&& تكفــــــــون ... شورو علي شسوي مع زوجي &&

[*ريما*]

رد : && تكفــــــــون ... شورو علي شسوي مع زوجي &&

ماقدر اقول شي الا
الله يهدية

 

[كرز حالي.]

رد : && تكفــــــــون ... شورو علي شسوي مع زوجي &&

الرياييل مالهم امان ومايترس عينهم الا التراب
يمكن حتى التراب مايترسها
الله يعينج

 

[الوجه السمح]

قلبيى والله كسرتي خاطري انتي كلميه قوليله حرام الي قاعد تسويه فيني انا بشنو قصرت عليك بشنوو بس قولي بشنوو قوليله الكلام الحلوو اعطيك ياه احلى لبس البسه لك احلى مكياج احطه لك احبك حب ما يعلم فيه غير ربي ليش تبي شي بالحرام و انا كلي لك بالحلال ليش تدور وحده غيري و انا لك و انا ما علي قاصر انته ترضاا العب بذيلي من وراك ترضه اكلم غيرك اذا انته مما ترضهاا عليك لا ترضهاا على غيرك قوليله صدقني احبك و اموت فيك و مالي غيرك قوليله انته بواايد مقصر علي لا طلعات لا كلام حلوو لا هديه منك طيبت خاطر قوليله حرام عليك ليش جذي تسوي و تعذبني قوليله ودي اكون معاك انا برووحي اطلع معاك حالي حال اي وحده معه زوجهاا ودي تبادلني الشعوور ودي تحب اهلي كثر ما انا اموت باهلك قوليله انته تبيني دووم يم امك و انتة و لا تكلفت و زرت امي حراام عليك بس كافي قدرتك و احترمتك لكن انته و لا على البال قوليله جذي و انشاءالله الله يصلح بينكم و يحبج و يموت فيج يارب و لازم بعد يحب امه يا قلبي

 

[حجيه هيونه]

اول شي مبارك عليك الشهر وثاني شي الله يعينك واختي انصحك لا تتعرفين على واحد ولا شي ولا تنتقمين من نفسك عشان تذلينه ,,,احنا برمضان وخليك راكده وبصراحه اهو مبين عليه عنده شي وخاين ..
انزين ليش ما تواجهينه ؟؟وتوقفينه عند حده قوليله انا ادري بكل شي و لا تسمحيله يجذب عليك ؟؟بينيله انك عارفه كل بلاويه ومو راضيه فيها ولازم يحسم الموقف ويختار بينك وبين اللي يبيها ...مو معقول حاطك حق البيت وحاط له وحده حق الطلعات والوناسه ؟؟شي يقهر والله .
خلاص قوليله ما راح اتحمل ويا تتسنع وتترك سوالفك والا مع السلامه ...مادري انتي كارهته وتدعين عليه ؟؟شاللي يخليك تتحملينه ؟؟او عطيه فرصه لي رمضان وشوفي شنو يسويه وانشالله يفرج عليك

دام تحبينه حاولي مره ثانيه فيه وادعي له الله يهديه ويسخره لج

اهو اخرته راح يمل من هالطريج ويرد لج انتي بس الله يصبرج لين يعقل ويمل

 

[انتظر حبه]

رد : رد: && تكفــــــــون ... شورو علي شسوي مع زوجي &&

والله يااختي اننا حاسين فيج بكل كلمه بس ماندري شنقولج مالج الا الصبر والدعاء واحنا ندعي الله واحنا صيام انه الله يرده لج ردا جميلا
بس انا عندي راي وانتي كيفج تسوينه او لا
انا اقول هذا زوجج يمكن ماندري للحين اذازوجج خاين او لا خلينا نقول يمكن لعوب مااعتقد انه عنده علاقه جتده والدليل تقولين عنده شرايح تلفونات 0000بغض النظر عن كل هذا مو هذا المطلوب منج 0000المطلوب منج انج ماتبينين له انج عرفتي بس خليج متابعه والاهم من هذا اثقلي علييه يعني قللي قعداتج وياه وتلبسي وتزيني بس نامي وخليه لما تقعدين تحت عند امه وهو قاعد خلي سوالف حلوة ومرحه وبحركات تخلينه ينجذب صوبج 00بس طبعا بيكون يسولف على نفسه انا عندي وحده جذيه وادور غيرها 0000زوجج من كثر ماانتي لازقه فيه مو شايفج 0000لما تكونين عنده بالغرفه اشغلي روحج باي شي كانه مو موجود واذا كلمج مو تسوين روحج زعلانه 00بالعكس ردي عليه وانتي مبتسمه وخليج مغريه بس انشغلي عنه اكثر باي شي انتي تحبينه 00000صدقيني زوجج بالحاله هذه بيقعد يحوس علشان يلفت انتباهج 000علشان جذيه زوجج يركض ورا هالبنات لانه يحب لفت الانتباه فمايصدق وحده عطته وجه راح يركض وراها وبس يمل منها وتجيبله هديه ودرا انها تعلقت فيه تكها وراح يدور غيرها والدليل انه الهدايا اغلبها ساعات لو من وحده لقينها تبدل بنوع الهديه

