تفسير احلام الحوامل

[اريج الحربي]

رد: اللي حلمت وهي حامل وتحقق حلمها بنفس نوع الجنس

ورفع لعيونك

 

[فجوره]

رد: اللي حلمت وهي حامل وتحقق حلمها بنفس نوع الجنس



بنات أنا مرات أحلم بولد ومرات بنت

شنو يعني

 

[ايمانو حلوة]

رد: اللي حلمت وهي حامل وتحقق حلمها بنفس نوع الجنس

اخذيها قااااااااااااااااعدة

ترى الاحلام موشرط تصدق او بالاحرى مالها شغل بنوع الجنين

انا اكثر احلامي ولد وفيني بنوتة وليلحين احلم تفسير الحلم ولد

فالشي الوحيد اللي يقول بنت او ولد

السونااااااااااااااار

 

[eva-deva]

رد: اللي حلمت وهي حامل وتحقق حلمها بنفس نوع الجنس

انا حلموا فيني اني لابسة تراجي .. ويبت بنت ..

وحلمت في سوار .. والحين قالوا لي ولد ..

بس في احلام وايد احلم فيها وانا حامل تكون خرابيط

 

[القبله]

رد: اللي حلمت وهي حامل وتحقق حلمها بنفس نوع الجنس

انزين بنات أنا ألحين حامل و دايم اتحلم أني لابسه ساعتين ذهب كبار ابإيدي اليمين و مره حلمت أني أخاذ جوزين تراجي يعني أربع مجموعهم و أنه كل حريم جماعتنا قاعدين يطالعوني و انا آخذهم و كانو فضه و على فراشه زرقه و مره حلمت بإسوار ذهب و بعد دايم اتحلم أني أخون زوجي و أحلم بدم يطلع مني و الله أحلامي تخرعني و أشكثر أقعد من النوم متعكر مزاجي طول اليوم حتى زوجي مسكين مبتلش بنفسيتي يقول أنتي تحلمين و أنا آكلها

تكفون بنات اللي تعرف تفسر تقولي

 

[دآنة آلرشآيده]

رد: اللي حلمت وهي حامل وتحقق حلمها بنفس نوع الجنس

بنات انا مو حامل
بس حلمت ان اخوي عطاني 500 دينار

 

[فجوره]

رد: اللي حلمت وهي حامل وتحقق حلمها بنفس نوع الجنس



ان شاءالله البنات يساعدونكم بالتفسير

 

[فـراوله]

رد: اللي حلمت وهي حامل وتحقق حلمها بنفس نوع الجنس





أنا وايد تحلمت أحلام مره تفسيرها ولد ومره تفسيرها بنت

مره حلمت بحضني بنت

ومره حلمت بـ 3 أطفال عند كل واحد بمهاده بيضه

ومره حلمت بولد مثل القمر وكنت طااايره ومستااانسه حيييييل فيه

ومره حلمت إني قاعده أشتري جنطه

ومره حلمت إنه زوجي يخوني مع أحد من قرايبي

ومره حلمت إني متزوجه واحد غير زوجـــي


اشـرايكــــــــــــــــــم ؟؟؟


و مادري عاد اللي فيني بنت ولا ولد

 

[فـراوله]

رد: اللي حلمت وهي حامل وتحقق حلمها بنفس نوع الجنس

هـذه أحلامي اللي أتذكرها


الحلم الأول :-

كنت رايحه المستشفى مع زوجي ولا ألقى كرسي جنب وحده بنت سمرا
حيييل مادري شصار المهم قامت تهاوشني وتسبني وبعدين التفتت
على زوجي وقعدت تهاووش وأنا ما أدري للحين شسالفه وقعدت من النوم ...


الحلم الثاني :-

حلمت بدجاجتين وديج هجموا علي وانا نايمه وعوروني بايدي وقعدت
أوخر عنهم ما قدرت وبعد ما عوروني طاروووا ...


