تقسيمتي وتقسيمتج خل نتشارك

[D@LoOoL]

up


up


up


up

 

[أمي غلاها غير]

الله يرفع قدرج

 

[MOOON&M]

حبيبتي القمصان المبلغ الي حاطته شويه

واهم شي لا تنسين تحطين مبلغ وقدره للاحتياط

ترى اناا باجر عرسي وكنت حاطه 1000 احتياط يمكن تطلعلي شغله مني مناك

وطااااااااااااااارت الاف

وعسى الله يوفقج ان شالله ويباركلج

 

[F.a.R.o.7.a]

رد : تقسيمتي وتقسيمتج خل نتشارك

والله المهر حسبته صعبه ..
أنا مهري ? الاف واشوفهاإ ماتسوي شيء ،، يعني احنا لازم نزود فوقها جم ألف
الله يعين اللي مهوورهن ? و ?

 

[باربي برونزيه]

حبيبتي عيدي النظر بتقسيمتج في وايد اشياء مالها داعي وفي اشياء مبالغه فيها
وفي شي انصدمت منه @@ ملابس داخليه اب 30 دينار :\ من صجج انتي !!!!!!! ترى شويه هذا وانتي متزوجه يعني لازم كل يوم تغيرين ملابسج الداخليه :\ بالله ال 30 جم طقم بتشترين فيهم 4 مثلآ !!!!!!!!!!!!!!!

 

[تبطي عظم!]

امي غلاها غير
!!!!!!!!!!!!!!!!!!!!!

جنه تغيرت حسبتج عن الي دازتها لي!!!

هذي فيها اغلاط وااجد......!؟

 

[تبطي عظم!]

بنات سويت تعديل وخرب على كل شي
المهم التقسيمه كالتالي

بسم الله
اول شي بعطي امي 500 وخواتي بينهم 100
الليله لاوله 2000

ــــــــــــــــــــــــــــــــــــــــــــــــــــــــــــــــــــــــــــــــــــــــ


الفين واجد !!
1500
البدله دوري بحدود الـ 900 الى الـ 1000
يبقى 500 بين المكياج ودخلتج والمسكه والكعب عزج الله
المكياج 300 الى 250
الدخله بحدود 100 او 50 بعد دي جي الرندي
المسكه 100
الكعب من حوش السالميه بـ حدود 20

الليله الثانيه 500

ما ادري شنو نظامكم فما عندي فكره لان احنى ماعندنا ليله ثانيه!!


المصوره على الرجال

شلون المصوره على الرياجيل!!
تأكدي من الموضوع لانه مو معقول!!
ع العموم مصورت حنان شيك حلوه وبـ 500 وفي عرض بـ 350


عبايات
1 فخمه 100 دينار مثلا
2 زوارات 25 والثانيه 30

العبايات بس 3 احس حق العروس شويه 3
يبيلج اكثر اذا انتي لبيست عباة اذا نظامج بدل 3 كافي



عطور 250

250 شنو عطور فرنسيه ولا شرقيه!!
حبيبتي مايكفي والله انا العطور الشرقيه مع البخور قلت لج ع الخاص جم كلفوني
غير المخلطات وبخور حق الشقه ماشريت
250 يمكن بس تكفيج عطور فرنسيه!!

مكياج 200

اوك مكياج 200 حلوو اشتري بس الضروري والي تستخدمينه شيء مو ضروري لا تشترين
الماسكرا ثنتين او 3
الحمر 6 بالوان مختلفه
المحددات نفس الحمر
كريم الاساس 3 واحد للمناسبات واحد لحمولتج وواحد لشقتج واستخدامج اليومي
بلاشر 3 الوان المشمشي والبرونز والوردي الفاتح
البودره ثنتين
كحل قلم اثنين وانصحج بـ شانيل روعه
وكحل سائل اثنين
واضاءه وحده ترا تكفيج شهر ونص وبعدها نزلي السوق واشتري!!
وانصحج بإضاءة ماك روعه..

ملابس شقه 250

هالمبلغ شامل البجايم والبيبي دولز
والشورتات وكل شيء اذا هيك اوك

لقنزات وسوالف دلاغات ذربه ب15

حلوو

بودي شوب
مشط وليفه يد وليفه جسم مع ادوات منكير 30

واجد 30 اعتقد اقل الليفه والمشط وادوات المانكيير بـ 15 بس مو اكثر
ومو شرط من بودي شوب اخذيهم من محلات مستلزمات الصالونات حيييل ارخص
يمكن اقل من 15 بعد


شموع 15 دينار

واجد 15 ليش الشمعه الوحده بالجمعيه وريحتهم تهبل بـ دينار ومية فلس
كم حبه تبين انصحج بـ 6 شمعات بس لان الفواحات احسن واكثر تنشر الريحه
اما الشموع للرومانسيه فقط!!


