تقدم لي شخص .. وأبي رأيكم يا بنات

[سلعوه]

السلام عليكم ورحمة الله وبركاته

حبيت أستفسر منكم وأخذ رأيكم بموضوع يخصني يا بنات

أمس تقدم لي شخص

بعطيكم شوية معلومات عنه ..

جنسيته سوري أمه كويتيه , وظيفته مهندس معماري , عمره 24 سنه < يعني اكبر مني بسنتين

الوالد يمدحه ويقول انه لبق بالكلام وشكله حيل محترم ومثقف

والوالده هم تمدح فيه وتقول إنه كامل وماراح احصل احسن منه

بس يا بنات العائق الوحيد الي يوقف جدامي هو جنسيته :eh_s(16):

معقولة أهلي ما التفتوا لهالموضوع هذا ؟

انا ما اقول هالكلام من باب التقليل من الجنسيه السوريه , هي طبعا ع العين وعلى الراس

بس انا بعمري مافكرت انه اخذ شخص من برى ديرتي :bbbiu:

واترك المايك لكم وسمعوني ارائكم ..

كل وحده تحط نفسها مكاني وتقولي شنو راح تسوي :rerrerek:

فمان الله حبيباتي :eh_s(7):

 

[فديت اللي في بالي]

,

مادام انو اخلاق ومثقف وصالح وافقي عليه لو مرتاحة له ’’
ولاتنسي الاستخـــــــارة,,
وشورة اهلك ,,


والله يوفقك ويسعدك وينولك للي في بالك ويسر لك امرك ياحي ياقيوم ,
ياااااااارب ,

دمتي بوود ~
~
,

 

[بسموهـ]

انصحج بالاستخارة

مع اني ضد الزواج من جنسية او من بيئة مختلفة


لا سمح الله ما صار فيه توفيج العيال راح يتشتتون

ومصيرة رااد لديرته

هل بترضين تتركين اهلج ؟؟

وهم اعيااالج .. راح يكونون موكويتيين

مادري اذا راضيه وعادي عندج


وارد واقول استخيري

بالتوفيق

 

[انا لها شمس]

توج٢٢ سنه
ما الله حادج ع الزواج المشتت هذا
اذا لاسمح الله نزل اي قرار من الدوله يظطر ان الولد يسافر لديرته
عندج استعداد تسافرين ؟؟؟
عادي عندج عمام عيالج ماتعرفينهم ؟؟؟
عندج استعداد تحمل نظرات المجتمع ؟ وليش ماخذه غير كويتي واهيا صغيره ؟؟؟
مستعده تتحملين عقبات الوظيفه والراتب مع زيادة متطلبات الحياه واليهال

وشغلات اكثرررررر

اذا فكرتي بهذا كله وشفتي انه سهل

الف مبروك والله يتمم ع خير

لقيتي انه صعب ... االله يرزقج بالاحسن ان شالله

 

[نونو العصله]

انا ما اقلل من اعتبارهم
بس انا ضد الصراحه
افكر اذا ياني بنت
منو تتزوج
سوري او كويتي
ولدي منو بياخذ
سوريه او كويتيه


خلينا واقيعيين
المجتمع بينظر لهم ان عيال السوري


وهذا رايي
انتي تقولي عمره 24 واكبر منج بسنتين
يعني انتي 22
صغيره
لا تستعجلين
فكره واستخيري

 

[نونو العصله]

الف هم وهم
دراسة عيالج
وضايفهم
والخ الخ

لا تستعجلين
الله يعوضج بلي احسن و يستاهلج

انا برايي ما توافقين وانتي حره

حلات الثوب رقعته منه وفيه

ولد ديرج اولى
عارفج وعارفته
عاداتنا وتقاليدنا
وكل شي نصيب

 

[طعنـــة غـــدر]

بصراحه ماني مع هالزواج لكن استخيري وشوفي الاسباب اللي فوق
البنات ماقصروا

 

[الهنوؤوفـ]

البنات كفو ووفو

شي صعب للغاية بصراحة وواااااايد بعد انا لو بمكانج برفض من البداية من دون ما افكر وطبعا اهلي مستحيل يوااافقو على سوري مستحيييييل

يعني لو واحد من دول الخليج يمكن ابلعها يمكن لو انه مستحيل بس بمشيها لكن سوررررري صعبه

بنقول لو الريال كويتي والبنت سورية اهووووون اما العكس لااااااا

صلي استخارة وما خاب من استخار

وفي الاول والاخير هذا نصيب محد ياخذ نصيب غيره يعني يا اختي نصيبج مكتوبلج وانتي في بطن امج اذا هو او احد غيره

ربي يوفقج ويسعدج

 

[kuwait_queen82]

صلي صلاة الاستخاره

 

[FDET NFSY]

البناااااااااات ما قصروووووووووووووو

استخيييري

 

[شكو 77]

أنا صراحة توقعته سوري كلش بس هذا امه كويتية يعني عادي ..