الحلم الثالث :-

حلمت إني زايره بيت حمولتي ومعاي 3 جهال
اثنين شايلتهم أنا وواحد شايله زوجي وعند كل مهاد جاهل كنت
كاسره بيضه وحاطتها على مهاده أتوقع كنا بنروح فيهم مكان
وبعدين جنا هونا ودخلنا المطبخ وأحط بيضة كل واحد بقلاص لين
ما نروح مره ثانيه عشان ما يطيح البيض ...


الحلم الرابع :-

حلمت ني ولدت قبل موعد ولادتي تقريبا بشهر يعني أول 11 وكنت منصدمه
لانه ولادتي آخر الشهر أو أول 12
وجبت ولــد وكنت مستانسه فيه وطايرره فيه حييييل وأختي كان عندها ولد
كبير اشوي مع انها بالحلم جنا توها والده قبلي بفتره بسيطه وأنا أشووفه كبير ويمشي
قلت حق أختي ولدت مبجر وللحين ما جهزت وما عندي مهاااد للولد
وزوجي اللي بالحلم كان غير زوجي الحقيقي يعني مثل اللي جنا مخطوبه له للحين ما صار زوجي
وأنا أقووول بالحلم مو هذا أبوووالولد بروح أدق على أبووه
وبالحلم أنا كنت طااااااااااايره بالوووولد ومستااانسه فيه حيييييييييل ...


مادري عاد اذا في أحد يعرف تفسيرهم صح يقوووولي



​

 

[LoOoZa]

رد: اللي حلمت وهي حامل وتحقق حلمها بنفس نوع الجنس

أنا وايد تحلمت أحلام مره تفسيرها ولد ومره تفسيرها بنت

مره حلمت بحضني بنت

ومره حلمت بـ 3 أطفال عند كل واحد بمهاده بيضه

ومره حلمت بولد مثل القمر وكنت طااايره ومستااانسه حيييييل فيه

ومره حلمت إني قاعده أشتري جنطه

ومره حلمت إنه زوجي يخوني مع أحد من قرايبي

ومره حلمت إني متزوجه واحد غير زوجـــي


اشـرايكــــــــــــــــــم ؟؟؟


و مادري عاد اللي فيني بنت ولا ولد

تجيبين بنت حلوه انشالله

 

[LoOoZa]

رد: اللي حلمت وهي حامل وتحقق حلمها بنفس نوع الجنس

قبل ما احمل ببكري عبد العزيز حلمت ان في مره ما اعرفها تعطيني برقعين وانا ارفض اخذ البراقع اقول لها ما لبس وكل ما تعطيني وتحطهم بحضني انا اردهم لين هاوشتني وحللت وطلعت حامل وانا حامل حلمت بصندوق يهبل كبير لون السيليكون بلاستك بس يجنن وبعدها سويت سونار وقالولي ولد وجبت عبدالعزيز

وقبل حملي الثاني حلمت اني اشتري 3 قواري شاي صين (ابريق شاي ) وحللت وطلعت حامل وحلمت اني شاريه قدر طبخ 3 كبير اصغر اصغر منه وسويت سونار وطلع ولد وجبت فواز

الحين انا حامل بتوائم
قبل حمالي حلمت اني نايمه مع واحد اسود وقالت لي ام زوجي ان راح يجيني بخت وحظ وحمل ...
بعدهاحلمت اني اشتري صندوقين حمر على قلب الحب حق الهدايه يهبلون وحلمت ايضا اني لابسه دراعه نصين من الامام لها الوان عجيبه غريبع ولمه واشوارسكي ونصها الثاني اللي ومن الخلف لونها غير رصاصي وبعدين حللت طلعت حامل
وحلمت وانا حامل اني والده توائم وكأني اسأل امي وام زوجي شنو جبت قالت لي بنت وولد ...لما فتحت المهاد للبيبيات طلعووو اصبيان مو بنت وولد وقلت ليش قلتو لي بنت وولد قالت اص خافي من العين ولا تقولين حق احد ...وقلت حق اللمرضه وين اول بيبي وحطيت على رجله بالقلم رقم 1 والثاني حطيت رقم 2 ....ودق التلفون واطلعت بننت خالت زوجي اسمها بدور تقول لي مبروك شنو جبتي ... خفت من امي وام زوجي يقولون لي لا تقولين ... قلت لها قالولي بنت وولد ...............
والحين سويت سونار طلع فيني مشاء الله بنت وولد الحمد الله رب العالمين

