تكفون بنات دشو مقهوره ومتضايقه

[هاجر الكويت]

شلونكم كويتياا شخباركم بنات بدش بالموضوع علطول انا عمري 30متقدم لي واحد زين امي مو مرتاحه اللي اعرفه انا اللي اصلي مو امي تكفون شلون اقنعها توافق انا بهالعمر وهم ترفض لان مو مرتاحه ادعولي الله الله يسخر لي امي واهلي ويوافقون سوري عالبدليات من تلفون اكتب

 

[خيال و مطر]

ان شاء الله حبيبتي بدعيلج بس حاولي تحنين عليها و قوليلها يعني متى أتزوج

 

[عسل سل]

انتي وقدرتج على الاقناع قوليلها الي تحسين فيه والي تبين توصلين لها اياه قولي انا الي بتزوجه موووواحد ثاني انا مو صغيره وعارفه شقرر شسوي

 

[القصيدة]

السلام عليكم و رحمة الله و بركاته

أسألي الوالدة عن سبب عدم ارتياحها ،، يعني إذا مجرد إحساس بدون سبب ،، شئ طبيعي كل أم تقلق لما بنتها تنخطب ،،
و هالقلق المفروض ما يمنع من إتمام الزواج إذا الخاطب مناسب

المهم اسألوا زيـــن عن اللي متقدم لك عن أخلاقه و تعامله و ظروفه

الله يوفقك و يكتب لك اللي فيه الخيــــــــــــــــــر :eh_s(17):
​

 

[روحين في رـوح]

احكيلها :يما عاجبتك قعدتي بالبيت وصرت ب30

احكيلها خلص كبرت لازم انستر واتزوج ازا نتوا هون هلأ بكرى مارح تكونوا" بعد عمر طويل"

 

[مُخملْ]

حبيبتي :
استخيري ، اسألوا عن الولد وأخلاقه وأهله
إذا مافيه عيب وأنتي ارتحتي له اقنعي أمج
أن مافي مانع اييون عندكم البيت وتشوفهم وتتعرف
على طبايعهم .
وأهم شي لاتوافقين لمجرد الزواج أو أنّج وصلتي
لعمر ماتقبلين نفسج فيه " كـ غير متزوجة " .
إذا شفتيه ريّال ماشي صَح وماعليه كلام وأنتي
مرتاحه له وافقي وتوكّلي على الله وأمج بتقتنع
بإذن الله ْ .
وترا مب عيب البنت توصل لهالسن واهي مب متزوجة
المهم أنها ماتتسرع وتوافق على أي ريّال متقدم لها عشان
كلام الناس ، هذا عمر بتعيشه مب يوم ولايومين .
فكري عدل وحكمي عقلج وربّج يعين

الله يفتحها عليج وييسر أمرج ويوفقج لكل خير

 

[سويرا]

انا مع مخمل فكل كلمة قالتها
ترا مب عيب كلش هاذا نصيبج وتفائلي بالخير الجاي احسن باذن الله

واسالو عنه زين

 

[لآلئ وردية]

حبيبتي استخيـري

و استغفري وايـد

و يا رب يسهـل علييـج و تبشريننـا بخيـر

​

 

[لآلئ وردية]

حبيبتي :
استخيري ، اسألوا عن الولد وأخلاقه وأهله
إذا مافيه عيب وأنتي ارتحتي له اقنعي أمج
أن مافي مانع اييون عندكم البيت وتشوفهم وتتعرف
على طبايعهم .
وأهم شي لاتوافقين لمجرد الزواج أو أنّج وصلتي
لعمر ماتقبلين نفسج فيه " كـ غير متزوجة " .
إذا شفتيه ريّال ماشي صَح وماعليه كلام وأنتي
مرتاحه له وافقي وتوكّلي على الله وأمج بتقتنع
بإذن الله ْ .
وترا مب عيب البنت توصل لهالسن واهي مب متزوجة
المهم أنها ماتتسرع وتوافق على أي ريّال متقدم لها عشان
كلام الناس ، هذا عمر بتعيشه مب يوم ولايومين .
فكري عدل وحكمي عقلج وربّج يعين

الله يفتحها عليج وييسر أمرج ويوفقج لكل خير

:rerrerek:

 

[el.mlkaa]

ذكري امج ان عمرج 30 قوليلهاا يمه مو كل يوم بنخطبب قوليلها انا صليييت ارتحتله واااييد لاتكسرين قلبي وبترضى انشالله

 

[BLack doll]