الزبده 000حبيبتي زوجج مو مرخصج والدليل انج قلتي يرد عل اللي يغلط عليج 000وثانيا لما يقول اهتمي بامي هذا شي طبيعي من كل زوج 00لكن الغلط اتوقعه منج لانج وابيج تقولينها بصراحه مبين له حبج وانج مغرمه فيه فعلشان جذيه حاطج تحت اباطه والدليل مايهتم يسوي حساب لاهلج 000لانه يدري انتي تموتين فيه 000000احنا بنتواصل معاج وطمنينا عليج 000بس هاااااااااااااا ترا المساله تطول ويبيلها صبر 000واذا تبين حياتج الزوجيه تستمر سنين 0000 حل مشكلتج محتاج يمكن شهوور

الله معاج

انا مع الاخت كلامها درر ماشاء الله

 

[مذهــلــه]

ادعي ربج بهالشهر الفضيل

وعادي اتوقع الرياييل شي طبيعي يكشخون بالعكس المفروض تستانسين؟

روحي انتي معاه واختاريله على ذوقج ملابس وساعات شنو فيها يعني بدال ماتخلين بنات ابليس يستغلون هالنقطة

 

[Stylista_Q8]

الله يعينج إن شآلله ويفرج همج ..

 

[حرم محمد باشا]

