تقشير بياض ونعومه وباي باي للبقع والسر بس ب 600 فلس

[co0oca]

يعطيج العافية على التجربة الحلوه , بس عندي سؤال ما عليج امر اهوا موجود بكل الجمعيات والا جمعيه معينه , ويصير نستخدمه حق الركب والكوع والايد ..؟؟؟

 

[L.O.S]

حبيبتي يصير استخدمه لجسمي؟

واي واحد يصلح ؟

حبيبتي انا عن تجربه تكلمت عنه وما اقدر اقولج اي وله لا ويعدين تقولين انا قتلج
بس انا بجرب استعمل رقم 3 حق جسمي وبشوف
لان في ناس استعملت 3 حق الوجه وانا جسمي حساس استعملت 2 حق الوي وكان اوكي و3 بستعمله حق ايدي وجسمي انشالله اخذ النتيجه ايلي ابيها

 

[L.O.S]

يعطيج العافية على التجربة الحلوه , بس عندي سؤال ما عليج امر اهوا موجود بكل الجمعيات والا جمعيه معينه , ويصير نستخدمه حق الركب والكوع والايد ..؟؟؟

الله يعافيج يابعد عمري
انا خذيته من لولو هايبر
ومن البحث من ايلي مجربينه في ناس ماخذته من الحواي ومن ايلي يبيعون سوالف الفلبينيات ايلي ورا الصالحيه

 

[L.O.S]

يعطيج العافية على التجربة الحلوه , بس عندي سؤال ما عليج امر اهوا موجود بكل الجمعيات والا جمعيه معينه , ويصير نستخدمه حق الركب والكوع والايد ..؟؟؟

اتوقع يصير لان ناويه اجربه
احنا ماخلينا شي ماجربناه ونحطه معاهم بالحسبه ونشوف _03ba:

 

[co0oca]

مشكورة وايد , بس اهما اربع انواع , لازم لما نستخدم ناخذ اثنين مع بعض ودرجاتهم تكون مختلفه ..؟؟
والا شلون فهميني ما عليج امر , انا بشرة ويهي وجسمي جافه

 

[عيون السواهي]

صح كلاااامج واااايد حلووو وخصوصاا رقم 3 بس حق الي يعرف يستخدمه بعتدال يعني كافي 10 اياااااام تقشير خفيف وبعدها على طول ترطيب وحمايه من الشمس والاحسن انه ما تطلعين بالشمس ويكون شتااا انا استخدمته فتره وذكرتيني ارد استخدمه مره ثاانيه ثاااااانكس

 

[kingq8q8]

حبيبتي ليش ب 500 فلس اخاف تقليد

انا توني شاريته من الجمعيه ب 3 دنانير و300 فلس

 

[L.O.S]

مشكورة وايد , بس اهما اربع انواع , لازم لما نستخدم ناخذ اثنين مع بعض ودرجاتهم تكون مختلفه ..؟؟
والا شلون فهميني ما عليج امر , انا بشرة ويهي وجسمي جافه

العفو يالغاليه ولو
اهما 4
اول واحد يعتبر عادي منظف مثل سكينول
و 2 اقوي منه بشوي ايلي بشترتها جافه وحساسه تستعمله
و3 اقوي بوايد يعني يقشر حيل
و4 اقوي واحد فيهم
بس انصحكم بنات 4 لاتستعملونه حق الوي
اذا تبون عشان لاتجازفون جربو 2 وايلي تبي اقوا وحاسه بشرتها تستحمل تحط 3 انا قلت ايلي تقدر
طريقه استعماله
تستعملين رقم 3 اول شي اذا حابه تبلشين ب 3
واذا بتبدين ب 2 عادي نفس الطريقه
مسحي ويهج فيه مرتين باليوم
وبعدها حطي الكريم ايلي قلت عنه اول الموضوع عشان لا يصير التهابات
وعلي طول الفازلين عشان لاينشف حيل ويهج ويتم رطب
عقب اليومين اذا شفتي ويهج تقشر وبس ماتبين بعد سوي سنفره وعليج بالفازلين عشان صج البشره تصير بيبي فيس
وبعدها كل يوم نظفي ويهج برقم واحد بس مو تكثرين منه رايحه راده عليه لا عشان تعطين مجال حق بشرتج ترتاح منه

واذا بديتي برقم 3 اول يووم مسحي ويهج فيه اذا تقشر ومابغيتي بعد وقفيه واليوم ايلي بعده حطي من رقم 2
وبس بعدها وخري المقشر بالسنفره ورقم 1 منظف وسلامتج

 

[L.O.S]

حبيبتي ليش ب 500 فلس اخاف تقليد

انا توني شاريته من الجمعيه ب 3 دنانير و300 فلس

والله انا لقيته سعره 500 وكسور تقريبا وما ااعتقد تقليد لان اهوا اندونسي ومكتوب عليه اندونيسا - جاكرتا

 

[co0oca]

تسلمين وسوري عالطواله
:***********

 

[L.O.S]

تسلمين وسوري عالطواله
:***********

الله يسلمج حبيبتي انتي تامرين امر افا عليج

 

[دلوعة عمري]

رد : تقشير بياض ونعومه وباي باي للبقع والسر بس ب 600 فلس

مشكورة

 

[Dr.Nouf]

Thnxxxxxxxxxxxxxxxx بجججججججججججربه :d

وشكرا جزيلا عالتجربة :*











,

 

[Grass]

رد : تقشير بياض ونعومه وباي باي للبقع والسر بس ب 600 فلس

اذا تبين تقشير اخذي رتن أ ... لا تثقين بمنتجات الفلبين عليها مأخذ طبي .... ودام الحين مستانسه بالنتيجه خليييج بس لا تكثرين منه

وبالعااااافيه عليج النتيجه

 

[طموحه بزياده]

مشكووووره فعلا اول مره اسمع فيه

 

[ذرة غنج]

رد : تقشير بياض ونعومه وباي باي للبقع والسر بس ب 600 فلس

مشكورة حبيبتي على نقل تجربتج

 

[مارغريتا]

لاااا مو جذي الطريييقه بنت خالتي كانت مستعملته وكانت خدامتهم اهي الي معلمتهااا
اول شي تستخدميين رقم 3 يوميا تمسحينه بقطنه مره على ويهج
ولمن تخلص العلبه رقم 2 ونفس الطريقه
وهم لمن تخلص علبه رقم 1 ونفس الطريقه
وصج يقشر الويه حيييل حتى انتي تشوفينه ابيض خخ
بس مفعوله شنو عجيب على الخداامه اما بنت خالتي مع انها طولت عليه بس مادري اذا استمرت ولا لا بس ماحس اكو فرق
انا افضل على قولتج بوقت العطله
هذا كل الي اعرفه عنه

 

[مارغريتا]

وصح كنق الكويت انا اذكر بنت خالتي تشتريه اغلى من نص !

 

["اسطورة العشق"]

امبلى صح سامعه عنهم .. و ان في بنات مستخدمينهم شهر و اكثر .. و حلوووين

بس هم كان في ردود تحبط و لازم يقولون لج يسرطن و يموت و مادري شنو و ممنوع في الفلبين و من هالحجي .. فخفت قلت ماله داعي .. الحين انتي رديتي شيشتيني

 

[مراسي الشوق]

امممم بستخدمه بالشتا ان شاءالله بس بعرف طرية استخدامه صح