سنتر بوينت فواحه كهرب مع استاندات اكسسوارات كامله 50

اخذي فواحتين كهربائيات انا شايفتهم بسنتر بوينت الوحده بـ 11 او اقل بعد ناسيه
علشان وحده بالصاله ووحده بغرفة النوم
استاندات المكياج الصناديق بحدود 9 و8 الواحد
استاند العطور اعتقد تلقينه بسرداب الشايع لان مالقيته بسنتر بوينت
ع العموم المبلغ هذا ما اعتقد بيكفي زيديه 20 واذا كفت الـ 50 زين على زين



الغانم
استشوار
وفير
واله بخار كلهم 50 دينار

ماعندي فكره عن اسعار الغانم


دراعات 500 دينار

دراعات شنو بيت !! واجد
اما اذا دراريع فخمه اوك بس راح تكفيج 4 الى 5 اذا عند حريم
واذا انتي بتخيطينهم عند الخياطين راح يكفونج

انا حاطه نفس مبلغج بس انا عند خياطين مو حريم لان كلهم نصب وحراميه

اكسسوار شعر من تيجان وبفات وشباصات 30دينار

حلو


4عدسات مشكله مع صبغ اضافر ومزيل الصبغ بانواعه 45

امممم جنه شويه !!




اكسسوارات 70 دينار

حيييييييييييييل شويه 70 شنو تشترين فيها الخواتم الغريبه والاطقم الكامله على 20 و45 و30
طبعا الغريبه والحيييل فخمه انتي عروس كل شيء تبين تشترينه لازم يكون بارز حده شويه هالمبلغ عيدي حسابج


جناط عفش وصناديق احجام منوعه وسله ملابس وسله للحمام مع اكسسوارات الحمام 80

ممكن ماعندي فكره لحد الحين ماشفتهم

50 بخور ومسك وخلطات

والله شويه روحي وشوفي ماتحصلين بخور زين بـ 50
والله

50 لوشنات وفواحه وزيوت فواحه

لوشنات 50
اذا الطقم كامل ببودي شو بـ 30 الواحد
وزهور الريف الطقم الكامل 58
عيدي حساباتج والله ششويه يبيلج 300 ع الاقل

ملابس داخليه 30 دينار

حيييييييييييييل شويه
يبيلج اكثر حبيبتي 100 دينار اوك ملابس داخليه

قمصان 80دينار

شويه 80 انتي عروس من وين تبين تشترين القمصان لا يكون من الاسواق الشعبيه!!
لازم من الطاهر وانور ونعومي وقاسم واكسفورد هذولا قمصانهم الواحد بحدود الـ 20

80 شنو تبي تجيب لج!!!

بيجامات 73

الـ 3 شكو هههه ياحلوج غلاها احبج
المهم بجايم اوك 70 اووك

جناط 200 مو شرط ماركه تقليد

جم جنطه بتشترين بالـ 200 !!
انا اقولج اخذي تقليد درجه اولى بحدود الـ 80 وهيك
3 او 4
والباقي العمليات بحدود الـ 30 والـ 20 و 9 وهيك

من ميلانو وسنتر بوينت والدو وناين ويست وواجد محلات

جواتي 100

اي عادي الجواتي بحوش السالميه يهبلون 100 تكفي

منظم الملابس الداخليه ومنظم الجنط15

ماعندي فكره عن اسعارهم اووك بس لا تنسين اغراض الجمعيه بعد

ااتمنى لج التوفيق حبيبتي

 

[مدام زيزو]

رد : تقسيمتي وتقسيمتج خل نتشارك

على حسب كل وحده وعايلتها واصلها يعني احنا حضر لازم لازم تدشين لج على الاقل ب3 اطقم ماركه جنطه وحشاج جوتي وشيلتها او ساعتها
فيبيلج عالنازل لهم 1000

 

[<miss botamba>]

وايد اشياء مالها داعي !!