اختي حاسه فيج وبكل كلمه قلتيها وحاسه بالنار اللي انتي فيها لأني احترقت منها نفسج .. والله احس انج تتكلمين عن زوجي مو زوجج .. بالقفل اللي بتليفونه .. بتليفونه اللي تحت المخده .. بطلعاته اللي ماتكون الا لما اكون عند اهلي .. وانا عمري ماطلعت معاه.. بحرصه على لبسي دسوس واغسل وجهي بماي وصابون عشان مايبقى اثر للكحله والمكياج .. مع اني منقبه .. روحات السوق بالحسره .. والهدايا اللي كل اشوي تجيه من طرف مجهول مع انه بخيل ومقصر معاي .. وانا اللي اهديه بكل مناسبه مع اني مو موظفه .. التكشخ الزايد قبل الطلعه ويلوشن جسمه كله من فوق لي تحت .. السفرااات .. ولا مره من تزوجت سفرني .. تليفونه اللي كله صامت .. لابتوبه اللي ممنوع المس او الاقتراب .. وتلفونه كذلك .. حياتنا خصوصيات بخصوصيات ..
صبرت وسكت وقلت احاول فيه واغيره واجذبه لي .. وما قصرت معاه بشي حاطته بعيوووني بس مو معناها اني اسكت عن الغلط لا ابين له ان هالشي ما يعجبني .. بس لا حياة لمن تنادي .. صبرت وصبرت وحاولت وحاولت ومن طريقه لي طريقه ومن فكره لي فكره ومن اسلوب لي اسلوب ولا فاااد !! لين جا اليوم اللي قلت اقطع الشك باليقين وبطلت تليفونه واهو نايم بطريقه .. وشفت المسجااات اللي خلتني اكره الساعه اللي تزوجته فيها قمت اصيح بشكل لا ارادي من الصدمه .. وابجي وصرت ارجع من الصدمه والله ما ابالغ صار معاي قولون عصبي .. صحيح كنت شاكه لكن الكلام كان قوي حيل .. قام اهو مخترع اشفيج منو مات ؟؟ اهلج فيهم شي؟؟ وفجأه انتبه لتليفونه وتغير وجهه وقال شاللي جاب تليفوني عندج ؟؟ قلت جابه لي الله .. الله يبيني اكشف حقيقتك واعرف قدري ؟؟ قدري رخيص عندك .. ليش الكلام الحلو لهم وانا ماعمري سمعت كلمه حلوه من خذيتك؟؟ شاللي فيهم مو فيني ؟؟ صارو الواطيات احسن مني ؟؟ عطيتك عيوووني وانت شنو عطيتني؟؟ عطيتني جرح اكبر منه مافيه !! تقولها احبج وانا شبقيت لي؟؟ حب ونومه وشقق ومخيمات !! ااااه يا القهر .. شلت اغراضي ورحت لأهلي لأني ماقدرت اقعد دقيقه معاه .. كنت تعبانه نفسيا وجسديا .. قعدت 3 شهور وهو رايح وراد على بيتنا يحاول فيني ويعتذر ووعدني يتغير .. وردني ابوي له .. ووقتها ماكنت حملت بعد .. ورديت وانا ماخذه عهد ما انبش بشي حتى لو شكيت .. لأنه عطاني الوعد ولأني احبه ومابي احس بنفس الشعور اللي قبل .. لأني حساسه واتعب بسرعه .. واستمرينا بالبدايه طبيعي وحلوين وبعدين بدا يرد لنفس السوالف .. يبين من التصرفات وكنت اتغاضى وكل ما يبعد عني اقرب له .. جد كنت اضغط على نفسي واتناسى جرحي ! وحملت وولدت ببنتي ..لين جا اليوم اللي شاء الله انه يكشفه لي بدون ما اسوي ولا شي .. نسى بوكه ولما جيت اخذ صوره بنتي لقيت وراها صوره مخشوشه .. صوره عشيقته !! طبعا اهي وحده من الف !! اهني مادري شلون اوصف احساسي !! لكني بكيت بحسره ما يعلمها الا الله وما قدرت اقول الا حسبي الله عليه وعلى بنات الحرام .. وبدال ما اكون حرم محمد باشا صرت طليقه الخاين باشا .. لأني طلبت الطلاق وما طلقني على طول حاول وحاول واهله حاولو لكن مارديت عليه بكلمه وحده ولاعاتبته مع ان ودي لو تكلمت لكن ماقدرت لأن خاطري طاب منه وجرحي خلاني استخسر فيه الكلام !! وبعد محاولات طلقني .. حرم بنته وحرمني الحياة الزوجيه والاستقرار عشان شنو ؟؟ عشان شهواات

يمكن البعض يلومني على قراري او يشوفونه انه مو صح لكن .. ابدا ماتحسفت عليه .. وللصبر حدود ولكل انسان قدرات ..ماقلت هالكلام احرضج ع الطلاق لا وربي بس الشي بالشي يذكر وانا توني متطلقه وللحين بحرتي .. ادعوووولي يا بنات الله يصبرني ويخليلي بنتي ويقدرني اعيشها احلى عيشه واعوضها .. والله يعوضني لأن من ترك شيئا لله عوضه الله خيرا منه
الله يصبرج اختي ويسخرلج زوجج ادعيله وحاولي فيه عسى الله يهديه ..

 

[هيبة ملك]

الله يعينج

والله مادري شقولج

 

[dandoonah]

حياتي لازم تتاكدين اذا سالفه مطاعم وبس طوفيها وادعيله وحاولي تنصحينه بس حبي تاكدي منه انه علاقته ما توصل للشقق تاكدي حبيبتي ترا احنا بعصر الايدز اهموا يخربط وغيره يتحمل الغلط انتبهي وتاكدي وانا اختج وهذا الحجي لكل المتزوجات ترا في بنات يجرون الريال للفراش اصحوا الزنا بيعدونكم الايدز اصحواااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

 

[قلب مغليك]

رد : && تكفــــــــون ... شورو علي شسوي مع زوجي &&

حنا برمضان ادعيله الله يسخره لج ويبعد عنه بنات الحرام ومايشوف غيرج يارب

 

[MoonDiamond]

رد: رد : && تكفــــــــون ... شورو علي شسوي مع زوجي &&

حبيبتي نصيحة مني لا تفاتحينه بالموضوع أبد
ألحين أهو عاملك حساب ويخبي عنك بس اذا عرف أنك عرفتي بالموضوع
راح يسوي كل شي قدامك ولا راح يسأل فيك.....

