&& تكفــــــــون ... شورو علي شسوي مع زوجي &&

[pink velvet]

السلام عليكم ورحمه الله
انا عضوه قديمه بينكم بس دشيت بهالنك عشان الخصوصيه
واللي يراقبوني ببروفايلي

مبــــــــــــــارك عليكم الشهر...
بنــــــــــــــات ضايقه فيني الوسيـــــــــــــعه...
زوجــــــــي خاين
زوجـــــــي خاين
100%

كل الدلائل تقول انه خاين...
اعرف رقمه السري وادري انه يروح وراي من سحوباته بالبنك (( مطاعم كباين ))....
ورقمه فيه قفل ومستحيل امسك تلفونه يقول قفل عشان ما يضيع وهو ينوم التلفون حتى معاه اشلون بيضيع!!
وماعنده دوام ... وكله طـــــــــــــالع
ونادر يودينا مكان الا وين ووين
عياله ماا يحبونه كثري انا
صاير يلبس ساعه ويكشخ وهو ما كان يرتاح بلبس الساعات
كل يوم جايني بساعه ماركه جديده:eh_s(10):
ومن غير علب وين علبهم وكفالتهم!! شكيت انهم هدايا من اللي يعرفهم الله لا يوفقهم ويهديه عشان عياله والا لو بيدي اقول همن لا يوفقه هو بعد
أقســـــــــــــــــــــــــــــــم بالله

كرهته كرهته كرهته
لو ناعمه الهاشمي بالكويت جان رحتلها بس بالامارات
بنات نفسيتي تعبانه منه حييييييييييييييييييييييييييييييييييييل


قالي مره مسافر للسعوديه

واكتشفت انه ساحب من شركه سفريات بحولي !!!
وشاري جنزات وتيشرتات من سنتر بوينت
بس شفت الكيس بدبه سيارته
وشفت السحوبات من مراقبتي له لحسابه بالبنك.....
وكل نهايه أسبوع لما يكون يوم زوارتي لأهلي الساعه 9 ما يرد على تلفونه واشوف سحوبات بنفس الحزه لمطاعم يكون متعشي فيها بمبالغ عاليه يعني اكل لنفرين

واذا انا رحت معاه
يقول مااشتهي طلبي انتي
زين ماياكل معاي انا ليش ومع اللي يروح معاهم ياكل
آآآآآآآآآآآآآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآه


فيني غصه يابنات ما يعلم فيها الا ربنا
مخنوقه

وواجهته بموضوع سحوباته البنكيه يقولي اشلون تتجسسين علي
بعدين قالي هذا اشتباك بالبنك ومن زمان في عليها مشكله

جذاااااااااااااااااااااااااااااااااااااااااااااااااب

يجيه مدير البنك براسه يتعذر منه اصلا لو السالفه صج
لاني شاطره بهالشي ومستحيل يصير فيه خللل بالذات هالبنـــــــــــــــك


بنات زوجي مرات احسه يغليني
ومرات يبيعني (( ببيـــــــــــــــزه ))

والله يابنات مرات وياكثر المرات يرخصني حيل
لدرجه اول عرسي كله ياخذ الدله من امه ويعطيني اصب قهوه وربي م ااعرف للقهوه بكبرها
بس والله يابنات كان يتعمد يحرجني عند امه

لاتقولون امه ومن هالكلام المثالي ادري اكبر مني بس تراها مو عجوز توها امها عايشه
وانا من كيفي اخذ الدله منها ... مو هو اللي ياخذها من امه ويعطيني جني حيوانه:rgewrg:
يتعمد يحرجني
ومرات يزف اللي يهينوني او يغلطون علي
انا ماعرفتله بنات

ليش كل نهايه اسبوع يطلع مطاعم كباين!!!!
ليش يسافر اماكن ويقول تالي رايح السعوديه وهو حاجز من سفريات!!!!
ليش يخبي علي
ليش يقطع جواز سفره الورقه اللي فيها ختم البلد عشان مااشكه وين رايح
ليش تلفونه بقفل
ليش سيارته اللي نادر اركبها فيها شرايح خطوط (( شكثر )) (( شكثر ))
مسجات ما يرسلي وانا ارسله
هدايا ما شميت منه ريحه هديه
اهلي ما يزورهم ولا يمرهم كلش حتى بالعيدين واحد فيهم يكسر فيه
وانا يبيني لاصقه بامه 24 ساعه
لبسني عباه راس وانا كنت كتف
وكنت اضحك على البنات قبل بالكليه لي تزوجو لبسو راس ودسوي وصارت سوده انا صرت جذي
ولا كنا نقول اللي يلبس مرته جذي يعني اكبر مغازلجي
بس ماجربت افتحهم لانه ماحصلي مجال

