تفسير احلام الحوامل

[tbola]

رد: ابي تفسير للحلم اللي يتردد علي؟!!!

انا كنت نفس احلامج وحللت طلع ولد الحمدالله

 

[rtoj]

رد: حامل وحلمتى حلم وحابه تعرفي جنس الجنين

الاخت فرح مادري وينها بليــــــز نبيج تفسرين لنا احلامنا

 

[*TOTO*]

رد: ابي تفسير للحلم اللي يتردد علي؟!!!

الله يسمع منكم يكون ولد والاهم. يكون بصحه وعافيه

انا سويت سونار اخر الثالث ولد وبنص الرابع بنت وكلهم مو اكيد

وبقولكم انشاءالله شنو طلع اول ما اتاكد

 

[شنوووفه]

رد: ابي تفسير للحلم اللي يتردد علي؟!!!

لوووووووول دنيا جديده لاحبيبتي ماله علالاقه بتوقيعي الصووره عجبتني وحطييتها
اي والله مو مهم ولد ولا بنت اهم شي الصحه والعافيه

 

[AtoooMi]

رد: ابي تفسير للحلم اللي يتردد علي؟!!!

هههههههههههههههههههه


افلا مو احلام خخخخخ

 

[بابريكا]

رد: ابي تفسير للحلم اللي يتردد علي؟!!!

هيهيهيهيهي الصراحه ضحكتوني

 

[حرم_الغلا]

رد: ابي تفسير للحلم اللي يتردد علي؟!!!

امبييييييييييييييييه حتـى أنا جذي أحلاااااااااااامي....

عــاااد متحلمه بالملك عبدالعزيز أل سعوودد....<< اللي تعرف تفسيره تفســره ؟؟؟؟؟

 

[om 7sony]

رد: ابي تفسير للحلم اللي يتردد علي؟!!!

هههه
اي والله صج افلام
اكشن وبجي وصراخ .... لوووول
بس لا صج اتضايق من هالاحلام...
ان شاء الله اا ولدت بقولكم البيبي ولد ولا بنت عشان نشوف اذا تصدق الاحلام ولا لا.....

 

[مواصله]

رد: ابي تفسير للحلم اللي يتردد علي؟!!!



يااااارب تصورين وتبشرينا بالولد المتعافي

 

[حرم_الغلا]

رد: تفسير الاحلام.......

ســلااااام....:eh_s(7)::eh_s(7):
... شلــونكم ..

بنـاات عنـدي حلميـن أبـي تفســيرهم....


حلمـت ذاكـ اليــوم إن صــدري يطــلع منـــه حليييــب وااااجــد...وكان شكـل صــدري حـلو وأبيــض حيييييل وكنــت أضغط عليــه يطلـــع حليـــــــــــب حيييييل.......

....والحــلم الــثاني أمــس.. حلمــت بالملـك عبدالعزيز أل سعــود... كـان حــوله نــاس وسلمــت عليه.....

....ابي تفسيــره تكفــون؟؟؟؟:yaaaaaarb::yaaaaaarb:​

 

[فرح79]

رد: حامل وحلمتى حلم وحابه تعرفي جنس الجنين

حلمت اليوم اني اشوف اختي والي اهي بعد حامل عندها قرأن صغير وانا جني بالحلم اقول لها انا بعدريلي ياب لي نفس هالقران بس يفرق بشكل بسيط عنه .. وانا بعد حامل


شنو تفسيره ؟؟

اختى القران الكريم شرف وسرور ونصر باذن الله الحلم كتير حلو الله يرزقك ما تتمنيه

 

[فرح79]

رد: حامل وحلمتى حلم وحابه تعرفي جنس الجنين

شنو تفسير حلم الجماع مع الزوج اذا كانت الوحده حامل

الجماع مع غير الزوج ولد باذن الله اما الجماع مع الزوج بنت والله اعلم

 

[فرح79]

رد: حامل وحلمتى حلم وحابه تعرفي جنس الجنين

مرحبا عزيزتي
مو أنا اللي حلمت بس خالتي حلمت إني أولد وأجيب بنت وأختي تجيب ولد
مع العلم إني عندي بنتين وأختي ماشاء الله كلهم أولاد

والحلم الثاني حلمت انها معاها شيلتين (طرحتين)وحدة معاها وحدة مع أمي

ياليت لوتفسرين حلمها وهل لو علاقة بجنس الجنين؟؟؟؟

اختى بالنسبه للحلم بنت ولد مو شرط اللي تحلم تجيب بنت انها تجيب بنت او ولد تجيب ولد
اما الطرحه للحامل ولد باذن الله

 

[فرح79]

رد: حامل وحلمتى حلم وحابه تعرفي جنس الجنين

تحلمت اني شريت عطر وعجبني حييل ورشيته علا ايدي وكان عجييب

العطر للحامل ولد والله اعلم

 

[فرح79]

رد: حامل وحلمتى حلم وحابه تعرفي جنس الجنين

حامل وحلمت بأخوي يتقهوا وقام وطلع من الغرفة ودخل أبوي ومعاه كلب اسود صغير وكان حولي خواتي ويرسله أبوي علي وانا خائفة وأقول انتبه لاتنكب القهوا وجاني الكلب يتوددلي. والسونار قالي بنت وامي حلمت فيني مرة اني لابسة ثوب ابيض*