ولا تقولين أتعرف علي رجال أنتي تبين تقهرين زوجك بس اللي بتسوينة حرام
ويمكن مثل ما أنتي تدعين على أصحاب زوجك بكره أحد يدعي عليك زوجة ولا أم
(كن مظلوما ولا تكن ظالما)
لا تقولين كيذا يزيد ربي مصيبتك ألزمي الاستغفار والدعاء وربي بياخذ حقك منه....

(نصيحة من أخت لك في الله)
أتمنى ما أكون ثقلت عليك

انا معاها
تغيشمي وطنشي

 

["اسطورة العشق"]

حبيتي مادري شقولج صج صج الله يعينج و يعين قلبج
بس انا مع البنات الي قالو لا تواجهينه عشان لا يستقوي و يصير كل شي عيني عينك
و هم لا تسكتين عن الموضوع بالمره انتي شكلج ضد فكره الطلاق بس ترى مثل ما قالت الاخت خوفج من كثر البنات يحوشه مرض لا سمح الله و ينتقلج ايدز و الا مصيبه


حرم محمد باشا قرارج 100% صح و الغلط انج ما طلقتي من اول مره قبل لا تحملين و يصير عندج بنت
لان هالنوعيه مستحيل يتعدلوووون و مو كفو احد يصبر عشانهم ...

 

[om MaRyooM]

لاحول ولاقوة الا بالله


ربي يعينج على مابلاج .. شنو هالانسان العديم احساس !!!!!!! الله يعينج ... لازم تكونين صارمة معاه

دامج فاتحتيه بالموضوع يعني يدري انج جاكته ... ونصيحة الزمي بيتج كثر ماتقدرين .. وان طلعتي لأهلج لاتطولين عن بيتج لاتخليله مجال

وقعدي معاه صارحيه قوليله شاللي قاصرك ؟؟؟؟؟؟ استاهل منك جذي ؟؟؟؟؟

وادعيله بالهداية ... اذا واثقة من حبه لج صبري وتحملي .. اذا مونافج بشي وكله خيانات واهانات وطق وعدم احترام شتبين بهالعيشة ... انا مابي اشيشج بس القرار بيدج ياقلبي

والله يهديه ويسخره لج ... ولاتنسين صلاة الاستخارة كل يوم كل يوووم ..

والله يرزقج على قد نيتج

 

[pink velvet]

