تـــــحــــــذيـــــــــر من خلطه الكريمات السبعه للتبيض (ندمااااانه )

[bnt^q8]

السلام عليكم ورحمه الله وبركاته

شلونكم بنات ؟؟

و انا ؟؟؟ مو زينه

هذي نصيحه مني لوجه الله لكم واللي تبي تاخذها بعين الاعتبار كيفها واللي ما تبي اهي حره بعد

أقسم بالله العلي العظيم اني تضررت منها بمناطق مختلفه من جسمي
...

بنات انا سمعت وايد وايد عن خلطه الكريمات السبع للتبييض بمنتدانا ومنتديات أخرى وحتى خارج النت .. يتني فتره كله افكر فيها والمشكله كل ما جابلت النت حصلتها كل ما طلعت قالولي عنها يعني اغراااااء واجهني من كل صوب :eh_s(2):

المهم

استخدمتها لاكثر من شهر

وبنات راح اكتب الي متذكرتهم من الكريمات لان الورقه مو بيدي الحين

( ديرموفيت - فير اند لفلي - ايديال - بين - اعتقد مينيرفا - فيد اوت ) هذيل اللي اتذكرهم بنات

الخلطه كان فيها شيرلي او شيري و روز وكيلي - بس ما حطيتهم


..


بلشت فيها وانصدمت بالنتيجه فتحت حييييييل و ويهي فرق وكل من شافني قال شمسويه صايره بيضه ( انا سمره فاتحه ) .. والي تقولي مسويه عمليه تجميل :/

المهم


وطبعا نسيت اقولكم .. انا كنت احطها على ويهي و رقبتي بالليل قبل لا انام

وساعات احط على اكواعي وركبي ( مع انهم كانوا ماشيين مع لوني وبشرتي ) وساعات على ايديني و على ريولي ( القدمين )

ثــم

قررت اني اوقفها .. قمت اخفف وما احطها كل يوم .. ليين قطعتها

طبعا هالحجي تقريبا من رمضان الي طاف

والحييين

بدت معاناتي

بالتحديد قبل شهرين تقريبا .. طلع لي خطين غامجين قريب على عيني اليسار .. وبعدها باسبوعين او شهر طلعت لي بقعه كبيره غامجه على خدي اليمين من بدايه العين لي تحت الخد بشوي

..

رحت طبيب الجلديه ( خاص) وقتله عن سواد الويه اللي سويته :eh_s(16): وقالي لا تخافين بقع بس الي بخدج اليمين عميقه شوي وبتاخذ وقت على ما تروح .. وكتبلي الرتن ايه مع سيروم وكتبلي كريم اسمه ميلانيل شي جذي .. كلهم عبارة عن كريمات تقشير خفيف على تفتيح .. وقالي بعد ما تخلصينهم اسويلج تقشير كيميائي خفيف

انا قبل ما اروحله كنت ماخذه موعد بالجلديه (حكومه ) وعطوني بعد اسبوع .. بس ما قدرت انطر والله صارت فيني حاله نفسيه بس اطالع ويهي وابجي واقول انا شسويت بروحي ..

رحت للخاص قبلها بس عشان اتطمن واسمع كلام يريحني من الدكتور .. وقلت للدكتور بروح للحكومه بعد واشوف ادويتهم قال اوكي ويبيهم اشوفهم ( دكتوري وامون عليه هههه ) وطبعا رحت للحكومه وخذيت العلاج ولا رحتله وكشت فيه ( خاصه بعد ما انصدمت بسعر علاجه كان بيكلفني تقريبا 50 و وقتها كنت مفلسه )

الحين صارلي شهرين عالعلاج .. البقعه الي عاليمين خفت بس للحين ما اختفى نهائي

والصدمـــــه !!


قبل يومين طلعتلي يمها بقعه يديده :eh_s(2):

وبقعه على كوعي اليمين .. وبقع على ركبي

وحالتي النفسيه زفت زفت والله العظيم يا بنات متحسفه وااااااايد وندمانه على هالخلطه الي خربتلي جسمي

..

توني قبل جم يوم سامعه دكتورة بالتلفزيون تقول البقع الداكنه الي تطلع للبنات بعد الخطات ما تروح نهااائيا وتقول اذا وقفت العلاج ترد مره ثانيه ولازم على طوووول حمايه والله ضاق خلقي وصكت فيني الدنيا .. احس مهما عالجت راح تطلعلي بقع يديده وراح اظل اعاني طول عمري بسبه شنو ؟؟ خلطه فتحتني لفتره بسيطه .. والله تمنيت ويهي يردلي بلونه وبسماره يكفي انه صافي .. بس شقول قدر الله وما شاء فعل ..

وفوق هذا ويهي الحين وايد حساس .. لازم ما احط شي حتى البودره تخيلوا !! ويهي صاير يتفاعل مع اي شي ينحط عليه .. ادعولي بنات

ديروا بالكم بنات .. ولا يغركم الكلام والوصف والمدح .. يمكن الخلطات زينه وتناسب غيرج بس انتي لا .. لا تتسرعون .. واذا تبون تسوون هالشي سووه عند دكتور واستخدموا شغلات طبيه مو خلطات وخرابيط

..