بنات انا جميله بشهاده الكل وربي جميله واقط على عمري وكريمه وذوقي راقي لابعد الحدود اقل بدله عندي ب90 هذي الاقل
مااهايط عليكم بس بقولكم اني تعبت وانا كل شي سويته
اخاف ترد علي وحده بالتكشخ للزوج
انا اكشخ
وبيضه
وكل اشوي اصبغ بهالشعر
وجسمي عجيبوطباخه من الطراز الاول
ومكياجي محد يحط مثلي خطاتي لعيوني عجيبه
وهالكلام من اغلب معارفي مو مني
والله ارجف وانا اكتبلكم

شسوي
شـــــــــــــــــــــــــوري علي امانه بنات والله نفسيتي تحطمت وامس بالليل اشوي ونتطلق
انا خايفه من فراق انشسان كنت احبه
بس وربي دعيت اني اكرهه حيل دعيت واني انا اخلعه
ادعولي بنات اكرهه ومااحس بقيمته
لانه ذيل الجلب عمره ما ينعدل



تشورون علي اروح افتح الشرايح بسيارته!!!


تكفون ادعو الله يخفف علي
الناس برمضان تستانس وانا من امس حالتي ما يعلم فيها غير رب العالمين

 

[توفـــا]

حبيبتي الله يعينج واحنا دامنا بشهر فضيل مبارك عليج الشهررر وادعيله الله يهديه ويثبته ويبعده عن عيال الحراام ولا تسوين شي وتخربين حياتج انتي عندج عيال يعني اذا مو عشانه عشان عيالج حاولي تتحملينه واستغفري كثر ماتقدرين برمضان وانشاءلله بيرجع لج احسن منه مافيه

 

[lovely jojo]

يا حياتي انتي ليش اتجيبن لنفسج عوار القلب لا تفتحين الشرايح ولا شي ..
الحين احنا برمضان افرشي سجادتج وادعي له وادعي ان الله يحنن قلبه عليج ويبعد عنه هالبنات ..
صدقيني وعن تجربة اللي حوالي المواجهه ما تفيد واذا حب يهد هالسوالف بيهدها بروحه مو عشان احد..
لا اتعبين نفسج وخلي اهتمامج بعيالج وعطيه حقوقه من جميع النواحي بس مو نفس قبل خليه يحس ان فيج شي وان الوضع مو عاجبج
بتصرفاتج مو بالكلام ..
والله يفرج همج ويوفقج انشالله..

 

[كنوشة 2009]

الله يعينج ويصبرك الخيانة من الزوج مصيبة وتحتاج الصبر وحسن التصرف عليج بالدعاء والاستغفار وقيام الليل في هذه الايام الفضيلة وصدي عنه ولا تنبشين من وراه وهدي شوي ولا تتحسسينه انه اهو كل حياتج وانج ما تستغنين عنه ترى الريال اذا صدتي عنه يركض وراج وعيشي حياتج والله يهديه

 

[من يشابه ديرتي]

رد : && تكفــــــــون ... شورو علي شسوي مع زوجي &&

الرجال المغازلجي ماا منه طب فلا تقعدين تنبشين من وراه وتنكدين ع عمرج
مالج الا الصبر وتدعين ربج يهديه
بس نصيييحه عن تجااارب مرت قدامي .. لاتفهمينـه انج فاهمه كل سوالفه وعارفه بخيانته ولعبـه بهالطريقه الرجال بيطقج بالطوفه وبيصير علنـي وأشكررره
اذا تبينه اصبري وتغيشمي وربج الهادي

 

[pink velvet]

جزاكم الله خير بنات


الله يفرجلي همي

مرات ودي اتعرف على واحد يمكن التوتر يخف واحس اني انتصرت عليه وقهرته واسوي سواته وودي يحس اني اخونه ودي
اذوقه اشوي من اللي ذوقني اياه

