تفتحين الهديه ولا لأ ؟؟؟

[.]

انا احب افتحها عقب..

ومن قبل الافتحها اشكرهم..

 

[نانو الشيطانه]

حسب الميانة

 

[SILVER ROSE]

انا استحي افتح الهدية جدامهم بس ساعات يطلبون اني افتخها وابدي رايي

 

[رفرف]

افتحها اذا اللي معطيني اياها وايد قريب ..
واذا بعيد مافتحها بس اتشكر منه وافتحها تالي

 

[لوكريسيا]

رايي من راي زينة ..

اذا الهدية من اهلي القرااااااب و خواتي و اللي بيني و بينهم ميانة من صديقاتي افتحها بنفس الوقت و اتشكر منهم .. بس اذا الهدية من ناس مو ميانة افتحها بعدين و من استلمها اتشكر منهم

 

[مرت ريلي]

على حسب يعني في ناس تطلب انج تفتحينها
وفي ناس لأ فاذا طلبوا أفتحها، وانا من النوع
اللي أحب الواحد يفتح هديته جدامي علشان
أشوف ردة فعله أحلى شي

 

[katko0ota]

بالنسبه لي يا عزيزتي

فأنا افتحها على طووووول و اعطي رايي بالهديه

على الفكره مو المهم قيمه الهديه الماديه و لكن المعنويه تلعب دووور بالنسبه لي

 

[Om_RayooMa]

على حسب الشخص اللي يابلي الهديه اذا غريب لا فشله
احنا اهلنا اذا عيد ميلاد والا مناسبه ننطر الغرب بروحون ونفج الهدايا لوووووووووووووول
احلى شي لما اتودين هديه حق احد وتشوفين فرحته فيها

 

[سنبلة]

اذا اهلي عادي افتحها اما اذا رفيجاتي لا ماافتحها

 

[فلووونة]

مشكورين وماقصرتو على المشاركه

 

[حبيبة أهلها]

اذا امي او اختي عااااااااادي بس احد غريب استحي

 

[صديقة د. شريفه]

من فنون الايتيكيت انج اذا تلقيتي هديه تفتحينها جدام صاحب الهديه وتتشكرين منه
اما اذا كانوا مقدمين الهدايا وايد فأعتقد ان مستويات الهدايا متفاوته ، وممكن تحرجين ضيوفج ، اما اذا شخص واحد فالايتيكيت يقول تفتحينها جدامه

 

[إستبرق]

على حسب اذا امي وخواتي وابوي وزوجي افتحها بس اذا غيرهم لا استحي خخخخخخ لما يروحون ابطلها وادق اشكرهم عليها او ادز مسج

 

[بنات حواء2]

انا مثل رايج بالضبط

 

[-Bello-]

على حسب الشخص المهديني اياها اذا كان قريب حيل مني افتحها بس اذا كانت من شخص بعيد لأ ما افتحها جدامه وبعدين ادق واشكره على الهديه ..

 

[Q8ia_100%]

انا احب افتحها بس ساعات اذا عندي ضيوف وايد ما اقدر افتحها جدامه
واذا فتحتها عقب لازم اتصل اتشكر او ادز مسج

 

[سعوديه بينكم]

انا احس استحــــي افتحها قدام الي عطاني اياهــا
يمكن امي اختي يمكن ابطلها قدامهــا اما الغير لا استحي
والهديه مهما كانت اكيد بتعجبني يكفي ان هالانسان ذاكرني في باله ومانساني

ومشكوره على الموضوع حبوبه

 

[سعوديه بينكم]

انا احس استحــــي افتحها قدام الي عطاني اياهــا
يمكن امي اختي يمكن ابطلها قدامهــا اما الغير لا استحي
والهديه مهما كانت اكيد بتعجبني يكفي ان هالانسان ذاكرني في باله ومانساني

ومشكوره على الموضوع حبوبه

 

[ألوان الطيف]

على حسب اذا رفيجتي وميانه معاها افتحها وجنه العيد واونسها
بس اذا وحده بعيده وتعتبر شوي غريبه استحي افتحها جدامها

 

[منورة الكويتية]

لامافتحها
احب افتحها لمن اصير بروحي