تقريري عن القارئ الإلكتروني Kindle paperwhite

[Japanese]

السلام عليكم

ان شاء الله كلكم بخير ومستانسين :>>

صارلي كمن شهر متردده اشتري قازئ الكتروني لوايد اسباب

1- انه شوي غالي

2- حدي اموت على كتبي الورقيه!

3- ماكنت متآكده اذا بيعجبني ولا لاء وبعد شاشته اكبر من كف ايدي بشوي اظن 6 انشات

4- ماكنت بشكل كامل متقبله فكره استبدال كتبي بالكندل

المهم ،، قريت عنه وايد ووايد ناس حوليني عندهم الكندل ف قعدت اقولب الفكره براسي فتره

ومن كم اسبوع قررت اشتريه لكمن سبب بعد

1- حدي احب اقرآ ،، بكل مكان اروحله ،، امممم اذا عندي وقت فراع بين كلاساتي ولا حتى

بالويكند " ادري السالفه ذي راح تصدم وايد ناس لوول " بس ساعات افضل اني اقرا ع اني

اطلع اتمشى او اطلع ويا ربعي ،، يمكن لآني مثل مايقولون فيني فقر قرآءه مع اني اقرا وايد اساسا

للجامعه وجذي بس بعد احب اقرا مثلا رواياات كتب self help كتب عن الديانات

كتب عن علم النفس واشيا جذي

2- تعبت تعبت تعبت وانا اشل كتبي وين ماروح وتعبت من كثر ماترجم " اقرا كتب انجليزيه

وساعات ماحب اطوف كلمه مب فاهمتها عشان افهم الموضوع بشكل متكامل،" وغير جذي

انا من النوع اللي اكتب نوتات ووجهه نظري باللي اقراه ف عفيسه وسالفه مع الكتب الورقيه

بس مع الكندل فيه مترجم ف اضغط ع الكلمه ويترجمها لي بالانجليزي بس بشكل مبسط


3- حسيت ان الإختراع اينن صراحه لوووول ،، يعني شبي اكثر من اني اشتري كل الكتب اللي ابيها

بدون ماسوي زحمه سواء عندي بالشقه او بشنطتي

4- المكتبه مالت امازون جدا متنوعه ف آقدر اختار اي كتاب ابيه ويتطرش بشكل اوتوماتيكي للكندل