مشط وليفه يد وليفه جسم مع ادوات منكير 30
شموع 15 دينار
سنتر بوينت فواحه كهرب مع استاندات اكسسوارات كامله 50
الغانم
استشوار
وفير
واله بخار كلهم 50 دينار

يعني هذول شدعوه ماعندج سشوار وفير قديمين وبحاله زينه ؟؟

وشموع شدعوه 15 دينار الله يعافي ايكيا 100 شمعه بدينار جنه الصغار

واوتي البخار انتي مو ملزومه تشترينه هذا المفروض عليه اهوا لتجهيز البيت

وستاند الاكسسوار الله يعافي سرداب الشايع واحسن تشترين الي ينحط داخل الدرج او الكبت مو حلو ينرزون

جناط عفش وصناديق احجام منوعه وسله ملابس وسله للحمام مع اكسسوارات الحمام 80

حتى هذول مو ملزومه انتي فيهم

والجناط اعتقد وحده كبيره ووحده سحب كافين

منظم الملابس الداخليه ومنظم الجنط 15

بالنسبه لي اشوف ما منه داعي صفطيهم داخل ادراج الكبت وبس او في تفصلينهم في سوق سلاح ارخص من 15


في اشياء لازم تكون بالاولويه


يعني انا بالنسبه لي اهم شي الاشياء الي بتصير بالعرس هذا تكون اعلى شي بالاهميه واحاول انتي اخلصها اول شي

المكياج والعطور وشموع وليفه لاااا ماعندي فلوس كافيه مو لازم يديد حتى لو انا عروس اخلي الفلوس لشي اهم

يعني مثلن الفلوس الي بقطها على المكياج والعطور اسوي فيه ليزر كامل لجسمي اهم !!

الملابس مو لازم تشترين السوق كله خليهم بس جم قطعه وبس وعقب الزواج لمن تطلعين مع زوجج كملي الباجي

وهذي وجهه نظري بالموضوع

 

[غمزه وإبتسامه]

مووووفقين

 

[طموحه بزياده]

موفقييييييييييييييييين

 

[أمي غلاها غير]

فديتج يا تبطي هههههه ضحكتني على سالفه ال3 هه طيب تبطي الدي جي بحدود 200 شفيج ؟ صعب ب100 او 50 دخلة عروس صعب
وفعلا حسبتي كل سوم وتوزيعتي اخربط فيها واستخفيت وقعدت والله يابنات اني انجنيت كل ما سويت حسيه الكل انتقدني شسوي اشق هدومي يعني لا تقولون خل احد ايزودج لااااااااااااااااااااااااا لان 7 كافي
ودايما الناس اللي حولي ايقولون ادخري اقولهم من وين ههههههه

 

[تبطي عظم!]

والله انا نفسج اقول غالي الدي جي

بس اشواق الي معانا بالقروب قالت دي جي الرندي دخلت عروس بـ 50

وتاكدي منها انا ماقالتلي شخصياَ اهي قايله حق مسك ومسك قالتلي ومفكره احجزه حق دخلتي

شوفي حبيبتي فلوسج فيهم بركه لا تحاتين ولا شيء

انا مهري 6000 والحمد لله بيكفي ان شاء الله..

السشوار والفير صح اذا عندج الحين لا تشترين انا ماراح اشتري لان عندي

( فير وسيراميك وسشوار واوتي البخار ) كلهم عندي ماراح اشتري!

بالنسبه حق البجايم اذا بتشترين من ومن سيكرت لاسنزا اويشو على فكره الـ 70 ماراح تكفي

اما اذا بتشترين من ايس كريم فخري ماكس فاشن مل راح يكفيج

عاد انتي كيفج وين راح تشترين

انا نوعت بين هذول وهذول شريت من الكشخه وشريت من العادي..!!

شوفي مو كل وحده شاريه شيء لازم انتي نفسها لا تحاتين كل بنت وطبع عايلتها وحمولتها

يعني مثلا وحده شاريه 10 عبايات كشخه يعني حاطه ميزانية 1000 حق العبي !!!

يعني لازم تقسيمتي تصير 1000 حق العبي !!!!!!!!!!!!!!!!

لا طبعاَ اشتري الي انتي محتاجته ويكفييج بس بدون اسراف هاه انتبهي لا للإسراف

ابدي بالمهم فالاهم فالاقل اهميه!!

عرفتي شلون

فلوس اول ليله خشيهم ولا تفكرين فيهم.!!!
وهم فلوس ثاني ليله!!

