تقول شي وتنصح واهيا تسويه

[sweet dashttya]

رد : رد: تقول شي وتنصح واهيا تسويه

اذكر مرة كان عندنا زواج والعروس عزيزه علي رحت اخترت قماش مره غالي وحتى الخياط .. اختي ماقصرت راحت وقالت لفلانه وعلانه ..
الا وحده تدق علي تقولي ليش ليش هالاصراف ماتسوى عليج الخياط تفصيله مو حلو وفيه اقمشه ارخص من جذي ..
المهم بعد كم سنه دقت علي تسألني عن عنوان الخياط لان فستاني عجبها حييييل وراحت وخيطت عنده !!!!!!!
وش تفسرون هالشي؟ مع العلم اهي سوت لي محاضره ليش وليش ؟

تبين افسره لج معناته عاجبها وايد وتبي تطيحه من عينج وما تروحين عند الخياط هذا قطيعه واي اكره هالنوعيه هذي

والله مرض الله لا يبلانا

 

[ضايعة بدنيتي]

شي يقهر وفعلا صادفت ناس في حياتي من هالنوع .. وكنت اااانصدم وما اعرف شقول .. بس جد تعبت نفسيا وقتها لحد ما قطعتهم الحمدلله. ما اعرف شسميه. نفااق ؟ انفصام في الشخصية ؟ ما ادري .. بس الي اقدر اقوله .. ربي يهديهم ويهدي جميع االمسلمين . مشكورة حبيبتي

 

[sweet dashttya]

رد : رد: تقول شي وتنصح واهيا تسويه

شي يقهر وفعلا صادفت ناس في حياتي من هالنوع .. وكنت اااانصدم وما اعرف شقول .. بس جد تعبت نفسيا وقتها لحد ما قطعتهم الحمدلله. ما اعرف شسميه. نفااق ؟ انفصام في الشخصية ؟ ما ادري .. بس الي اقدر اقوله .. ربي يهديهم ويهدي جميع االمسلمين . مشكورة حبيبتي

العفووو حياتي اي مثل ما قلتي كل شي ينطبق عليهم انفصام بالشخصيه ونفاق ومرض نفسي لوووول

 

[هاديهـ&مطيعهـ]

آيه واضحه وصريحه بالقرآن (( أتأمرون الناس بالبر وتنسون أنفسكم ))

آنا مع أختي توم وجيري على ان الوحده اذا تنصح بالدين تلقينها حابه هالشي بس ساعات ما تقدر تستغني عنه مثل الأغاني أما اللي تنصح مثلا لا تحفين حواجبج واهي تحف تقول لج حرام الحش أعوذ بالله ومن وراج تاكل بلحمج ... للأسف هالنمونة وايد موزعه بكل مكان خو بالدوام حدث ولا حرج

 

[جوري الغرام]

رد : تقول شي وتنصح واهيا تسويه

واااااااااااااااااااي أكره هالنوعيه حدي أستحقرها

وياكثر اللي مروا علي من هالنوعيه

بس من أمه طاااااااااااااااااااااااااااف

ليش أضيق خلقي على ناس سخيفه وماعندها غير الهياط ​

 

[sweet dashttya]

رد : تقول شي وتنصح واهيا تسويه

اي والله احسن شي الواحد يعطيهم طاف :lololoe:

 

[♥MaSteRiyA♥]

رد : تقول شي وتنصح واهيا تسويه

امبي الله يستر عليها والله تبين الصج انا اكره حيل الي جذي وانا منزله هالموضوع خصوصي حق هالنوعيه

خل شوي ولو 1% يأثر عليهم

اي طبعا حبيبتي.. اذا وصل لها حجي أو أحد قط عليها نغزات يأثر شلون ما يأثر..
بس تسوي روحها مو هامها.. وهي أصلا تلقينها قعا تغلي من داخل ههههههههههه

وأساسا اهي ميتــــــة من الحررررة ولا ما تقول اللي قالته ياعيوني

يقولج يا عمري.. أموت محبوباّ خيرٌ لي من أن أعيش مكروهاّ..
وهالأشكال صدقيني حتى أهلها موخرين عنها وبينهم مشاكل..

المهم انتي هالمخلوقات الكئيبة وخري عنها و ركزي على دراستج واخذي الماجستير والدكتوراة
وادعي الله يبعد عنج كل شــــــــــــر :yaaaaaarb:

سكـــــــب من قلب.. :dddds:​

 

[قلبي ابيض]

السلام عليكم

شلونكم بنوتات شخباركم حبيت انزل موضوع عن شي لاحظته وايد و تنناقش فيه

انا استغرب من بعض البنات تقعد تنصح وتطلع لج احاديث وآيات وتعلمج الحلال والحرام

وبالاخير اهيا تسويه المشكله تعترف فيه بعد ما اقول غير الحمد الله والشكر

والحمد الله على نعمة العقل انا ما اوجه كلامي حق احد معين بس هالشي لاحظته وايد

والله عيب وحده تسوي روحها انسانه نظيفه وقلبها ابيض وبالاخير من وراج تقعد تسبج

وتسب اهلج وما عرفوا يربونج :cxxxp: واخر شي اهيا تسوي هههههه :denya:

