تـــــجــــمــــع عـــــراايــس كـــويــتــنا- الــمــلـقى الـحادى عــشر

[nagham-q8]

مرحبااا بنات شلوووووووووووووووووووونكم انا عروس بس للحين ماتزوجت ناطره المهر لوووول - مبارك عليكم الشهر -علي فكره اناجديده وضيفه اكون خفيفه عليكم

 

[اسأل ضميركـ]

علينا وعليج صيوووووته ..







بناااااااااااااااااااات لقيتها سويتلها كوبي بست بضبط




تفضلوووها ..








بنااااات هاذي خلطة شالسالفه تهببببببببببببببل صج تبيض وتنعم الجسم انا ماخذتها من منتدى اماراتي وقبل جم يوم في دكتور على Lbc تكلم عنها جربوووووووووها

هالخلطـه اسمهـا شو السـالفه ..!
بعد ما تستخدمينها اتقولين شو السالفه لانج اتلاحظين التغيـر ^.^
واتركم مع الخلطـه
ملاحظة هامه :
خلطة شالسالفه تستخدم للجسم فقط
لا تستخدميها للوجه لانها قويه
المقادير :
صابونة غار + ماء ورد + علبه فكس + 2 ملعقة كركم للجسم تاخذيه من عند العطار + 2 علبه جليسوليد صغير لون العلبه احمر+ فنجان قهوة من : زيت لوز مر + زيت زيتون + زيت خروع + علبه جلسرين سائل تاخذيها من عند العطار
الطريقه :
نبشر صابونة الغار في كاس من ماء الورد ليلة كامله تنقع فيه 0 ثم نضيف جميع المقادير في الخلاط ونحفظها
بالثلاجه في علبه زجاجيه 0
نضعها ساعتين على الجسم ثم نفرك بليفه خشنه بعدها اغسلي جسمك بالماء ثم نفرك الجسم بتقشير وهو :
ليمون وزيت زيتون وملح خشن مطحون وخل تفاح يضاف منه نصف فنجان قهوه0 ملاحظه اليمون يضاف وقت الاستعمال
تستعمل كل يوم لمده اسبوعين بعدها شوفي البياض اللي على اصوله والنعومه المغريه
صحيح راح تتضايقي من لزوجتها لكن بعد ماتشوفي النتيجه ومن اول استخدام راح تحبيها على ضمانتي
وشكرا ياعسل










داومو عليها ولاتقولون يوووه مالي خلق اليوم ترى الخلق ماراح ينفعنا بعدين

 

[اسأل ضميركـ]

حي الله نغم وحيااااااااج معانا وتشرفينا اصلاً ..



وان شاء الله نفيدج بكل اللي نقدر عليه ..

 

[قلب الغالي]

الـــــســـلام عــــليكمــ
يســــلمو الأيادي ملوكـــهـ

هلا فــيكــ شخبارك ..
ياعمري عليك إنشاء الله خلصتي مو زواجك بعد العيد ياعسل

 

[نونا**]

تسجيل حضور

مادري ليش دايخه وراسي مصدع

 

[قلب الغالي]

هلا نونا ســــلامات وماتشوفين شــر

وأنتي صــادقة اليوم بيتنا كلهـ يقولون دايخين ..


.........

تسجيل خروج ...

 

[اسأل ضميركـ]

هلا قلب الغالي ..



انا طيبه عساج بخير ..؟؟




صح زواجي بعد العيد ولله الحمد والفضل اني خلصت شغلي بس باقيلي عباه راس و براون وقلت بخليهم بعد العيد على طووول بيوم واحد اشتريهم ..




سلامتج نوووونا بس هذا شي طبيعي باول يوم من رمضان

 

[النمساوية]

السلام عليكم

شلونكم
كل عام وانتم بخير

رمضان كريم

 

[& لمة وداااع &]

صبااااااااااااااااااااااااح الخييييييييييييييييييييييير ..




ومباااااااااااارك الشهرر علينااااااا وعليك ..

 

[Ryant al3od]

السلام عليكم ورحمة الله و بركاته

مرحبا عرايس

علينا و عليكم تبارك

والله يبارك فيكم يا بنات و العفو و لو أنا بالخدمة :tek:

إي صج بنات نسيت أقولكم << يا كثـر ما تنسين :dddds: ههههههههههههههههه

إي بنات حسافة نسيت أقولكم شفتوا أرض المعارض صالة 6 اللي فيه المعرض النسائي

شوفوا هو ما فيه شي حلوو بس شفنا صينيين يا كثرهم بالمعرض و حتى معرض الاواني المنزلية فيه

يبيعون ديباجات ماركات تهبـل ماركة قوتش و إل في و بربريز أشكال و ألوان و رخيصة بعد

