تقرير ورد الجوري : رحلتى الى ماليزيا

[مدام اسماء]

رد : تقرير ورد الجوري : رحلتى الى ماليزيا

بركه جانبيه هاديه ومريحه

بركة الكبار

​

وعجبني الجو اللي تغير دقيقه وحده ورجع ولا كأنه تغير

لاحظو الفرق بين السما في صور البرك اللي فوق وهذي الصوره .. مع اني صورتهم خلال خمس دقايق

بصراحه تحميل الصور

ذبحني


يتبع .. لنكاوي (القسم الثاني - السياحه في لنكاوي )​

 

[شيهانة الكويت]

رد : تقرير ورد الجوري : رحلتى الى ماليزيا

الله يوفقج ومشكورة

 

[بلقيس السعودية]

رحلتك روعة الحمدلله عالسلامة بس بسال كم كلفتك الرحلة

 

[jory1-2]

مشاءالله رحلتج حلوة وتقريرد راااااااااااااااااقي


بس ممكن سؤال التحف اللي فيه صورة القبطان جاك سبارو شسمه ووين مكانه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


وشكراا

 

[مدام اسماء]

رد : تقرير ورد الجوري : رحلتى الى ماليزيا

الجزء الرابع - لنكاوي (القسم الثاني)




الأماكن التي تم زيارتها في لنكاوي:



عالم البحار (أكواريوم):

تشتري التذاكر وتدخل في البدايه على أحواض سمك ومنها على حديقه خارجيه للطيور ومنها لأحواض سمك في منطقه أخرى وبعدها في منطقه ثالثه بعد وبعدها محلات مفتوحه لبيع التذكارات أو الملابس الغريبه التي تحمل صور البحار و الاسماك و اكسسوارات الأطفال البحريه .


مكان وناسه وحلو ،فيه اسماك غريبه ..



بعدها حسينا بالجوع وجا وقت الغدا .. وعلى طول لقينا مطعم التلاقي لكنه كان بدون تكييف فاستفسرنا عن الفرع الثاني للمطعم واتضح انه قبل فندقنا وفيه تكييف وقلنا هذا هو المطلوب وعلى طول لمطعم التلاقي


مطعم التلاقي : سلسلة مطاعم التلاقي العربيه

 

[مدام اسماء]

رد : تقرير ورد الجوري : رحلتى الى ماليزيا

النظافه: كان نظيف ومرتب
جو المطعم:كان مره حلو لأنه على البحر وفي جلسات خارجيه مرتبه بس احنا كنا نبغى تكييف لأن الأكل بالرطوبه مو حلو طبعاُ .

الأكل: كان حلو
وهذا المطعم عكس المطعم الهندي .. الطلب اللي لشخص واحد كبير وما أظن في أحد بياكله لحاله



وتوجهنا بعدها للتلفريك


لنكاوي جيوبارك و التلفريك:


وصلنا للحديقه بسرعه

وناسه اللون الأخضر .. منظر أحلى من الصور ألف مره وهو طبيعي

جلسنا في منطقه على بحيره وكان المنظر حلو والدنيا خضره من الأشجار ..

بعدها مشينا شوي ووصلنا لمنطقة التلفريك قطعنا التذاكر وركبنا الدرج وهنا المفاجأه .. (عربات التلفريك ماتوقف أبداً ولازم تركب فيها وهي تمشي) .. قلنا مومشكله وركبنا بس والله وناسه ترتفع لأماكن ومستوى مو طبيعي وماتشوف إلا الشلالات من فوق ورأس كل شجره .. وبعدها وصلنا لمحطه نزلنا وجلسنا نشوف لنكاوي من فوق وكملنا وركبنا التلفريك وطلعنا لفوق أكثر وكان الشكل مو طبيعي وبعدها نزلنا إلى المحطه الأولى اللي ركبنا منها بس هنا جلسنا ننزل بسرعه عشان ما يجلس أحد بالعربه وترجع فيه من أول وجديد ههههههههه

 

[مدام اسماء]

رد : تقرير ورد الجوري : رحلتى الى ماليزيا

بعدها رحنا الفندق وارتحنا


رحلة المانجروف : لمدة ساعتين


كهف الخفافيش – مزرعة السمك - كهف التماسيح - اطعام النسور – السباحه وحدود تايلند



حجزنا رحله المانجروف – طبعا الحجز يختلف سعره لو كنت تبغى لحالك في قارب ولا معاك أحد



احنا أخذنا لحالنا لأنه أحلى وأوسع وأريح و الواحد ياخذ راحته ولبسنا (السيفتي جاكت)




وهذا هو قاربنا

 

[مدام اسماء]

رد : تقرير ورد الجوري : رحلتى الى ماليزيا

هذي القرود يوم شافت القارب نزلت وصارت تسبح بالبحر تبغى تدخل القارب ..



