تقريري لكلا من بادن بادن, انترلاكن, فلاخو النمسا, فنيسيا, زلمسي, فرانكفورت لعيونكم ..

[^noonaa^]

وااااو رووعه ماشاءالله الصور

كملي متابعينج حبيبتي

 

[Bint obouii]

" بادن بادن" المانيا

هذي فيز بادن ولا شنو !؟ اوول مره اسمع عنها وين صايره !؟

ونااسه والله يااازين الماانيا ويازين جوهاا لها وحششه

ويعطيج العافيه ع التقرير الحلوو

 

[ام مهاوش]

وااااااااااااااااو شنو هذا عليكم بالعافيه
الله يخليلج ولدج ويحفظه يارب
خرعتيني من طريج الفندق شلته من بالي
وناطرين تكملة التقرير لاتطولين علينا

 

[$حبيبة عبودي$]

ماشاااااااااااء الله تبارك الرحمن اخيرا كتبتي تقرير رحلتج يالله ناطرينج وناطرين النمسا
والله يخليلج ولدج ان شاء الله ..

 

[sakuralili]

ماشاء الله تجنن

 

[UniquẼ ♥ ώomaN]

الجوووو عجييب ماشاءالله

كنت حاجزه نفس شقتكتم بس عقب كنسلتها لان ماحصلت وحده تطل عالبحر


وناطرين التكمله

 

[Katkota_46]

عليج بالعافيه سفرتكم تشوق

بغيت اسال عن بيرتن بيرغ اهي نفسها انترلاكن ولا شنو؟؟ ما فهمت ..

 

[♥aמŘa]

الحمد لله ع السلامه

وتقريرج ررررروعه حبيبتي كملي ..

متابعينج​

 

[حلمي اكون ام Q8]

" بادن بادن" المانيا

هذي فيز بادن ولا شنو !؟ اوول مره اسمع عنها وين صايره !؟

ونااسه والله يااازين الماانيا ويازين جوهاا لها وحششه

ويعطيج العافيه ع التقرير الحلوو

لا حبوبه فيس بادن هذي منطقه ثانيه ..

بادن بادن جنوب المانيا عند الحدود الفرنسيه منطقه هاديه وقليله السياح العرب ​

وااااااااااااااااو شنو هذا عليكم بالعافيه
الله يخليلج ولدج ويحفظه يارب
خرعتيني من طريج الفندق شلته من بالي
وناطرين تكملة التقرير لاتطولين علينا

لا حبيبتي بس اول مره يحوشج شوي خوف لكن بالنسبه لزوجي عادي عنده الطريج ​

الجوووو عجييب ماشاءالله

كنت حاجزه نفس شقتكتم بس عقب كنسلتها لان ماحصلت وحده تطل عالبحر


وناطرين التكمله

فندق دورنت كل الغرف والشقق تطل على البحره مافيه ولاغرفه تطل على الشارع
يعني اللى يحجز يضمن انه على مطل جبلي والبحيره​

عليج بالعافيه سفرتكم تشوق

بغيت اسال عن بيرتن بيرغ اهي نفسها انترلاكن ولا شنو؟؟ ما فهمت ..

بيرتن بيرغ نفسها انترلاكن

لكن مو السنتر تكون اعلى على الجبل وتطلين على السنتر

الحمد لله ع السلامه ​

وتقريرج ررررروعه حبيبتي كملي ..​

متابعينج​

الله يسلمج والحين بكمل لكم ان شالله​

 

[اميرة القصر المهجور]

تسلميييين ع التقرير الروعه

كملي كملي

 

[شنوووفه]

نااطره التكمله :>

 

[حلمي اكون ام Q8]

عــــدنــا​

مثل ماقلت لكم عن معلومات الفندق بالسابق ...​

الفندق نظيييف لكن فيه شي مو حلوو المطبخ كامل المواعين لكن مقفول عليهم اذا تبين مواعين
بايجار يومي واذا المطبخ كله باليوم 50 فرنك .. ​

انا طبعا قلت لها ابي الاساسيات جدر ومقله والقفاش بس اليوم ب 10 فرنك تقريبا ...
وصحوني وقلاصاتي سفري لاني ما ابي اغسل ...​

الفندق فيه خدمات مثل مطاعم وكوفي وحمام سباحه وسونا وبخار وصاله رياضيه ..​

وكل الغرف مسوينها تطل على البحيره والجبال ...​

نجي لصور الشقه انا شقتي قياسيه .. دورين الاول مطبخ مع غرفه قعده وفيها درج حديد دائري
تنزلون تحت غرفه النوم وحمام ..
موحلووه للي عندها يهااال صج تخوف ​

