تفسير احلام الحوامل

[q8helwa]

بنات

حلمت برفيجتي اهي حامل

مره حلمت انها قاعده بالصاله ولابسه دراعة
لونها احمر واسود وسالتها قلتلها من وين دراعتج
قالت من العربيد

ومره

حلمت فيها انها لابسة دراعة زرقه
واهي بالصج والواقع دراعتي

شنو تفسيره

 

[عيون^^زوجها]

السلام عليكم حبيبتي ممكن تفسريلي حلمي
انا وزوجي وعمي سالم ( علاقتي معاه موذاك الزود) واخوي احمد بغرفة جنها فندق واهم نااايمين عندنا بالغرفة وفارشين على الارض وانا اخدمهم

 

[عيون^^زوجها]

وحلمي الثاني ان لقيت دشداشتين زوجي معلقة وراى باب الغرف وحده لونه ابيض والثانية سكري واللي لفت نظري السكري لان في الحقيقة اهو مفصلها للعيدوللعلم انا حامل وعندي بنتين والله يجزاااكم خير

 

[آلجفوول ~]

السلام عليكم

تحلمت ان خالتي اخت امي شرت لي فراشين واحد بني مخرم بلحمي مع وجه المخده وشرشفه والثاني بس شرشف ووجه مخده اوف وايت وفي تطريز ع الاطراف ،،

بس

 

[بنتي نور عيني]

حلمت ان زوجي يقولي انه كان متزوج قبلي وحده بس ما يحبها وانها كانت موعاجبته وموزينه وكسوله وانه طلقهاا وبس

 

[q8helwa]

وين مفسرات الاحلام

 

[الشيخه غرور]

أنا حلمت ان شعري كله شيب وكنت اوريه لامي وتقولي عادي

الشيب شنو تفسيره للحامل ؟؟

 

[Apple1]

ابل بشارة حمل باذن الله

الله يسمع منج ان شاء الله ويبلغج ماتتمنين
ويارب ربي يبلغني وايي ابشركم:eh_s(17):

 

[q8helwa]

بنات

حلمت برفيجتي اهي حامل

مره حلمت انها قاعده بالصاله ولابسه دراعة
لونها احمر واسود وسالتها قلتلها من وين دراعتج
قالت من العربيد

ومره

حلمت فيها انها لابسة دراعة زرقه
واهي بالصج والواقع دراعتي

شنو تفسيره

شنو تفسيره

 

[الأمريكية]

السلام عليكم
انا حامل وحملت اني قاعدة تحت شجرة عنب وفجأة نزل العنب كله عالراسي مثل المطر والعنب كان لونه احمر
وشكرا

 

[توحه1]

ان شاء الله خير ابل اناناطره البشره

 

[توحه1]

الامريكه
رزقه وسرور وفرح قريب باذن الله

 

[The^White^Swan]

توحه انا بليز

السلام عليكم اتمنى تفسرين حلمي واسفه اذا اضايقج لانهم اكثر من واحد

حبيبتي حلمت عندي مزرعه صغيره في بيتي وزارعه فيها 3 رقيات وخضرا وعناقيد عنب اخضر بس حييييييل كبار وحجم الحبه للعناقيد والرقي ضخمين وقلت لازم اقطع الخضرا لانهم كبار قبل ما يخربون وانا اقطع شفت منجتين عملاقات نفس حجم الرقي بس مدورات ولونهم وشكلهم مستويات ونفس الشكل كانهم مستنسخات وخشيتهم قلت ما ابي احد يشوفهم ووكلت امي حبه من عناقيد العنب وكانت حيل مستانسه من الطعم وزوجي اخذ عنقود عنب وكان كبييييير وحطه يمه عالارض واخوي اخذ الرقي ووزعه على بنت خالي وولد خالتي ووحده لهم لبيت اهلي



الحلم الثاني

قطوه صغيره حيييل عسليه بنيه ياتني من ورا تحاول تعضني وابعدها وترجع واخر شي مسكتها وحذفتها وردت رجعتلي وقمت شلتها حطيتها بكيس بحضني وقلت بوديها مكان بعيد اخليها وركبت مع اخوي سياره سوده جيب


الحلم الثالث
حلمت اني اختار جواتي مكرمه واخترت جوتي ذهبي واسود ويوم رحت الا اشوف الدرجه مالت الذهبي غير عن الجنطه الذهبيه وخليته ولبست جوتي الاسود وكان مقاسه اكبر من مقاسي الصجي

توني حللت حامل وعندي عيال الحمدالله وشكرا واتمنى التفسير

 

[عيون^^زوجها]

توووووحة وانا بعد؟؟؟

 

[q8helwa]

توووووووحه وينج 

 

[بنت النور22]

السلام عليكم

انا حامل وحلمت ان انا وريلي واقفين بمحل ساعات واني اقول ابي اخذ ساعه بس هو رافض وطلعنا من. المحل والا توقفنيي وحده ما اعرفه وتنقش حنه على ساقي الاثنتين وانا واقولل لها انا مابي حنه قالت عادي هذا بلاش وبقلبي اقول هذا غالي قلت خلاص الحنه طبع بساقي

 

[الشيخه غرور]

أنا حلمت ان شعري كله شيب وكنت اوريه لامي وتقولي عادي

الشيب شنو تفسيره للحامل ؟؟


بإنتظار التفسير

 

[توحه1]

كاني حبايبي

 

[توحه1]

سوان اول حلمين يبين ان فيج بنت بس الثالث بتيبين ولد احلامج مداخله بعضا بس اتوقع بنت والله اعلم

 

[توحه1]

الشيخه غرور فسرت لج شوفي الصفحه اليي قبل