اختي حاسه فيج وبكل كلمه قلتيها وحاسه بالنار اللي انتي فيها لأني احترقت منها نفسج .. والله احس انج تتكلمين عن زوجي مو زوجج .. بالقفل اللي بتليفونه .. بتليفونه اللي تحت المخده .. بطلعاته اللي ماتكون الا لما اكون عند اهلي .. وانا عمري ماطلعت معاه.. بحرصه على لبسي دسوس واغسل وجهي بماي وصابون عشان مايبقى اثر للكحله والمكياج .. مع اني منقبه .. روحات السوق بالحسره .. والهدايا اللي كل اشوي تجيه من طرف مجهول مع انه بخيل ومقصر معاي .. وانا اللي اهديه بكل مناسبه مع اني مو موظفه .. التكشخ الزايد قبل الطلعه ويلوشن جسمه كله من فوق لي تحت .. السفرااات .. ولا مره من تزوجت سفرني .. تليفونه اللي كله صامت .. لابتوبه اللي ممنوع المس او الاقتراب .. وتلفونه كذلك .. حياتنا خصوصيات بخصوصيات ..
صبرت وسكت وقلت احاول فيه واغيره واجذبه لي .. وما قصرت معاه بشي حاطته بعيوووني بس مو معناها اني اسكت عن الغلط لا ابين له ان هالشي ما يعجبني .. بس لا حياة لمن تنادي .. صبرت وصبرت وحاولت وحاولت ومن طريقه لي طريقه ومن فكره لي فكره ومن اسلوب لي اسلوب ولا فاااد !! لين جا اليوم اللي قلت اقطع الشك باليقين وبطلت تليفونه واهو نايم بطريقه .. وشفت المسجااات اللي خلتني اكره الساعه اللي تزوجته فيها قمت اصيح بشكل لا ارادي من الصدمه .. وابجي وصرت ارجع من الصدمه والله ما ابالغ صار معاي قولون عصبي .. صحيح كنت شاكه لكن الكلام كان قوي حيل .. قام اهو مخترع اشفيج منو مات ؟؟ اهلج فيهم شي؟؟ وفجأه انتبه لتليفونه وتغير وجهه وقال شاللي جاب تليفوني عندج ؟؟ قلت جابه لي الله .. الله يبيني اكشف حقيقتك واعرف قدري ؟؟ قدري رخيص عندك .. ليش الكلام الحلو لهم وانا ماعمري سمعت كلمه حلوه من خذيتك؟؟ شاللي فيهم مو فيني ؟؟ صارو الواطيات احسن مني ؟؟ عطيتك عيوووني وانت شنو عطيتني؟؟ عطيتني جرح اكبر منه مافيه !! تقولها احبج وانا شبقيت لي؟؟ حب ونومه وشقق ومخيمات !! ااااه يا القهر .. شلت اغراضي ورحت لأهلي لأني ماقدرت اقعد دقيقه معاه .. كنت تعبانه نفسيا وجسديا .. قعدت 3 شهور وهو رايح وراد على بيتنا يحاول فيني ويعتذر ووعدني يتغير .. وردني ابوي له .. ووقتها ماكنت حملت بعد .. ورديت وانا ماخذه عهد ما انبش بشي حتى لو شكيت .. لأنه عطاني الوعد ولأني احبه ومابي احس بنفس الشعور اللي قبل .. لأني حساسه واتعب بسرعه .. واستمرينا بالبدايه طبيعي وحلوين وبعدين بدا يرد لنفس السوالف .. يبين من التصرفات وكنت اتغاضى وكل ما يبعد عني اقرب له .. جد كنت اضغط على نفسي واتناسى جرحي ! وحملت وولدت ببنتي ..لين جا اليوم اللي شاء الله انه يكشفه لي بدون ما اسوي ولا شي .. نسى بوكه ولما جيت اخذ صوره بنتي لقيت وراها صوره مخشوشه .. صوره عشيقته !! طبعا اهي وحده من الف !! اهني مادري شلون اوصف احساسي !! لكني بكيت بحسره ما يعلمها الا الله وما قدرت اقول الا حسبي الله عليه وعلى بنات الحرام .. وبدال ما اكون حرم محمد باشا صرت طليقه الخاين باشا .. لأني طلبت الطلاق وما طلقني على طول حاول وحاول واهله حاولو لكن مارديت عليه بكلمه وحده ولاعاتبته مع ان ودي لو تكلمت لكن ماقدرت لأن خاطري طاب منه وجرحي خلاني استخسر فيه الكلام !! وبعد محاولات طلقني .. حرم بنته وحرمني الحياة الزوجيه والاستقرار عشان شنو ؟؟ عشان شهواات

يمكن البعض يلومني على قراري او يشوفونه انه مو صح لكن .. ابدا ماتحسفت عليه .. وللصبر حدود ولكل انسان قدرات ..ماقلت هالكلام احرضج ع الطلاق لا وربي بس الشي بالشي يذكر وانا توني متطلقه وللحين بحرتي .. ادعوووولي يا بنات الله يصبرني ويخليلي بنتي ويقدرني اعيشها احلى عيشه واعوضها .. والله يعوضني لأن من ترك شيئا لله عوضه الله خيرا منه
الله يصبرج اختي ويسخرلج زوجج ادعيله وحاولي فيه عسى الله يهديه ..

