تقرير وايد روعه عن بريطانيا راح يكسر الدنيا بس بصوره اكثر وضوح

[kuwait_queen82]

هلا ام مضاوي اشلونج واشلون اعيال؟

المشكله يا ام مضاوي سالفته الباص لو سامعتها من احد ماصدقتها بس شفتهم ابعيني و السالفه عنجد ضيقت خلقي
بس كوفنتري امسميهتها nightmare City
انا المنطقه شلت قشي منها (راح اقولج على الخاص ليش)و امسويه جوله كل اسبوع ابمنطقه في بريطانيا استكشف لانه حتى الجامعه بس سجلت و صورني والايدي للحين ماخيته ولا قدمت امتحان لانه لو بقعد سنه اتوقع راح استخف
حتى الاايديي ماخذتيها والامتحان ماقدمته لانه الديره اغلبها كرهتها

 

[moon_m]

ام مضاااوي كلمك زين على زين مثل مايقلون كله صحيح ياعني انا ترعفون رحت مره وحده لي لندن وما رحت اماكن بعيده بس عندي صديقااتي كلللهم يدرسون والي متجوزا هنااك صارلها فووق ال 20 سنه ياعني ماكو كل الي الاخت تقوله وبعدين انا ضحكت يوم تقولين استحي اعطيهم خرده او حديد ترااه بااوند ياقلبي تدرين وش ياعني بااوند عملتهم قويه حيييل ياعني بلعكس انتي جدي تعبينهم وصاارلي موقف بس مو في بريطانيا صارلي في فرنسا في سوق عطيتهم 200 يورو الا تقولي مااكووو ما اعطيك ولا اخدها وروحي دوريلك مصرف رحت مصرف تهقين شنو قالي؟ قالي هم انا ما اخدها والسووق بعدين على باريس واايد متنا شر وجووع والفيسا ما رضت تشتغل بس هم ما كرهتهم الا كرهت روحي وستهزات على نفسي الي ارمي الحديد في الفندق على اساس اني عندي فلوس فشنطتي انصحك تحطينهم عندك وتخلصين فيهم ونصيحه ثانيا لا تحطين بقلبك كل هل كره لهم احنا دينا امرنا بي الابتسام ابتسمي لهم حتا لو ما ردوو انتي شكو المهم الله بيعطيك حسنا انتي تدرين انه انتي جدي مره على مره بتتبتين لهم انك احسن منهم ورح يعرفونك ويوثقون فيك لنهم بيشفوك تشترين من هني اكتر من مره بيحفضوك واايد مواقف تصيرلي وهم ما اكرهم صدقيني اطلع انا في الاخر غلطنه ووالله يثبتنا على دينا ويثبتنا على اننا ما نسوي مثلهم ونتعامل بي معاملتهم والله يوفقك اختي ياارب

 

[moon_m]

اختي يمكن ما عندك نصيب في هادي الديره انك تدرسين فيها غيري بلد ثاني وريحي بالك الانه واااضح حيل حيل انك مو متقبلتها كللش لا بخيرها لا بشرها ياعني ليش تتعبين نفسك ودامك بتستخفين منها يبا لا تعليم ولا زفت متل مايقولون ردي ديرتك احسن للك واريح للك ياعني احس قلبك محررروق حيل صج كسرتي خااطري

 

[-MaYa-]

من قبل الغزو واحنا نروح لندن ..موشرط مو الكل جذي
انا برايي الاجانب احسن والطف من العرب.. انا ماتحمل العرب وسخافاتهم

 

[kuwait_queen82]

