تقييم مفصل لدكاترة كلية التربية الاساسية

[a3sh8k]

موضوع مميز [ مــــــشـكورين ومـــآقصرتو بــنآت ]

 

[هيونه92]

بناات ولي عااافيكم سااعدووني قلبي يعورني حدددي خايفه شراايكم بهل الدكاتره توني مسجله عندهم فيييدووووني بلييييز ربي يوفقكم ...
سيكلوجيه النموو ....> د.جمال الحجي
الصحه النفسيه .... > فوزية التركييت
نظرية الأعداد ... > شعاع المانع
هندسة تحليليه مستويه ... > محمود ليله
الكيمياء العامه ..... > نبيله الزامل
بنات شنو نظامهم .. شنو متحاناتهم يساعدون ولا لأ ؟؟ أدري مصختهاا خخخ بس أنتوو كريمين وأحنا نستااهل .. ومشكوووورين

 

[دمعاتي تونسني]

بصرااااحه يعطيكم العاااااااافيه
انا ماخذه الثقافه الاسلاميه :خالد عبدالله الصافي الصافي شرايكم فيه بلييييز فكره عنه
وماخذ الحضاره العربيه عند:عبدالمرضي

 

[&البندري&]

بناااااات



شرايكم بعماد الدين بلعا. ثقافه علميه


بغيت شرح بالتفصيل

 

[بلوبري]

هيونه البندري راجعو الصفحات الموضوع تشوفون تقييم كل دكتور

 

[غرقانه]

اسم المقرر :مدخل الفقه الاسلامي
اسم الدكتور :عيسى زكي عيسى
نوع الاختبار موضوعي ولا مقالي :اغلب الاسئلة موضوعية يمكن يجيب واحد مقالي
يطلب تقارير وبحوث وبرزنتيشنات ولا لا :اي يطلب ويدقق عليه
يقبل بالطبيات :اي حبوب ويقدر بعد
اشلون شرحه :زين وتفهمين عليه وماعنده مانع تروح محاضره كامله على فقره
اشلونه من ناحية التصحيح :يدقق حتى ساعات تكون اسئلته موبهمى لازم كل سؤال تسالينه حتى ماتخربطين
تعامله مع الطالبات :محترم ويساعدهم حيييل
اشلون درجاته :كل وحده وحقها لازياده ولا نقصان
جم تيرم يعطي :
2 مع الفاينل






اسم المقرر :احوال شخصية
اسم الدكتور :زايد العازمي
نوع الاختبار موضوعي ولا مقالي :مقالي 3 اسئلة وساعات يزيدها ويقولج اختاري 3 منها
يطلب تقارير وبحوث وبرزنتيشنات ولا لا :لا
يقبل بالطبيات :اي
اشلون شرحه :حلو شرحه يفهم
اشلونه من ناحية التصحيح :دقيق حييييل بس يساعد
تعامله مع الطالبات :يقدرهم ويقدر ضروف الطالبة
اشلون درجاته :كريم فيها والاغلبيهa
جم تيرم يعطي :2

 

[ام احمد Q8]

بنات اللي طلع لها حضاره عند عبدالمرضي تاخذ
ترا احسن واحد يعطي مادة حضاره هو ويزيد درجات بعد
معروف عبدالمرضي حق الحضاره

 

[ام احمد Q8]

انا خل اتكلم عن دكاترتي

اسم المقرر : مدخل الى علم النفس
اسم الدكتور : منى الجناعي
نوع الاختبار موضوعي ولا مقالي : موضوعي كله
يطلب تقارير وبحوث وبرزنتيشنات ولا لا : لا ماطلبت ولاشي
يقبل بالطبيات : تقبل بطبيات ومن غير طبيات يعني عادي تروحين تكلمينها اساسا هي ماتهتم بالغياب كلش وشكثر ايام ماتاخذ فيها الغياب
اشلون شرحه : يونس كله سوالف يعني عادي
اشلونه من ناحية التصحيح : اسئلة صح وخطا يعني مايبيلها تدقيق ومادري شنو
تعامله مع الطالبات : كلمة عسل شويه عليها مع اني مااحب اخذ عند حريم بس هذي تهبل
اشلون درجاته : المفروض انا سي ماينس رفعتني سي بلس تهبل والله هالدكتوره اخلاق واهم شي انها تزيد هههه
جم تيرم يعطي : ٢ مدتيرم وفاينل طبعا





