شخبارج ؟؟

مركب أمل ..ترى كل شي طبيعي احلى ..حاولي تعالجينه عند اطباء احسن من الحل السريع عند الصالونات

 

[سارونه87]

قوة بنات شخباركم
جواهر شلونج قلبي
مرت دودي شمسويه؟
والزين كله شخبارج ؟
وعبث شلونج حبي؟

 

[جواهر روعة]

هلا ساروه
انا بخير يا علج بخير....اخيييييه اخيرا وحده دشت تنشد عنا؟؟

 

[سارونه87]

هههههههههههه جواهر فديتج انتي تستاهلين كل خير

 

[جواهر روعة]

تسلمين يالغلا..

والله انتي الخير ..وقولي لريلج ترى رفيجاتي يقولون لك دير بالك علي ..لآني وين مااروح اجيب الخير معاي

 

[سارونه87]

هههههههههههههههه واي فديتج جواهر بقووووله ههههههههههههه

 

[جواهر روعة]

الا سارونه ..توقيعج اليوم مصفر الايام...4 شهور باقي لج ...يالله تساهيل ان شاءالله

انا قررت من الحين ابدي اشتري ديكورات و انتيكات الشقة...شرايكم؟؟ مو احسن .. لآن هالسوالف اكيد بعدين مابفضى اشتريها وانساها

بس مشكلتي للحين بالالوان ...المطبخ ثبت على اللون الفستقي...بس الصالة وغرفة النوم محتارة فيهم؟؟شرايج ؟؟

ريلي شاف طقم بنفسجي بأبيض للصالة..وقال خلاص ناخذه و نخلي صالتنا بنفسجي بأبيض...بس انا ودي البنفسج يكون لغرفة النوم...واخلي الصالة ازرق بأبيض شرايكم؟؟؟و لاعنابي

 

[سارونه87]

حلو البنفسجي
بس شفتي الغرفه اللي شفناها انا وانتي
صج زوغه سويها

 

[جواهر روعة]

جذي هقوتج ؟؟؟

مادري هم يمكن اسويها ..يعني اخلي الغرفة عنابي باوف وايت (او ابيض) و الصالة بنفسجية ....شوفي هالموقع بيساعدني و ان شاءالله يساعدكم بعد http://www.mycolour.com.au/

وايد حلو ...تقدرين تحطين الالوان اللي تبينها و تتخيلين بيتج كله شلون بيصير؟؟؟

 

[سارونه87]

وناسه مشكورة عالرابط اينن

 

[بنت الربع]

مرحبااااااااااا بنات


شلونككم...؟؟

يالله حيهاا شمووعه شلوونج...؟؟؟؟؟؟


عبوثه مشكوره عالنصيحه...بس تدرين امس رحت عالساعه 10 ونص بليل وطلعت عالساعه 11 ونص..
انا معهد حياة بلاس.....شغلهم حلووه......والهنديه تفركني من قلب طلعت طبقات جلدي كلهااا ههههههههههههههههههههههههههههههههههههههه

وسكوووره مو نااااقصه تخرييييييييييييع:eh_s(14):


توني ارتحت انا شوي.....

ابشركم

ابشركم

ابشركم

اخترت البدله اوف واايت.....والمكياج كونتينينتال.....رحت حنان بستكي.....تسريحات لايعلا عليهااا

بس مكياج حلووو.بس مايصلح عرايس..ماادري مع انهم قالولي انسوي الي تبينه..بس الي شفته كله بسيط....
عشان جذي ترددت...مع انه اشوف مكياجها بالجرايد يجنن..بس هناك بسيط..بس صج صج اتضبط الملامح...



والله يستر من كونتينيتال....

تدرون شنو فكرت بنات.....اني اسوي تسريحتي بستكي وبعدا اروح كونتينيتال اسوي مكياج ههههههههههههههههههههههههههههههههههه لانهم ترا مايبعدون عن بعض خطوتين بس.....خخخخخخخخخخخخخخخ


بنااااااااااااات.......خلونا نجمتع على يوم حددوا وقت..لانهم تعرفوون احنا مضغوطين حيل الحين...فنفضي روحنا يوم واحد نتجمع فيه.......

اوف تعبت..بياذن الحين..بطلع

بااااااااااااااااااي

 

[عبث طفله]

افطارا ً شهيا ً .. وصياما ً مقبولا ً ..

بنت الربع .. انتر حلوو حيل استخيري وحطي عند الهام مكياج والشعر عند فيروز < متخصصه التسريحات المرتفعه

اللي تسأل عن استشوار انصحج بالستريتر عجيب ماله صووت وداعا ً لازعاج الاستشوار .. انا شعري ناعم بس فيه كسرات خفيفه .. والاستشوار العادي ما احبه بس يوم جربت استشوار السيراميك صج صج عجبني ..
يعني اشتري استشوار هوااا واشتري السيراميك

 

[جواهر روعة]

مسا الخير بنااااات

انا بعد اقول خلونا نتجمع يوم ...نحدد الوقت والمكان واللي تقدر تروح ..وناسه نتعرف على بعض
هلا بنوته وعبوثه ..ولهنا عليكم

بنوته مبروك عليج اللي اخترتيه و ان شاءالله تطلعين اميرة

تدرون انا شقررت؟؟
قررت اني اجهز واشتري اغراض الشقه ...عشان لما يتحدد العرس عقبها افكر شنو اشتري لتجهيزي...وقمت احوس بركن الديكورات