بدال ماقعد انطر اسبوع على مايوصلني الكتاب وهالشي وايد مفيد حق اللي ماعندهم وقت

يروحون يفترون بالمكتبه

المهم شريت الكندل ال paperwhite

وكان سعره 119 دولار وحده يستاهل سعره

واخترت البيبير وايت بالذات لكذا شغله بعد

1- احب اقرا قبل مانام بس ماحب الليتات الصغيره المخصصه للكتب تعور عيني

ومايصير اخليها خافته وفالبيبر وايت كندل فيه خاصيه خفت الاضاءه ووواااايددددددد

هالسالفه مريحتني لآن صراحه خلاص عيوني ماعادت تتحمل الاضاءه العاليه

وغير جذي انا من الناس اللي صعب ينامون ف الليل ف سالفه الاضاءه قبل النوم تخليني

اصحصح بدال مااسترخي للنومه

ونفس الشي تحت الشمس فيه خاصيه ال non glaring ف الجهاز مايعكس الاضاءه ابدا

بشكل اوضح يصير جنه كتاب ورقي

2- مثل مااقلت قبل الجهاز صغير اكبر من كف الايد بشويه وكنت احاتي هالشغله

بس ابدا ماضايقني الحجم وبالعكس مناسب جدا بالنسبه لي وحده خفيف وعملي

4- استخدامه واااااايد سهل كلش ماتعبني user friendly بشكل مب طبيعي

امممم ومن الاشيا اللي وايد حبيتها انه يصير احط فواصل او book marks واحط notes

وين مااآبي او اسوي تحديد للكلام اللي ابيه وارتب كتبي حسب المواضيع

مثلا كتب علم النفس او الروايات وجذي

5- فيه بعد شغله ماجربتها بس وحده قالتلي عنها انه يصير لما اشتري كتب اشاركهم مع

ناس ثانيين ويتروالي هالشغله حلوه للناس اللي دايما مشتركه ب نوادي كتب او حتى

اللي مثلي هوس قراءه

فيه وايد مميزات تقدرون تقرون عنها ف موقع امازون بس هاي تقرير مبسط

انصح الكل بالكندل بيبر وايت حده عاجبني ومب قادره اهده هالآيام مع اني المفروض

انتبه لدراستي اكثر لووول بس حدي مستانسه عليه وعلى الكتب اللي شريتها من امازون

اتمنى اني افدتكم وصج صج نصيحه لكل وحده ودها توسع مداركها سواء بالكتابه

او انه تشغل وقتها بشكل مفيد انصحكم فيه تقدرون تقرون الكتب اللي تعحبكم

بآي وقت وبآي مكان وبضغطه زر تقدرون تشترون الكتب اللي تبونها وتوصل بدقايق لآجهزتكم

يعطيكم العافيه :>> ​

 

[ام محمد - UAE]

تقريرج حلو .. الله يعطيج العافية

 

[البارونـه]

ماشاءالله تقريرج روعه صج وايد تشوقت اشتريه
وعندي نفس شعورج مع اني بديت من 4 سنين اقرا الا اني دايما احس بفقر وابي اقرا اكثر واكثر
بسئلج الكتب لازم نشتريها من امازون ولا ممكن انزل ابلكيشن الـ good reads واقرا من الكتب المتوفرة
ويصير كتب عربية pdf من النت؟
يعطيج العافيه :*

 

[Japanese]

مشكورين ع مروركم حبايبي

البارونه يتروالي لازم من امازون بس الكتب حدها رخيصه

و للآسف مايدعم اللغه العربيه :<<

هالآيام مايطيح من ايدي الكندل لآن اجازه وحدي مستانسه عليه ​

 

[εϊз~Violet~εϊз]

يعطيج العافية اختي عالتقرير

بس بغين اسال شلون تشترين كتب الكندل؟ اذا ماخاب ظني كان الستور مايقبل الكروت الكويتية و لازم تشترين gift card تاخذين فيها الكتب

 

[نبض الجود]

تقرير رآئع جدا وشوقتيني عليه,,

وعندي سؤال اقدر انزل عليه كتب عربيه من مواقع ثانيه ولا بس من امازون؟​

 

[princesse X]

السلام عليكم، انا اشتريت ال paperwhite kindle لما كنت مسافرة للحين ما استعملته بس قالوا الي ان ممكن انزل pdf عادي
بس عندي استفسار , منو يبيعه في الكويت لان غلطت لما اشتريته ما شريت غطا ، شكرا

 

[Japanese]

ماشاء الله الموضوع صارله سنه

آبديتي ع الكندل

ليحين استخدمه وليحين مستانسه عليه ،، بالنسبه لل goodreads يجي مع الكندل

مايدعم اللغه العربيه ،، امازون ماعندهم كتب عربيه بس عندهم كتب بلغات ثانيه اللي اعرفه عندهم بالآسباني

الكتب بس تتشرى من امازون

اختي برنسس للآسف ماعرف اذا يبيعونه ف الكويت

انا شريته من امارون

ومن كم يوم طلبت لآخوي ووصلني بظرف اسبوع ونص ​

 

[وهج الحب]

السلام :
انا الى الحين صديقة الكتاب الورفي وما اقدر اخليه ...كم سنه بالندن كل ما اروح مكتباتهم اوقف جدام الطاولة اللي يعرضون عليها الكاندل او اذا رحت فيرجين بس اغير فكري لاني اقعد اقول نزلت كتب بالايباد وما قريتهم ...او عندي كتب وايد يمكن اذا اشتريت الكاندل اخليهم وارجع عن تفكيري ولا اشتريه ...احب الورق والى الان لا املك جرأة ان اتركه لوسيله حديثة