تقشير الويه ؟؟

[brit.circus]

السلام عليكم

شلونكم بنات

حبايبي منو اتعرف تقشير عميق زين حق الويه

بس مايسبب احمرار للويه حتى لو غالي ؟؟؟

اللي اتعرف من صيدليه او وحده اتبيع تعطيني الاسم او الرقم

قولولي وادري ماتقصرون

 

[brit.circus]

بنات وينكم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[LoLaTi]

سوي التقشير بعياده احسن واضمن

 

[brit.circus]

اي عياده تنصحيني

وجم اسعارهم ؟؟؟

 

[Kirsten storms]

دشي ملفي وشوفي طريقتي تقشير لازم تبييض وانا خذيت الطريقه من بنت السلطآآن حبيبتي ماقصرت

بس اذا بتسوين تقشير لازم كريم حساسيه وكريم تبييض
تقشير بروحه !! دماااااااار

 

[تفاصيل الغرابه]

اب اب اب

 

[Miss^NeozZ]

تقشير عيادات ولا غسول تقشير قصدج؟


انا حاليا هديت كل شي ومستمره على صابونه البابايا وبعده اسكينول ليمون ^_^

 

[حقوقيه زوغه]

اوباجي احسن ماركه للتقشير وقووويه بس يبين علي ويهج انج مقشره لازم اسبوعين ماكو ميكب ولا شمس

 

[brit.circus]

وي ماقدر اسبوعين ماروح صوب الشمس الا لما يكون بالعطله لان عندي جامعه

وكل انواع التقشير لازم مانحط ميك اب ويصير احمر ؟؟؟؟

ابي نوع قوي مايصير احمر ويهي شسوييي ؟؟؟

التقشير بالبيت صعبه علي ماعرف عنها شي

 

[ولااء]

انصحج عند لوسي عياده بوحمرا سعرها ٣٥ او ٤٥ نسيت السعر بالضبط


اسويها عندها تنظيف وخاطري اسوي تقشير بس متردده حدي لان بشرتي تعبانه لكن لو قررت اكيد عند لوسي

 

[brit.circus]

اختي ولاء

انا بشتري بثور وحبوب وتعبانه

يعني ماينفع اسوي تقشير ؟؟؟

انا اللي اعرفه ان البشره التعبانه وايد زينه للتقشير

 

[حقوقيه زوغه]

التقشير لازم يصير ويهج حساس ويقشر ويحمر بس فتره بالبيت ترتاحين سويه بعطله الربيع وبس خلي طلعاتج بالشمس اقل مع واقي وتغطين الويه عن لشمس ؟،، بس انصحج بكريم اوباجي اللي اسمه كومبلكس اي ماراح تتحسفين عليه حدع يصفي ويوخر البقع بس حطيه ليله وحده ونامي وعقب ثلاث ايام ويهج يبدي يقشر يعني ماراح تحطينه كل يوم بليل لا لانه بسرعه يقشر من اول مره

 

[حقوقيه زوغه]

ترا سهل التقشير مايبيله عيادات وقط فلوس انا مجربه التقشير الاخضر عند لوسي حلو بس يعور الويه حتى ماتقدرين تنامين علي المخده اول ٣ ايام وويهج يقلب لونه كلش ماحبيته صج قشر الويه بس يعووور مال اوباجي وايد احلى وتحطينه اماكن البقع واثار الحبوب اللي تبينها تروح مو لازم علي كل الويه يعني انتي تتحكمين

 

[brit.circus]

اختي التقشير الاوباجي

يسبب هم احمرار ؟؟ يعني يبين انا ماحب يبين ويهي احمر

 

[فلبينية عبدة]

●
●
●

up

up


●
●
●
​