تقدم لي شخص .. وأبي رأيكم يا بنات

[رقـة الاحسـآس]

الله يوفقج

 

[قاهره عذالي]

ماشاء الله شهاده ووظيفه واخلاقه زينه

اذا عايلته زينه وامه كويتيه عادي

مافيها شي الجنسيه السوريه

 

[قاهره عذالي]

يعني جامعي مهندس لبق محترم هالأشياء اهي المهمة
ودام أمه كويتية أحسن بعد لأنه هذا يعني إنه
متطبع بلهجتنا وعاداتنا وتقاليدنا فما أشوف فيها مشكلة
أهم شي لما تقابلينه يكون بينكم قبول وتوافق وراحة
وسألوا عنه أكثر عن أخلاقه وتعامله بمحيط ربعه ودوامه واستخيري ربج
والصراحة حبيت موقف أهلج متفتحين واعيين وتاركين لج القرار الله يخليهم لج

معاها
عايش اهني وخلاص تطبع والظاهر امه تبيله كويتيه عشان يكون قريب منها

ومافيها شي اذا هو من عايلة واصل زين

 

[Tom ♥ Jerry]

,


توج صغيره و آن شاء الله اييلج الي آحسن منه ؛) !
انا ضد الزوآج من جنسيه آخرى ..

بس اذا انتي متقبله هالشي .. استخيري و توكلي على الله !
كيفج هاذي حياتج بس فكري عدل

 

[نونو العصله]

سالج سؤال
هو بيتم في الكويت ويباخذ الجنسيه
ولا وين ناوي
بيصير مواطن؟
بترحين سوريا ؟

الله اعلم شنو مصير سوريا
الله يفرجها عليهم انشاء الله
حطي كل الاحتمالات جدامج
وناقشيها مع اهلج
هذه حياة مو يوم او يومين

والله يقم اللي فيه الخير

 

[what's up]

ما انصحج

 

[Patcholli]

حلاة الثوب رقعته منه وفيه وعلى قولة يدتي الثوب اللي مو من رقعتنا مايسترنا

 

[hadoy]

استخيري وادعي وقولي ربي اختر لي ولا تخيرني

 

[Mrs_Orchidia]

اولا استخيري
ثانيا .. لو انا منج ارفضه انتي توج بنت و صغيرة العمر جدامج و ان شاءالله تاخذين لج واحد كويتي و مهندس و للا دكتور الشهادة مو كل شي

و الله يوفقج ان شاءالله

 

[ạ7ạśêś ~]

اممممممم بصراحه صعبه .!
يعني بعرف شنو مهندس لم الكل يطمع فيه شهاده شنو بتسوين فيها بافهم .,؟!
حبيبتي فكري باجر مو بالحين وبفرحتج فيه
بعيالج شلون واهوسوري اكييييييييييد في يوم يابي يرد لـ ديرته بتروحين معه .!؟
مادري صعبه حده وتوج صغيره حيل يعني عندج كذا فرصه
والله يوفقج

 

[أم شيــ@وخة]

اختي العزيزة
انا اقول خلي المجتمع على صوب لانه انتي الي بتتزوجين مو اهم
بس ابيج انتي تقعدين بينج وبين نفسج وتشوفين مستقبلج مع هالشخص هل راح يكون مستقبل جميل او لأ
وثاني شي هل عيالج بكون لهم حقوق وعيشه كريمه مثل الي انتي عايشتها الحين ولا لأ .
لانه انا شفت جدام عيني كويتيات متزوجين من بره الديره عايشين حياتهم بس عياله مالهم حقوق على الدوله نهائيا الا التعليم بس .
وانتي شكلج مو مقتنعه بهالزواج فاستخيري وان شاء الله ربنا بيهديج للطريج الصح .

 

[سلعوه]

سلام عليكم

اشكركم جميعاً على الإهتمام وعلى الأراء

ردودكم حيرتني بزياده ههههه

إلي يقولي مايلمج ويعفج إلا الكويتي

وإلي يقولي إنه الريال كامل ومافيه عيب !

