تكفون بنات بخصوص الفصل من جامعة الكويت !!

[كويتية وطنية]

بنات كان عندي انذار معدل ثاني ونزلي الثالث هالكورس ومعاه لقيت بالسستم وضع الطالب مفصول !!

لحقوني تكفون شنو الحل ؟؟ شنو اسوي

امي اذا درت الله يستر !! بليز بنات قولولي الحل .. فعلأ نفسيتي تعبت من الصدمه

الله يوفقها اللي تعطيني الحل حق مصيبتي (((((​

 

[Afra7ii]

رد : تكفون بنات بخصوص الفصل من جامعة الكويت !!

حبيبتي انا اختي صارلها نفس الشي
روحي العماده بشوييخ وتأكدي من الموضوع
وانشالله مايصير الا كل خيير:yaaaaaarb:​

 

[كويتية وطنية]

حبيبتي شسووا حق اختج؟؟
ومشكوره عالرد يالغاليه

 

[Afra7ii]

رد : تكفون بنات بخصوص الفصل من جامعة الكويت !!

انا مادري اختي جم انذار كان عندها
بس اهم دشو السستم من عندهم و قالولها باي باي
مابي اخرعج حبيبتي بس كاتبين بالدليل ان يعطون كورس اضافي عشان يرفع فيه معدله
روحيو تأكدي حبيبتي حجي العماده اضمن من كلامي ​

 

[ميك اب فور ايفر]

اب اب اب
انا مااعرف سشالفه
بس عشان البنات يفيدوونج

 

[كويتية وطنية]

:yaaaaaarb: يردوني (((((((
:eh_s(16)::eh_s(16)::eh_s(16):

 

[قاهره عذالي]

رد : تكفون بنات بخصوص الفصل من جامعة الكويت !!

روحي العماده ترا دوامهم جنه لي ال2 الظهر

الحين لو تروحين تلقينهم موجودين

 

[أم حمد =)]

رد : تكفون بنات بخصوص الفصل من جامعة الكويت !!

راجعي العماده الاحد

 

[zgrtya]

روحي العماده ترا دوامهم جنه لي ال2 الظهر

الحين لو تروحين تلقينهم موجودين

لووووووووول اليوم عطله

وين تروح اليوم :cxxxp:

انا اقولج عندهم حل

انهم يشطبون الكورس الي قبل هذا

و يعطونج كورس راحه

و تدرسين بالصيفي !!

مادري اذا بيسوون لج جي او لا !

انتي روحي راجعيهم

و موفقه خير

 

[بصْمةُ ضِيَاءْ]

رد : تكفون بنات بخصوص الفصل من جامعة الكويت !!

الله يطمنج:cxxxp:

 

[Lorda]

mmmm ana gbel nezal ley 4 entharat↲W3ogbhm rfa3t , 3a6oony course estethna2y↲O ana m7awla 3an 6aree8 lajna 5a9a↲↲O kan fi lejan wayed !↲Menhm lajna 7ag elmaf9oleen o beyrdon 8aid.hm↲Bas fi shoro6 ymken 3adad we7dat mo3ayan

 

[مسؤولة تعيين]

رد : تكفون بنات بخصوص الفصل من جامعة الكويت !!

حبيبتي انتي جم وحده مخلصة؟؟؟

 

[أبلة فاتن]

رد : تكفون بنات بخصوص الفصل من جامعة الكويت !!

ياربي على هالمعدل
انتي اخذي مواد اعاده الكورس الجاي
لا تاخذين مواد جديدة
وبعدين يوم كان لج انذار عام ليش ماراجعتي التوجيه والارشاد ؟؟
ولا كلمتي الدكاترة هالكورس
انتي باي كلية ؟
اذكر بلوائح الانذار عندي الورقة
حقت الانذرات محتفظة فيها ​

 

[أبلة فاتن]

رد : تكفون بنات بخصوص الفصل من جامعة الكويت !!

