تقسيم الميزانيه لموسم السفر.. رمضان..القرقيعان..العيد

[seedo]

اشلونكم امهات :eh_s(7):


اول مره اكتب موضوع بهالقسم وابي تفاعل بليز عشان الكل يستفيد


شنو خطتج المستقبليه لميزانيه السفر و وراه رمضان(ميزانيه اللبس من دراريع و عبايات + ميزانيه القرقيعان+ ميزانيه لبس العيد)



تحياااااااااتي

 

[اطياب طيبه.أم عبدالله]

مالي خطط معينه

بس امس مريت السوق وشريت صحون ارمضان من الحين قلت على اساس اوفر لي قبل لا يرفعون الاسعار

دراعه القرقيعان والعيد وجم دراعه اضافيين وملابس القرقيعان قلت ببلش فيهم بس يخلصون اليهال مدارس

امس هم شريت مايوهات اليهال وشغلات حق البحر قلت على اساس اني مو مسافره هالسنه بسجلهم بنادي

 

[seedo]

شكرا حبيبتي


يالله الكويتيات ما يشبعون من المواعين والكبتات اتقول ارحموووووووووووووووووووووووني لووووول وانا اولكم ...


طيب شنو حطيتي الميزانيه ؟

 

[كويتيه وافتخر]

رمضان ماعندي التزامات فيه اغلب وقتي اروح لاهلي وبافصل دراعتين بس لانه عندي دراريع ما لبستهم جدام الكل
القرقيعان بس بافنتك لبنتي والا العيال سديريات عاديه اشحلاتهم بالدشداشه

العيد باخلص من تخلص المدرسه باتقضى لبنتي ولي والعيال الله يبارك فيهم بنفصل لهم دشاديش والله يخلي مذر كير واتش اند ام للبدل


والسفر انتي شايفه الوضع احس ماكو امان الا بديرتنا علشان جذيه باخذ سفره خليجيه وحاطين ميزانيه الف دينار من غير التذاكر بس

 

[super star]

والله مافكرت للحين

بس موضوعج نبهني له

السفر ماعتقد لاني على وجه ولاده ان شاء الله وبعده رمضان يعني مايمدي

العام اول مره ماسوي قرقيعان وهالسنه بعد عندي التزامات عروس وبلاوي فماعتقد اسوي بعد بس ملابس القرقيعان العاديه وقرقيعان من الجمعيه ان شاء الله

بالنسبه لللدراريع بيكون عندي ان شاء الله لاني بسوي حق طلعتي من النفاس

وبالنسبه للعيد بحاول أخلص للبنات من أشوف شي حلو بس مو الحين قبل رمضان بفتره ان شاء الله

والميزانيه طايره طايره كل مره نقول بنوفر ومانوفر تطير عالجهال بالعطله وعسا الله يعود علينا رمضان هالسنه وكل سنه

اي نسيت المواعين ماراح أشتري هالسنه لأن حرام عندي مواعيني العام وكلها أطقم ومكلفتني ليش أشتري مو عشان رمضان

نشتري اذا عندكم شي مرتب وحلو ليش تشترون خصوصا اللي مثلي انا وعيالي وبس لاعندي حموله ولا أحد يفطر عندي

 

[برميت]

انا صارلي فتره ايمع حق السفر انا و بعلي
و الشهر الي فات فصلت لي عبايه
و بروح افصل لي دراعه حقي و حق بنتي حق القرقيعان بس وحده لاني كبتي بينفجر دراريع
و قرقيعان بنتي عرفت شنو اسوي و اعرف جم ميزانيته ماتكلف وايد ..و ان شاءالله قبل رمضان بشهر بسويه
و عندي 3 عروس ورى بعض ...عندي بدلتين و بشتري وحده رخيصه

قبل كنت ما اعرف اقسم فلوسي الحين عرفت ولازم تفتحين حساب ثاني تحولين له فلوس السفر

 

[الـزيـــــن]

جآآ بوقته موضووعج ..