أنا خذيت قوتش و خواتي خذوا إل في نفر واحد ديباج بس نوع الديباجات الخفيفة مع الشرشف و المخدة و الكوشية

تخيلوا بكم بــ خمس دنانيــر بسسس<< يا بــلاش :tomato2:

بس شوفوا يمكن تلقونها بأماكن ثانية و يمكن تلقونه بالمغاتير قالوا فوق فيه معرض صيني بس إن شاء الله تلقونها لأنها حلوة و ذربة

إي و بنات شفتوا خياط ذي فاشن أبل اللي قلت لكم عنه ترى فيه مصمم لبناني و فيه فرع ثاني بحولي بدورلكم الفاتورة و بعطيكم الرقم و العنوان

بس جد يا بنات روعة و أنتوا روحوا و احكموا راح تلقون نفانيف جاهزة معلقة خل اللي تشتغل عندهم توريكم و فوق هذا يا بنات معاملاتهم تهبـل و بعد كان فيه دلال القهوة و الشاهي على شوارفسكي و كرستالات و فيه ملافع بس للأمانة أنا ما رحت لفرع حولي بالنسبة للموديلات بس أكيد الشغل واحد

و صاحبة المحل تلقونها أغلب الأوقات بالمحل

و أنا خالتي شافت نفنوف لزهراء القاسم و راحت لها لقت النفنوف غاااااالي فصلت عنده و هو شافه بالصورة عطاها بنص السعـر و فوق هذا ضبطـــه عدل طبق الأصل من الصورة و أحلى و كنه خالتي قالت بتأجره بسألكم إياها لأن فصلته لعرس خالي و صار عندنا حالتين وفاة و تكنسل و هي الحين حامل و ما يصلح الموديل لحامل و قالت بتأجره لأن عبال ما تولد إلا رايحة مموضة النفنوف و إن شاء الله أرد لكم خبـر


و إذا ذكرت شي جيت بسدحه لكم هني

و سلامتكم يا الحاضرين :ggdw:

 

[alzen_kilah]

بنات ابي اسألكم الخلطة لازم نلبس المايوه يعني ما يصير تنحط عالبطن والظهر ولا انتوا تلبسونه جذيه ؟؟؟ اهيا بس حق الجسم ؟؟:tomato2:

 

[جواهر روعة]

صباح الخيرررررررررررررر

شلونكم بنات ؟؟؟ وشلون الصيام وياك اقصد شلونكم مع الصيام

اقول الزين كله ...جنه محد بيجاوب على اسئلتنا عن الخلطة؟؟؟؟

املكووووو وينج ماتردين ؟؟؟ قولي شلون طريقتها ؟؟ يعني نقدر نستخدمها للجسم كله ولا شلون ؟؟ و تقعدين ساعتين بالغرفة ماتطلعين ولا عادي تحطينه و ينشف عليج ؟؟ ممكن البس بيجامه و احوس في البيت ؟؟ علمونا يبا ترى احنا وياكم بالهوا سوا :cxxxp:

بنات مافي منكم وحده ردت على سالفه المركز كوزمودوم!!!!! يعني مو سامعين فيه كلش؟؟؟


الا صج سؤال يسدح نفسه ....اذا بغيتوا تروحون للصالونات ولا علاجات ولا مساج .شتقولون لازواجكم؟؟؟ خو هم لزقه هالايام كل شوي يدقون و بيعرفون وين رحتي و رين رديتي؟؟؟

 

[اسأل ضميركـ]

هلااا بنااات ..




الزين كله الخلطه تحطينها على جسمج كلللللللللللللللللللللللله بدووووون استثنااااااااااااااااااء <<< اعتقد فهمتي هيك



وسالفه المايووه الاسلامي في بنات يلبسووونه عقب الخلطه يكووون كااامل ..




جووواهر ..

انا من ناحيتي اروح للحمام احطها على جسمي كله بدوووون وجهي لاني لما حطيتها مره على وجهي حسيت بحرقه فخليتها بس لجسمي ..

و خصصت 3 بجايم و3 اندر ويرات حق الخلطه اول ما احطها البسهم والبس دلااغ واطلع اقعد مع اهلي ساعتييين واروح اتسبح ..


بس عاد شوفي تعليقات اهلج انا غثوووني قمت اقعد على النت ساعتيين بس عبال ما يخلص وقت الخلطه او اطالع التلفزيوون واروح ركض للحمام لانها فعلاً فعلاً غثيييثه ..





وسلامتكم اذا في كوسجن ثاني لا يردكم الا لسانكم ..