هذا البروشور حق الانذارات شوفي شمكتوب فيه :
مع مراعاة حكم المادة الخامسة يجوزفي بعض الحالات الاستثنائية ان تنظر لجنة الشؤون الطلابية في الجامعة في الالتماسات المقدمة من الطلبة الحاصلين على الانذار الرابع في المعدل العام للنظر في اعطائهم فرصة استثنائية أخيرة
وفقا للشروط :
- الا تزيد المدة التي يحتاجها الطالب للتخرج عن فصل دراسي واحد
- ألا يقل المعدل العام و معدل التخصص عن 1.90
فإن منح الطالب هذه الفرصه ولم يرفع الى المعدل المطلوب تم فصله نهائيا من الجامعه

 

[أبلة فاتن]

رد : تكفون بنات بخصوص الفصل من جامعة الكويت !!

هذا حقج شوفي اختي
مع مراعاة حكم المادة الخامسة يمنح الطالب المفصول لحصوله على الانذار الثالث فصلا دراسيا استثنائيا لرفع معدله العام إذا كان ضمن الشروط الشرائح التالية :

الوحدات المسجلة - الحد الاقصى للمعدل الفصلي المطلوب لرفع الانذار

أكثر من 100 وحده.... b+
60 إلى 100 وحده ... B
أقل من 60 وحده ... B-

فإذا لم يرفع الطالب بعد منحه الفرصه الاستثنائية
للدراسه معدله العام الى المعدل المطلوب
تم فصله من الجامعه ما لم يشمله البند التالي
للي حطيته لج فوق
اتمنى فدتج
الله يسهل كل امورج ياارب
باجر الاحد روحي لان باجر كل الجامعه مداومين
​

 

[يالبيه 17]

رد : تكفون بنات بخصوص الفصل من جامعة الكويت !!

ياحياتي الله يوفقج يارب ويفرجها عليج :yaaaaaarb:

 

[.. عآبرهـ ..]

رد : تكفون بنات بخصوص الفصل من جامعة الكويت !!

اطلبي تعديل وضع ، اتوقع جذيه اسمه
يعطونج فرصه اخيره ترفعين معدلج ، وان شاالله مآيصير الفصل
.

الله يوفقج ويهون عليج ..



​

 

[يا كويتنا]

رد : تكفون بنات بخصوص الفصل من جامعة الكويت !!

واااي ذكرتوني باللي فات

هالسالفه صارت لي سنه ٢٠٠٢

تخيلوا بنات خلصت ٩٠ وحده وبقالي كورس واتخررج

يمهه والله ادموعي انزلت الحين وانا اكتبلكم

حسبيالله ونعم الوكيل

نزلي الانذار الثالث وانا معدلي ١،٦٣

فتخيلوا شقالتلي الموضفه اللي بالعماده القبول والتسجيل روحي سحبي اوراقج لانهم راح يطرشون ورقه لبيتكم انج انفصلتي
لا قالتلي روحي سووي اللتماس ولا اي شي ثاني

حسبي الله. عليها والله كل يوم اتحسب عليها هالسالفه لها ٨ سنوات والله كنه البارح

تخيلوا رحت مالت علي وعلا وجهي وسحبت اوراقي وانا تخصص انجلش تربيه

الحين اشوف رفيجاتي مدرسات وانا اللي كنت اغششهم وياخذون مذكراتي

واااي حسبي الله حسبي الله


واللع قلبي متقطع لمن امر علا كيفان ياربي شهالحظ الردي شخلاني اسحب اوراقي لمن رديت ووعيت علا ادماغي الغبي قالولي لج اربع انذارات وانا بقالي التربيه العمليه وجم ماده بس

 

[white**angel]

يعني لازم اربع انذارات يالله يفصلوون؟؟؟
ياكويتنااا عورتيي قلبيي
مايصير تردين تقدمين اوراقج يسمونه اعادة قيد مادري شنو شي جذي

 

[.. عآبرهـ ..]

رد : تكفون بنات بخصوص الفصل من جامعة الكويت !!

^^^^

امبيــه ليش جذيه الموظفه حسبي الله عليها :eh_s(2):
عالعموم اختي اعتبريهآ خيـــره ، وربج كآتب لج هالشــي ..
ان شاالله ربي يعوضهآ لج بشي احسن منه ..

​