ههههه موقف مرعب

.. كان ودي أسوي كذا

كهف الخفافيش : تنزل من القارب وتأجر كشاف من مكتب صغير قبل الكهف و تمشي شوي على جسر خشبي في الغابه وبعدها تدخل في كهف التماسيح وتشوفهم يتحركوا من الأنوار اللي نوجهها عليهم عشان نشوفهم وبعدها تطلع مره ثانيه وتنزل القارب وتتمشى بالبحر بسرعه (وناااااااسه)


وهذي صوره للممر اللي تمشيه لحد ما توصل الكهف .. بس مايتعب قصير

مزرعة الأسماك : نزلنا من القارب وفيه بقاله صغيره اشترينا عصير وشيبسات وماي وصرنا نمشي على ألواح خشبيه ونشوف السمك وكيف تاكل وتتحرك وكيف تقارن بين انواع السمك وتصرفاتهم في الأكل و اللعب ورجعنا للقارب​

 

[مدام اسماء]

رد : تقرير ورد الجوري : رحلتى الى ماليزيا

كهف التماسيح : تدخل في الكهف بالقارب – الكهف مافيه تماسيح أبداً ولكن اذا ارتفع مستوى البحر .. ما يقدر القارب يدخل الكهف أبداً




اطعام النسور : بعد الكهوف يقف القارب في منطقه قريبه جدا من اشجار كثيفه وفجاه تنزل النسور بسرعه كبيره لالتقاط السمك وتطير مره ثانيه .

السباحه وحدود تايلند : يصل القارب حتى حدود جزيره تايلنديه ولا يستطيع الاقتراب أكثر



التسوق و المجمعات


تسوق بسيط وعادي .. اجمالاً لنكاوي تتمشى فيها وتشوف الطبيعه وتتسوق بشكل بسيط جداً


مجمع Langkawifair shoppingmall


في العاصمه كواه – أكبر مجمع في لنكاوي
كان حلو وكبير (كبير بالنسبه لجزيره) وفيه ماركات عالميه


مجمع LangkawiParade


في العاصمه كواه - مجمع مرتب و بسيط – فيه سينما


مجمع LangkawiParade


في العاصمه كواه - مجمع مرتب و بسيط – فيه سينما



وقبل ما نطلع من الفندق .. أخذنا لفه على الفندق كامل بالشتل لمدة ساعه الا ربع تقريباً .. لأنه غابه كبيره من الجبل للبحر



وهذي بعض الصور :




هذا مدخل الفندق :: قبل اللوبي بمسافه حلوه مو طويله في الغابه

​

 

[مدام اسماء]

رد : تقرير ورد الجوري : رحلتى الى ماليزيا

وهذا الممر يمتد من البوابه الى اللوبي

وهذا اللوبي

وهنا منظر جانبي للبركه .. عجبني

وهذا شاطئ الفندق

وهنا أول ما أفتح باب الكوخ المنظر هذا يكون قدامي .. وناسه.. اللون الأخضر يحسسك انك من جد مرتاحه

 

[مدام اسماء]

رد : تقرير ورد الجوري : رحلتى الى ماليزيا

وهذا الجو اذا مطرت السما .. بس ترى دقيقتين وبعدها ولا كأن صار شي

وهذا نوع ثاني من الأكوخ اللي عالجبل ..

وهذي صوره للأكواخ الجبليه .. و الأكواخ اللي جنب البحر تحتها

وهذا مطار لنكاوي .. وقت الاقلاع
ما كنت حابه أترك لنكاوي

بالطريق

الجزء الخامس - العاصمه كوالالمبور ​

 

[مدام اسماء]

رد : تقرير ورد الجوري : رحلتى الى ماليزيا

ومن ثم توجهنا الى مدينة سلانجور لقضاء ليلتين من الف ليله وليله

والان اترك الصور تتكلم بعد ما غثيتكم بما فيه الكفايه

فندق صن واي لاجن الخيالي من الداخل والخارج

صوره من المقدمه (( اكتشف اني عندي موهبه فالتصوير بهالسفره ))

منظر من حديقة الفندق (( المكان روعه الصراحه ))

وهذا المجمع بجانب الفندق مباشره

هاي فرعونهم الصغييير استانس عليه صلوووح عباله حصااان

لقطه شامله على المجمع

التزحلق عالجليد (( وطبعا متنا من الضحك على العليميه الخليجيين )) سدحات على جنب ودبل كيك ومن كل صوب ,,, بس الحمدلله مافي دمااان خخخخخخ

الدانه مستاااانسه واحنا طايحين زززط (( علينا بالعافيه ))

وهذي بعض الاسواق الشعبيه المجاااوره (( واهم شي ان عرفنا مكان كنتاكي ))

اليهاااال (( مب شايفين خير )) من اول ما دشينا الغرفه وهم طايحين تقزقز بالالعاب (( منظر حلو من الدريشه ))

منظر ليلي من الفندق

وهنا انكون ختمنا ليله ونص في سلانجور (( وغدا سوف يكون اليوم الاخير في هذه المدينه والتي سوف ننطلق منها الى مدينة الهدوء والجمال

 

[amami al-kuwai]

وناسه الله يهنيكم شكلكم استانستوا حيل

شوقتيني حيل لماليزا ان شالله بروح لها بشهر العسل ان شالله

تصلح اقضي فيها شهر العسل او لا ؟؟