الله أيسر لج أمورج وايلين قلـب أمج يا رب


حبيبتي لحي بالــ دعاء والدعاء والدعاء و كثري إستغفار .. إستخدمي خاتم الأستغفار و أستغفري قد ما تقدرين


و إدعي قولي

اللهم إجعل من أهلي و أهله من ييسر أمرنا

ربي لا تذرني فرداً و أنت خير الوارثيـن

ربي يسر لي أموري وسخره لي زوجـاً صالح .. خير مما أتمنى ومما آمل

والله يوفقج حبيبتي .. الله يقول أدعونـي أســتجيبُ لـكم ,,

وقولي دايماً .. اللهم أرزقني الرزق الحــلا ~

 

[Dwesho]

@@!!
الله يهداها الوالده لها خلللق بعد
تتردد وينقطع النصيب وانتي بهل العمر
انتي اول شي استخيييييري
لان ماتدرين انتي شنووو الاخير لج وينتظرج
واذا ارتحتي صارحيها قوليلها انا عمري 30
تبيني اقعد عندج عاجبج حالي
اقنعيها
واللع يسخرها لج
♡♥

 

[سآق نملة]

استخيري اكثر من مره يمكن انتي استخرتي وارتحتي بس ربج سخر لج امج تمنعج لان فيه خيره لج استخيري اكثر من مره واقنعي امج قولي لها ان عمرج 30 وبتشوفين ذريتج .. ةوعسسى الله يسسخر لج ويرزقج ولد الحلال

 

[سلعوه]

شلون يعني أمج مـا إرتاحت له ؟

من شكله , ولا من إسلوبه , ولا من اصله وفصله ؟

أهلج سألو عن الريال ؟

جم عمره ؟ متزوج ؟ عنده عيال ؟

وايد أسأله تحتاج لإجابات كان مفروض تكون بموضوعج حبيبتي

إحنا ماراح نقدر نقولج إخذيه لإنه مانعرفه ولا حتى عطيتينا نبذه عنه , وبنفس الوقت ما

نقدر نقولج طيعي امج ولا تاخذينه ونكسر بنصيبج !!

يمكن الريال يكون صايع وضايع ويصييب إحساس أمج , وممكن إنه يكون أحس مني ومنج ويبي زواج صادق ...

وهني طبعاً يجي دور أبوج وأخوانج وكل أهلج " بالسؤال عنه "

الله يوفقج .

 

[طالبة1990]

مو يمكن عدم ارتياح الوالدة سببه استخارتج

الاستخارة مو شرط انتي ترتاحين او لا

بس الاستخارة اذا هالشخص مو زين ماتتم الشغلة

او تحصلين احد من اهلج معترض



ولاتنسين قلب الام واحساسها مايخيب

وصدقيني حتى لو عمرج ٣٠ مو عذر تاخذين اي واحد خصوصا اذا امج مو مرتاحة

اذا امج طبعها تعقد الامور ودايما توقف بنصيبج بدون اي عذر مقنع فاقنعيها

اما اذا امج مو هذا طبعها ومو مرتاحة لهالشخص فنصيحتي لج اتبعي احساسها

الاهل يشوفون شي احنا مانشوفه وعاشوا خبرات تأهلهم لرؤية الافضل



نصيحتي الاخيرة لاتدعين ان ربي يسخر امج وتوافق

ادعي ان ربي يهديج للصواب وكرري الاستخارة

وان ربي يقدم لج اللي فيه خير وصالح لدينج ودنياج

 

[بطوووطة$بيضة]

حبيبتي سالي امج ليش مو مرتاحة

مو معقوله بدون سبب

وبعدين حتى لو عمرج ٣٠ شنو يعني تاخذين اي واحد وتتبهذلين عادي عندج

 

[Alias]

أدرسي الموضوع شوفي هالشخص مناسب لج ولا لا. وبعدين كلمي امج. والله يوفقج

 

[رقية // الكويت]

السلام عليكم ورحمة الله وبركاتة

الله ييسر امرج ويفرج كربج ويسعد قلبج ويفرحج بالفرحة الكبيره اللي تسجدين فيها لله باكية من الفرحة اللهم آمين

واستبشري خيرا

 

[كويتيه سبيشل]

حبيبتي ما لج الا الاستخاه والدعااء...

وان شاء الله يكتب اللي فيه الخير......​

 

[خل وملح]

الله يكتب لج اللي فيه خير مابيدي الا الدعاء لج بالستر البنات ماقصرو معاج ياقلبي
الله يوووفقج يااارب