تكفــون حاسة في شي غلط {{ نصاب المعلمة}}

[دنياك دنياي]

السلام عـــــــــــــــــــــليكم بنــات شلـــونكم


السالفه وما فيها الادارة غيرت جدولنا انا والي ومعــــــــــــــــــاي

الي اعرفه انه المعلمة الف 3 حلقات ولا 1 لاصفي

وباء حلقتين ولا صفينن


مدرسات الروضة كلهم جذي

الا انا حلقتين و 3 لاصفيــات احس في شي غلط وااااااااااااااااااااايد متعب طوول ايام الاسبووع شغاله المفروض يشيلون لاصفي واحد صح ولا لا

 

[(كويتيه عسل)]

رد: تكفــون حاسة في شي غلط

انا موابلة روضة وموفاهمه نظامكم بس حبيت اقول

حسبي الله على الظلم اكثر شي اكرهه في الدنيا الظلم

ذكرتيني في روحي كنت اعلى نصاب في القسم علبونه يديده

عفستهم وسويتلهم صيحه وسالفه شكبرها لاصارت ولا استوت

بعدين خففو عني وشالولي صف واحد والمفروض اكثر بس ميخاليف العوض ولا القطيعه شسوي بعد

 

[nero]

رد: تكفــون حاسة في شي غلط

حبيبتي ترا هالشي عادي

كل الجداول جذي .. خصوصن انكم اولى

واولى ما عندهم لاصفي موسيقى .. والا جان صار عندج 2 لاصفي


انتي قارني الجدول بجدول الصف الي يمكم .. وكلمي الوكيله

قوليلها في غلط بالموضوع الفلاني

ولا تدعين عليها

جل من لا يسهوو .. اكيد غلطه وراح تتصلح

واذا مو غلطه فاهي راح توضح لج السبب

وحياج الله يا حلوه

 

[*أم*خالد*]

احنا عندنا الجدول يقلب بكل اسبوع فـ مانحس بالظلم زود

 

[منورة]

ماني فاهمة اذا انتي ب ومافي ج يكون عليج حلقتين وثلاث لاصفي من ضمنهم الموسيقى

اما أ ثلاث حلقات ولاصفي 2 مادري تغير توزيع الجدول ولا انا غلطانة

ولازم تعرفين شي ساعات نقلب الكورس الثاني واول كنا نقلب كل اسبوع يعني تاخذ جدولي واخذ جدولها



في شي مهم اذا الموسيقى بالانصراف يحقلج تاخذينهم لاصفي وماتقدمين شي مجرد اغاني النشاط لان المفروض ثلاث لاصقي ثابت و2 حر اكثر من جذي مايصير احنا جذي مطبقينة ساعات يدرون بس يطنشون روحي كلمي الوكيلة اذا سكتي بينوكل حقج انا شكيت بشغلة ورحت سألت لقيت معطيني شي اكثر من نصابي غيرتة الحق حق ^ــــــ^

 

[عهود الحب]

شنو اللاصفيات بالضبط الي عليج
المكتبة والحركية لازم على وحدة منكم مكتبة والثانية حركية معروفة هالنقطة
والموسيقى المفردة وين راحت اذا ماكو موسيقى حطي ثابت بدالها لاصفي خفيف مثال : استنبات / العاب تربوية
باقي اللاصفيات شنو؟
اذا حاسة بظلم كلميهم
بس ممكن يكون اذا هي حامل او تعبانة ممكن يضغطون الي معاها بس هم تاخذ جدول ماكو دلع الحق حق

 

[miamy]

عادي جدولج صح

شوفي انا معلم أ عندي 3 حلفات و2 لاصفي (حركيه و شي ثاني)

واللي معاي معلم ب حلقتين و3لا صفيات (مكتبه و...)


عاد الكورس الياي انا اخذ جدولها وبالعكس