طبعاً اول شي وقبل كل شي يابنات انا بكلمكم شوي عن عاداتنا وتقاليدنا

الوالد والوالده الله يخليهم لنا مو من النوع الي يجبرونا على شي معين

من كنا صغار علمونا على الديموقراطيه بجل حذافيرها

ههههه أذكر يوم كنا نروح السوق كانت امي تهدني اختار هدومي واركب على مزاجي , وكل إلي تسويه إهي انه تقولي حلو اولأ

مع انه ذييج الايام كنت صغيره ( عمري 13 يمكن ) < وسبحان الله هالسالفه مشابهه وايد لموضوعي الي طرحته عليكم

فالوالد والوالده كلش ملش مو معترضين على هالريال الي دق باب بيتنا وخطبني , وقالولي إنه كل شي بيدينج

حطوني بويه المدفع وانا صراحه خايفه اتخذ قرار خاطيء يحطني بورطه عودة ويضيع مستقبلي

ممكن اوافق عليه واعيش وياه حياة مأسويه , وفي إحتمال ثاني إنه ما اوافق عليه ومايجيني الريال المتعلم والمؤدب الي

كنت ومازلت اتمناه يكون شريك حياتي ..

اليوم عقب الغداء قعدت اختي العوده وياي وتناقشنا بهالموضوع

اختي شافته ودققت فيه ودققت بسوالفه واسلوبه وحتى بإهله

تخيلو يا بنات إنه مايسولف ولا كلمه " سوري " ؟

اختي تقولي كويتي خالص بكل شي , حتى شكله كويتي ومزيون وامه بنت حمايل وناس معروفه بالديره

وانا قلت لكم العائق الوحيد الي يوقف جدامي هو تفكيري بالمستقبل

معقولة عيالي يعيشون بديرة امهم بإقامات ؟

انا يابنات والله ما اكابر ولا شي بالعكس اصلا

منو صاحلها ريال مؤدب ومتعلم والكل يحلف بحياته وكامل ( والكامل الله )

بس متخوفه شوي من اي قرار غلط ويأثر علي

انا ولد عمتي اللزم يوم تقدملي قبل سنه رفضته لانه مو متعلم طلع من المتوسطه وحاليا اهو بالدفاع واحس ماعنده هدف بحياته

علشان جذي انا اقول إنه مو كل شي بالدنيا الجنسيه يا بنات

وإن شاءالله بستخير وبفكر 1000 مره واعطي الرد لإهلي يوم الخميس عشان يكلمون الجماعه

واكرر شكري لكم يا بنوتات على الردود الطيبه

وانا متابعه يوميا لكل الردود المحدثه ان شاءالله

فمان الله

 

[عاشقة هواك]

البنات ما قصروا

 

[Meyyawa]

اول شي انتي بعدج صغيرة سواء سوري ولا غيره فكري بمستقبلج ومستقبل عيالج بكل شي .. حتى لو عيالج يتعاملون معاملة الكويتي لانج انتي كويتية بس والله حق الوظيفة والمعاش باجر كلش مو سهلة .. لا تتهاونين بهالامور والله يوفقج تخيلي روحج بعد 20 سنة معاه

 

[أم خشم]

انا دايم افكر بالعبال ,, قبل لا افكر بنفسي
اهوا ما فيه شي ,, و دام تقولين اخلاق ,, وامه كويتية ,, ممكن التفكير بالموضووع
لكن انا ,, شايفة ان تو الناس على اتخاذ قرار بزواج هذي ظروفه ,, ,, اعتقد فكري عدل ,, و لا تستعيلين
والجئي لله تعالى ,, و اطلبي منه تدبير الامور فهو احسن من يدبر

 

[nany_82]

السلام عليكم ورحمة الله وبركاته

حبيت أستفسر منكم وأخذ رأيكم بموضوع يخصني يا بنات

أمس تقدم لي شخص

بعطيكم شوية معلومات عنه ..

