تكفون ساعدوني زوجي بيروح مني بسبب الإحباط

[العصفوره الدلوعه]

:yaaaaaarb::yaaaaaarb::yaaaaaarb:بنات حريم تكفون لحقوني

زوجي يائس و محبط لأنه سمين
يفكر وااااايد ومتضايق
حتى بالبيت ما يسولف ومتكدر وأحس فيه وده يبكي و يصااارخ من البكي

فكرت أوديه لدكتور تغذيه و رحنا حق كم دكتور و ينزل كيلو أو 2 و يردهم لدرجة إنه يعصب حيييل إذا زاد وزنه والله ما ياكل ذاك الزود لكن جسمه قابل للسمنه و يمتن بسررررعه
طوله 174 و وزنه 90 :eh_s(2):

بس لا حد يقول لي رجيم و رياضه
والله تعب من هالشي لأن جسمه بسرررررعه يمتن ويضعف كيلو والا 2 خلال شهر أو أكثر و إذا خربط بأسبوع يرد الدبل :rgewrg::rgewrg:

تصدقون اني أبكي أحيانا إذا شفته معصب أو متضايق حييييل و سرحان


بنات أبي حبوب تخسيس قوييييه و دكتور تغذيه قوي جداجداجدا لأن زوجي يأس من الدكاتره و يقول ان احنا رحنا للدكاتره وماكو فايده ورافض يروح لأي دكتور نهائيا

وإذا كان الدكتور قوي جدا و هو نفسه يعطي حبوب قويين يكون أحسن

أبي نتيجه مضمونه

أنا سمعت عن الدكتور أسامه حمدي اللي يسوي رجيم كيميائي لكن ما حصلت عنوانه و رقم تلفونه و سمعت عن دشتي و رجيمه مادري شسمه و سمعت عن واااايد غيرهم

أرجوكم بنات :yaaaaaarb: والله خايفه على ريلي حالته النفسيه حييييل تعبانه :eh_s(16):

ساعدوني عسى الله يجعلها بميزان حسناتكم

اللي تنصح بدكتور و حبوب تحط عنوان الدكتور ورقم تلفون العياده وإسم الحبوب و وين ألقاهم:yaaaaaarb::yaaaaaarb::yaaaaaarb::eh_s(16)::eh_s(16)::lkmnkl::lkmnkl::0bee2e8d89::0bee2e8d89:

 

[Heaven Light]

حبيبتي انتي حاولي تسوين له رجيم بالبيت من غير لا ينتبه .. يعني سوي كمية اكل قليلة واطبخي بدون دهون .. وحاولي تشيلين من البيت كل الحلو والنشويات ..

وحاولي تمشين يوميا معه عالبحر او الممشى وتديجيا راح تلقينه يضعف بدون ما ينتبه ..

 

[*وهم*]

اختي في اسباب ثانيه ماتخلي الوزن ينزل


الغده الدرقيه + الهرمونات في ناس مايعرفون ان هذا سبب ثبات وزنهم مهما حرمو نفسهم وسوو رياضه

لازم دكتور متخصص في هذا المجال

 

[العصفوره الدلوعه]

مشكورين حبيباتي على الردود

بس من كثر ما رحنا حق دكاتره

زوجي سووله تحاليل وطلع سليم الغده والهرمونات و وايد شغلات بعد


بس الوزن يصعد بسررررعه
و صعب جداجدا ينزل

عشان جذيه أبي حبوب كيميائي أي شي قوي و ينزل الوزن بسرعه ((لأنه بيكون بسرعه بالنسبه لنا بس بالنسبه له بيكون عادي مو سريع)) لأنه ما ينزل مثلنا ينزل بطييييييئ

 

[منولتي]

في حبوب اسمها الزنكال ཽواٍُلٍِّّّلهཻྲ اتشيل كل الدهنيات
اللي فيه وضعفه ع طول أنـْْ♡ـْْا مجربتها بتنزل الدهون
مع الخروج عزكم الله

 

[العصفوره الدلوعه]

هلا اختي بالنسبه للزينكال جربها زوجي بس تعب منها ﻷنها أعزكم الله ما يلحق يروح الحمام .....

فتركها وما اقتنع يكمل وحتى الفتره اللي استعملها ما فادته وايد
تطفوووون نبي العضوات الباجي وييييينكم

 

[أإأم روويم]

أإأب أإأب

 

[sanyoretaQ8]

يمكن فيه غده خيسوي تحليل شامل ويشوف وين المشكله

 

[العصفوره الدلوعه]

مشكوره على رفع الموضوع

و بالنسبه للتحاليل سواهم من شهر تقريبا وكل شي سلييييم

نو سليم ما فيه شي لكن وزنه بسررررعه يزيد و صعب جداجدا ينزل

 

[كويتيه فرنسيه]