انابالنسبه لي ,, بالنسبه للسفر بما انه اول مووسم .. حجزنآآ تذاكرنا وعالمعااش شهر سته بنسافر ان شالله ..
وبالنسبه لرمضان قاعده اجهز اللبس من الحين ويبيلنا مواعين بس نبي فناتق .. باقي لي دراعة القرقيعااان ’, .. والحين افكر افصل للعيد وافتك , بمااني ماشتري جاهز ’ لاني بحج هالسنه باذن الله .. فبووفر للحج ’

انا مآحب ادخل جمعياات وحووسه , لان ماحب التزم ’ مع احد .. فالتوفير احسسسن شي ومضبطه امووري على هالاساااس

 

[seedo]

اااااااااااااه كتبت رد اشطوووووله وانمسح


:eh_s(11)::eh_s(11):

 

[seedo]

مشكورين بنااااااات ... يا حلوكم و حلو سوالفكم


بالنسبه لي

1) السفر:

كنت مخططه اروح تركيا بس كنسلنا السفر لان الاوضاع غير مستقره و تفجيرات ... يمكن انروح الرياض سياحه ومنها اخذ عبي لرمضان والعيد

2) رمضان:
باخذ طقم مطاطير و صحون تقديم و فناتق لزوم الضيافه.. و بسوي بدله حلوة و بدور خياط سعره معقول وخياطه حلو >> احلمي
بالنسبه للبيت بسوي دراريع ناعمه ( اختار الكلف والخام)

3) القرقيعان:
العام سويت قرقيعان لبنتي شغل ايدي حيييل حلو كلفني 50 و هالقرقيعان بحط نفس الميزانيه و بلبس انا وبنتي نفس الشي..

4) العيد

من الحين بشوف بدله لبنتي وافتك من الحوسه .. وانا بلجأ للخياطين

سلامتكم

 

[shoshowh]

موضوعج وااااايد حلو

ويعطيج العافيه

(((( السفر ))))

كنت داشه جمعيه انا وزوجي علشان السفر شرق اسيا
مع اهلي قروب يعني ،،، بس الحمدلله والشكر لله وبدون اعتراض حملت
يعني ماكو سفره

((((رمضان))))

انا ساكنه بشقه يعني ما احتاج اخب نفسي
راح اروح ايكيا واشتري الصحون وباجي الشغلات لانه بالحبه من كل شي ٥ كافي

(((( القرقيعان ))))

ماراح اسوي توزيعات بس بشتري حبتين وحده حق امي وابوي والثانيه حق بيت عمي
واذا سوو حفله راح احط زبييل واترسه حلاو وكاكاو من الجمعيه
وملابس القرقيعان راح اخيط حق بنتي وانا ماادري اشلون مقاسي راح انطر

(((( العيد ))))

حتى ملابس العيد الله يعين ماكو محلات حوامل حلوه بالكويت
وبنتي راح انطر لاني مره شريت لها مبجر وحزت العيد طلع صغير


وبس

ابي اوفر الميزانيه لانه وراي ولاده ومصاريف

والله يسهل علي يااارب

ادعولي بنااااات اولد بالسلامه وتعدي هالفتره على خير

 

[seedo]

موضوعج وااااايد حلو

ويعطيج العافيه

(((( السفر ))))

كنت داشه جمعيه انا وزوجي علشان السفر شرق اسيا
مع اهلي قروب يعني ،،، بس الحمدلله والشكر لله وبدون اعتراض حملت
يعني ماكو سفره

((((رمضان))))

انا ساكنه بشقه يعني ما احتاج اخب نفسي
راح اروح ايكيا واشتري الصحون وباجي الشغلات لانه بالحبه من كل شي ٥ كافي

(((( القرقيعان ))))

ماراح اسوي توزيعات بس بشتري حبتين وحده حق امي وابوي والثانيه حق بيت عمي
واذا سوو حفله راح احط زبييل واترسه حلاو وكاكاو من الجمعيه
وملابس القرقيعان راح اخيط حق بنتي وانا ماادري اشلون مقاسي راح انطر

(((( العيد ))))

حتى ملابس العيد الله يعين ماكو محلات حوامل حلوه بالكويت
وبنتي راح انطر لاني مره شريت لها مبجر وحزت العيد طلع صغير


وبس

ابي اوفر الميزانيه لانه وراي ولاده ومصاريف

والله يسهل علي يااارب

ادعولي بنااااات اولد بالسلامه وتعدي هالفتره على خير

=========

حياتي الله يهونها عليج و تولدين بالسلامه... صاجه الولاده بروحها مصرف الله يعين

وينكم بنات :eh_s(9):

 

[امل يائس]

حلو الموضوع جزاكم الله الف خير
بنات من وين تفصلون دراريع العيد بليز ابي محلات حلوة و اسعارها مقبوله خاطري بشي يديد
الله يجزاها الجنة الي تساعدني
وابي بعد محلات حلوة حق بدل العيد لليهال الي تعرف اماكن كشخه

 

[Q8_QT]

موضوعج حلو يعطيج العافية
بالنسبة للسفر ماأعتقد راح أسافر هالسنة

القرقيعان والله ليلحين مومستقرة مرة أقول بسوي ومرة أقول ماني مسوية بس احتمال أسوي حق ابوي وامي ويدتي وخالتي ام ريلي بس ماني مكلفة نفسي وايد لأن كل مرة اتكلف ومستحرمة صراحة أحس ماله داعي والدراريع بشتري وحدة وبفصل عبايتين لأن عندي العام مالبستهم كلهم يبقى لبس القرقيعان حق ولدي بشوف المعارض ابيله شي مميز


العيد والله بحاول أجهز مبجر ولدي أفصله دشداشة وأشتريله بدل وآنا الله يعين الميزانية مومحددة

 

[زيتونه مرت باباي]

موضوعج حلووو ,,

اول شي بماا اني اللي ارووح مع امي ونشتري حق بيتناا ..


رمضاان ..
راح ارووح مع امي ونشتري موااعين يديده .. و قلت بخيط حق القرقيعاان بس ليحين مالقيت موديل .. وبخيطلي عباايه ..
والماجله .. ابوي راح يرووح الجبره .. وامي بتكمل اللي تبيه من الجمعيه .. وبس




العيد ..
انا وحده خيطلي نفنوف كشخه وحلووو .. فخشيته للعيد .. بس قلت بكمل الالاكسسوارات والجنطه و ....
وباقي امي واختي ..
واخواني الصغاار دشاديش ..
بس ..

احنا مااعندنا ميزانيه محدده ..

 

[seedo]

مشكورين ع المشاركه الحلوة ......

ولي عودة بإذن الله

 

[om_dodo]

موضوعج يهبل نفسج وطارى رمضان يازييينه
اب

اب

 

[اطياب طيبه.أم عبدالله]

حبيبتي بالنسبه لميزانيتي مفتوحه موحاطه لبمت معين اللي اشتهيه اشتريه وربج يعين

 

[(المباركيه)]

موضوعش يونس
((الرمضان))
شريتلي دراعتين استقبال وشلتهم للرمضان وبما اني ساكنه بروحي فما يحتاج اخب نفسي
قرقيعان انا ما اسوي لعيالي لانه مايجوز
خاطري اشتري طقم سيرفس مجكنم لي ولزوجي شكلي بشوف ايكيا
((العيد))
شريت لعيالي بدل العيد وخلصت خذيتلهم من ارماني بس باقيلهم جواتي وانتوا بكرامه شكلي باخذلهم من ارماني بعد وافتك مالي خلق فراره
خذيتلي جنطه من ch وشلتها للعيد مغبطه جناط
وهمن خذيتلي دراعه حق غدا العيد ثاني يوم
بس باقيلي البدله اربني اخلص
((السفر))
ابو الشباب موراضي بس هذا انا احاول فيه
وان مارضى كلش بحاول فيه نروح عمره
خاطري اعمر عيالي وخدامتي قبل لاتسافر
وبس

 

[Brounzi_girlly]

بعدي ماحطيت لي ميزانية حق شي ماكو سفر طبعا بس جدامي رمضان
مع التحية.......

 

[نور الفنر]

افكااااار وااااو

ومنكم نستفيد