تقولين لريلج عن .......

[أمـونة]

رد : تقولين لريلج عن .......

كافي انه يحبني ،،، يخليني أنسى أي عيب فيه

مشكورة عالموضوع الحلو

 

[مــارووكوو]

رد : تقولين لريلج عن .......

سؤال صعب....
كل شي فيه حلو

 

[كويتيه مذهله 87]

عصبيته

,,,

 

[اسأل ضميركـ]

احب ضحكته ونظرت عيووونه بس لما تكووون مشاااعره صااادقه ..

 

[ايام وردية]

رد : تقولين لريلج عن .......

طيبته..حنانه..مراعاته..اخلاصه. ماعرف غيري بحياته . .ويريحني من كل كل شي ويشيله عني. .ما يطلب مني اطبخ..اذا طلعت يقعد بالعيال..ولا عمره تذمر..ما يخلني اسوي شي بالبيت ..حتى الطبخ..والغسيل بس ملابس البيت والباقي كله برى...وياعاد باي شي بالبيت المفروض انا اسويه لا وبعد بدون لا ادري يعني ما يتمنن على....كل يوم يسالني شنوتبين تاكلين ..ويصر لنه اكلنا دايم على ذوقي..ولو قلت مو جايعه ما ياكل ابد.!!!

لحد هنا مثلك بالظبط

لكن ماحب فية يكرر القصص والسوالف اللي صارت بحياتة وواااااااااااااااووو يرفع ضغطي بس احبة لوووول

 

[رووووفان]

رد : تقولين لريلج عن .......

أقسم بالله كل كل كل كل شيء أحبه فيييييييييه أموووووووووووت بالأرض اللي يمشي عليها

وتسلمين ع الموضوع اللي يشرح الصدر

 

[عادت ذكرياتي]

أب
أب

 

[nab'9 7abeeby]

طييييبته حناااااانه تعامله معاااي يا ربي اي شي بقول ما بوفي بحقه
فديييييييته والله عسى الله لا يحرمني منه يا رب

 

[ثلج مجروش]

اما زوجي عز الله ما فيه ايجابيات ابد هههههههههه

هو اجمالا انسان طيب و حبيب ... بس مشكلته انه انسان برمائي .... اقصد يا تلقونه بالبر يا بالطراد ...

الصبح دوام ... العصر نايم .. بالليل طالع بر , يجي عاد ريحته كلها رمث
ايام الاجازة اذا الجو حلووو طراد ,,, و يجي ريحته كلها زفرررة

بس انه الحمد لله طيب و ما عنده سوالف خربطة و ما خربطة هذا اهم شي

و اعتقد هذا عيبه الوحيد

بس تعالي عند سووق , عند جمعية , عند مطعم ..... ما تشوفين الا غبرته قدامج

 

[أم زنوبة]

احبه لي استخف دمه يحسسني اني ياهل ويقص علي
أحب ريحته خنيينه أحب نظراته لي أحبه لما يدلعني
أحبه لما اغلط وبسرعه يسامحني واشياء واايد

أحبه بكل حالاته

 

[amna_83]

كل شي فيه حلو
الله يخليه لي

 

[emiemi]

رد : تقولين لريلج عن .......

:eh_s(2)::eh_s(2)::eh_s(2)::eh_s(2):

انااا حبيت فيه كلشي:eh_s(6): عشت معاااه 4 سنين بامريكا:eh_s(2)::eh_s(2): كااان لي كلشي الام الابو الاخو الصديق والحبيب:eh_s(2)::eh_s(2):حده حنوون..دخل معاااي غرفة العملياات لمن ولدت ولدي :eh_s(2):ولا خلاني ولا دقيقه..ونفسني هناااك:eh_s(2)::eh_s(2): احب مساااعدته لي بشغل االبيت:dfgl:مع انه اهواا اللي يدرس مو انااا.. احبه لانه علمني شلووون احبه:q8: واحبه لانه يحب اعياااله ويحب ويقدر امه:eh_s(2):

بنسه لي زوجي اعظم انسااان شفته

ادعوولي انا وزوجي :q8:​

 

[أم توته]

احب كرشته وقرعته
وريحته الخنينه
واحب فيه ان مايخليني انام وانا زعلانه منه حتى لو انا الي غلاطانه
وبما ان ريلي ملا وصوته وايد حلو
احبه لمن يقعد يقرا ولمن يدعي
واحبه لمن يصلي


وكل الشكر لصاحبه الموضوع

 

[عــود كمــبودي]

طيبته صبره طولت باله حنانه كل شي فيه عساالله يخليه لي ياااارب ^_^

 

[زمزم 2010]

رد : تقولين لريلج عن .......

بالنسبة لي زوجي حياتي وعمري
كل شي فيه حلو عيوبه قليله ماشاالله احب حنيته وطيبته صبره حييييييييل صبور علي وعلا غيره
يحب امه ويقدرها وانا حبيته من حبه لامه شلون يهتم فيها ويحرص عليها ويلبي طلباته لان اللي فيه خير لامه فيه خير لزوجته واهله يتحمل المسووووووليه البيت فوق راسه بيت اهله اكبر اخوانه وهو اللي سايل كل شي واخوانه موظفين وكبار
يتحمل مزاجي المتقلب فاهمني
بدون لا اتكلم يفهم شنو ابي
فدييييييييييييييته عسا الله يخليه لي ولا يحرمني منه *

 

[حبيبة_ريلها]

رد : تقولين لريلج عن .......

زوجي حبيبي ورفيجي وابوي واخوي ... الله لا يحرمني منه ... حنون ويحبني اكثر من نفسه .. والاهم من هذا ان ماعنده اعداء ولله الحمد .. كل الناس تحبه

 

[شقرديه كيوت]

رد : تقولين لريلج عن .......

كل شي فيه حلو ماعدا اشغاله الكثيره بس الحمدلله شغل ولا أنه يخربط

 

[وااي قلبي]

رد : تقولين لريلج عن .......

دمه الخفيف
واكره عصبيته

 

[منيرة خالد]

احب فيه كل سيئاته وحسناته وكلها عسل على قلبي

 

[أنفاسي دخون]

كله على بعضه يهبل وعاجبني حتى عيوبه احبها ولا ابيه يغيرها