اسم المقرر : خط عربي
اسم الدكتور : حمود جلوي العنزي
نوع الاختبار موضوعي ولا مقالي : اول الامتحانات كانت مجرد كتابة جمل بس الفاينل موضوعي ومقالي ويعطيج كلمات تكتبينها بخط النسخ والرقعه
يطلب تقارير وبحوث وبرزنتيشنات ولا لا : لا كلشش
يقبل بالطبيات : يقبل طبيات وتقدرين تكلمينه من غير طبيات بعد
اشلون شرحه : عادي زوين
اشلونه من ناحية التصحيح : وايد دقيق ماعنده روح تعال مع انه اول المحاضرات راح يقولكم انه بيساعد وبيتساهل بس ترا حجي لاتصدقون
تعامله مع الطالبات : حلو عادي
اشلون درجاته : c b a-
جم تيرم يعطي : 2 تيرم وفاينل اكيد





اسم المقرر : نحو العربي ١
اسم الدكتور : عادل الصراف
نوع الاختبار موضوعي ولا مقالي : موضوعي ومقالي
يطلب تقارير وبحوث وبرزنتيشنات ولا لا : لا كلش
يقبل بالطبيات : مادري بصراحه
اشلون شرحه : روعه روعه روعه
اشلونه من ناحية التصحيح : زوين يعني مو دقيق وايد وبنفس الوقت مايطوف وايد
تعامله مع الطالبات : حلو صج انه نفسيه بالمحاضره بس موصج نكته حتى وهو نفسيه
اشلون درجاته : روووووووعه اساسا امتحاناته اعطيهم حق اولى ابتدائي يحلونها فضيع والله لايطوفكم اللي يكتبه عاللوح هو نفسه كوبي بيست الامتحان
جم تيرم يعطي : ٢ وفاينل طبعا

 

[ام احمد Q8]

اسم المقرر : ثقافه اسلاميه
اسم الدكتور : عبدالرؤوف الكمالي
نوع الاختبار موضوعي ولا مقالي : هو مقالي بس ناسيه اذا كان فيه موضوعي ولالا
يطلب تقارير وبحوث وبرزنتيشنات ولا لا : لا
يقبل بالطبيات : يقبل ومتساهل حده اصلا هو كله معتذر زين منه يداوم ههههه
اشلون شرحه : رووووووعه محاضرته ماودج تخلص من كلامه ودمه خفيف يعني مو بس كلام ومحاضره ممله بالعكس
اشلونه من ناحية التصحيح : زين تصحيحه بس اذا وزع عليكم اوراقكم عدوا درجاتكم وراه ترا دايما يخربط
تعامله مع الطالبات : حلو روعه
اشلون درجاته : درجاته تهبل لانه اساسا امتحاناته روعه اللي يقوله بالمحاضره هو نفسه بالامتحان يعني روعه
جم تيرم يعطي : ٢ تيرم وفاينل