قلتيلي عرسج شهر 4

اذا ناويه ليزر بلشي من الحين اذا مو ناويه بس بلشي عنايه والتجهيز بلشي من بالخفيف

قمصان ملابس داخليه بجايم اكسوارات مداسات للشقه

والتجهيز العدل بلشي فيه من شهر1 وموفقه حبيبتي

واي شيء انا حاضره

 

[مشتطـه]

تقسيمتج غلط حبيبتي وايد شغلات نسيتي
و 7 الاف كلش ما تكفي
هذ1 وانا بدلة اول يوم تحت الـ1000


الله يعييينج
وسالفة عطيتي امج 500 ليش
اوكي ندري امج وغاليه عليج
بس راح تحتاجينهم الفلوس
انزين ساعة العرس و الشبكه وين فلوسهم ؟

 

[مشتطـه]

حبيبتي قمصان النوم لا تكثرين كافي 7 صدقيني
ولا تاخذين بو عشرين
ترى غالي عالطل


رفيجاتي المتزوجات نصحوني بالرخيص وفعلا يهبلون ويعتمد عالذوق
لا تكثرين ترى ماتدرين ريلج شنو يحب

 

[شموخ الطير]

رد : تقسيمتي وتقسيمتج خل نتشارك

والله انا نفسج مهري 7 ومادري من وين ابدي اخاف اصرف واتوهق سمعوا شفكرت فيه


بسم الله


3 الاف ذهب اساور بنات حركات يعني وتراجي وخواتم غيره مالبس وابي تراجي الماس ودبله

1000 البدله البيضه

350 مكياج عروس والتصوير عليه يدفعه بعد العرس من العواني ههههههههههههههههههه

وبدلة صباحية عروس قديما مسائية عروس حاليا ههههههههههههه ب 500

وعبي 2 كشخه فخمه و3 كشخة زواره و3 طلعات مو وايد لاحد يقولي وايد خواله وعمامه بيعزموني شروح فيه مكرر نو وي :080402ask_prv:


مكياج عادي مو شرط ماركة اهم شي الكريم والشدو يكون ماركه والباجي مو شرط اهي عاللي تحط هذي قناعتي لاحد يقوللي فور ايفر مفروض يغيرون اسمه لي محل العرايس من كثر ما ألقى عرايس هناك :icon30:


وساعه سيلفر 300 وساعه ذهبي 200

الباجي عادي والله لو تكون ب 20 من الهنود هع مو كل غالي حلو ولا كل رخيص خايس ساعات فيه ساعات << شرايكم بالعربي هههههههههههه نرجع لمحور حديثنا تكون حلوه ومو غاليه

وجناط ثنتين غالي ب300 و5 محترمه هع يعني ب 120

صنادل لازم تكون كشخه ترى انا موتي الكعوبه :icon30: ب 200 تستاهل :hjy5jewf:

لاحظوا اني طلعت من المهر ههههههههههههههه

والباجي مو مهم عندي الريال مو مشتطه عليه اهم شي ماتفشل مع الحريم ولا اهو لو اخذ ارخص شي بالسوق ماراح يدري انه رخيص وعفيه بنات اذا باجي من المهر شي انتوا وزعوه تعبت اكره شي اسمه رياضيات :eh_s(11):

 

[شموخ الطير]

رد : تقسيمتي وتقسيمتج خل نتشارك

المجموع حوالي 6 الاف و300 لاحظوا مكياج ثاني يوم ماحطيته

وملابس الشقه والقمصان والاستشوار والفير على قولة امي غلاها غير .. واغراض الجمعيه وعدسات وووووووووووو شنو بعد نسيت؟؟؟؟؟؟؟؟؟

 

[أمي غلاها غير]

شموخ الطير وين الدراريع

مشتطه اه امي ماتبي وحالفه بس كان ودي على لاقل احط ساع بيدها ؟؟ على لاقل 300

وسالفه الشبكه ومدري شنو احتمال الماس ؟ شرايج بس طقم واحد

اف زهقت من التقسيمه شكلي بخلي عجايزنا ايوزعولي ابرك

 

[أمي غلاها غير]

ياليت كل من يدخل يعطينا فكره تقسيمه

 

[شموخ الطير]

رد : تقسيمتي وتقسيمتج خل نتشارك

الدراريع ايه والبدليات يماااا غرامي غرامي يالله تستاهل 1000 تعرفون مصمات والحريم غاليات يا ويلي رحت وطي :eshrab: