تقرير رحلتي للأراضي النمساويه 2008

[عيمية^والقلب^كندري]

خلص التقرير وااي رديتيني لاحلى ايام انا اموووت بالنمسا صج شييي

 

[أمواج البحر]

هلا ام مهدي لا لي الحين ما خلص باقي بعد شوي

تااابعيييني ^_^

 

[أم خالد]

أولا مبارك عليكم الشهر
سافرت يا أمواج ورجعت ومازلت متابعة موضوعج الحلو الشيق حتى وانا بالسفر كنت يوميا اشيك عليه بس المنتدى وايد كان يعلق حتى النت وايد بطيء في بعض الفنادق
ودي ارجع مرة ثانية للطبيعة والجو والبراد
كتبت لج في الرسالة الأخيرة( إلي كلها أخطاء وبدليات ههههههههههه لأن الوقت كان بالليل متأخر وكنت دايخة حدي والمنتدى كان وايد يعلق حتى حاولت أصحح الأخطاء قبل لا أثبت الرسالة بس علق معاي) المهم فعلا لما وصلنا زلامسي كانت وايد حارة واليهال كانو يلبسون البرمودا والتيشيرت نص جم وميتين من الحر بالنسبة لفينا وسالزبورغ الجو كان وايد أبرد وأحلى لدرجة ان انا وزوجي فكرنا نروح أي مكان حتى لو نطلع رحلة مع باصات الرحلات لفينيسيا طريجها ياخذ 4 ساعات وقالو ان الرحلة العائلية تكلف 500 يورو مدتها يوم كان عددنا سته يعني سعر حلو بس ان الوقت راح يكون السبت أو الأحد فخفنا نروح ونلقا المحلات مسكرة وما نستانس فهونا ) بس الحمد لله كانت الرحلات تعوض شوي مثل رحلة الثلج رحنا ولعبنا بالثلج وسوينا رجل الثلج واليهال وايد استانسوا والرحلة الثانية إلى اهي لأعلى قمة بكابرون كانت وايد وايد وايد روعة خصوصا القعدة بالقهاوي فوق الجبل بين المناظر الي ترد الروووووح ورحلة الشلال بس الحمدلله على آخر يومبن تعدل الجو وحاشنا المطر وشفنا الغيم على بحيرة زلامسي وقتها حسينا بروعة زلامسي بس في مدينة قريبة اسمها متريسل وانتي بطريجج للشلال تمرين عليها وايد حلوة فيها مثل المركز العلمي صغير اعتقد كان اسمه national park وحلو ولي طلعتي من المركز فيه برة مطعم قعدته وايد حلوة ويمة بحيرة صغيرة فيها بط ومنظرها حلو بين البيوت وفيها حديقة صغيرة والعاب العبو فيها اليهال وفيها قهاوي ومطاعم حلوة ومحلات غير الي بزلامسي ممكن الواحد يقضي فيها يوم وفي بعد مدينة اسمها نسيته بس فيه jacob فيها مدينة ملاهي صغيرة تقصين تذكرة عائلية ب20 يورو والعبي بالي تبين حتى العاب اليهال الي تشتغل بالفيش تشوفينها بروحها توقف وتشتغل بدون فيش وانتي فيها تشوفين حاوليج الجبال والمناظر الحلوة لأن ماgها سور عالي يحجب كأنها مكشوفة بين البيوت والجبال بس الزحلاقية الي كنا ناوين نروح لها بسالفدين الحمدلله نبهتني الاخت عليها عقب ما قريت انها مسكرة سألنا وقالو فعلا مسكرينها الحمدلله الي ماتعنينا على الفاضي بس لو كنا ندري عن الي بسات جلجن كنا رحنا لها واحنا بسالزبورغ بس الحمدلله خيرة و على فكرة مادري ليش حسيت إن نفسية الشعب الي بزلامسي وايد سيئة مومثل أهل فيينا وسالزبورغ بس ما عليه هم الرحلة كانت حلوة
عندي بعض النصائح للي متابعين الموضوع ويخططون للسفر للعام القادم بعد اذنج اختي أمواج:
