تـــــحــــــذيـــــــــر من خلطه الكريمات السبعه للتبيض (ندمااااانه )

[bnt^q8]

مشكورين بنات عـ دعواتكم يعطيكم العافيه
..

بالنسبه للبنات الي يقولون استخدمناها وما ضرتنا .. ترا انا ما استخدمتها الا بعد ما شفتها ضابطه على ويوه وايد بنات من اهلي

يعني قبل لا استخدمها ما فكرت انها ممكن تضر بشرتي كلـــش !

اللي ابي اوصله .. ان بشرتنا تختلف من وحده لوحده .. في الي بشرتها تتحمل وفي اللي بشرتها ما تتحمل .. وللاسف ما تقدرين تحكمين على بشرتج الا لمن تجربين هالشي بنفسج !!

انا مثلكم بنات .. ما كنت اهتم ولا اصدق ان هالكريمات راح تضرني .. لان ما شفت احد جدامي عانى من هالشي

..

وللاسف يا بنات ان خليت اختي الي اصغر مني تسويها معاي وقت الخلطه .. كنت ابيلها الخير مثل ما ابي لنفسي

ونفس الشي بشرتها تضررت وطلعتلها بقع غامجه مائله للسواد .. مع العلم ان بشرتها اغمج مني

وكل ما اشوف ويه اختي يزيد همي حاسه بذنب كبير واتمنى لو جربتها بنفسي اول ولا خليتها تستخدم الخلطه معاي

 

[bnt^q8]

بقولكم انا وين وصلت بالعلاج عند دكتوري بالخاص

..

بعد ما استخدمت الكريمات المقشره والمفتحه تقريبا لشهرين او اكثر

سويت جلسه تقشير كيميائي .. وعطاني بعدها كريم لما بعد التقشير .. وسيرم فيتامين سي


وقالي 3 اسابيع او شهر ونسوي جلسه التقشير الثانيه

طبعا انا باجيلي شوي واكمل شهر .. وشكلي ما بسوي جلسه التقشير الثاني .. ليييش !

لان قبل اسبوع تقريبا .. حاشتني حكه شديده بويهي وخصوصا منطقه الذقن .. والمكان يصير لونه احمررر .. هالشي كان يصير خصوصا بعد ما اغسل ويهي من كريم الحمايه .. وتحت عيوني كان مثل حبوب صغيره والمنطقه اغمج من لونها الطبيعي .. وباجي الويه كان متهيج واحمر مع الرقبه طبعا !

بنات والله ما ابالغ الاحمرار كان مو عادي يخرع وبعدها بيوم على طول طيران لدكتوري

الصدمه شنو ؟؟

سالني انتي حاشتج نشله هاليومين ؟؟ قتله ايه الاسبوع الي طاف

قالي بسبتها وعطاني مرهم باكتروبان اذا ما خاب ظني احطه داخل الانف لمده اسبوع

ومرهم كورتيوزن للوجه استخدمه لمده 3 ايام فقط

الزبده .. ان من كثر ما صار ويهي حساس حتى "عنقوديات الانف" الي تطلع وقت الانفلوزا صارت تأثر على ويهي .. لهالدرجه ويهي صار حساس يا بنات متخيلين ! .. هذي اول مره يصير فيني هالشي طبعا وقت النشله

وقالي اراجعه بعد اسبوع .. المفروض اليوم .. بس مالي خلق .. والصراحه اول الايام من العلاج كل هالاعراض اختفت .. لكن أمس حسيت بحكه بذقني وشويه احمرار ردلي مره ثانيه بعد شوي راح اتصل على دكتوري

عشان جذي يمكن الدكتور ما يرضا اني اسوي جلسه التقشير الثانيه .. الله اعلم

..

ويتبع ...

 

[bnt^q8]

بنات في كذا وحده كتبت كريم الروكاتين

شنو هذا بالضبط مقشر ولا مبيض ؟؟

عشان اقول حق دكتوري عنه

 

[أحترت أعبر]

الله يشافيج حبيبتي وتردين احلى من قبل ...ان شاء الله شوية صبر وبيرجع كل شي احسن من الاول

 

[اميره الالماس]

يا بنات سنو تبون بالمراهم والكريم شلون تغامرون وتحطونها علي وجهكم

الله يشفي الجميع


الواحد. احسن شي له الجولسريد واليمون وخلاص

 

[نرجووسة]

يااااااااااااااارب تصيرين احلا من الاول
انتي بس ادعي ربي ولا تيأسين
وترى اللي قالت لك ردي استخدميها هي ما تبي الا مصلحتك وهي تفكيرها
صح لان البشرة تعود ت على الخلطة لكن لا الله لا يردها من خلطة
انتي بس التزمي بعلاجك والله يشفيك ياااارب

 

[bnt^q8]

يااااااااااااااارب تصيرين احلا من الاول
انتي بس ادعي ربي ولا تيأسين
وترى اللي قالت لك ردي استخدميها هي ما تبي الا مصلحتك وهي تفكيرها
صح لان البشرة تعود ت على الخلطة لكن لا الله لا يردها من خلطة
انتي بس التزمي بعلاجك والله يشفيك ياااارب

هم انا فهمت قصدها والله بس حراااام بشرتي بتروووح فيها

وعلا فكره انا ما طولت على هالخلطه عشان بشرتي تتعود عليها .. يمكن شهر وشي او 2 ولو تحسبين الايام على بعضها الي حطيت فيها يمكن شهر .. لان ساعات اكشت جم يوم

واعرف في بنات مستمرين عليها سنييين !! و ويوهم مشالله تهبل ومافيها شي ..

 

[bnt^q8]

اب للعبره