اسم المقرر : الحضاره الاسلاميه
اسم الدكتور : عبدالمرضي زايد
نوع الاختبار موضوعي ولا مقالي : موضوعي ومقالي
يطلب تقارير وبحوث وبرزنتيشنات ولا لا : اي اذكر طلب علينا تلخيص الفصل الخامس من الكتاب
يقبل بالطبيات : ناسيه بس اكيد يقبل لانه حبوب ويراعي وايد ظروف البنات
اشلون شرحه : روعه بنات صج اللي بتاخذ عنده راح تمل وتزهق وتطق جبدها بس ترا والله هو احسن من غيره هو افضل واحد يعطي حضاره يعني ماده دسمه تلوع الجبد هو يحذف فصول ويحذف شغلات وايد وبالمحاضره ترا يسوي نفسه عصبي واذا شافج عاديه مارديتي عليه يضحك معاج ترا هو يسوي نفسي عصبي بس جذاب ترا يضحك يعني لاتخافون حفظته والله ������
اشلونه من ناحية التصحيح : روعه يعني اي بلوه انتي كاتبتها بالورقه يطوفها لاتحاتون ههههه
تعامله مع الطالبات : شديد شويه بس مو نفس الدكاتره الثانين شديد بس على طيبه
اشلون درجاته : روووعه يزيدج درجات بالهبل
جم تيرم يعطي : تيرم واحد وفاينل




اسم المقرر : الكويت و التنميه
اسم الدكتور : راشد الصانع
نوع الاختبار موضوعي ولا مقالي : مقالي
يطلب تقارير وبحوث وبرزنتيشنات ولا لا : يطلب منج المعجزات يشيب راسج ااااااااه بس لاتذكروني ابسط طلب طلبه منا نروح وزارة التخطيط ونجيب استفتاءات بنات لاتنسون شنو قلت هذا ابسط طلب عنده
يقبل بالطبيات : على كيفه ومزاجه
اشلون شرحه : يلوع الجبد يضيعج بالماده يدخلج بنليون شغله وشغله ولما يجي الامتحان تاكلينها عدل
اشلونه من ناحية التصحيح : ظلمني ظلم يابنات اقسم بالله اروحله المكتب لما يشوفني يحاول ينشغل بأي شي ويقولي تعالي باجر تخيلوا بنات اسبوع كامل اروحله وكل يوم تعالي باجر مع انه والله ماعنده شغل بس كل مايشوفني يتهرب ولما كلمته قال انا عطيتكم وقت لنقاش الدرجات وانتهى اسمحيلي قتله شنووووووو انا صارلي اسبوع اروح وارجع عليك الحين تقولي جذي امبيه بنات انصدمت جان يقولي لوسمحتي لوسمحتي خلاص انتهى عطيته نظرة وحده تتحسب عليه والله ماانسى اللي صارلي وياه بنات الامتحان من ٣٠ انا اقل شي المفروض ماخذه ٢٨ اخر شي معطيني ١٧ انا اعلى وحده الباجي كلهم ١ و ٢ و ١٠ هذي سوالفه بإختصار ماابي اطول عليكم بس والله صج ماابيكم تعيشون اللي عشناه ان كتبتي اللي حافظته كامل ينقصج والسبب انج كاتبه على قولته ماوراء الكتاب وان اختصرتي قال ناقص
تعامله مع الطالبات : ميييييح
اشلون درجاته : مووووووووزينه كلش البنات كلهم f
جم تيرم يعطي : ١ وفاينل

 

[ام احمد Q8]

اسم المقرر : تطور فكر تربوي اسلامي
اسم الدكتور : بدر المحيلبي
نوع الاختبار موضوعي ولا مقالي : مقالي وموضوعي
يطلب تقارير وبحوث وبرزنتيشنات ولا لا : اي يطلب بحث
يقبل بالطبيات : مادري والله
اشلون شرحه : روعه
اشلونه من ناحية التصحيح : دقييق
تعامله مع الطالبات : رووووعه
اشلون درجاته : تهبل
جم تيرم يعطي : انا ماخذه عنده بالصيفي فماادري اذا طريقته تختلف عن الكورس العادي بالصيفي عطانا مدتيرم واحد مع الفاينل طبعا