الله الا يوفقه ولا يوفق ربعه اللي بالدوانيه عساهم يشوفونها باهاليهم وبنفسهم ولا يرتاحون بنومه ولا بقومه ياقادر ياكريم تعسر عليهم مثل ما شيشولي زوجي
يارب تنكد عليهم ولا توفقهم رفاق السوء هم ويا سياراتهم اللي حوت واللي بي ام والا لكزس اشكررررررررره مغازلجيين

 

[&شوارفسكيه&]

حتى لو فتشتي سيارته
وحتى لو دورتي بتتعب نفسيتج وبتتعبين
ليش جذيه
نصيحه من اخت والله العظيم مابي منج شي
بس بقولج شغله جربيها
الاستغفار
الاستغفار
واحنا بشهر الخير
ادعي ربج وشوفي النتايج
مالج غير ربج
هذا شي يمشي بدمه لو يحبج المغازلجي ما يخلي المغازل لانه تعود خلاص
مالج غير الدعاء والتزمي بقيام الليل
وبتشوفين النتايج

 

[cute00]

رايي من رااي البناات
بس الصرااحه الوضع يعور القلب واكيد ربج ما يخليييه

 

[afesa]

اول شي مبارك عليك الشهر وثاني شي الله يعينك واختي انصحك لا تتعرفين على واحد ولا شي ولا تنتقمين من نفسك عشان تذلينه ,,,احنا برمضان وخليك راكده وبصراحه اهو مبين عليه عنده شي وخاين ..
انزين ليش ما تواجهينه ؟؟وتوقفينه عند حده قوليله انا ادري بكل شي و لا تسمحيله يجذب عليك ؟؟بينيله انك عارفه كل بلاويه ومو راضيه فيها ولازم يحسم الموقف ويختار بينك وبين اللي يبيها ...مو معقول حاطك حق البيت وحاط له وحده حق الطلعات والوناسه ؟؟شي يقهر والله .
خلاص قوليله ما راح اتحمل ويا تتسنع وتترك سوالفك والا مع السلامه ...مادري انتي كارهته وتدعين عليه ؟؟شاللي يخليك تتحملينه ؟؟او عطيه فرصه لي رمضان وشوفي شنو يسويه وانشالله يفرج عليك

 

[كارلوفي فاري]

والله يااختي اننا حاسين فيج بكل كلمه بس ماندري شنقولج مالج الا الصبر والدعاء واحنا ندعي الله واحنا صيام انه الله يرده لج ردا جميلا
بس انا عندي راي وانتي كيفج تسوينه او لا
انا اقول هذا زوجج يمكن ماندري للحين اذازوجج خاين او لا خلينا نقول يمكن لعوب مااعتقد انه عنده علاقه جتده والدليل تقولين عنده شرايح تلفونات 0000بغض النظر عن كل هذا مو هذا المطلوب منج 0000المطلوب منج انج ماتبينين له انج عرفتي بس خليج متابعه والاهم من هذا اثقلي علييه يعني قللي قعداتج وياه وتلبسي وتزيني بس نامي وخليه لما تقعدين تحت عند امه وهو قاعد خلي سوالف حلوة ومرحه وبحركات تخلينه ينجذب صوبج 00بس طبعا بيكون يسولف على نفسه انا عندي وحده جذيه وادور غيرها 0000زوجج من كثر ماانتي لازقه فيه مو شايفج 0000لما تكونين عنده بالغرفه اشغلي روحج باي شي كانه مو موجود واذا كلمج مو تسوين روحج زعلانه 00بالعكس ردي عليه وانتي مبتسمه وخليج مغريه بس انشغلي عنه اكثر باي شي انتي تحبينه 00000صدقيني زوجج بالحاله هذه بيقعد يحوس علشان يلفت انتباهج 000علشان جذيه زوجج يركض ورا هالبنات لانه يحب لفت الانتباه فمايصدق وحده عطته وجه راح يركض وراها وبس يمل منها وتجيبله هديه ودرا انها تعلقت فيه تكها وراح يدور غيرها والدليل انه الهدايا اغلبها ساعات لو من وحده لقينها تبدل بنوع الهديه