هذي غرفه القعده حلو كبرها حق شخصين​

​

وهذا الحديد الاسود الدرج الى تحت ويوجد غرفه النوم وحمام ​

​

ومطبخ على قدنا طبعا ..​

​

ومنظر البلكونه ... صج خياااااال ..​

​

وهم هذا بعد منظر البلكونه​

​

وشقه اهلي ماخذين الديلوكس اغلى شوي لكن كبيره حيييل ورووعه وارضيه جدامهم حديقه
حلووه لكن ماصورتها​

وطبعا ولدي طول رحله انترلاكن عند امي لان شقتي تخوف الدرج اخاف يطيح ​

وصورت حديقتهم وهذي صورها ..​

الصور الباقيه ماخذتهم من فوني ​

​

وبعد هذي ​

​

وطبعا بالوقت هذا رتبت ملابسي ورحت لامي ورتبت ملابس ولدي عندهم ​

وطلعت مع زوجي للكوفي اللى بالفندق وطلبنا 2 كابتشينو سعر الواحد 5 فرنك يابلاااش ​

​

وهذا الشارع اقبال الفندق اهو نفسه الشارع اللى يخرع :ggdw:​

​

وانتظروني في رحلات انترلاكن ..​

 

[اللولو الحلوه]

عليكم بالعاااااافيه حبوبه

تقرير راااااائع بارك الله فيج​

 

[fofo87]

شجعتيني اروح اوربا بدون قروب

 

[حلمي اكون ام Q8]

عليكم بالعاااااافيه حبوبه​

تقرير راااااائع بارك الله فيج​

الله يعافيج​

شجعتيني اروح اوربا بدون قروب

اكيد بدون اقروب احسن .. تاخذين راحتج وكلى كيفج

وماراح تضعين كلش والديره اماااان ومافيها خوف

والنهار طويل عندهم تغيب الشمس الساعه 9 ونص بليل​

 

[حلمي اكون ام Q8]

عـــــدنا​

ثاني يوم لنا بانترلاكن هو للاستكشاف المنطقه المحيطه .. ​

جدولي كل يوم اقعد قبل ولدي بساعه واسوي الريوق وازهب جنطه الطلعه وارتب الشقه
واسويله غدا للرحله واطلع ملابسه..​

يقوم زوجي نتريق وبعدها على طول اروح لاهلي يوصلني زوجي ويروح الكوفي ينطرني
وانا بشقه اهلي البسه ولدي واضبطه يا يروح مع اهلي او معاي ​

ومرات طلعاتنا مع بعض ومرات بروحنا على حسب ...​

قررنا باليوم هذا نروح جمعيه نشتري اغراض للشقه الجمعيه بالستر اسمها على ما اظن وناسيه " ميكروس " مبنى اسود مكتوب اسمها بالبرتقالي ..
هذي الجمعيه فيها منتجات خاصه نفس طريقه مركز سلطان فيها وتكون رخيصه حييل حييل وحييل كبيره ثلاث ادوار وفيها شرينا خطوط سويس رخيصه وحلوه ويشتغل النت ..​

وبعدها تمشينا بالسنتر وقعدنا بالكوفي نشوف اللى رايح واللى راد
وقعدنا بحديقه رووعه وحييل شرحه ..​

نسيت اقول لكم يوم قررنا ننزل السنتر وقفنا بالشارع اللى يودي للسنتر علشان نصور كان الجو غيم وصاير تحتنا رووووعه​

بدينا ننزل السنتر .. هذي قريه بيرتن بيرغ العجيبه​

​

اهني وقفنا احنا واهلي بنص الطريج وقررنا نصور الجو مووووو صج
شوفو الغيم نااازل
وهذي سيارتنا انا وزوجي​

​

وهذي بعد​

​

​

قربنا ننزل .. وهذي بحيره انترلاكن ثورن ..​

​

هذي صوره قديمه عندي اعجبتني قلت بحطها لكم ...​

​

الحمدلله وصلنا الارض ومتجهين للسنتر يبعد دقيقتين​

​

هذ الحديقه بالسنتر .. القعد فيها تشرح الصدر​

​

وهم هذي ​

​

وهذا الفندق فكتوريا من افخم الفنادق في انترلاكن ومكانه استراتيجي بوسط السنتر وكله مشي مايبيلج سياره و اقبال الحديقه ..​

​

تــابـعـونـي بـتـــــقـريـــري الــجـاي عـــن رحــــلـة " أوشـــــن ســــــي " بحيره عجيبه ...​

 

[دلع الكون]

الحمد لله على السلامه

والله يخليلج وليدج وتشوفينه معرس


تقريرج روعه وياحلات السفر مع الاهل

 

[قانونية]

رووووووعه

كملي متابعتج

 

[جاكليت]

عليكم بالعافيه


وانترلاكن عجييييبه

 

[شنوووفه]

واااي ياحلالات الجووو عجييب صج عليكم بالعاافيه الصرااحه متعه