الكلب رجل سفيه والكلب الاسود سياده لاهل بيته اما الثوب الابيض للحامل ثوب الزفاف اقصد للحامل ولد والله اعلم

 

[فرح79]

رد: حامل وحلمتى حلم وحابه تعرفي جنس الجنين

حلمت أن أخوي أعطاني خاتم ذهب روعة وفوقة فصوص الماس وحلمت بعد أن زوجي أهداني خاتم ذهب
الخاتم كان مثل خاتمين ذهب متصلين فوق بعض بينهم مسافة ولبستة مكان الدبلة وكنت لابسة دبلتي قلت غريبة أنا عندي دبلة ولبستة فوقها


وحابة أسألج أختي
ماء الورد بالحلم للحامل بنت ولا ولد

اختى الخاتم بفص للحامل ولد باذن الله
اما ماء الورد ما عندي فكره للاسف والله اعلم

 

[فرح79]

رد: حامل وحلمتى حلم وحابه تعرفي جنس الجنين

حلمت اني اكلم ابوي واتهاوش معاه لانه يخون امي ويكلم بنت واهاوشه واعاتبه حييل بصرااخ وكنت اقوله زوجي مايسوي مثلك قال لان من زمان متزوجين وسكت اخذت منه التلفون ودقيت علا البنت وكان مسجل اسمها عايشه ومزين بارقام وزفيتهاا حييل ومسحت رقمها وجا ابوي بياخذ التلفون خذفته جان يطيح قريب وركضت بنت خالتي اسمها ساره واخذت التلفون قلت احذفيه وحذفته وطاح فوق ديوانيه بيت اهلي وقلت ماتقدر تصعد فقام وصعد فوق الديوانيه وجاب التلفون فقعدت اقوله انشا الله تطيح واهو ينزل كانه ينزل غلا مكعبات كراتين صابون كبااار قمت وطيحت فطاح من السور وجاني قال شوفي انجرحت صوب عيني وسكت وجاب لي بنت وكنت اطقهااا حييل واحذفها بالطوفه بسبب ابوي والبنت عمرها 2 او3 وتالي كنت بروح لبيت اهل زوجي قعدت اشوف دراريعي فلبست دراعه نفس الدراعه الي عندي بس شوي ضيقه ولمن رحت لهم دشيت علا خوات زوجي وصعدت وانا ادش ينادوني ازفهم ماارد عليها ولحقتني حماتي قالت شفيج قلت تعبانه مابي اشوف احد وبس مع العلم بالحلم اقول لامي عن ان ابوي يخونها تقول عاادي ولاجنه يهمها*وبس

اختى انا اسفه ما عندي فكره عن تفسير حلمك اعذريني ممكن تعرضيه على شيخ مختص


اسفه مره اخرى

 

[فرح79]

رد: حامل وحلمتى حلم وحابه تعرفي جنس الجنين

أنا حلمت حلم بس أتوقع ماله شغل بالحمل

حلمت إني رحت بيت اختي المتزوجه وحضرت لهم عزا

وكان بالحلم توها متزوجه صارلها يومين بس وقلت لها

ما مداج تزوجتي الا وحضرتي عزا من ثاني يوم عرسج

وكانت لابسه أسود

شنو تفسير هالحلم ان شاءالله خير يااااارب

ملاحظه اهي للحين ما تزوجت عرسها بعد كم شهر

اختى الثياب السود لمن لايعتاد لبسها فهى اصابه مكروه وان اعتاد لبسها فهى صالحه
الله يبعد عنا وعنك كل مكروه وشر امين والله اعلم

 

[فرح79]

رد: حامل وحلمتى حلم وحابه تعرفي جنس الجنين

قوووه فرح
انا شفت اني رايحه للمستشغى ابي اولد
ولما دشيت غرفه الولاده الا كانت مليانه حريم بيولدون
كان اقووول يالله وين راح اولد
ورحت على جنب من غرفه الولاده ويجيني الطلق واخذ وضعيه الجلوس واولد من نفسي والا يطلع البيبي وسبحان الله كان نظيييف
واطالع فيه واقول الحمد لله ولد شوفوه عضوه
ونام بعدها
وبعدين قعدت اطلع المشيمه والا سبحان الله كان لونها اخضر وصار مثل العشب
وتعجبت حيييييييل شلون صار عشب اخضر
وانتهى

اختى من تحلم انه ولادتها سهله فهي باذن الله سهلع ورؤيه العضو الذكري للحامل ولد والله اعلم

 

[فرح79]

رد: حامل وحلمتى حلم وحابه تعرفي جنس الجنين

السلام عليكم ورحمة الله وبركاته


انا حلمت اني ولدت وجبت ولد بس الولد كانت ارجوله مو طبيعية كانها مثل ارجول الدجاج وفيها بعد مثل الحبوب ......
تكفوووووون فسرو لي حلمي وجزاكم الله خيرررر
للعلم انا حامل وبالشهر التاسع ...





لا اله الا الله ومحمد رسول الله
استغفر الله للمؤمنين والمؤمنات والمسلمين والمسلمات الاحياء منهم والاموات

اختى ان شاء الله خير بس للاسف ما عندي فكره اسالي شيخ مختصر اسفه