تكفون بسرعه بسرعه

[panadool]

السلام عليكم

بنات تكفون لحقو علي حدي ميته من الخرعه انا توني شاريه لاب توب وصارلي جم يوم أشبك مع اخوي يدرس برا وبنت عمتي وأشغل الكامرا معاهم ونسولف .. بس اليوم كنت شابكه ودشت علي بنت عمتي وقالتلي فجي الكامرا قتلها اوكي بس خنخلص من اخوي لأن الكامرا ماتتبطل بمكانين بالمسنجر قالتلي انطرج أنا هني استغربت شوي .. وبعدين خلصت وكلمتها ولا كامرتها مغطيه قتلها ليش جان اتقولي لأني توني طالعه من الحمام مولابسه شي أنا تبين اتشوفين .. اناه هني شكيت شوي شوي ولا اتقولي حلوه بلوزتج وريني إياها ونزلي الكامرا شوي بشوفها وانا الهبله طعتها وريتها البجامه عاد الحمدلله بجامتي مستره .. وقتلها شاريتها من سوق الديره ... عاد قلت بتأكد اهي ولا لأ؟ لأني شكيت بشي غريب سألتها عن اختها ولا تفصل اتقول بروح انام ... ومرت ساعتين وردت اشبكت جان أقولها ليش فصلتي بسرعه مساعه اتقول أنا موشابكه اليوم كلش كنت طالعه أنا هني خبصني قلبي ... بناااااااااااااااات تكفون شسوي الحين ما ادري منو اللي كان غكلمني إصير إبوق صورتي انا ماكنت لابسه حجابي والله ما أدري حدي خايفه تكفون فيدوني ما أقدر انام حدي خايفه ومنقهره

 

[CANDLES]

عطي ايميلها بلوك دليت ولما اتكلمينها بالموبايل قوليلها انج عطيتيها لان ايميلها مبيوق وان في احد ثاني تكلم وياج يا انها اتسوي لها ايميل ثاني وتضيفينها فيه او لا تضيفين ايميلها المبيوق هذا خلاص

وكامرتج حطي عليها لزقه غطيها كلها ولا تستقبلين اي شي يطلب منج انج اتشغلين الكام لاتشغلينه كلش وحطي لزقه ودربالج مره ثانيه
وان شاءالله ماكو الا الخير شي صار وخلاص ونتي ماتدرين وسوي مثل ماقلت لج

 

[panadool]

مشكوره اختي بس الحين يقدر إبوق صورتي

 

[CANDLES]

لا مايقدر بس اذا هكرز اظن يقدر غيره لا

بس اشلون بطل الكام بروحه يعني مو انتي الي استقبلتي موافقتي على هالشي اذا ماكان هكرز مايقدر يفتحها بروحه لازم انتي توافقين على القبول

 

[panadool]

غي انا وافقت لأن عبالي بنت عمتي لأن كان إيميلها وكل يوم اسولف معاها منه

 

[CANDLES]

اها
اوكي خلاص انسي لاتحاتين وادعي ربج ان شاءالله مايصير الا الخير وعطي الايميل بلوك دليت وخلاص
واذا اهوا صج يخاف ربه ماراح يسوي شي خلاص شاف وسكت ودربالج مره ثانيه كوني حريضه اكثر
ومايقدر يسوي شي بالفيديو او شي لاتخافين

 

[اوراد العشق]

الله يصبرج
والله انا انصدمت
وانشالله مافي الا كل خير
وبعدين ديري بالج على نفسي
واي احد يبي يشوفج من اهلج بالكام قولي دقي على نقالي رنه ((علشان تتــأكدين انه بنت عمج او اخوج))

 

[ذهـ الكويت ـب]

انشالله ماافي الا الخير خيتو هونيها

حتى لوصورج مااراح تكون وااضحه خيتو

وبعدين وااضح انه مااطول معاج صح؟

بسيط انشالله

مااكو الا الخير وحسبي الله عليهم

يمكن بنت عمج مسويه فيج دقه او شي

برب

 

[stop4]

اسفه على التدخل بس ما اظن ايميلها مبيوق اظن ان جهازها مخترق

اول شي خليها تسوي فورمات لجهازها وتنظفه
وبعدين خليها تغير بيانات الايميل ( الدوله - المنطقه - الكلمه السريه )

ونصيحه للجميع ابتعدوا عن الكاميرات حتى لو متأكده ان اللي تكلمك صديقتج ما تدرين يمكن جهازها مخترق واللي مخترقه قاعد ويشوف كل شي

اللهم اني قد بلغت اللهم فأشهد

وشكرا

 

[مطيريه ماركه]

نصيحة من أخت لآ تبطلين الكآم حتى لأبوج عآلم النت مآفيه أمان