الشنط: تكون صغيرة وخفيفة خصوصا للي معاها يهال كل واحد أغراضة بهاندباق صغيرة على شان تكون خفيفة للتنقل بالقطارات وماله داعي الواحد ياخذ معاه لبس ثقيل لليهال ترينق سوت واحد شتوي وجاكيت خفيف موثقيل مطري هذا يكون معاكم على طول لأن في كل مرة ممكن الجو يقلب فجأه واليهال ما يستحملون المطر والبرد مثل الكبار و2 تي شيرت قطن كم طويل كنا برحلة بفيينا ومرة وحدة صار هوا والمطر قام يصب صب علينا فعلى طول لبستهم الجاكيتات المطري و بزيلامسي لمن مطرت الجو صار بارد وعيالي وايد استبردو بس كنت ماخذة لهم ترينق سوت شتوي واحد لكل واحد منهم نفعني بيوم المطر لأن كان الجو بارد وكنا نازلين نتمشى عل البحيرة مع شماسينا
واذا معاكم بيبي لازم تكون العربانه قوية ومعاها مظلة لأنها بتشيل كل أغراضكم بالرحلات ولازم معاكم الباك باق
كبابيس ونظارات شمسية لليهال عن الشمس لرحلات الجبل لأن أشعة الشمس على الثلج الأبيض تعور العين
الأكل : اهم شي لليهال جبن الكلاسات مومتوفر عندهم اخذي النوع الي يحبونه واذا تحاتو أكلهم الأكل متوفر بكل مكان خصوصا مطاعم البيتزا وفي بالجمعيات خلطات معكرونيا بالجبن أو بالصلصة الحمرا بس تضيفين الماي كنت أطبخه لهم بالفندق بالجدر الكهربائي لأن تدرون اليهال ما يحبون أي شي الحفاظات النوع المتوفر بامبرز تقدرين تاخينه من هناك بس سعر الكيس الكبير 18 يورو أغلى من الكويت وحليب البيبي مو متوفر اخذي حليب البيبي البودر معاج
بفيينا : الأندر قراوند جدا مريح وسهل التعامل معاه والتذكرة العائلية لمدة اسبوع ب28 يورو طبعا أوفر
بزيلامسي: التنقل سهل بالباص لأماكن الرحلات
بسالزبورغ: التنقل بالباص اذا كنتي ساكنة بعيد عن البلدة القديمة بس الفنادق القريبة من نهر السالك ومن البلدة القديمة فندق برستول وفندق sacher ماراح تحتاجون وسيلة للتنقل اذا سكنتو هالفندقين بس لازم تحجزون مبجر لأن الطلب وايد على هالفندقين انا سكنت بالرينيسانس قريب من محطة القطار لدرجة ان احنا نزلنا وسحينا عربانة الشنط للفندق بس لحقنا تاكسي وقال ان الفندق بعيد علشان ينصب علينا بس انا كنت قارية في منتدى العرب المسافرون الفنادق حوالين محطة القطار واصحاب التكاسي يستغلون الناس كنا نروح للبلدة القديمة والنهر بالباص ياخذ علينا 6 يورو رايح ياي وفي شركة بانوراما تسوي رحلات للمناطق الي حوالين سالزبورغ مثل منجم الملح والبحيرات.
بس ممكن تزورين البحيرات بالباص
رحلة منجم الملح حلوة حتى ولدي عمرة سنتين دخل معانا لأن سمعت إن اقل سن 4 بس رحلة مغارة الثلج للي معاه يهال متعبة مارحت لها لأن محد نصحني فيها مع اليهال
ممكن تروحون لبحيرة اسمها آخن سي وايد وايد حلوة وقريبة من حدود المانيا
بألمانيا : للي يحب يزور المانيا لأنها قريبة على سالزبورغ في قصر اسمه new shwan اهو القصر الي خذو منه فكرة شكل قصر دزني لاند حلوة الرحلة بس متعبة لأن صاير على قلعة عالية وداخل لازم تصعين سلم حلزوني تقريبا رحنا الطابق الثالث والرابع والخامس صعدنا 168 درية ولي طلعتي من القصر بترجعين لازم تمشين على طريق مرتفع يعني قمة العذاب اذا كان معاج بيبي وبتدزين العربانة

بس اذا رحتو سالزبورغ خصوصا موندسي وقعدتو بالقهاوي لا تطوفكم فطيرة التفاح apple strudels بصلصة الفانيليا أو الآيس كريم عجيبة

