اول شي مشكوره حبيبتي على الموضوع فعلا موضوع حلو ..
وبالعكس والله ولا فيه تخلف ولا هم يحزنون ..
انا طبعا من قبل ما اطلع الا مع امي ما اطلع مع رفيجاتي ابد والله اصلا انا رفيجتي الوحيده امي كل شي اقولها وكل شي تقولي دايما انا معاها واذا انا وامي ملينا من مجابل بعض ووجوه بعض رحنا مرينا خالتي وبناتها بالجيب وابد مافي مكان ما نروح نوسع صدورنا من مجمعات من كافيهات من سينمات من مطاعم بس اذا نبي نمشي بروحنا يعني مثلا رحنا حديقه ونبي نمشي بروحنا انا وبنت خالتي تقوم امي تقول يالله انا وخالتج نمشي وراكم وانتو تمشو جدامنا ماعليكم منا بس هذا حدنا اما مجمعات وخرابيط لا والله ما نروح بروحنا ..
بعدين تطور الوضع لوووووول لمن تزوجت طبعا زوجي بدوي على قولة بعض الحضر معقد
ما اطلع بروحي لو امووت وحريم اخوانه يروحون مع السواق الا انا لاااااا لو اموت لو ابجي ولو ابي شغله ضروريه وماله خلق وابي اروح مع رفيجتي اجيبها مستحيل يرضى جذي طبعه وبالعكس هذا مو عقد يعني بعض رفيجاتي يتطنزون يقولون عقيدي ومعقد @@ بس ماعلي منهم اهم شي انا مرتاحه واذكر مررررررررررررررره وحده بس للامانه رحت 360 تمشيت مع رفيجتي وزوجي يمشي ورانا يحرص علي يعني وما طولت يعني خلاني اروح عن خاطري وصار يمشي وراي بالمجمع عشان محد يتحرش وبسرعه طلعت من المجمع والمره الثانيه بالمساااااحل وبالترجي خلاني اروح مع رفيجتي المباركيه كنت بسويها له مفاجأه واشتري له خامات وشماغ وغتر حق العيد وبليالله رضى اروح وبقى وياي عالخط طووول ما انا طالعه مع رفيجتي وما رضى اروح مكان ثاني بسرعه خلاني اروح هالمشوار وبسرعه قطتني رفيجتي البيت يعني بعض الحريم تقول معقد ولا شكاك وبعض الحريم تقول معقدين هالاهالي ومتخلفين لا والله لا عقد ولا تخلف ومرح يحسون فيها يعني اسمحولي عالكلمه الا لا جتهم بنتهم وهي تصرخ وتبجي وجايتهم ببلوه سااااعتها بيعرفون انه الله حق وانه العقد هي اللي تفيد بهالزمن اللي يخووف ترى والله مره اختي صغيره مطيوره ماتفهم شي جايه تقولي انها متعرفه على وحده من عمرها ومو بنت << فهموها
المهم انا بققت عيوني 20 متر لي جدام الله واكبر على اهلها شلون قاطينها هالقطه والله تحلف اختي وتقولي انه هالبنت كل يوم مع واحد صاير فيها دوده ماتعبر امبيه والله عورني قلبي بنت بعمر الزهور الشباب مخربينها واهلها ولا دروو عنها والله حرام شتسوا عليها توها ببداية عمرها وضاع شرفها وكل شي والمشكله صغيره ماتعرف تتصرف يعني مقصه استغفرالله انا زفيت اختي وقلت لها لا تماشينها كلش مو زينه هذي والله يستر عليها ان شاءالله يعني ديرو بالكم ياحريم ويا امهات والله حرام ترى هالبنات اماااانه برقبتكم والله تشيلون ذنبهم يوم القيااامه للانهم صغار ما يفهمون وبصراحه من غير زعل يعني دامج ما تقدرين تربين لا تجيبين عيال والله ترى هذول مسؤؤليه وامانه برقبتكم مو بس تجيبون وتقطون عالمربيات حرام
والله شي يعور القلب
