تفاصيل جولتي على حضانات الكويت

[katkota76]

حضانة الخطوة الاولى ( الشهداء )
هالحضانة احسها غالية عالفاضي
ما ادري كلش ما ارتحت لها
ما فيها شي مميز
حيييل حييل عادية
و100 بالشهر ( كلش ما تسوى )

وبعدين رحت حضانة فيوتشر جنيريشن (حطين ) ......... تابعوني

 

[katkota76]

حضانة فيوتشر جنيريشن ( حطين )
هم حيييييييييييييييييييييل عادية
او بالاصح كلش مو حلوة
لا صفوفها ولا العابها
حتى ابلاتها يعني ثنتين ياو معاي يراووني الحضانة وحدة تقاطع الثانية وكل وحدة تقول حجي غير يعني مثلا اسالهم جم ياهل بالصف وحدة تقولي 12 ووحدة تقولي 15
لاو يكررون نفس الحجي يعني وحدة تقولي عندنا جدول حصص نمشي عليه كل يوم ترد الثانية تقول نفس الكلام ( شدعوة ما افهم )
كلش مو مريحين

ورحت بعدين حضانة منتسوري الخليج ( سلوى )
بس سامحوني تعبت باجر انشاالله اكمل ...... تابعوني

 

[ام فهودي المزيون]

يعطيج العافيه
متابعه
بروح اشوفها وانشالله يستانس فهودي

 

[HoOoriah]

الله يعطيج العافيه
انتي نفس حالتي انا مفتره على حضانات وايد لاني كل سنه اغير حضانه ولدي المسكين لان عيوب الحضانه تبين بعد الدوام في البدايه قبل 3 سنوات سجلته في حضانه بارني كانت توها فاتحه ومافيها يهال وايد بعدين صار الوضع ماساوي وزاد عدد اليهال بشكل مو طبيعي وصار زحمه يمكن داوم شهرين عندهم بس. بعدين سجلته بحضانه بيبي كير بقرطبه الحضانه كانت روعه في البدايه بس على حظي بعد4 شهور تقريبا سافرت مس ولدي كانت امريكيه تهبل وهني بدا المستوى ينحدر ماعندهم مدرسات كانوا يقعدونهم عند الخدم. فرحت حضانه افنان وعجبني الوضع هناك وحتى ولدي وايد ارتاح من الحضانه والاطفال مؤدبين بس عيبهم ان غيروا المدرسات الكويتيات ويابوا مصريات فما احس بعد كل هاللويه ان ولدي استفاد علميا بس من ناحيه النظام والنظافه وايد فرق علي.

وقبل اسبوع رحت الحضانه الانجليزيه ثنائيه اللغه برميثيه صج الحضانه تشرح الصدر والمديره تهبل حبوبه ومدرساتهم اجانب وايد عجبتني بس للاسف ما ياخذون بنتي صغيره.
ادري قرقرت على راسج وايد بس هذي تجربتي مع الحضانات ومسكين ولدي البجر الضحيه.

 

[ZajiL]

يعطيج العافيه خوووووووووش جوله

 

[جوديے... كيوت]

يعطيج العافيه

حبيبتي

ماقصرتي والله يعينج

 

[الكروان]

قواج الله خوش تغطيه

 

[قطوه^برونزيه]

محد جرب بلي قروب بنات بسجل ولدي فيها

 

[om yousif]

يعطيج العافية كتكوتة على الموضوع المهم ,, انا ائيد كلامج لا ن انا رحت حضانة ريبون وايد حلوة ومدحوها لي بس كان ولدي صغير مايخذونه بس انشالله راح ادخلة ,, وكلامج عن حضانة البروج الصفوف شرحة بس الابلات الله لايوريج والادارة ماتدري وين الله قاطها ,, انا دخلتها بس شهر ومتقطع بعد تغيرو المدرسات مرتين مادري ثلاث والفراشات الي اهما يودونهم المطعم والحمام تكرمين ,,, كلش ماعجبتني , حضانة افنان انا ماشفتها بس امدحوهالي ,وحضانة الخطوات اقل من العادية حتى جوها مو صحي مافيها تهوية انا اتكلم عن فرع مشرف وبعد انا شفت فرع الشهاء بس ماعجبتني ,, انا ائيدج ان المدرشات اجانب يكونون ملتزمين يعطون من قلب , عندهم اخلاص في العمل ,, ومشكورة ماقصرتي

 

[ملكة زماني]

