تفاصيل يوم الدزه ..

[blue diamond]

العفو ولو حبوبه

 

[TBOOLA]

وحده
بالدزه لبست لبس هندي مو خبه كان ناعم بس في شغل خفيف

اهو صاير جليه حفر قصير شوي من بطني طالع لوول بس مو مبين
لان من فوق شفاف كله طويل ( جمه طويل شفاف) بس من صوب الصدر لي البطن في شك مغطي البطن
والبنطلون وسييييع جنه تنوره
عجب الكل واستانسو على لبسي : )
:
ماخذته من زمان بس كنت لابسته لبسه وحده والحين مره ثانيه
من الاميره الي بالنقره الشمالي عندهم اشياء حلوه وعجييبه اييبونهم من لبنان بس قطعتين او 3 مو اكثر...اكيد منزلين اشياء يديده
واسعارهم منااااسبه مو غاليه

 

[جواهر روعة]

هلا و غلا بنات
خوش موضوع

بالنسبة لي انا ....يوم الدزة لبست بدلة ..كانت البلوزة جمومها شيفون و التنورة كلووووووش حدها وسيعة و فيها شغل لونها تركوازي و فيها وردي فاتح ...انا حطيت مكياج خفيف و بس رحت الصالون شسورت شعري ...طبعا رديت وصبغت اظافري و لبست تراجي لآن البلوزة كان فيها شغل فماكنت احتاج شي التراجي و اسواره وساعة كشخة كلها شوارفسكي..طبعا احنا من عاداتنا ان يوم الدزة اهل المعرس اييبون عشا أو خفايف للمعازيم ...تعتبر الحفلة حفلتهم بس فبيت العروس..فما كنت احاتي الاكل ...وصلوا اهل المعرس ودشوا البيت بيباب و تصوير ويابو معاهم بوكية ورد و كيك و حلويات و عصاير ...انا كنت بغرفتي و ارجف ..نطرت لين خالتي يت و قالت يالله تقدرين تنزلين لآنهم سألوا عنج ..يعني نطرتهم لين سألوا عني و دشيت عقبها سلمت على الكل وقعدت ..خالتي (ام ريلي ) مره كبيرة و كان فيه معاهمحريم من عمرها فضلوا اييببون و يصفقون نفس حريم اول ...والله بنات استانست يعني ماحطينا اغاني ولا شي بس هالصفقة و اليباب كنت اتخيلهم ..حسيتهم من قلب يحبوني و فرحانين فيني خاصتا خالتي (ام زوجي ) بعدين حماتي و مرت حماي بطلوا الهدايا ..كانوا مغلفين كل شي بروحة و كل ما فتحوا شي كانوا يرقصون و اييببون عليه ..عقبها قالوا خل ننادي المعرس عشان تصورون مع بعض (طبعا ما رضى يدش بين الحريم) راحت خالتي ام ريلي يابته وانا تحجبت بحجاب ازرق يلوق على البدلة ..طبعا قعدنا على القنفه و بينا متر مسافة..مستحييين من بعض و واحد مايطالع الثاني وانا حدي كنت مستحية اطالع احد ...ماطول 3 دقايق و راح ...بعدها بشوي انا قمت رديت داري و قبل لا يروحون مرت حماي ياتني عشان تاخذ رقمي ...عقب مامشوا بربع ساعة اتفاجأ
ترن تررررررررررررن ..ترن تررررررررررررررن ....مسج من الحبيب >>> مبروك علينا ههههههههههههه >>> اول مسج يوصلني

 

[ابلة مبتسمة]

موفقة يا قلبي ...

وشي عادي لازم خوف وقلبج يرقع ... شي عادي انا صار فيني ...

انا بقولج عن نفسي يوم دزتي ...

كانو اهلي واهل المعرس قاعدين بالصاله ...

وانا كنت فوق بعدين نزلت لهم وسلمت عليهم كلهم وقعدت عادي ...

اما لبسي كان فستان حفلة بس يعني مستور شوي .. بس بدلة حفلة تكون مرتبة وحلوة ...

ورحت الصالون سويت شعري وحطيت مكياج ناعم ...

وبس هالي سويته ...

لا تحاتين اقري ايات وسمي بالرحمن وان شاء الله سهالات ...

 

[Artya 【ツ】●]

الله يوفقكم إن شاء الله

 

[وحــده..]

واو بنات .. صج شعور غريب . انا قاعده اقرى وكل ما اشوف كلمه يباب .. شعر يمى يكش .. اخاف ^_^

-- ما شاء الله عليكم .. والله يتمم عليكم . وتصير كل حياتكم وناسه وفرحه دووم ..

-- انا ان شاء الله قريب .. واكيد اكيييييييد .. راح اكتب .لكم تجريتى بالتفصيييييييييييل الممل ..

 

[sondos]

(وحده)


حبوبه بالعكس ليش العروس تستحى الهداايا كلها لها والاهل لما يجيبونهم يبون يشوفون الفرحه بعيونها ........وبالعاده هم يدورون فيهم بس يعنى ما يفصصونهم


والاحراج صجججججج لما يطلعون قمصاان النوم

 

[وحــده..]

هههههههه..واى سندس .. وان شاء الله بيطلعون قمصان النوم جدامى :/ ... لا حشى بيصير ويهى طماطه .. (( مو مسويه فراكسل وويهى بروحه صاير احمر ))..

