تكفون الله يخليكم محتاجه ردكم حق تحاميل ( سايكلوجيست ) تثبيت الحمل شلون طريقتها

[قرقيعان]

السلام عليكم

تحاميل البروجسترون ( سايكلوجيست ). آخذها عن طريق المهبل او الشرج

اليوم كنت عند الدكتور وقالي ضروري تاخذينها وحاطه في بالي عن طرق المهبل تحميله بس لما قريت الورقه داخل الكرتونه الوصفه مكتوب المهبل وايضا الشرج. وهي ضروريه عشان تثبت الحمل

وانا استخدمتها اول تحميله عن طريق المهبل. هل صحيح او غلط. لازم اغير
تكفووووون ردوا علي. ماعندي رقم موبايل دكتوري عمرو الصياد وعيادته الخميس بعد الظهر والجمعه مصكره


توهقت وماني عارفه ايهما الصح*

والسلام عليكم

 

[shjoonaa]

عادي تاخذينه من الصوبين (المهبل/الشرج) انا كنت اخذ التحميله لمده ثلاث اشهر وسألت دكتورتي قالت عادي

 

[قرقيعان]

انا اليوم خذيته اول مره عن طريق المهبل هل اقدر اغيره الي الشرج في التحميله الثانيه بعد ١٢ ساعه

مشكووووووره وااااايد عالرد بس انتي اي طريقه استخدممتي

 

[@ام يوسف@]

ااااااااب

 

[@سيدة نفسي@]

اي ياحبيبتي عااااااااادي تاخذينها من الصوبين ,,

عن نفسي انا كنت أستخدمها ورااااا مو جدام ,, أسهل وأريح

يمكن من جدام تصير فاعليتها أقوى >>> هذا اجتهاد مني

انتي سوي اللي يريحج ,, والله يثبته لج وتقر عينج بشوفته

 

[أم هدوله]

انا كل مره اسوي اطفال أنابيب ولا عمري استخدمتها في المهبل علي كلام الدكتوره تحاميل شرجيه كل ٨ ساعات
وليلحين استخدمتم

 

[زين ودلال]

حبيبتي انا استخدمهم عن طريق الشرج دكتورتي قالت افضل عن طريق الشرج عشان الالتهابات والافرازات تكون من ورا احسن واسهل

 

[dodoooo]

مهبلية احسن لان تركيز الهرمون بيكون اعلى

 

[قرقيعان]

اول تحميله ف المهبل واحس الام دوره بطني عادي هالشي*

 

[@سيدة نفسي@]

اي عادي تحسين ببعض التقلصات بس المهم ترتاحين لاتمشين واايد

لاتشيلين شي ثقيل واستمري عالتحاميل لين تكملين

الشهر الثالث ,, انا كنت أقول :

اللهم يامن أمسكت السماء أن تقع على الأرض بغير عمد اللهم أمسك مافي بطني

أن يقع ,, اللهم اني أستودعك مافي بطني يامن لاتضيع ودائعه ,,

 

[كويتيه مذهله 87]

حبيبتي انا كنت اخذ هالتحاميل شرجيه والدكتوره قالتلي شرجيه مفعولها اقوي والي قالت مهبليه غلطانه لاني راجعت خاص عند د فوزيه القطان وحكومه بالصباح كلهم مثل الحجي شرجيه افضل
بس عادي مهبليه مايضر وصاجه تحسين بتقلصات هالشي طبيعي من تحطينها انسدحي علي الاقل ربع ساعه انا كنت احطها وانام وهي مرتين باليوم كل 12 ساعه
وخذيتها لي الشهر الخامس ووقفتها لاني عندي حالات اجهاض من قبل

 

[ملح الدنيا فيني]

ه تحاميل شرجيه كل ٨ ساعات

 

[elpinkya]

شرجيه افضل واااايد

اولا لانج راح تستخدمينها مرتين فاليوم كل ١٢ ساعه
وادخلينها بالمهبل و المهبل حساس بسرعه يلتهب

ثانيا مع الحركه ممكن تطلع او تتسرب لي بره

و ممكن ما ادخلينها عدل و الي يقولج مهبليه افضل تغذي الرحم علي طول ومادري شنو غلطانه

شرجيه تضمنين دخولها ولكثرة الأوعية الدمويه بالشرج تمتص بسهوله و بسرعه و ضمان الاستفاده منها لانه ما راح يصير لها تسرب

و انا عن نفسي استخدمها شرجيه

 

[Q8Ya GiRL]

حبيبتي هي تصير من الصوبين
بس بالشرج احسن لان ساعات تصير افرازات
انا كنت استعملها بالشرج لان مره استخدمتها بالمهبل وصج حسيت الم وكل شوي احسها بتطيح
انتي الحين استعمليها بالشرج والزياره اليايه سالي الدكتور
ويا رب يتمم عليج بصحه وعافيه

 

[q8sweeta]

استخدميها شرجيه في حالة نزيف او التهايات في المهبل
او مهبليه اذا عندج مشاكل في الشرج او بواسير
عيب اشرجيه تسبب غازات ونفخه وتاذي
والمهبليه افضل بس دخليها عدل عشان ماتسرب
وحاولي تريحين

 

[جمانه وحنين]

ااااااااب

 

[قرقيعان]

اللهم لك الحمد لهذا المنتدي الرائع والبنات الطيبات فيهن
جزاكن الله خيرااا

استخدمتها عن طريق المهبل .. حاليا دكتوري مسافر .. وبناءأ علي كلامكم ورودكم في المنتدي انها اافضل عن طريق المستقيم (الشرج) شكلي بغير

ومادري شوقولكم يا ببنات .. كفيتوا ووفيتوا

جزاكن الله خيرااا ووفقكن جميعا وعفا عنكم وأعتقكم من النار بهذه الايام الفضيله من العشر الاواخر من رمضان وايضا اصحاب هذا المنتدي الطيب والقائمين عليه .. آمين آمين آمين​

 

[@سيدة نفسي@]

جزااااج الله خييييييييييييييييييير على هالدعوة الطيبة