يعطيج العافيه

عسى الله يبلغج فيهم يارب


:0bee2e8d89:انا ابي حضانه بالديرة يم دوامي او بالمناطق القريبه منها يعني الشامية الفيحا النزهة عبدالله السالم او المنصورية وانتي ماشيه
لانه انا بيتي ابعيد واطلع الساعه 6 ونص الصبح عشان لا اتحوشني الزحمة فاوصل امبجر :eh_s(4):فابي الحضانة اقريبه من الدوام :denya:

 

[sara999]

اي انا ولدي بقطعه 4
واي ابي اعرف شنو عيبها ؟؟؟؟يعني اوديه ريبون بجنوب السره والا اخليه فيها وعلى جولتج شنو تشوفين مستوى التعليم بلتل لاند اقوى والا بريبون؟؟

 

[أم حيدر]

انا متابعتج

 

[um_yoyo]

سؤال منو احسن البلاي جروب برميثيه او الحضانه الانجليزيه ؟

 

[أم وجيه]

متابعة

 

[جاردينيا_2000]

اختي أنتي افتريتي على الحضانات وانا افتريت على أمهات إلي أمدخلين أعيالهم الحضانات ..كلامهم نفس كلامج
أنا ولدي 6شهور وساكنه بالرميثيه ..وأبي حضانه يا في بيان أو الرميثيه او كلش كلش جنوب السره
عالم الطفل ثنتين من اولياء الامور مايمدحونها ..وحده قالت أن بنتها مايهتمون في نضافتها بعد الحمام ..وكله امعاقبنها وينقلونها من صف الى صف مع ان البنت عاجله بس راسها يابس فيها اعناد بس مو في القسوه العقاب مادري ...اما الام الثانيه ...قالت ماعجبتني الحضانه والي احبه اقوله مايودي اعياله اهناك ...جذي قالتلي ...مع ان ولدي اصغير ما ياخذونه فما سألت ليش ..أما باجي الحضانات الي افتريتي عليهم في جنوب السره صح كلامج جذي قايلين عنهم
بس أختي اما في رميثيه فمعرف احد هناك أسأله فأنا أبي اعرف منج ..شنو أحسن وحده في رميثيه تاخذ ولدي 6 شهور
بيان أفنان ..ما سألت عنها بس قريت في المنتدى أنه قاسين في المعامله ..فخفت ...أما معرفي فأسألج عنها أشلونها حق ولدي منو يمسك الياهل خدم وله مدرسات ..وجم اسعارها قاعده افكر فيها

 

[أم ^^حمودي]

انا اليوم رحت عشان بسجل ولدي بحضانه لان كليتي تبدا الاسبوع الياي وخدامتي ماتدري وين الله قاطها
رحت بيبي جاردن كلش مو حلوة
اصلا ماجنها حضانه يعني كلش ماشدتني
ورحت بارني 1 وقالتلي ماكو مجال فلل
ورحت بارني 2
واااااااااي انصدمت
اليهال كلهم قعد يبجوووووون ويصرخون
الظاهر كانت حصة بجي
ههههههه
وريحة الصف تلوع الجبد
انا ولدي اسم الله عليه اجتماعي ويحب يلعب وذكي
بس هالحضانه كلش ماتنفع لا وتقولي فلللللل
على شنوووووووو؟
بس الابلات شكلهم زينين

 

[ام الحوراء]

عفوا ممكن اعرف شنو عيب حضانة لتل لاند لانها بصراحه حييييل عاجبتني كاداره ومدرسات باعرف شنو مشكلتها؟؟

 

[بسبوووسه]

متاابعيين

 

[Dress Me Up]

هاي أمهات **

أنا كنت مدخلة بنتي الانجليزية برمثية رووووووعة بمعنى الكلمة بس للاسف انا ماكملت معاهم لأنه بنتي حيل كانت متعلقه فيني وبأخوها ** وضعفت وايد مع انها وايد كان تحب الحضانه بس انا طلعتها ** وقلت مره وحدة راح تدش الروضة مبجرررر ** بس للامانه رووعه ومس ايمان صاحبتها حدها اتيين وحيل تهتم بالأطفال وتعرف اساميهم وتصورهم بتلفونها ** وسعرها معقول 100 دينار كل شهر وتاخذ اذا ماخنتني الذاكرة 60 دينار فتح ملف **
وحتى بنتي طالعه منهم يدقون يسالون عنها وعن صحتها **

 

[أم ^^حمودي]

ايهي الي برميثية؟
قصدج ثنائية اللغة والا البلاي جروب
لان البلاي جروب تدفعين مقدم 400 دينار وكل شهر 75 دينار
انا اليوم رحت لهم