والفال لكم

 

[فـراوله]

رد: اللي حلمت وهي حامل وتحقق حلمها بنفس نوع الجنس

تجيبين بنت حلوه انشالله

فديت البنووووته والله

والله مادري قمت ما اثق بالتفسيرر

لانه أحلامي اللي حلمتها مره تدل على ولد ومره بنوووته

وأنا راضيه باللي يجيني

بنت أو ولد خيرررررررررر وبركه

 

[عجمية ماتهاب]

رد: اللي حلمت وهي حامل وتحقق حلمها بنفس نوع الجنس

يقولون ببداية الشهور الاولى اذا تحلمتي ببنت يطلع ولد والعكس
بعدين لمن تعرفين جنس الجنين وتحلمتي بشكله راح يطلع صح
أنا مرت اخوي تحلمت بولدها انه فيه غمازات ودقة وطلع نفسه يوم انولد
والله يعطيج العافية عالموضوع حبوبة

 

[LoOoZa]

رد: اللي حلمت وهي حامل وتحقق حلمها بنفس نوع الجنس

فديت البنووووته والله

والله مادري قمت ما اثق بالتفسيرر

لانه أحلامي اللي حلمتها مره تدل على ولد ومره بنوووته

وأنا راضيه باللي يجيني

بنت أو ولد خيرررررررررر وبركه

جربي انج تبولين حشاج بقلاص شفاف بس تقعدين من النوم ولا تحركينه وبعد 8 ساعات شوفي اذا لقيتي ترسبات في الاعلى ولا بالوسط يعني ولد اذا لقيتي الترسبات تحت بس يعني بنت .. طبعا تجرب هالتجربه بالشهر الثالث
الله يعطيج اللي في بالج حبي :ceaf32e183:

 

[فـراوله]

رد: اللي حلمت وهي حامل وتحقق حلمها بنفس نوع الجنس



راح أجربها ان شاءالله باجر

وبنشوووف شيطلع

أنا ببداية الشهر الثالث ينفع ؟

 

[بنت الثانوية]

رد: اللي حلمت وهي حامل وتحقق حلمها بنفس نوع الجنس

انا حلمت اني شفت هلالين بالسما

تفسيره طلع ولد

والحمدالله فيني ولد عاد توقت ان يكون فيني توأم <<طماعه

 

[أم أسومـه]

رد: اللي حلمت وهي حامل وتحقق حلمها بنفس نوع الجنس

حلمت بغزاله صغيره تهبل قبل لا اسوي السونار بليله

حلمت بجوهره قاعده تكبر

حلمت باني ماخذه بنتي الجمعيه و ريلي ماسكت ولد صغير بس البنت اكبر من الولد

حلمت ان في بنت ضايعه و قعدت ادور اهلها و اخر شي بالحلم قالولي هذي بنتج

احلامي كلها كانت تدل على انها بنت و فعلا كانت بنت و شعوري من اول ما شفت صورتها وهي نتفه

واول ما سمعت دقات قلبها حسيت باحساس قوي انها بنت الحمد لله يا رب

 

[اريج الحربي]

رد: اللي حلمت وهي حامل وتحقق حلمها بنفس نوع الجنس

القبلة بتجبين ولد ان شاء اللة واللة اعلم ودانة حلمك حمل لكي بولد واللة اعلم

 

[pink Engineerah]

رد: اللي حلمت وهي حامل وتحقق حلمها بنفس نوع الجنس

القبله كل احلامج تفسيرها ولد الله يتمم عليج

 

[المملوحة 79]

رد: اللي حلمت وهي حامل وتحقق حلمها بنفس نوع الجنس

انزين الجاكيت الابيض بالحلم حلمت انه اخت زوجي هدتني قميص أو جاكيت ابيض جديد وانا باول الرابع شنو تفسيرة وعالعموم اهية والدة من 5 أشهر وكانت جايبة ولد ))