تقريري عن {Perfectil} ,, التوب 1 للشعر و البشرة و الاظافر

[LuLiTa]

صباح الخير يا حلوين :eh_s(17):​

اليوم سويت لكم تقرير عن حبوب ~{Perfectil }~ و اهي فيتامينات مقوية للشعر + الاظافر + البشرة ,,, و اهي بعد التوب 1 في بريطانيا خلال الـ جم سنة اللي طافو ,,​

اذا كنتي اتعانين من تساقط الشعر و الفراغات و تبين الحل ~~ ​

​

ودج بأظافر قوية ~~​

​

ودج بـ ~~ بشرة صحية و موردة ​

​

فـ مالج الا بيرفكتل ,,, ​

​

الطريقة ؟ ​

اخذي الحبوب من اي صيدلية {سعرهم حوالي 8-9 دنانير للعلبة ام 30 حبة } + واظبي عليهم كورس كامل {مدة الكورس 3 شهور} و بـ تشوفين النتيجة اللي تعجبج ,,, اكلي حبه وحده بـ اليوم مع وجبة دسمه (يفضل الغدا)عشان اذوب الحبة عدل بمكوناتها ,,,,و مو زين تاكلونها على معده خاوية و لا مع وجبه خفيفة لانه بهـ الطريقة بـ يصير فيكم عسر هضم و مغص ,,,فـ كل ما تترسون معدتكم يكون احسن <<احنا بروحنا انحب البلعة ​

بتقولين لي > ما اتعور المعدة ؟ اكثر اللي مجربينها يقولون ثقيلة عـ المعدة اشمعنه انتي غير ؟
الرد اهو لأ ما اتعور المعدة خير شر !! ليش ما اتعور ؟ اهني بقولج الحركة ,,, لما تشترينهم تأكدي انه :: ​

​

انزين شـ الفرق بينهم ؟ ​

الاثنين يفيدون البشرة والشعر و الاظافر لكن الكبسولة البنية اهي اللي اتعور البطن و اهي الثقيلة عـ المعدة و اهي اللي اتسوي لوعة و تسد نفسج عن الاكل و مرات اتسويلج صداع ,, و الثانية {الحبة الصفرة} اهي الاحسن و الاخف حتى لما تاكلينها جنج ماخذه بندول :eh_s(15):​

و للعلم اهمه الاثنين من انتاج نفس الشركة و نفس المصنع و نفس الديرة ,,لكن كل دولة تستورد النوع اللي تبيه علبو انه ماكو فرق بينهم :eh_s(14): و الفرق بينهم وااااااضح و احنا حقل التجارب :eh_s(16):يعني بـ صيدليات الكويت لازم ادورون عدل عن الحبة الصفرة ,,, مع اني اشك انه الكويت اساسا ما اتييبها لاني مدورة من زمان و مو محصلة :eh_s(10): اهل الامارات انا لاقيه عندهم بيرفكتل بو الحبة الصفرة ,,, لكن اذا كلش اضطريتو عـ الكبسولة البنية اخذوها و لا تنسوون اتكثرون الاكل قبل ما تاخذونها ,,, ​

و تأثير الحبوب عـ الشهية و اذا تمتن ولا لأ فـ هـ الشي يفرق من وحده لي الثانية و من جسم لي جسم ,,, و بـصراحة النتيجة تسوى و نص ​

و ان شالله اتكونون استفدتو من الموضوع :eh_s(22):​

 

[خجل انثى]

تصدقين يالغاليه اني اخذت هالحبوب
عندي البنيه تعور لي بطني والله احس روحي راح اموت من الالم ويجيني الم في صدري وهونت ما استخدمتها ​

من جد قويه حاولت اتفاهم معها بالطيب بالغصب ماكو فرق الا انها تعور معدتي وصدري
تركتها
وراح ادور على الصفره ​

تسلمين ع الموضوع
ربي يوفقك ويسر لك امورك ويجعل لك في كل خطوة بركه​

 

[Killer^Girl]

شكرا عالتوضيح شجعتينا عليهم

 

[LuLiTa]

تصدقين يالغاليه اني اخذت هالحبوب

عندي البنيه تعور لي بطني والله احس روحي راح اموت من الالم ويجيني الم في صدري وهونت ما استخدمتها ​

من جد قويه حاولت اتفاهم معها بالطيب بالغصب ماكو فرق الا انها تعور معدتي وصدري
تركتها
وراح ادور على الصفره ​

تسلمين ع الموضوع

ربي يوفقك ويسر لك امورك ويجعل لك في كل خطوة بركه​

مشكورة عـ الرد حبوبة ,,, و صج انا مجربة البنيه و كنت اتعب و ارجع و ترتفع حرارتي و لما جربت الصفرة حسيت بالفرق من قلب صج نتايجها حلوة ,,, ان شالله تلقين الصفرة بـ السعودية ,, و رديلنا خبر لما تلقينها عشان يستفيدون باقي البنات ,,,

شكرا عالتوضيح شجعتينا عليهم

حياج الله و يسلمو عـ الرد ,,

 

[خجل انثى]

فديتج انا من عمااااااااااااااااان
وان شاء الله احصلها​

 

[Eva-SS]

انا مجربتها وصج كان لون الحبوب بني


بس ماقدرت اكمل العلبة بعد كل حبة تعورني معدتني عوار مو طبيعي خفت تسبب لي قرحة

 

[q8ia7]

حبيبتي مشكوره عالتقرير ماقصرتي

بسألج فيه من مكوناتها (خميرة) <<< ماحبها ساس البلا


انا توني حاذفه هيرفيت عشان فيها خميرة واااايد اكثر مكون من مكوناتها الخميرة وتعبتني سببتلي انتفاخ وغازات وطلعتلي كرشه مادري من وين (لاحظي مو لاني كثرت اكل لأ بس لاحتواءها خميرة)