ربي يعوضج باللي احسن منه
لا تتحسفين على واحد سربوتي...................
الله يعوضنا وهذا نصيبج الله كاتبلج تنفصلين عنه
وزين انتي اللي رفستيه مو هو خليه يحس بانه ولا شي
ويمكن يتسنع ويرجعلج ماتدرين

عموما انا مالبسني دسوس لانه تزوجني وانا عندي شخصيتي بال22 سنه
بس وافقت ع الراس

ومااحط مكياج
بس صارلي سنتين لي رحت معاه بالذااااااااااات (( احط مكياج وعدسات عسليه غامجه وماسكرا دبل من لانكوم ))
بس ناعم لكن عيوني تطلع حلوه حيييييييييييل لدرجه حريم يمسكوني بالسوق على ماسكرتي شكلها مغريه وروعه
انا اعكفها بالحراره وتطلع طايره
وهو ما يدري يقولي مكياجك ومادري ايش
ورحت معاه طبيب اسنان سويت عيوني بس ولبست شيله شيفون وعبايه راس بس مو وسيعه مغريه تقدرين تقولين عنها جني فراشه
ولما اطلع مع خواتي لا عادي اطلع باي شي
بس عنده المكياج والطيب ضروري
لانه هذا علاجه
واظافري طوال وكله اوسمهم ويأذيني دسوس اقوله مابي
سمع ناظرت مدرستي تقولي مره ايدج مغريه وملفته للنظره جان مسك علي الا دسوس وعاندته مالبست

الله يقدرني واشككه فيني اكثر واحررررررررررره اكثر واجننه اكثر

للاسف هذا اللي راح ينفع مع زوجي

ومن امس وعقب اعترافاتي بنات
ماقلب السالفه علي لا شي بالعكس احسه متفشل من كشفي لحقيقته

يتلزق فيني ويخلي تلفوني عندي وينزل تحت للدوانيه يعني يبيني اثق فيه:016:
عقب شنو اثق

ادري انه عنده تلفونات بسيارته:lkmnkl:

 

[مظلومه ظلم]

رد : && تكفــــــــون ... شورو علي شسوي مع زوجي &&

حبيبتي طنشيه وربي يموتون عالطناش ودقي دقمه الثقل الله يفرج عنج ان شاء الله

 

[pink velvet]

88
8
بعد عمري كاني اطنش واحر واثقل وامثل خاينه

والله يعين واقهره مثل ماقهرني

بنات احس ردودكم تخليني قويــــــــــــــــــه
الله يريحكم بهالرمضان ويفرج عنكم كل معسر يارب

 

[كويتيهx5]

كلش كلش مو حل تخوني

انا دم ضروسي الخيانه

واهوو مايسوى تغضبين ربج عشانه

ربج قادر يعدل كل شىء لا تقولين ما يتعدل

عدلي بعمرج اول شىء تعدلي انتي والله و انج تنحطين على الجرح يبرى اهوو ما يبين بعينه لاتركضين وراه خففي من تجسسج وريح اعصابج
عامليه برود
رايح يتغير واهوو يدور علييج

حبي امه وعامليه مثل امج

والله يهدي بالج وسرج ويسخره لج

 

[شذى الحب]

الله يااخذ البنااات الحرام اللي ماايخاافون من الله بنااات ابليس ترس الشوااارع

الله يسخر قلبه لج يارب

 

[جوري 2007]

وااي عورتي قلبي

شوفي حبيبتي غيري طريقتج وياه نهائيا يعني سويلج نظام كامل متكامل اسمه "راح استرد زوجي مهما يكون "

بس بعد ماتدرسين وضعه عدل

لاتناقشينه بهالموضوع كلش بس قعدي وياه وقوليله انج تبين انتي والعيال طلعة اسبوعية وصري عليها

لما تطلعون حطي ايدج بايده ، قوليله بالعيد احجز لنا شاليه ، طلعي وياه هالايام وقوليله نبي هدوم واغراض للعيد واذا قالج

روحي بروحج قوليله ماقدر على عيالك وطلباتهم لازم انته تيي ويانا باخر الطلعة روحوا مطعم

انا اللي اقصده انج تكونين معاه دايما انتي والعيال ولاتصير عنده فجة حق بنات الليل الله ياخذهم

طلبي منه فلوس دايما ، لاتصرفين من جيبج او غيري اثاث البيت

لاتصير بيده فلوس عشان لايصرفها على الخرابيط والسفرات

اذا قالج بروح السعودية رفضي او قوليله بنيي وياك ودنا العمرة على الاقل

عيشي وياه على انج الوحيدة بحياته ولاتفاتحينه بموضوع الخيانة ورجعيه لج بروحج

خلج قوية وفرضي شروطج وصري عليها

ولاتنسين قيام الليل ترى فيه كل الخير