ام مضاااوي كلمك زين على زين مثل مايقلون كله صحيح ياعني انا ترعفون رحت مره وحده لي لندن وما رحت اماكن بعيده بس عندي صديقااتي كلللهم يدرسون والي متجوزا هنااك صارلها فووق ال 20 سنه ياعني ماكو كل الي الاخت تقوله وبعدين انا ضحكت يوم تقولين استحي اعطيهم خرده او حديد ترااه بااوند ياقلبي تدرين وش ياعني بااوند عملتهم قويه حيييل ياعني بلعكس انتي جدي تعبينهم وصاارلي موقف بس مو في بريطانيا صارلي في فرنسا في سوق عطيتهم 200 يورو الا تقولي مااكووو ما اعطيك ولا اخدها وروحي دوريلك مصرف رحت مصرف تهقين شنو قالي؟ قالي هم انا ما اخدها والسووق بعدين على باريس واايد متنا شر وجووع والفيسا ما رضت تشتغل بس هم ما كرهتهم الا كرهت روحي وستهزات على نفسي الي ارمي الحديد في الفندق على اساس اني عندي فلوس فشنطتي انصحك تحطينهم عندك وتخلصين فيهم ونصيحه ثانيا لا تحطين بقلبك كل هل كره لهم احنا دينا امرنا بي الابتسام ابتسمي لهم حتا لو ما ردوو انتي شكو المهم الله بيعطيك حسنا انتي تدرين انه انتي جدي مره على مره بتتبتين لهم انك احسن منهم ورح يعرفونك ويوثقون فيك لنهم بيشفوك تشترين من هني اكتر من مره بيحفضوك واايد مواقف تصيرلي وهم ما اكرهم صدقيني اطلع انا في الاخر غلطنه ووالله يثبتنا على دينا ويثبتنا على اننا ما نسوي مثلهم ونتعامل بي معاملتهم والله يوفقك اختي ياارب

اول شي انتي تقولي ماشفتي و ام مضاوي ماشفت يعني مثلا كنت حلمانه انا يعني معقوله ولا وحده منقبه او محجبه احد من هل اليهود ضايقها او شافت احد يضايق مسلمه اهناك معقووووووووووله؟؟؟؟ يمكن في ناس تعودت انها اتشوف و جنها ماشافت الامور عادي عندها و انا ماراح اترجاكم عشان اتصدقون ولكن الله فوقي وهو شاهده على شنو شفت

 

[kuwait_queen82]

اختي يمكن ما عندك نصيب في هادي الديره انك تدرسين فيها غيري بلد ثاني وريحي بالك الانه واااضح حيل حيل انك مو متقبلتها كللش لا بخيرها لا بشرها ياعني ليش تتعبين نفسك ودامك بتستخفين منها يبا لا تعليم ولا زفت متل مايقولون ردي ديرتك احسن للك واريح للك ياعني احس قلبك محررروق حيل صج كسرتي خااطري

ويييييييييه رديت من صجج والله للحين مو مصدقه :ggdw: انا بالكويت

 

[kuwait_queen82]

من قبل الغزو واحنا نروح لندن ..موشرط مو الكل جذي
انا برايي الاجانب احسن والطف من العرب.. انا ماتحمل العرب وسخافاتهم

سخافه العرب عندي عسل على قلبي ولا قلة ادب و استهتار و سفاهه البريطانين الي حتى بناتهم ضحكاتهم جنهم بنات ليل والا ريايلهم احس اهنت الرجوله اذا بقول في بريطانين ريايل

 

[ذات الهمة العالية]

حبيبتى أنا معاك أنا شفت بماليزيا تعامل فض وهم مسلمين وحتى وحدة منقبة شرشحوها ماأدى صح الكلمة وإلا لا لأن ما استخدمها بمصطلحاتى

شلون انتى بديرة غير مسلمة

 

[kaboOOOOOOOOsa]

والله ياجماعه كل ديره اتصير فيها مشاكل حتى بالكويت اشدعوه ماتلقين وحده السانها اشطوله على موقف ولا على الهندي اللي ادز العربانه

انا اللي لاحظته بالشعب البريطاني انه نظامي امشي عدل ولاتسكرين عليهم الطريج ولا زم بليز وثانكس يعني هالسوالف لان هالاشياء اتنرفزهم

