رد : تـ ج ـآربكم مع آي ششي تـآكلينه آو تشربينـه (يبيـض ويـورد ويصـفي )
مشكورة حياتي ع الموضوع التحفة عاد انا اموت ع هاللسوالف لان عندي خبرة لاني اهتم بالاشياء الداخلية اكثر من هالكريمات ماعني ماقصر جاية ورايحة للصيدلية ادري طولت السالفة
اهم شي ع الريق نشرب كوب ماء دافى مخلوط مع ملعقة عسل خيال للبشرة وفوائد ثانية سبحان اللة لانة سنة عن الرسول
والفطور انا الحمد للة احرص علية لو قمت متخرة بالعطلة
والفطور لازم يحتوي ع خبز اسمر لانة افيد مع اني مارجم ولبنة وعسل وزيت زيتون وزعتر هذا اكثر شي احرص يكون ع الفطور اذكان صيف مشروبي ع الفطور برتقال طبيعي مع ملعقتين ماء ورد (وللي تسال عن افضل ماء ورد هو ماء ورد الطائف الي علبتة خضراء لانة مركز وريحتة اوضح من غيرة)
والوجبة الغداء لازم يصير قدامي صحن فية جرجير وبقدونس (وخيار وجزر وفلفل رومي وطماطم يقطع كبار)
واحرص ع اللبن الجاهز لاني احبةةةةةةةةةة اما لبن الغنم اخصب بعض المرات نفسي علية
والعصر او المغرب ع حسب القومة قهوة وتمر سكري ولازم طحينية التمر اول شي طعمة لذيذ ثاني شي مفيدة للبشرة كلة فيتامينات
ويابنات نصيحة حطي كسرة مرة مع علبة ماء واشربي منة كم شفة باليوم لمان تخلصين العلبة لة فوائد خصوصا حنا الحريم
وانا بعد اذا سويت قناع لوجهي اخلط معة شوي مرة مطحونة تصفي البشرة واذا تبيع تطلع لك حبة تهون وماتطلع هههههة
والفاكهة الي احرص اكلة تفاح اخضر وجح (رقي)وموز وافوكادوا وعنب واللي موجود لان الفاكهة كلة فوائد وتحتوي نسبة كبيرة من الماء
وباليل اشرب حليب دافي او يانسون
والي تسال عن ماء اللورد يكبر الصدر اية يكبر شي بسيط يعني ماراح يتغير مقاس الستيان
بس انة يخلي الصدر روماني مدور ومشدود (بس انا اجرب طريقة وهي امرر ثلج ع وجهي وصدري واللي يشسمونة يشد البشرة)
هالي ذكرت اهم شي فادن انا وخواتي وذا تذكرت ابشرن راح اسدحة هنا
عاد انا طماعة ابي منكم دعوة اني احقق المعدل الي ابي وادرس ماستر
امين امين امين امين