مافيها شي دام امه كويتية يعني يعتبر كويتي تقريبا عايش بالديرة ومواليدها مافيها شي

وطالما امج وابوج شافوه وراضيين يعني الحمد لله مافي عائق شكو جنسيته

الحمد لله يعني ديرتنا تعامل ابناء الكويتية احسن معاملة ويمكن حتى هو يتجنس على امه مافيها شي

وان ما تجنس هم ما يعيبه شي طالما الولد خوش ولد واهلج راضيين ومهندس ماشاء الله تبارك الرحمن يعني ما يعيبه شي

ولو داخل على انه فقير جان قلنا داش على طمع بس هذا مهندس معماري يعني بخير ماشاء الله

اقول بعد ما تستخيرين طبعا بس عشان تتطمنين بقضاء الله بس وافقي لانه من مواليد هالديرة وتربيتها وهو

متاكدة انه لهجته كويتي واطباعه بعد كويتي ولا يهمج اي شي ثاني مبروك مقدما ,,,

عاد بشرينا عالخاص بالموافقة وانا بدعيلج ربي يسهل امرج ويبارك لج بزواجج يا رب

والايام تمشي والحياة بعد لا تنغرين بعمرج حيل وتقولين صغيرة انا اشوفه احلى فرصة جتج و

تقدملج مهندس بعد شتبين ؟؟

قولي الحمد لله ووافقي وتوكلي على الله وافرحي بحياتج ماكو احلى من الزواج والاستقرار ..​

 

[أم الفناتك]

جني عرفت اللي خاطبج
اذا اهو نفسه انا سامعه عنه ان خوش واحد وخلوق والله يسهل امرج يارب ان وافقتي والا ماوافقتي

 

[تحت ظلك]

أستخيري ووافقي أقل شي أحسن من عيال الخليج أتكاليين على المره استخيري وانا ارتحتي له اخذيه
والله يوفقج

 

[^البارونه^]

البنات كفو وفو .. استخيري

و قومي الليل في وقت السحر - قبل اذان الفجر بساعه

ادعي فالسجود - وصدقني ماخاب من توكل على الله - دايما قولي فوضت الامر لك

اللهم دبر لي امري فاني لا احسن التدبير ​

 

[المرتاحة]

فكري بمستقبلج

ترى السوري ماله حقوق مثل الكويتي

وحطي في بالج عيالج بتعاملهم الدولة معاملة الاجنبي اذا تعدوا 21 سنه

مو قصور في الاجانب بس الوحده حلاته تاخذ واحد واهي مطمنه على مستقبلها و مستقبل عيالها

والله يوفقج

 

[خُزام]

يعني جامعي مهندس لبق محترم هالأشياء اهي المهمة
ودام أمه كويتية أحسن بعد لأنه هذا يعني إنه
متطبع بلهجتنا وعاداتنا وتقاليدنا فما أشوف فيها مشكلة
أهم شي لما تقابلينه يكون بينكم قبول وتوافق وراحة
وسألوا عنه أكثر عن أخلاقه وتعامله بمحيط ربعه ودوامه واستخيري ربج
والصراحة حبيت موقف أهلج متفتحين واعيين وتاركين لج القرار الله يخليهم لج

 

[منبع عبط^_^]

البنات ماقصروو وانا معاااااهم

حلات الثووب رقعته منه وفيييه

 

[عادت ذكرياتي]

شي محير

الله يوفقج ...

 

[باقة ورد]

حرام لا تستعجلين اهو ممتاز وكل شي بس تتزوجينه لا انا انصحج لا طالما انج صغيرة شالله حادج تاخذين شخص من غير جنسيتج؟؟

 

[فلنتينو]

حلات الثوب رقعته منه وفيه