اسم المقرر : اصول تربيه
اسم الدكتور : غنام الغنام
نوع الاختبار موضوعي ولا مقالي : موضوعي ومقالي
يطلب تقارير وبحوث وبرزنتيشنات ولا لا : بحث واحد بس لاتخافون ترا ياخذه ومايشوفه اسمج يبتي بس
يقبل بالطبيات : مادري بصراحه بس الغياب عنده مصيبه يكرهه كره
اشلون شرحه : يفتح المذكره ويقراها ويطلع بس
اشلونه من ناحية التصحيح : رووووووووووعه
تعامله مع الطالبات : زين بس هو شديد بالمحاضره وايد يعني خليكم سيده معاه لأنه يحرج البنت اللي تغلط ومايحب التأخير ساعات يدخلج وساعات يفشلج :£
اشلون درجاته : روووووووووووووووووعه ويزيدج بعد
جم تيرم يعطي : بالصيفي كنت ماخذته مدتيرم واحد وفاينل

 

[ام احمد Q8]

اسم المقرر : مناهج بحث
اسم الدكتور : حجاج العجمي
نوع الاختبار موضوعي ولا مقالي : هو مقالي بس ناسيه اذا كان في موضوعي
يطلب تقارير وبحوث وبرزنتيشنات ولا لا : يطلب بحث بس تكونون مجموعات مو كل وحده بروح وتتكلمون عن ظاهره في المجتمع على طريقة منهج بحث طبعا هو راح يفهمكم الطريقه
يقبل بالطبيات : يقبل بكل شي طبيات ومن غير طبيات والبنت اللي ماتغيب عنده ولا يوم لها مكانه خاصه لدرجة انه بالصيفي وحده ماغابت ولا يوم قالها لاتحضرين الفاينل وانا خذيت عنده بكورس عادي وماغبت ولا يوم وقالنا اللي ماغابوا ولا يوم لهم مكافئه عندي وفعلا عطاني a
اشلون شرحه : روعه
اشلونه من ناحية التصحيح : رووووووووعه
تعامله مع الطالبات : روووووووووعه ومحترم فوق ماتتخيلون قمه قمه بالاحترام يعني ماشاءالله اخلااااق
اشلون درجاته : عجييييييييييبه ويزيد بعد احلى مافيه انه وقت الامتحان اذا شافج تغشين يسوي نفسه مايشوفج هههه وبالفاينل طلع وخلانا بروحنا يعني غشوا يابنات بس عاد هذا مومعناته انكم تستغفلونه خلوا غشكم معقول مو استخفاف بوجوده
جم تيرم يعطي : تيرم واحد وفاينل





اسم المقرر : مناهج
اسم الدكتور : حياة المجادي
نوع الاختبار موضوعي ولا مقالي : موضوعي ومقالي
يطلب تقارير وبحوث وبرزنتيشنات ولا لا : اي تطلب برزنتيشن
يقبل بالطبيات : هالدكتوره غبتي ولا ماغبتي انتي بي بلس او a
اشلون شرحه : ماتشرح لانه خلاص اهيا حاطه درجاتكم وخالصه a و b
اشلونه من ناحية التصحيح : انا احس انها ماتصحح ههههه القريدات كلها a بي بلس ماعندها بي
تعامله مع الطالبات : روعه
اشلون درجاته : قتلكم اخذوا عندها وماراح تاخذون اقل من بي بلس
جم تيرم يعطي : تيرم واحد وفاينل بنات امتحاناتها صعبه بس عندي لكم حل السؤال اكتبيه بالاجابه يعني اكتبي السؤال بمكان الاجابه بس شيلي علامة الاستفهام انتي بي بلس ههههههههه بنات ترا من صجي والله العظيم ماابالغ



