تقسيم شغل البيت بين خدامتين 000

[غيوووض*]

مرحبا حبيت خواتى استشيركم بموضوع مهم ابى اقسم الشغل بالبيت بين خدامتين شلون مع العلم ان فى اطفال بالبيت وطبخ وغسيل وكوى وتنظيف شلون بنات ساعدونى ابى البيت يمشى بنظام وما ابى وحده قاعده وحده تشتغل مع العلم انا بشقه مو بيت 00000 تجاربكم بليز

 

[sondos]

بصراحه انا جربت اخلى خادمتين .......وكنت دايما اقول ان وحده ماتلحق بين العيهال سمالله عليهم والا التظيف والبيت


ولما حطيت 2 ..........................كانت اتعس 3 شهور بعمرى


حسيت ان مالى ضرورة بالبيت وحده ماسكتلى عيالى والثانيه ماتخلينى اسوى ولا شى

اول شى خذيتها دلع وراحه بس بعدين مليييييييين خصوصا انى ما اشتغل

ولما تشوفين شى غلط كل وحده تقط على الثانيه وقامو يتهاوشون .........فقلت خلالالاص اصلا انا ماحب الكسل خل اطلع وحده واخلى الثانيه

اوووووووووووة الله لايوريج قامت الحرب وكل وحده تطلع كلام على الثانيه .....وطلعتهم ثنتينهم (بعد العز والدلع .........تبهدلت)
..كانت كل وحده تيينى بروحها تقولى مدام هنى ماكو شغل انا اقدر اسوى كل شى بروحى وديها وانا اشيل البيت بعيونى ........وتيي الثانيه تقولى نفس الكلام
القصد ان خادمتين فى بيت طابقين واايد زين ومريح لج ولها بس فى شقه لا لا لا لا لا

هذى وجهه نظرى

 

[عنايد]

صاجه سندس ان شاء الله لي طلع بيتج حطي لج ثنتين اختي والله راح تتضايقين وصدقيني انا كنت نفسج اشوف الشغل واجد بس لما جبت الثانيه حسيت ان ماعندهم شغل ووحده تكفي وتخب وتحسين انج مراقبه اكثر من قبل وعلى طول ماقعدت جم يوم وديتها حتى انتي لما تشتغلين تحسين نفسج خفيفه انتي كيفج عاد
بس اذا فيج فيج وحابه تجيبين هالشي راجع لج واتوقع التقسيمه تكون اللي بالمطبخ ماتطلع منه طبخ وغسيل مواعين ووحده حق الجهال والطردي وراهم واذا في بيبي صغير والاوتي وغسيل الملابس على راعية المطبخ بعد

 

[نصووورة]

قسمي الشغل بينهم يوم وحدة تاخذ المطبخ وشغلة مع اليهال والثانية الغسيل والكوي وتنظيف البيت واليمو الثاني تبدلين بينهم اللي كانت مطبخ ويهال تصير غسيل وكوي وتنظيف البيت وهكذا كل يتبادلن الدور بهذي الطريقة مايملون ويتنافسون وتستفيدين ان كل وحدة عرفت شغل البيت كلة حتى لو تروح وحده منهم مايتاثر البيت اوتكون موعارفة شغل البيت كله وانشاالله اكون افدتج

 

[الكناري]

شوفي حبوبه خدامتين بالبيت ممكن اذا كان بيتك كبير وطابقين وانتي تداومين ممكن
واذا تبين تقسيمه الشغل انا اعلمك
وحده خليها لليهال مع غسيل وكوي وتنظيف الغرف
والثانيه شغلها مطبخ والدور الارضي تنظيفه بالكامل
بس راح تطلعلك مشكله وهذي اللي انا اعاني منها انهم العصر يقعدون بطاليه ماكوشغل
اذا تبين رايي خدامه وحده والله كافيه الصبح تغسل الملابس والضحى تطبخ والعصر خلي لكواي الملابس
واليهال خليهم عندك
وبس وسلامتك

 

[غير كل الناس]

والله اللي تحط خدامتين لازم تنسق بينهم هي ماخلتهم 2 الا مظطر

وانا عندي 2 وموظفه وعندي صغار الله يحفظهم وبشقه حموله

الفلبينيه حق العيال وتغسل الهدوم

والاندونيسيه شغلها المطبخ والكوي

وانا اساعدهم بعد حرام مهما كان بشر بعد
ولا افرق بينهم عشان مايتهاوشون