@@ تقرير عن استراليا 2010 بالتفصيل الممل والميزانيه @@

[Loora]

اليووووم الخامس بجولد كوست :


بهذا اليوم كانت رحلتنا حق الموفي وورد طبعا الباص يمرنا من باب الفندق ولما نوصل المكان يعطينا مثل تذكرة للعوده و فيها ٣ اوقات واحنا نرجع بالوقت اللى نبيه

ونفس الشي لازم اول ماتدخلون تاخذون جدول العروووض و الخريطه علشان اتلحقون على العروض و كان عرض السيارات موووطبيعي حيل استانسنا فيه و تغدينا أهناك بمطعم اسمه باتمان حيل حلو شكله

وردينا الفندق المغرب ....... بدلنا و بسرعه نزلنا علشان نبي نلحق على البازار لان يومها كان يصادف جمعه وبهاليوم يسوون نفس معرض عالبحر يوووونس و يبيعونه شغلات غريبه مثل الصابون و المربى و العسل كله يكون من شغلهم

و تعشينا بمطعم هندي يم فندقنا عندة خوووش برياااني وردينا فندقنا *

 

[Loora]

اليووووووم السادس بجولد كوست :


بهاليووم كان عندنا رحلة بليل من جذي الصبح رحمه حق سوق شعبي عندهم اسمه كرارا ماركت بس كللش مايسووووه اذكر شرينا منه هدايا حق الخدامات و السواق خرابيط مايسوه الهوه كلش. حتى ما طولنا فيه وحنا تقريبا الساعه ٩ وردينا الظهر و ركنا بالباص بعد سالنا الفندق اي محطة تودي كرارا ووقفنا عندها ونطرنا الباص و ردينا بالباص بعد

وصلنا فندقنا الظهر قطينا أغراضنا غرفتنا و نزلنا تغدينا باوبرتو تحت فندقنا يهبل هالمطعم وجبات سريعه حلال و لذيذ لان الهمبرجر مالهم مشوي حيل حلوو


والعصر ريحنا شوي لان ورانا رحله بليل

كانت رحلتنا حق الاوت بالاك اهو عباره عن عرض حق خيوول مع عشا بس صج صج رحله حلووووه
لانها رحلة ليليه اول شي بعدين لان المكان بروحة يووونس مدرررجات كرااسي والعرض حلو مع الاضاءه و الصوووت شي عجيب
والعشا بعد حلووو وأحلى شي انهم يراعون المسلمين م مخصصين وجبات حلال
والصراحة من قعدنا و السيرفس شغال اول شي ماي بعدين سلطه و بعدن وجبات يتيحان لحم و دجاج على حسب اللي تبينه و بيبسي او سفن و ري فل فري كل شي السيرفس يمرون معاهم البيبسي و السفن و يهبون لج

وأحلى مافي العرض ان أكششششششن حتى اخر شي لعبونا لعبه
تقريبا كان المدرج ١٠ اسطر و عطو كل بداية سطر كبوس كاو بوووي و مع الموسيقى أنمرر الكبووس و الأسرع اهو الفاايز صج كان ونااااسه

احس هالرحله كااانت غيييييير

وطبعا ردينا الفندق متااخر على طوووووول غرررفتنا *

 

[Loora]

باجرررر ان شاااء الله اكمل لكم باااقي رحلتناااا

تابعوووووني

 

[الحياه الفاخره]

يسلموووو

 

[<<المها>>]

الحمدلله ع السلامه .. وعليكم بالعافيه السفره

باختصار بقول كلمه وحده ليت كل من يسوي تقرير يسويه نفسج .. ماشاء الله مرتب وواضح وشامل

بعتبرج مرجع سياحي لي اذا نويت الروحه لها ان شاء الله

بانتظار التكمله

 

[عسوله ودلوعه]

يعطيج العافية

 

[<<المها>>]

الحمدلله ع السلامه .. وعليكم بالعافيه السفره

باختصار بقول كلمه وحده ليت كل من يسوي تقرير يسويه نفسج .. ماشاء الله مرتب وواضح وشامل

بعتبرج مرجع سياحي لي اذا نويت الروحه لها ان شاء الله

بانتظار التكمله

 

[Loora]

عسوووولة و المهاااا

مشكووورين على المتابعة و الرد

و ان شاء الله بنهاية التقرير بفتح المجال حق كل استفساراتكم
وحتى اللى تبي أدور لها حجوزات من النت أنا حاظره

تابعووني

 

[Loora]

اليووووووم السابع في جولد كوست :


بهاليوم كانت رحلتنا الصبح حق الريف الاسترالي ...... رحلة حلوو تعليميه ثقافية عن حياة الأسترالين و أحلى عرض بهالرحلة عرض جز صوف الخرووف كان العرض تعليمي وفكاهي بنفس الوقت ...... وهذي الرحلة تعتبر قصيره لانها تقريبا ٣ عروض ورأ بعض و بعدها بوفية غداً بس إحنا كانت وذكرتنا بدون غداً لان اكلهم مو إسلامي فرجعنا مع اول باص ....... و أحلى شي بعد انهم حاطين بعير عند مدخل الحديقة و لاتشوفون الأجانب مو مصدقين يصوروون معاه


ردينا الفندق الظهر و قبل لا نصعد الغرفة كلينا من (أوبرتو) مثل ماقلت لكم مطعم حلال حق الوجبات السريعه

ريحنا العصر بالفندق وبليل ومشينا بالسوق اللى تحتنا لان يم فندقنا في مجمع صغير دور واحد فيه محلات متنوعه ...... ورحنا المطعم الهندي تعشينا خووش بريااني و ردينا الفندق *