جنسيته سوري أمه كويتيه , وظيفته مهندس معماري , عمره 24 سنه < يعني اكبر مني بسنتين

الوالد يمدحه ويقول انه لبق بالكلام وشكله حيل محترم ومثقف

والوالده هم تمدح فيه وتقول إنه كامل وماراح احصل احسن منه

بس يا بنات العائق الوحيد الي يوقف جدامي هو جنسيته :eh_s(16):

معقولة أهلي ما التفتوا لهالموضوع هذا ؟

انا ما اقول هالكلام من باب التقليل من الجنسيه السوريه , هي طبعا ع العين وعلى الراس

بس انا بعمري مافكرت انه اخذ شخص من برى ديرتي :bbbiu:

واترك المايك لكم وسمعوني ارائكم ..

كل وحده تحط نفسها مكاني وتقولي شنو راح تسوي :rerrerek:

فمان الله حبيباتي :eh_s(7):

يا حياتي صلي صلاة الاستخارة ويمكن يكون زين لج
والله يوفقج يارب و بشرينا شنو يصير معاج

 

[خُزام]

كتبي ورقة حطي السلبيات والإيجابيات وسألي أهلج عن كل اللي يدور ببالج
وصلي استخارة كذا مرة وراح تلقييييين الأمور تمشي بروحها من غير لا تحسين !
اللي ربي كاتبه لج بيصير
واقري آراء البنات واخذيها من كل الزوايا بس لا تخلين أي راي يأثر عليج
سواء بالرفض أو القبول لأنه هاذي حياتج انتي اتخذي قرارج عن راحة وقناعة تامة
عشان ما تندمين عليه ، وبالتوفييييييييق :eh_s(17):

 

[قمر كويتي]

شوفي اختي انتي توج صغيره الحين بس تفكرين بنفسج وفيه اهو ان شكله كويتي وكلامه كويتي وامه كويتية ومحترم ومثقف زين
عيالج ؟؟؟ فكرتي فيهم ؟؟؟؟ لاتزعلين بس انا مرت علي حاله من الحالات ان امها كويتية بنت اصل وفصل خذت مصري مافي عيب بالمصري والا بالسوري بس البنت متبهذله لا وظيفه مثل الناس لان معاملتها مو مثل المصري ولا مثل الكويتي انا كسرت خاطري والله
يعني لازم تفكرين باجر عيالج راح يكونون سورييين ك وظيفه ك مهر ك بيت ك معاش ك ك ك ك ..........................
فكري فيهم قبل لا تفكرين ب نفسج وسوريا الحين مشاكل الله يفك عوقهم
بس غريبه يعني واحد سوري مني والطريج طاق بيتكم وامج وابوج عادي راضين يعني انتي تحبينه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا ماتحبيه الصراحه لا تااخذينه والله يرزقج بواحد احسن منه الواحد لازم يفكر بكل النواحي مو بس بالحزه نفسها لالاا فكري بالمستقبل ياقلبي والله يوفقج

 

[اميره1980]

توج صغيرة شاللي حادج ؟؟
لو كنت كبيرة ام 40 سنة قلنا ميخالف بس توج ما طلعتي من البيضة لاحقه على الزواج

ترضين عيالج يصيرون سوريين ؟؟ مالهم حقوق الكويتي ؟ و حتى عيالج و بناتج منو بياخذهم بعدين ؟
فكري بالمستقبل مو بالحاضر اللي عايشته
موفففففففففقة

 

[أعشقه]

يؤ انا اشوف انه عادي والله دامه ا خلاااق وبشهادة اهلك
وش يعني جنسيته ومدري ايش
اذا ربك كاتبه لك بتاخذينه فكري وهذا مصيرك انتي مو اي احد ..
ربنا يكتب لك الي بوه خير وصلاح