من صجكم بقعدون يفترون بالدزه .وانا قاعده .. لا استحى ..

-- بقولكم .. قررنا نطلب البوفيه من طيبات الخالديه .. اشرايكم بنات .. بصراحه بفتك .. ما ابى احس بالحوسه .

 

[TBOOLA]

حلووو وجيكو عالاطباق عدل يمكن ينسون شي
طلبنا طبق وكانت ناقصه صلصه لازم يحطونها فطلعت ناااااااشفه محد كله
:
ناطرين يوم دزتج عشان تقوليلنا شنو صاار p:

 

[DKNY]

موووووفقه يالغاليه

 

[وحــده..]

اى والله تبوله ... ياهوه يوم ... اول ما يخلصون بيكم اشبك واقولكم شصار .. عاد قايلين هالاسبوع وانا والله حدى تعبانه .. وحده مو مناسب الموعد .. بس شسوى ودى افتك منه ..حشى امتحان مو دزه ^_^


dkny....تسلمين يالغاليه ومشكوره على مرورج ^_^

 

[blue diamond]

هههههههههه امتحان حلو على قلبج
وعقبال دزه جميع العزابيه وانا معاهم

 

[MaZaji CoOL]

الله وناااسه سالفة الدزه << ولو اني للحين مو فاهمه .. الدزه يعني اهل المعرس يعطونكم المهر ..أو أغراضج يدزونها بيت المعرس وأهل المعرس يستقبلون أهلج ؟؟؟؟؟

لإني قريت أكثر من موضوع والردود مختلفه ...!!

المهم احنا ماعندنا هالسالفه وأول مره أسمعها ...<< إنزين يصير أطالب فيها إذا إنخطبت ؟؟؟؟؟؟لووووووول عشان يقولون ويهها منجب!!

بالتوفيق حبووووبه ..

وبلغينا عنج شصار؟

 

[<' توت توت '>]

بنات ممكن تكتبون لنا اماكن محلات تبيع دراريع فخمه وراقيه وسعرها مناسب مو غالي

لأن في محلات الدراريع بالميات !!!!!!!!

وشكرا لكم

 

[فيلسوفة زماني]

هلا والله بالتوت
جوفي اختي انا توني مفتره على الدراريع روحي مجمع الاوقاف في عنده اشياء وايد حلوه وبمختلف الاسعاااار
يعني في الغالي وفي الرخيص وانتي اختاري اللي يناااسبج وبالتوفيق وانا بعد وين اعرف وين يبيعون دراريع سنعه

 

[وحــده..]

حبيباتى .. اخيرا خلصنا من هاليوم الموعود ... بس اولا يوم الدزه = اليوم الى يبون اهل المعرس المهر حق العروس .

الى صار انى لبست فستان ناعم .. وحطيت مكياج ناعم .. ودشوا اهل المعرس بيباب .. واهلى استقبلوهم .. وعقب نادونى وسلمت عليهم وقعدت معاهم ..وصارت القعده سوالف وكلام بالشغلات العامه .. وعصير ومكسرات وشاى وفطاير من الخبار مع حلويات شرقيه واخر شى القهوه العربيه مع حلو القهوه ..

وانا طبعا كله مبتسمه لانى ما كان يتوجهلى كلام مباشر .. ( واعتقد هذى لظروف خاصه فينى .. ما عليه ) المهم كان يوم حلو .. عقبها امه دقت على امى واسالتها شنو رايكم ..امى امدحت الدزه وقالتهم انهم ذووق ومن هالكلام .. وامى قالتها بعد انها بغت تفتح الدزه جدامهم بس اخته اول ما دشت حطت الدزه واقعدت .. فامى تقول ما قالولى هذى دزه فلانه .. فمايصير اقوه اخذها وابطلها بروحى مو حلوه ..:/

اه ه ه الله المستعان . المهم خالتى ( ام زوجى ) قالت حق امى انا ما سولفت عن التفاصيل لانه كان وايد زحمه .. وكلموا سوالفهم بالتيلفون ..

-- المهم انه اليوم خلص وراح ..مر بسلام والحمدالله واى سوؤال انا من عيونى ما راح اقصر ^_^

 

[فيلسوفة زماني]

اختي ... وحده
يعني ما حطيتي بوفيه ؟

 

[اكوامارين]

مبروك والله يهنيج انزين ممكن نعرف شنو حاطينلج بالدزه وتسلمين حبوبه

 

[وحــده..]

هلا حبيباتى .. فيلسوفه .. لا ما سوينا بوفيه ..اكتفينا بالموالح والحلو الشرقى والعصاير والشاى والخ ... ( لانه كنا مسوين بوفيه وعزمناهم على غبقه باخر رمضان ),,

اكوامارين كان فيه صندوقين .. واحد فيه بخور ومبخر كشخه والمهر وعطر عربى ريحته رووووووووووووووعه .. والصندوق الثانى ساعه اوميجا .. ..

والله يبارك لكم وعقبال الباجى

 

[grumpy22]

الف مبروووك حبيبتي والله يهنيج بغيت اسال منو الي يا مع اهل المعرس وقت الدزة
وبالنسبة حق الدزة مايابولج ملابس وملافع مكياج الخ يعني سوالف الدزة المعروفة؟