اسم المقرر : اداره تربويه تعليميه
اسم الدكتور : فهد الرويشد
نوع الاختبار موضوعي ولا مقالي : موضوعي ومقالي امتحاناته سهله وكميته حلوه
يطلب تقارير وبحوث وبرزنتيشنات ولا لا : لا مايطلب بس كل نهاية فصل بالكتاب تلخصينه وتعطينه اياه
يقبل بالطبيات : اي
اشلون شرحه : روعه يعطيج السؤال والاجابه يمليج اياهم وارجعي احفظيهم واكتبيهم بالامتحان بسسس
اشلونه من ناحية التصحيح : حلو
تعامله مع الطالبات : روووعه نكتتتتتتتته بس مايظغط ويفشل بالعكس يحترمج بس انه يعني هو سوالفه تضحك محاضرته تهبل خفيفه بس امسكي بطنج واضحكي
اشلون درجاته : حلوووه
جم تيرم يعطي : اذا ماخاب ظني ١ تيرم وفاينل

 

[ام احمد Q8]

اسم المقرر : جغرافية الكويت والخليج العربي
اسم الدكتور : مهدي العجمي
نوع الاختبار موضوعي ولا مقالي : كله موضوعي
يطلب تقارير وبحوث وبرزنتيشنات ولا لا : لا
يقبل بالطبيات : اي بس شديد ويدقق عليهم
اشلون شرحه : حلوو
اشلونه من ناحية التصحيح : مايحتاج تدقيق لأنه صح وخطأ
تعامله مع الطالبات : حلو بس خاصتا اذا كلمتيه بمكتبه فرق شخصيته عن المحاضره حبووب حيل متساهل وطيب
اشلون درجاته : حلوه
جم تيرم يعطي : تيرم واحد وفاينل بس كميته دسمه دسمه دسمه
بس يعطيكم سؤالين سخيفين بالامتحان يعني تضمنين درجتين بس
والاسئله الباجيه نوعا ما زينه





اسم المقرر : علم اللغه العام
اسم الدكتور : فاطمه العازمي
نوع الاختبار موضوعي ولا مقالي : موضوعي كله
يطلب تقارير وبحوث وبرزنتيشنات ولا لا : لا
يقبل بالطبيات : اي
اشلون شرحه : ماتشرح كله سوالف
اشلونه من ناحية التصحيح : كله موضوعي يعني مافيها تدقيق
تعامله مع الطالبات : زين
اشلون درجاته : حلوه وتزيد بعد
جم تيرم يعطي : ٢ وفاينل طبعا

 

[ام احمد Q8]

اسم المقرر : تطور فكر تربوي
اسم الدكتور : محمد طالب الكندري
نوع الاختبار موضوعي ولا مقالي : موضوعي ومقالي
يطلب تقارير وبحوث وبرزنتيشنات ولا لا : طلباته وايد ماتخلص
يقبل بالطبيات : اي
اشلون شرحه : حلو ومحاضرته تونس
اشلونه من ناحية التصحيح : حلو
تعامله مع الطالبات : وايد زين
اشلون درجاته : حلوه ويزيد
جم تيرم يعطي : ١ تيرم وفاينل





بس ان. شاءالله فدتكم

 

[دمعاتي تونسني]

ام احمد مشكووووووره وماقصرتي والله يوفقج

 

[m!ss]

شرايكم ب د.صالح هادى فرحان العنزى
اقبال عبدالعزيز المطوع
موسى حنون غضبان غضبان

 

[غير النآآآس]

شرايكم بدكتور وليد الكندري ..؟

 

[mo9a7ya]

بناات شلونكم

شرايكم
عبدالله الوتيد
صالح العنزي
خالد الصافي الصافي
نوال الرفاعي

هذول الدكاتره خذيت عندهم قولولي رايكم فيهم

 

[جوجو.]

اب
اب
اب
اب

 

[توووته 25]

بناات ابي تقيييمكم

لدكتورة غيداء العيار مقدمة في تكنلوجيا التعليم

ومحمد يوسف في الحضارة الاسلامية

 

[maryam_q8]

ابي مواد الاجتماعيات لو سمحتوا