 

[نبع الحياء]

يعطيـــــــــــج العافيــــــــــة يا الغاليــــــــــة

 

[وللحديث بقيه]

مرحبااااااااااا بنااااااااااااااااات

شلووووووووووووووونكم مع الصيام


هلا بكل العرااااااااااااايس


انا صار عندي بيات رمضاني لا سوق ولا طلعات

اليووووم صاحب المسكه داق يقولي تعالي شوفيها بتلبألك والا اعدل حجمها قلت يصير خييييييييييييييييير من له خلق يروح حولي ترى اسمه الريف الهولندي وقلتلها ترى بوصيك على بنات يقووول تكرم عييييييييييينك ...

واليوم سألت رفيجتي قلت ليش دايمن تقولون ان المسكات فوق المية وبعض الاجارات مثل البرجوازيه 130 بدون ورد وتلوع الجبد ... قالتي : انا مسويتها 160 قلت اشدعوه وانا شايفه نفس استايل مسكتها بسعر رووووعه يعني مايتعدى 100 د.ك

بس الحمدلله ان الله يسري امر المسكه

الا تبيني اوصي عليها ... تقولي : ترى اسعااااااااااااااااااره تهبل ... والا تبي تروحها اسمه عبدالمعطي وهو لبناني اعتقد ..


-----------------------------


اما بخصوص الخلطة حطوووها كيف مابدكم ماعدا الوووووووووووجه ... احسلكم حطوا ماسكات مثل بياض البيض مع النشا وتفركين فرك بسيط بالصابون والماي الدافئ وشوووووووووف النتيجة ( جزاها الله خير وحده علمتناها بالمنتدى هووون

وانا بصراحة شريت كريم من الصيدلية اسمه فير اند وايت فرنسي هم مدحوه بالمنتدى وريحته حلوه ومدة استخدامه شهر


وهم شريت حبوب زهرة الربيع بس ماأكلهم ... لا : اقص الحبه على طرف وادهن بشرتي بالزيت اللي داخله

والله ولي التوووووووووووووووفيق

 

[وللحديث بقيه]

صج نسييييييييييييييييت ارحب بالعراااااااااااااااايس الجدد

والبيت بيتكم


* ملاحظة : اللي تسأل عن المايوه الاسلامي انا ألبسه علشان مادمر البيت ... ألبسه عادي واعيش حياتي واحوس صج غثى بس ماعليه ... نتحمل

 

[النمساوية]

السلام عليكم

شلونكم يا عرايس شخباركم

للحديث الله يهنيج بمسكتج يارب وتطلع روعة ان شاء الله

وصاجة على كلامج انا كلمت فاطمة العجمي قالت لي اذا تبين موديل مكرر ب100 واذا جديد ب180
قلت والله حرام ما تسوى

رحت بياع الورد سوالي وحدة تهبل ب50 معها ورد طبيعي بعد مو كله صناعي (بس كاسرته) فيها وقالي يوم العرس يجيبها الصالون



جواهر حبيبتي ما انصحج بمركز كوزمود اعرف بنات يقولون خساير على الفاضي لابياض ولا شئ بس بياض عادي خفيف

 

[مارغريتا]

السلام عليكم بنات شلونكم عساكم بخير ..

آنا عروس بس مادري متى عرسي تخيلو عطوني المهر بس ماقالو لنا متى العرس
فعاد مادري محتاره ابدي تجهيز والا لا ..

آنا قسمت مهري .. بقولكم التقسيمه وقولو لي شرايكم ..

3 الاف بشتري فيهم ذهب
الف البدله الاولى مع الثانيه
الف ( عطورات + مكياج + جناط )
الف ( دراريع + ملافع + عبي + قمصان )

بس خلص المهر لوول

الصالون هديه من جدتي
وابوي بيشتري لي ساعات

هذي تقسيمه مبدئيه ليما الحين ماعرضتها على امي واهلي
يعني ما استشرت احد انتو اول ناس اقولكم

شرايكم فيه ؟

 

[جواهر روعة]

املك مشكوره على المعلومة حبيبتي ...بحاول ابدي فيها ان شاءالله

حدوثه،،تتهنين بالمسكة يارب...حياتي انتي

نمساوية ،،،مشكورة على المعلومة ..اليوم زوجي شاف الاعلان جان يقول لي بتروحين من صجج؟؟ قلتل ه بتأكد من شغلهم بالاول ...جان يقول اللي يسمعج يقول متزوج سواده....يبا انتي بياضج عاجبني لا تسوين شي :dddds:

 

[% HoooR %]

السلام عليكم


مبارك عليكم الشهر يا بنات
وعساكم من عواده


ومبروك افتتاح الملتقى الحادي عشر
وعقبال المليون
يعطيج العافية صيووته


آه يا بنات انكرفت بالمطبخ كراف
يا زين الراحه ببيت اهلي زيناه هههههههههه