سوري بنات قلت لكم قصه حياتي .. بس كله عشانكم ومثل ما احب لنفسي الخير هم احبه لخواتي

والله صارلي 3 ساعات تقريبا فاتحه هالموضوع اكتب واعدل واشيل واحط ماني عارفه شلون اقنعكم واخليكم تصدقوني و اوصلكم الي بقلبي :eh_s(11):

مابي منكم الا دعوه من قلب حبيباتي :eh_s(17):

 

[عليل الضماير]

والله الواحد الي يفكر مهما نحب الجمال اهم شيئ الصحة والعافية ولا مايفيد الجمال

لاحول ولا قوة إلا بالله الله يصبرك ويشفيك ان شاء الله

 

[احبكم مررره]

الله يشفيك يااااااااارب والله حزنتينىىى بقووووووه

 

[عازفةالحنين]

حبيبتي مايحتاج تحلفين مصدقتج لاني نفس حالتج استخدمت الكريمات السبعه مع ان بشرتي حنطيه فاتحه بس الطمع شين النتيجه طلع لي بقع داكنه في ويهي وكلف

ومن شافني الحين قال وين الويه الصافي قبل ليش الحين مبقع

تدرين شنو السبب لان الكريمات فيها كرتوزون وماتتحمل اشعه الشمس ولا نستخدم واقي شمس كله سبب في اسمرار البشره

بس الحمد لله الان ماشيه على العلاج ومستحيل افكر في كريمات الا با ستشاره طبيه

بالتووووووووووووووفيق

 

[hazel eyes]

الله يعييينج اكرررره ماعلي سوالف هالكريمات اللي بدون استشاره طبيب

 

[مدّهره !]

لاحول ولاقوة الا بالله الله يعينج ويشاافيج ....
مااقصرتِ ع التحذيرررر ..

 

[&موناليزا&]

مشكورة حبيبتي على التنبيه

 

[عهد الغرام]

أختي نفسج الكل انصدم من بياضها والحين تعالج من الآثار وربي كرهت نفسها

 

[flawar]

الله يشفيج ياقلبي حزنتيني عليج
لا تياسين ان شالله مع علاج الدكتور واستخدمي حماية لشمس واهم من هذا كله الدعاء وان شالله بتردين احلى من قبل
بس انتي تحصني واقري ع نفسج ع طوووووول ولسانج بيتعود ع هالشي
مشكورة ع التنبية ونقل تجربتج والله يعينج ياقلبي
والله يجزاج خير

 

[صابرة وراضية]

شفاكى الله حبيبتى......ان شاء الله خير

 

[@ كويتيه @]

لا حول ولا قوه الا بالله


الحمدلله انج تدراكتي موقفج وعرفتي السبب


وان شاء الله ترد بشرتج مثل قبل واحسن .~

 

[Block]

انا متلك كنت استعملها

والحىن وىهى كلووو بقع كرهت حالى

 

[دلوعة صلوح]

بعد عمرى الله يشافيج حبيبتى.

 

[ع ـهود]

مشكوره

 

[رونقٌ]

يمه شريت الكريمات ومتردده كثيرررررر :| شكلي بهون
الله يشافيك يارب

 

[تواضع انثى]

اختي اسمعيني زين صديقة امي كاانت امرااااض والله مايعلم بحالها غير ربي

والله اشياء كثيييره وخبيثه ...وقبل فتره دقت على امي تبشرها انها تعافت منها تدرين

كيف استمرت عالدعاء في الثلث الاخير من الليل بس بالدعاء وان الله على كل شيء قدير

وانتي على بس ذي البقع يئستي لا تقنطين من رحمة الله ترا ربنا مايعجزه شيء دايما داومي عالاستغفار

وقيام الليل وصلاة الضحى وتلقين النتيجه الي تريح خاطرك ....انا شعري خفيييييييييييف وهو وراثه فينا

والكل يقول ماله حل وفوق ذا انا قاعده ادعي ربي ان يشفيه لاني عارفه ان ربي مابيعجزه شي....

 

[مالي مثييل]

لا حول ولا قوة الا بالله
ديروو بالكم بنات

الله يشافيج

 

[تـــرفه]

ياقلبي انتي لا تظلمين الخلطه يمكن مانسبت بشرتج او نوعيه بشرتج مفروض اتجربينهاااا بمكان صغير اول

انا ستخدمتهااا على جسمي والله ثم والله حدهااا تهبل وصااارلي 5 اشهر قاطعتها عشان اتزوجت ولهيت والحمدالله مافي الا العافيه وانصحج لا تستخدمين لويهج الا شي طبي وموفقه يااارب

 

[((غلاي))]

صااااااااااااااااااجه

انا مستحيل مستحيل مستحيل احطهم

كلهم فيهم كرتزون و زئبق




ما ااي ابدن هالكريمات

البنات كلهم يستخدمونها مو زينه كلها مضره

بس شتقولين ؟؟؟؟؟؟؟؟؟؟؟؟؟

الي ما جرب المعانات مستحيل يقتنع

الله يشافيج ان شاء الله و تروح البقع ياااااااااااااااااااااااارب

 

[معزوفة عشق&]

حبيبتي انتي ماتشوفين شر
والف شككر لك انك نبهتينا الله يفرج همك ويوفقك ^^

وماعليك ارقي نفسك وداومي عالعلاج اللي وصفه لك الطبيب وبتروح باذن الله
حطي يدك عالبقعه واقري وله ماسكن بالليل والنهار وهو السميع العليم كرريها اكثر من مليووون ممررررا وبيزول الباس باذن الله

ومشكوووره ي قمممر مرا ثانيه