الزبده 000حبيبتي زوجج مو مرخصج والدليل انج قلتي يرد عل اللي يغلط عليج 000وثانيا لما يقول اهتمي بامي هذا شي طبيعي من كل زوج 00لكن الغلط اتوقعه منج لانج وابيج تقولينها بصراحه مبين له حبج وانج مغرمه فيه فعلشان جذيه حاطج تحت اباطه والدليل مايهتم يسوي حساب لاهلج 000لانه يدري انتي تموتين فيه 000000احنا بنتواصل معاج وطمنينا عليج 000بس هاااااااااااااا ترا المساله تطول ويبيلها صبر 000واذا تبين حياتج الزوجيه تستمر سنين 0000 حل مشكلتج محتاج يمكن شهوور

الله معاج

 

[fulla.81]

حاسه فيييج والله
الحال من بعضه ..
شوفي يالغاليه بنات ابليس ترس الشوارع وعينهم على المتزوج حسبي الله عليهم .. لأنهم ما جربو الحياة الزوجيه ولا عرفوا شيصير من ورى هالعلاقات من هدم بيوت
أدري الكل نشوف نفسنا كاملين سنع وجمال وذرابه وماظن بهالوقت مافي بنت ما تهتم بنفسها .. لكن أكيييد في شي بينج وبينه ..لو بالعلاقه الحميمه بينكم فيه نقص عشان جذي عيونه زاغت لبنات ابليس
الريال الحين يشوف العجب العجاب من النت والقنوات الفضائيه ويبي مرته تكون بجرأتهم ودلعهم والله يا اختي رفيجتي تقول زوجها طلب منها مرة تلبس عباة كتف مخصره ونقاب وتنام معاه .. قالها يعجبوني البنات الي يلبسون هاللبس وأبيج تلبسينه عندي .. لازم تعرفين شنو يبي زوجج وخليج ذكيه ولا تخسرينه .. طولي بالج لأقصى حد والله والله مرده لبيته ومرته وعياله لا تخافين
قطي حملج على الله والحين فرصه ذهبيه حنا بشهر الرمضان كثفي الدعاء ولج الي يسرج انشالله
الله يحط كيدهن بنحرهن
ويسخر أزواجنا لنا يا رب​

 

[يارب يطيب عبود]

رد : && تكفــــــــون ... شورو علي شسوي مع زوجي &&

حبيبتي نصيحة مني لا تفاتحينه بالموضوع أبد
ألحين أهو عاملك حساب ويخبي عنك بس اذا عرف أنك عرفتي بالموضوع
راح يسوي كل شي قدامك ولا راح يسأل فيك.....

ولا تقولين أتعرف علي رجال أنتي تبين تقهرين زوجك بس اللي بتسوينة حرام
ويمكن مثل ما أنتي تدعين على أصحاب زوجك بكره أحد يدعي عليك زوجة ولا أم
(كن مظلوما ولا تكن ظالما)
لا تقولين كيذا يزيد ربي مصيبتك ألزمي الاستغفار والدعاء وربي بياخذ حقك منه....

(نصيحة من أخت لك في الله)
أتمنى ما أكون ثقلت عليك

 

[دانة الدنيا1]

قال الله تعالى :
{ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ }آل عمران134
كلنـا نواجه هذا اللون من الاستفزاز الذي هو اختبار لقدرة الإنسان على الانضباط، وعدم مجاراة الآخر في ميدانه،


، ، ،

وهناك تسعـة أسباب ينتج عنها أو عن واحد منها ضبط النفس:

أولاً: الرحمة بالمخطئ والشفقة عليه، واللين معه والرفق به:

قال سبحانه وتعالى لنبيه محمد -صلى الله عليه وسلم-:

(فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلِكَ فَاعْفُ
عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْر) [آل عمران: 159].
شفتي اللي كاتبته طبقيييه ومن هالللحظه وانتهزي الفرصه احنا بشهر فضيل كثري من الاستغفار وسجدي لله وطلبي وابكي طلعي كل اللي بقلبج وكوني عند حسن ظنج في الله بانه زوجج راح يتغير للاحسن خلج من ناعمه ومن اي وحده ثانيه والجأي للعزيز الجبار اللي يستحي ان يرد ايدينا خائبتين او صفرا يعني يستحي انه يرد دعاء احد فمابالج بالمظلوم اللي هو انتي ربي يشرح صدرج ويهديه واخذي العبره من غيرج ياما ناس شافو الويل اكثر منج وربي بالنهايه فرجها عليهم وشوفي النقص اللي فيج وناقشي زوجج باللي يخليه يسوي جذيه بس باللين والرفق مو بالصراخ والبكي والعصبيه عشان توصلين للي تبينه واذا ماتكلم معاج خلج على الدعاء والاستغفار وربي يصلح الحال للجميع وتقبل الله طاعتكم