بس انا صراحه بلندن ماقمت اشوف بريطانييين ماكو الا هنود ويابانيين بطاليه وعرب وبس نادر لما اتشوفين انجليز الا اذا طلبه يمكن ولا انا سنين رايحه راده عليها ماصادفت شي وذا في شعب راقي صراحه ومضياف فهم سويسرا اقصد جنيف بس لندن مااحس اني تضايقت منهم والحلو فيهم ان كل واحد بحاله الديره الوحيده الي اطلع فيها بروحي
وما احس بوحشه والله حتى بالامارات ولا البحرين ومن هالدول العربيه ما اطلع بروحي لو شنو اما الدول الاجنبيه الثانيه لو شنو مانزل بروحي ولااطلع بروحي ايه صح العمره بعد اطلع بروحي عادي

انا اقول حقريهم وخليج بحالج ولا لج شغل باحد عشان ماتنصدمين من رده الفعل
وان شاء الله ماتصير فيج مواقف وصدقيني لما اتخلصين راح تولهين عليها

 

[q8tiaa81]

ولله غريبة يا اختي انا رحت لندن فوق الست مرات رحت 2002 ورحت 2007 و2008 رحت مرتين ورحت 2009 ورحت 2010 بالعكس ماعمره احد عاملني بعنصرية بالعكس محترميني وكل ماروح محل وبحاسب يسألوني من وين انتي وشلون الجو عندكم وحتى كذا مرة يسالوني شنو يعني ثانكيو بالعربي اقولهم شكرا مادري انا عن نفسي كلهم تعاملهم زين معاي وحتى مرة وحدة شافت ولدي صغير كان عمره 9 شهور قالتلي ميخالف اطل عليه قتلها طلي وضحكت وقالت الله يحميه لج وحلو مادري انا ماشفت اي عنصرية بالتعامل يمكن انتي صدف معاج جذي غريبة عموما الله يعينج يارب :bbbiu:

 

[kuwait_queen82]

ولله غريبة يا اختي انا رحت لندن فوق الست مرات رحت 2002 ورحت 2007 و2008 رحت مرتين ورحت 2009 ورحت 2010 بالعكس ماعمره احد عاملني بعنصرية بالعكس محترميني وكل ماروح محل وبحاسب يسألوني من وين انتي وشلون الجو عندكم وحتى كذا مرة يسالوني شنو يعني ثانكيو بالعربي اقولهم شكرا مادري انا عن نفسي كلهم تعاملهم زين معاي وحتى مرة وحدة شافت ولدي صغير كان عمره 9 شهور قالتلي ميخالف اطل عليه قتلها طلي وضحكت وقالت الله يحميه لج وحلو مادري انا ماشفت اي عنصرية بالتعامل يمكن انتي صدف معاج جذي غريبة عموما الله يعينج يارب :bbbiu:

اكيد اتصادف تلاقين الناس زينه بس الاغلب والي اشوفه ناس تعبانه والحمدالله رديت ديرتي و لندن بالنسبه لي كابوس و ادعي من الله ما يتكرر

 

[al7lwa` `]

تدرين صدمتيني

لآن مااواجهت ولا شي من اللي تقولينه!

اهما صج شعب مو ونيس بس الصراحه محد يطاالعج وكلن بحااله محد له شغل بالثااني!

وحتى اذكر مره دخلت مطعم واخترت سندويجه جان يقولي انها لحم خنزير انتي مسلمه

ماتاكلينه!

اهوا من نفسه تحجى ولو ماقالي جان لاااااااااطتها لووووووول

 

[أم منصـ 85 ـور]

رد : تقرير وايد روعه عن بريطانيا راح يكسر الدنيا بس بصوره اكثر وضوح

انا قعدت بلندن شهر كل اللي صادفتهم محترمين وخدومين ما صادفني موقف يخليني احس انهم متكبرين او يكرهونا بس كل شي جايز

 

[ArEEj]

رد : تقرير وايد روعه عن بريطانيا راح يكسر الدنيا بس بصوره اكثر وضوح

انا قعدت بلندن شهر وكان تعامل الانجليز معانا قمة بالرقي بصراحه ما شفت منهم الا كل خير
انا كنت مسوية عملية وكنت ع الوول شير وكانوا يعاملوني معاملة راااااقيه
ما اقصد بالمستشفى لا بالشوارع بالمحلات كل ما امر على احد ودهم يخدموني
بدون لا بقشيش ولا شي مثل غيرهم
لما امر الشارع كله يوقف ويقولون لى مري لما ادخل المحلات لاااازم يجون عندي ويقولون لي تبين شي تبين خدمه
بصراحه انا حبيتهم وحبيت تعاملهم الراقي