 

[Loora]

اليووووووم الثامن في جولد كوست :


وبهاليوم كانت رحلتنا حق ( دريم وورلد ) هالحديقة ألعابها عجيبه اللى يحب اللعب والإثارة بيستانس فيهاا ...... من كثر اللعب و الوناسه تقريبا الظهر دشينا مطعم بوفيه تغدينا و ريحنااا لان بعد ورانا لعب ....... و ردينا الفندق المغرب ريحنا عقب اللعب و نزلنا متأخر لعبنا انترنت بالتايم زون وتعشينا باوبرتو و صعدنا غرفتنا *

 

[Loora]

اليووووم التاسع بجولد كوست:


بهذا اليووم ماكان عندنا رحلة لان ناوين انتسووق ..... و رحتا حق الباسفيك فير خووووش مجمع و كبير و طريقة التنقل كانت بالباص
اول شي سألنا االفندق اي محطة اتودي الباسفيك فير وقفنا عندها و رحنا بالباص و بالرده نفس الشي بالباص

واهناك تغدينا بعد باوبرتوو صرنا ما نثق الا بهالمطعم اول شي لان حلال ثاني شي لان نظيف ولذيييذ

ردينا فندقنا العصر و بدينا انرتب جناطنا لان كان مشيتنا بعد يومين وبليل قلنا بنمشي

وتمشينا صوب فندق الشيفرون و كان أهناك في مطاعم و لا أشوف اغلب اللي قاعدين خليجين لما سالت عن الاكل و لا يقولون لي حلال حساااافة مادرينا الا على اخر يوومين لان الصراحه المكان يوووونس نافورة صغيره بالنص و مطعم ايطالي و مطعم هندي و وستاربكس صج صج المكان يوووونس عاد قعدنا بالمطعم الايطااالي يهبل اكككله و بعد العشا ردينا الفندق

 

[Loora]

*اليووووم العاشر ( قبل الاخير) بجولد كوست :

بهاليوم بعد كنا بنتسوق و رحنا حق مجمع اسمه روبينا هذا يعتبر مجمع جديد عندهمم و حلووو وكبييير بعد نفس مستوى الباسيفيك فير .... و تقريبا هذول احدث و اكبر مجمعين عندهم ...... و رحنا للمجمع بالباص ومشينا فيه من الصبح لي الظهر لان كنا ناوين أنتغدا بالشيفرون بالمطاعم اللى طحنا عليهم امس .....

وصلنا فندقنا الظهر قطينا أغراضنا بغرفتنااا و نزلنا أنتغدا بالمطعم الهندي اللى بالشيفرون والله كان حلوو خوش مطعم و عقب هالغدا الحلووو رحنا ريحنا بالفندق و رتبناا جناطنا و من كثر أغراضنا ماكفت جناطنا

نزلنا بليل تمشيناااا باخر يوووم لنا بجولد كوست و اخر شربنا هاندباق وصعدنا غرفتنا نرتاااح لان بأجر ورانا سفره طوييييله *

 

[Loora]

اليوووووم الحادي عشر ( الاخييير) في جولد كوست :

بهاليوووم قعدنا متأخر تقريبا الساعه ١١ لان طول ايام سفرتنا نقوم من الصبح من ساعه ٨ لان ورانا رحلات و طلعات بهاليوم قلنا بناام على راحتنا لان ورانا سفره متعبه و طويله ....

رتبناا أغراضنا و صكرنا جناطنا و دقينا على الرسبشن يشوفون وزن جناطنا و الحمدالله وزنا طلع اووكي مو متعدين الحد المسموح لنا ......

سوينا جك أوت الظهر و خلينا جناطنا تحت عند الرسبشن ورحنا أنتغدا باوبرتو وردينا الفندق قعدنا باللوبي ننطر الباص اللي يوصلنا المطار لان كان موعدنا الساعه ٣ ......

و الباص مرنا ساعه ٣ بالضبطططط و رحنا ( مطار برزبين الدولي) اللي يبعد عن جولد كوست بسااعه ..... وصلنا المطار الساعه ٤ وكانت رحلتنا الساعه ٧ يعني وصلنا المطار مبجر الحمدالله و كانت الإجراءات سهله و ماصادفتنا اي مشكله

و الحمدالله طارت الرحلة بالوقت ماتاخرنا ولا شي و المشافه كانت طويييله تقريبا ١٣ ساعه لي مطار دبي و قعدنا بدبي ٣ ساعات ترانزيت و بعدها كملنا رحلتنا الى الكويت ورجعنا وبالسلاامه من بعد رحلة لمدة أسبوعين ممتتتتععه جددددااااا و لله الحمد

*

 

[Loora]

و الحين أنا حاااضرة لأي سؤااال او استفسار و حيااااكم اللله *

 

[Om_Ksha]

تقريييييييييييرج روووعه يعطييج الف عااااافيه

 

[سندس 90]

حبيبتي نبي صور بصرااااحه التقرير حلو بس مايجذب لان مافيه صور

 

[omaziz]

السلام اختي ام رسال انا دخلت المنتدي وشفت مشاركتك وانا ان شالله راح اكون فى استراليا هالشهر وما ادري شيكون الجو ياليت تفيديني باسرع وقت ولك الشكر

 

[مريومه20]

خوووووووووووووووش تقرير يعطيج العافيه

 

[أم*سلمان]

واااايد حلو التقرير يسلموو

 

[Loora]

السلام عليكم
اللي ناااوي يستفسر عن استراليا أنا حاااااضرة

وحياكم الله