 

[Smarties]

الله يعينج حبيبتي

 

[مملكة الحب]

الله يعنج اختي والله كلنا حاسين فيج
الله ينتقم من بنات ابليس
محد مخرب البيوت الا بنات ابليس
انا ريلي جذي نفسج كانوا يركضون وراه البنات
ما يعجبهم الا المتزوج
والمشكله ان بعضهم على اتم استعداد تعطيه الي يبيه
وما نقول قصور منج بالعكس الريال إذا يبي يخون يخون مو شرط قصور من المره
استهدي بالله وتوجهي لربج وادعي له بحرقة قلب والله ينصرج على بنات ابليس وقولي حسبي الله عليهم يارب رواني فيهم
والله يا بنات الي قاعد يصير حرام ليش بنات ابليس ما يخلونا في حالنا
والله مره انا طحت على ريلي يكلم وحده كلام مبين انه وصل لحد النوم معاها تخيلوا شنوموقفي ساعاتها والله قمت ارجف
وبعدها خذيت ايميلها وكلمتها بس ما عطتني ويه
بنت ابليس الله لا يوفقها لا دنيا ولا آخره
لحد الحين الغصه بقلبي

 

[ماعلى الدنياعتب]

رد: رد : && تكفــــــــون ... شورو علي شسوي مع زوجي &&

حبيبتي نصيحة مني لا تفاتحينه بالموضوع أبد
ألحين أهو عاملك حساب ويخبي عنك بس اذا عرف أنك عرفتي بالموضوع
راح يسوي كل شي قدامك ولا راح يسأل فيك.....

ولا تقولين أتعرف علي رجال أنتي تبين تقهرين زوجك بس اللي بتسوينة حرام
ويمكن مثل ما أنتي تدعين على أصحاب زوجك بكره أحد يدعي عليك زوجة ولا أم
(كن مظلوما ولا تكن ظالما)
لا تقولين كيذا يزيد ربي مصيبتك ألزمي الاستغفار والدعاء وربي بياخذ حقك منه....

(نصيحة من أخت لك في الله)
أتمنى ما أكون ثقلت عليك

مية مية

 

[al-musk]

الله يعينج بس انتي واجههيه عشان تعرفين تحطين حد للشي هذا او انج تغمضين عينج مدامج راضية بهالعيشة ..عيشة القهر والضيم..الله يعينج وماندري عن ظروفج ومدام حبج له يصبرج اجل اصبري وقوي علاقتج مع ربج ومن توكل على الله فهو حسبه

جد عورتي قلبي......لأيش ماتروحين للدكتورة فوزية الدريع..عيادتها يورك على شارع الخليج والله مدام ربي منعم عليج قطي فلوسج على شي ممكن يحل مشكلتج

 

[كويتيه مذهله 87]

ليش ماتواجهينه وترتاجين يمكن فهمتي غلط

 

[randomy]

القصور مو منج

اهو خاالص

ذكريه بربه وبس لاتهددين ولا تنبشين وراه

هالنوعيه ماله الاه ربه يهديه

 

[حدى عنيده]

والله عورتى قلبلب حبيبتى شوفى ياقلبلى مالج الا الصبر اذا رد البت لاتحنين عليه خليه اسحبيه بالكلمه الحلوه دايم قوليله مثلما تدين تدان اللى يلعب على بنات خلقه الله يبلاه خوفيه بكلام الله شوفى قلبي جذبى عليه اي جذبى قوليله اليوم سمعت سالفه من الحريم ان فى واحد طلع مع وحده وسوو حادث والله كشفهم خوفيه بهالقصص مره مرتين صدقينى راح يخاف لاتقولين ماراح يهتم / وان شاءالله يهديه ربى واسحبيه صوبج لاتخلينه يروح لغيرج ترا راح تتعبين بالبدايه بس بعدين راح تشوفين النتيجه خلى لسانج رطب بالكلام الحلو حتى لو من ورا قلبج والله يعينج وعندى لج سحر عجيب غريب كل يوم اسغفرى ربج الف مره بتقولين وايد بس راح ادزلج موقع للتسبيح الالكترونى وانتى قاعده على النت وراح تشوفين العجب والله يهديه لج
E-seb7a107.zip-winrar