 

[فـدآ الـكويت]

رد : تقرير وايد روعه عن بريطانيا راح يكسر الدنيا بس بصوره اكثر وضوح

ووووووووويه الله يعينج يا قلبي انتي

 

[&موناليزا&]

رد : تقرير وايد روعه عن بريطانيا راح يكسر الدنيا بس بصوره اكثر وضوح

انا تعاملت مع الشعب البريطاني واحتكيت فيه بشكل كبيررررررررر بحكم دراستي

شعب متكبر ومايحب العرب وملتزم وااااااااايد بالمواعيد ولا يعذرون ظروفج

انا تكلم عن فئة الشعب الاصلي او اللي ترجع اصولهم لالمانيا او اوروربا الشمالية

وخصوصا كبار السن

والبريطانيين بالمنطاق الشمالية تعاملهم شوي صحعب

واحتكيت بعد بالشعب الامريكي بس مو مدة طويلة احس شعب متفتح اكثر عالحضارات وشعب ودود اكثر من البريطانيين

 

[فطامي.]

انا ناويه اكمل دراستي بجامعة كوفنتري السنه اليايه :080402ask_prv:
وابي اعرف عن هالمنطقه
تحطممممممت من كلامكم

 

[تسوآهن]

الله يعينج يـآ kuwait_queen82 والله يوفقج وتخلصين راسه على خير

 

[ام مضاوي]

سوري حبيبتي كويتيه

رديت مرتين عليج واطل عالرد ماينرسل !!!!!!

لين تركت الموضوع فتره

عموما ربي موكاتبلج انج تكملين بهالديره وان شاءالله ربي كاتبلج الافضل

وترى انا ماجذبتج بسالفة الباص حشااااا بس احس ممكن موقف عرضي صار جدامج وصارتلج مواقف كرهتج بالديره لان ربي موكاتبلج فيها نصيب

استخيري حاولي تروحين امريكا

انا كان بخاطري ان روحتنا تكون امريكاوالحياة تبدي عندهم من المغرب عادي حالهم حال الكويت عكس بريطانيا المغرب الشوارع فضت !!! بس خفت لاني ولا مره رايحتلها غير ان زوجي مومتعود عليها

عكس بريطانيا عاش فيها فتره واهو صغير ومتعود على جوها وسلبياتها و ايجابياتها + قرب المسافه بينها وبين الكويت

 

[kuwait_queen82]

سوري حبيبتي كويتيه

رديت مرتين عليج واطل عالرد ماينرسل !!!!!!

لين تركت الموضوع فتره

عموما ربي موكاتبلج انج تكملين بهالديره وان شاءالله ربي كاتبلج الافضل

وترى انا ماجذبتج بسالفة الباص حشااااا بس احس ممكن موقف عرضي صار جدامج وصارتلج مواقف كرهتج بالديره لان ربي موكاتبلج فيها نصيب

استخيري حاولي تروحين امريكا

انا كان بخاطري ان روحتنا تكون امريكاوالحياة تبدي عندهم من المغرب عادي حالهم حال الكويت عكس بريطانيا المغرب الشوارع فضت !!! بس خفت لاني ولا مره رايحتلها غير ان زوجي مومتعود عليها

عكس بريطانيا عاش فيها فتره واهو صغير ومتعود على جوها وسلبياتها و ايجابياتها + قرب المسافه بينها وبين الكويت

هلا حبيتي ام مضاوي ماحصل الا كل خير انتي اشلونج واشلون العيال؟
انا والله ناويه و عندي ريل خالتي دكتور بامريكا و عندي وايد ناس اهناك بس والله ماتعودت اطلب من احد خدمه فراح انطر يفتحون جامعه بريطانيه اهني بالكويت لانه مافيني حيل بعد على الغربه و صدماتها ومشكوره من كل قلبي على كل نصيحه عطيتنياه والله يوفقج ويوفق ريلج انشالله