وقاعده ادور لي حبوب بدالها بس اذا هذي فيها خميرة بنحاااش

اكيد الخميرة تأثيرها يفرق من بنت لي بنت واكيد هيرفيت مشت على ناس بس انا للأسف كلش ما ارتحت عليهم

ويعطيج العافية مره 22222

 

[dandon87]

أنا مااااقدرت أكمل علبة وحدة
والله كنت أكلها بعد الغدا و كنت أموووووت من وجع معدتي بصراحة
تعبتني وما قدرت أكمل العلبة الوحدة شلون 3 شهور
يعطيكي العافية حبيبتي
و ياليت الي تلاقي بيرفكتال الحبة الصفرة تقولنا من وين نحصلها بالكويت

 

[أم نواف غير]

يعطيج العافيه حبيبتي

 

[LuLiTa]

فديتج انا من عمااااااااااااااااان


وان شاء الله احصلها​

حيا الله اهل عمان :eh_s(7):

انا مجربتها وصج كان لون الحبوب بني


بس ماقدرت اكمل العلبة بعد كل حبة تعورني معدتني عوار مو طبيعي خفت تسبب لي قرحة

البنية ما تحملتها كلش!!! لما كنت اكلها اقعد نص ساعه بالفراش لحد ما يروح العوار

 

[أم نواف غير]

انزين حبيبتي سؤال ماتمتن الحبوب ولا عادي

 

[LuLiTa]

حبيبتي مشكوره عالتقرير ماقصرتي

بسألج فيه من مكوناتها (خميرة) <<< ماحبها ساس البلا


انا توني حاذفه هيرفيت عشان فيها خميرة واااايد اكثر مكون من مكوناتها الخميرة وتعبتني سببتلي انتفاخ وغازات وطلعتلي كرشه مادري من وين (لاحظي مو لاني كثرت اكل لأ بس لاحتواءها خميرة)

وقاعده ادور لي حبوب بدالها بس اذا هذي فيها خميرة بنحاااش

اكيد الخميرة تأثيرها يفرق من بنت لي بنت واكيد هيرفيت مشت على ناس بس انا للأسف كلش ما ارتحت عليهم

ويعطيج العافية مره 22222

حبوبة الحين ما عندي نشرة الحبوب بس يبتلج مكونات الحبوب من النت ::
Perfectil

The active ingredients in Perfectil include vitamin E, vitamin D, vitamin C, vitamin B-6, vitamin B-12, riboflavin, thiamin, niacin, biotin, pantothenic acid, iron, iodine, copper, manganese and chromium, selenium, cystine, natural mixed carotenoids and grape seed acid, boron, silicon and vanadium. These ingredients are intended to work together to nourish the skin, scalp and nails. Inactive ingredients are also included to ease in the manufacturing process or to make taking the vitamins easier or more appealing. Mycrocrystalline cellulose provides bulk to the tablet, while hydroxypropyl methylcellulose creates the tablet's coating. Silicon dioxide prevents the ingredients from caking together. Other inactive ingredients include dicalcium phosphate, cross-linked sodium carboxymethylcellulose, stearic acid, hydroxypropyl cellulose, natural colorings and magnesium stearate.​

تقريبا اكثر مكوناتها فيتامينات و معادن و ما فيها خميرة كلش ..فـ ما منها خوف من هـ الناحية بس لازم اتأكدين انج تاخذين الحبوب الصفر مو البنية ,,, و الله يعافيج

أنا مااااقدرت أكمل علبة وحدة
والله كنت أكلها بعد الغدا و كنت أموووووت من وجع معدتي بصراحة
تعبتني وما قدرت أكمل العلبة الوحدة شلون 3 شهور
يعطيكي العافية حبيبتي
و ياليت الي تلاقي بيرفكتال الحبة الصفرة تقولنا من وين نحصلها بالكويت

اي انا مرة تدبست بـ الحبوب البنية و ما كملت العلبة ,,, لكن مع الحبوب الصفر كنت اخلص العلبة بدون ما احس

 

[q8ia7]

مشكوووووووووووره ياقلبي ماقصرتي عالرد

بحاول ادوّر الصفره واذا مالقيتها بشوف لي احد بيروح دبي قريب

ماقصرتي

 

[Kirsten storms]

مشكورهـ ياقلبي​

 

[• JoJo •]

يعطيك العافيه قلبي

 

[أم زايد ويزن]

ماقصرتي
بس انا جربت حبوب واجد وما توقف التساقط
فرايج ان ها الحبوب توقف عدل التساقط او نص ونص

 

[مراسي الشوق]

ايييي هالفيتامين عجييييب عن تجربه وصح كلامج انا اخذه مع الاكل بوجبة الغدا ما احس باي مغص كلش اما لمن اخذه قبل او بعد اي وجبه يعورني بطني!!

لكن النتيجه صج حلوه

 

[LuLiTa]

انزين حبيبتي سؤال ماتمتن الحبوب ولا عادي

اممم حسب من جسم لي جسم ,, انا عن نفسي الحمدلله ما متنت :eh_s(17): و نزل وزني جم كيلو :eh_s(22):,,

 

[LuLiTa]

حياكم الله بنات

 

[LuLiTa]

ماقصرتي
بس انا جربت حبوب واجد وما توقف التساقط
فرايج ان ها الحبوب توقف عدل التساقط او نص ونص

اهو خلال هـ الـ 3 شهور سقوط الشعر راح يقل شهر ورا الثاني ,,, و من اول شهر بتلاحظين الفروة صار فيها نقط سودة يعني انه في بصيلات يديدة حق الشعر و البيبي هير ينبت خلال الشهرين الثاني و الثالث ,,,