بسالزبورغ التسوق حلو لأن البضايع متوفرة في المحلات بشكل أفضل من فيينا وميونيخ

ومازلت متابعة تقريرج الرائع وصورج الحلوة وبانتظار البقية

 

[عيمية^والقلب^كندري]

متابعة وناطرة اهم شي ان بعد ساعتين دوام وليلحين مانمت من ضيقة الخلق

 

[wa7da bent wa7ed]

شوقتيني اروح تسلميين عالموضوع الحلو و الشيق:icon30:

 

[مطـــيــريهـ فـــوشيـــآ]

عليج بألف عاافيه
صج طبيعتهم موو طبيعي

 

[أمواج البحر]

مبارك عليكم الشهر

ماشاء الله دش علينا رمضان وانا لي الحين ما خلصت التقرير :eh_s(1):

لكن ان شاء الله بخلصه بهاليومين

اللي يروح زلمسي لاازم يروم قمة جبل كابرون

هذي المحطه مالت التفريك





وهذا التلفريك







من داخل

 

[أمواج البحر]

هذي محطه ثانيه للجبل



استراحه بره الجبل



اهني قربنا من الثلج - طبعا مثل ماقلت لكم ريلي عندي فوبيا من الاماكن المرتفعه مسكين انا اصور و اهو معصب علي

يقولي هذا وقته تصورين ويا ويهج :dddds: تمسكي لا تتطيحين

 

[أمواج البحر]

ووصلنا حق الثلج :ggdw: فلج فلج :dddds:

 

[أمواج البحر]

لعبت لعببببب بالثلج و ريلي يقول الحمدلله والشكر يااهل ههههههههههه

واخر شي قام يلعب معاي و يحذفني بالثلج :dddds:

 

[أم خالد]

واو ياحلاة الثلج وياحلو الصور الله ودي ارجع النمسا مره ثانية
متابعينج

 

[أمواج البحر]

اي والله يا ام خالد يا حلاة الثلج

حياج الله حبيبتي

 

[أمواج البحر]

اليوم اللي بعده رحنا الشلالات



وهذي الصور حق الطريج











واهني وصلنا

 

[أمواج البحر]

تكمله لصور الطريج نسيت احطهم











واهني صوب الشلال



وهذا الشلال

 

[بنت عبدالغني شربت]

وناااااااااااااااااااااسه امواج اما رحلة الشلالات ما حبيتها كلش ما يسوى المشي خخخخخخخخخخخخخخخخخخ متابعينج

 

[أمواج البحر]

ههههههههه اييي صاجه شربوته ما يسوى المشي و الطرييييييج اشطوووله

اقولج لما رحنا الشلالات يدوب صورنا وردينا خخخخخخخ

حتى السايق يقول لنا بسرعه طلعتوا ما طولتوا قلناله بس خلصنا

 

[بنت عبدالغني شربت]

اي والله حسافه على هاليوم الي ضاع هههههههههههههههههههه بس بسئلج زلمسي رحتوا الزحلاقيه ولا لأ وصج مسكره انا للحين متحسفه ليش ما رحنالها

 

[أمواج البحر]

لااا ما رحنالها

ريلي ظهره متعور و خفنا نروح يزيد عليه العوار فما رحنا

ودريت اهني من البنات انها مسكره والا ما كنت ادري

انتي اي تاريخ كانت رحلتج شربوت؟

 

[بنت عبدالغني شربت]

سلامه بو العيال ما يشوف شر

انا رحلتي نص 8 انا كل سنه اسافر اول 9 لما تبدي المدارس بس هالمره مسكني رمضان يا حلوه يهبل وانا اساسا مو مخططه حق النمسا بس اطلعت بطريجي ههههههههههههههههههه


بس انا لعبت بالزحلاقيه ههههههههههههههههههههه بس سر ما راح اقول علشان لا احرق التقرير واختي بعد العبتها بلجيكا عجيييييييبه

 

[أمواج البحر]

الله يسلمج حبيبتي

اييي سبحان الله تدرين انا نفس الشي مااااااكنت حاطه النمسا في بالي

اصلا اوروبا بحياتي ما فكرت ازورها بس سبحان الله تسهلت امورنا و رحنا

هههههههه انزين غشيشيني شويونه مو وايد

نايس سمايل تقول انه فيه بسانت جلجن زحلاقيه حلوه اخاف هذي اللي لعبتي فيها