تكاليف السفر الي لندن؟؟؟

[golden tears]

السلام عليكم ممكن مساعده
جم تكلفه السفر اللي لندن لشخصين وطفلين 2سنه و4 سنوات
واللي سامعه عن عروض حلوه لهل مني دعوه احلى:klhfl::klhfl:

 

[LA TROO7]

التذاكر لشخصين تكلف تقريبا 700

السكن على حسب اذا فندق الليله بتكون 80 دينار مو اقل والشقق ماعندي علم يعني اسبوع يكلف500 والمصروف يبيله 500 بلادلع وقهاوي كل شوي

انا عن نفسي اسبوع بلندن كلفنا 4الاف بس انا شخصيا ماقدر اتحكم نفسي

نصيحه روحي الدوليه مالت السفريات وفري عالمحلات كل محل ينافس الثاني بالعروض ورحله سعيده قلبي

 

[golden tears]

مشكوره حبيبتي على التفاعل
بغيت اسال الديره ممتعه للاطفال ولا لا (وحده ما تبي تاخذ عيالها)

 

[mr000]

أي والله في شغلات وايد حق اليهال عندج لندن زو حديقة الحيوان موجوده في حديقة ريجنت بارك وعندج الهايد بارك حلوه حق لعب اليهال فيها بحيره وبط بعد عندج لندن أكواريوم وفي أماكن شويه بره لندن بس فيها ملاهي مثل ألتون تاور وسفاري بارك هذي حديقة حيوان مفتوحه ! بالنسبه للتكاليف طبعا أسعار الفنادق تختلف حسب قربها من السوق وحسب الوقت اللي أنتي رايحه يعني من شهر 6 ترتفع أسعار الفنادق والشقق! آنا بروح شهر 4 وحصلت فندق بأكسفورد الليله ب60 دينار بس لو تشوفين أسعاره بشهر 6 أعلى من جذي حتى أسعار التذاكر بس مو شرط تسافرون عالكويتيه

 

[golden tears]

مشكوره حبيبتي شنو اسم الفندق واي سفريات حاجزه

 

[مضيعة برقعها]

ماشالله يارب يسعدج ويسعد اعيالج وابوهم

 

[golden tears]

مشكوره مضيعه برقعها
والله ينولج اللي في بالج

 

[مضاوي 75]

لندن ماتصلح حق اليهال ماراح يستانسون فيها

صحيح فيها زولندن وفيها سفاري بارك ..لكن من رأيي ماتصلح لليهال

روحي انت وريلج اونس عيشي شهر عسل جديد

 

[golden tears]

والله مضاوي انا اقول اخليهم احسن بس مرات اقول ما يطاوعني قلبي اخليهم واستانس

 

[رهشRAHASH]

حبيبتى جولد تيرز السفر متعه وراحه وتغيير جو والسفره للندن طويله وبيتعبونج بالطياره وبينهد حيلج واحتمال الله لا يقدر يتغير عليهم الجو ويستمرضون روحى استانسى لا حقه على عوار القلب غيرى جو خلي ريلج يحس ان السفر معاج متعه مو معابل بهاليهال

 

[golden tears]

مشكوره رهش اليوم بالذات طلعت فيهم الافنيوز بروحي بدون زوجي يننوني وقلت بالديره ذابحيني اشبسوون برا
الظاهر والله اعلم اني باخليهم لان فعلا ابي انااااااااااااام يمكن ابي السفر عشان انام
بس هم يكسرون خاطري

 

[golden tears]

رفععععععععععع

 

[مضاوي 75]

اذا رديتي من السفر اخذيهم للبحرين ولا حتى الدمام خل يستانسون على الاقل المسافه قريبه

وفيها العاب تناسب سنهم وان شاء الله يستانسون

 

[golden tears]

خوش راي يا مضاوي

 

[alcaramella]

اي لا من صجج لندن كلش مو مالت يهال كلها مشي ولويه واليهال يبون تكرمين حمامات ويتبعون من المشي واعمارهم اسمالله عليهم مو مالت سفر كلش وراح ينسون السفره اساسا فا روحي انتي وريلج وايدج بايده

 

[golden tears]

مشكورين حبايبي على التفاعل

 

[أم أنور]

والله انا هالسنه بروح من غير اليهال لأني بغووووووووووووووووص بالسوق
هههههههه