اترك المايك لكم ​

لأ سويت السالفة فيها قلبها ابيض :dddds:

مادري بس هالنوعية المريضة احسن علاج لها الابتعاد عنها :eh_s(13):

 

[طويت صفحة الماضي]

رد : تقول شي وتنصح واهيا تسويه

حلو دشتي صاجه ياقلبي ياكثر ماشفت ينصحون الناس وينسون انفسهم

 

[اسيل الصمت]

رد : تقول شي وتنصح واهيا تسويه

الله يهدي الجميع يااااااااااارب
موضوع هام للنقاش
مشكورة يا قلبي

 

[sweet dashttya]

رد : تقول شي وتنصح واهيا تسويه

العفوووو حياكم

 

[جوانا2010]

رد : تقول شي وتنصح واهيا تسويه

وااااااااي ذكرتيني بوحده ترفع ضغطي :rgewrg:

دايم تنتقد اي شي يسوونه الناس وتنصح وتتكلم وياليته قدامك لا من وراك:rerrerek:

وتشوفينها بعدين مسويه نفس الشي ولاعليها:080402ask_prv:

والله انا عن نفسي اتقبل النصيحه يعني مو من الناس اللي يتضايقون اذا احد نصحهم

بس يكون اللي ناصحني من جد ملتزم مو منافق........

يسلموووووو

 

[sweet dashttya]

رد : تقول شي وتنصح واهيا تسويه

الله يسلمج حياتي :hjy5jewf:

 

[ام محمد الشمري]

الله يهديها

 

[ترانيم القصيم]

رد : تقول شي وتنصح واهيا تسويه

السلام عليكم و رحمة الله و بركاته

مرحبـا حبيبة قلبي ,, كيف حالك ^_^ ,, بخير إن شاء الله ,

الإمام أحمد بن حنبل حينما ألف كتاب بالزهد ,, ( هل هذا يعني أنه كان يعتقد في نفسه كمال الزهد ) و أنه أزهد أئمة الأرض ؟

لا طبعًا ,,

ناس كثير تنصح على شي و هي تسوويه ,,

أعطيك مثال ,, واحد مدخن ينصح خويـه : يا فلان أنـا ابتليت بالدخان ,, و ترى ما وراهـ إلا الشر

و هو سبب رئيسي لـ سرطان الرئة ,, تكفى لا تغلط غلطتي و تمشي بالدرب آللي أنـا ماشي فيـه ,,

>> هل هذا نعنف عليه ؟ و نعيب عليه تصرفه ؟ أو نقول له : شف من يتكللللللللللللم .. اترك التدخين أول بعدين انصح الناس !!

هل نقول له كذا ؟ لا طبعًا ,, أكيد مرت علينا مرت مواقف كثيرة نصحنا ناس على شي حنــا نسوويـه

يعني يوم تجي بنت و تنكر على صديقتها خلق الكذب أو الغيبة ,, فهل هذا يعني إن البنت هذي ما تغلط و تكذب أو تغتاب ؟

لا طبعًا ,, ^_^

فما فيها أي مشكلة إننا ننكر على غيرنا معصيـة حنـا نسوويـها ,, بشرط ( النية خالصة لوجه الله ) , ابتغاء وجه الله من خلف هذهـ النصيحة ,,

أما إن كان القصد من ذلك الرياء و السمعة فهذا أمر آخر و بلا أدنى شك هو غير مقبول شرعًا و يُرَد على صاحبــه

والله عيب وحده تسوي روحها انسانه نظيفه وقلبها ابيض وبالاخير من وراج تقعد تسبج

وتسب اهلج وما عرفوا يربونج تقول وتنصح واهيا تسويه واخر شي اهيا تسوي هههههه

حطي ببالك إن النقد على قدر ( القيمة ) , كل ما ارتفعت قيمتك كل ما زادت حدة النقد في حقك ,, :q8:

( طبعًا إذا كان النقد بقصد التجريح و الإساءة و الإهانة لا النصيحة المستندهـ على النية الخالصة لوجه الله )

و يا جبل ما يهزك ريـح ,,

و بالنهايــة كلنـا مُعرضيـن لهذي المواقف ,,

و ليكن عزاؤنا في هذهـ الدنيـا أمنا عااااااائشة سيدة نساء العالميـن ,, فلا زالت ألسنة الفجرة تلوك عرضها حتى هذهـ اللحظة

احترامي و تقديري

ترانيم القصيم

 

[sweet dashttya]

رد : تقول شي وتنصح واهيا تسويه

والله الحمد الله بخير ما شاء الله عليج ترانيم القصيم الله يخليج حق اهلج

 

[LuLiTa]

رد: رد : تقول شي وتنصح واهيا تسويه

اي و الله ,,انعرف وحده جذي ,, دومها تنقد على عيال الناس و اتصيد عيوب الناس و اخطائهم ,, و اهي بناتها معاها بنفس البيت بس ما تدري عنهم بالايام ,,,