اول شي ترا زوجج مو سمين كثير فلاتكبرون الموضوع

انا اعطيج حل بلا حبوب ومواد كيميائيه ضاره

اول شي خليه يشترك بالوجبات الصحيه وايد ناس ضعفو عليها

ويوميا روحو تمشو ساعه عالبحر او بالمول او اي مكان وخل يبعد عن المطاعم

ومووفقن ان شاء الله

 

[ريم مزيونة 1996]

اب اب​

 

[العصفوره الدلوعه]

مشكوره أختي كويتيه فرنسيه

وأشكرج مريوووم على الرفع

 

[نـعـومـه]

واااي نفس مشكله زوجي بضبط ولا نفس وزن زوجج ونفس طوله بس زوجج مبالغ ترا 90 على طوله متروس بس مو بطه !! انا اشوف زوجي زين ماشوفه بطه ولا شمتنه !! اقوله يبيله 6 ولا 7 كيلوات بالكثير بس

واذا عن ريلج دامه محبط ماراح يضعف لازم تفسيته تتعدل ويصك حلجه ويمشي هنيه بيضعف بس خليه يروح دكتور تغذيه يساعده ويلتزم

 

[العصفوره الدلوعه]

مشكوره يالغاليه

انتظر باجي العضوات يقترحون دكتور وحبوب

 

[english muffin]

بالضبببببببط مشكلة زوجي
تخيلي من شخص يلبس ماركات وعلى طول كاشخ الى شخص مايحصل قده ملابس و يقول لي حتى لين ادفع 100 دينار على قميص اكون لحين مبهدل وشكلي مب مرتب لاني متين
طبعا زوجي طوله 183 و وزنه 117
و سويت له رجيم شهر نزل جمن كيلو وردهم
ومسكيين كان يكسر خاطري كله كاره روحه و جسمه
عاد اشسوييييت !! كنت حامل ماقدر اسوي له شي و ولدت قبل 4 اشهر
قبل شهر بديت رجيم قبله بس عشان اشجعه وكنت اقول له الرجيم هذا عجيب ماحس بيوع او الرجيم يونس احس روحي خفيفة وليش ماتجرب معاي مب خسران شي انا بزهب لك كل الوجبات و من هالحجي جان يقتنع و بدأ رجيم فعلا رجيم الدكتور اسامة حمدي الكيميائي طلعته من النت انا و والحين احنا في الاسبوع الثالث و اهو نازل تقريبا 9 كيلو ماشاء الله طبعا النفسية عال العال لانه يجوف نفسه كليوم يضعف
الزبدة من هالكلام كله حبيبتي سوووووي معاه رجيم شجعيه شاركيه زهبي له الوجبات ترا انتي ست البيت وانتي الي تتحكمين بالوجبات الموجودة في البيت
عطيه شوي من وقتج حتى اذا موظفة سوي له عشا خفيف وجذي لين تبدون رجيم
بس طبعا زوجي لحين مب مقتنع بالرياضة لوول يقول انا متين اتعب بسرعة

وترا زوجج مب متيييييين شوي متين مب وايد مايحتاي حبوب

 

[العصفوره الدلوعه]

مشكوره أختي انجلش مافن بصراحه كلامج يطمن بس أنا قلت أروح حق دكتور تغذيه ﻷن إذا وديته لدكتور بيقتنع إنه يلتزم بس إذا أسويله بالبيت ياكل من الثلاجه شوي و شوي من الجمعيه و و و ويخترب كل شي
والحبوب عشان جسمه صعب ينزل



بس أبي دكتوووور (شاااااطر) و يستعمل الحبوب

 

[برستيجي مآركة]

عزيزتي الرجال ترى ينقصون وزن اسرع من الحريم اخوي في ظرف 3 اسابيع ماتتوقعين شلون صار كرشته راحت وجهه فضيع من خدود لعظام هههههه بس كان مخفف اكل حييل ويمشي كل يوم واضافه الى دوامه يعني ينكرف كراف
احنا ملاحظين تغيره بس يوم لبس البنطلون الجنز مع البلوزة فضيييع شكله اعتقد خسر 12 كيلو بس رجع ياكل في اسبوع او اسبوعين بدى يرجع ماحافظ على نفسه
فاانتي زوجج قولي له مافي شي يجي بسرعه اقل شي يبيله شهر على مايبين لاتقولين لي رجيم ماينفع لو ماينفع الرجيم اجل شلون ضعفوا هالعالم الرجيم صحه والمشي صحه اكثر واكثر بعد يبيله شوية عزيمة مع اراده مع تشجيع منج وكوني معاه ووقت الاكل اكلي اللي ياكله بس اذا صار مو موجود اكلي اللي تبينه ترى هالشي له دافع كبير في تقوية عزيمته وبعدين طوله ماشاءالله مع وزنه مااعتقد ذيك السمنة الزايده نقصان 10 كيلو ترى اوك

 

[د.راما]

السلااام ..

اختي اهم شي نفسيته اصلا انتي ساعديه و شجعيه بكل الطرق ... و طبخي له بنفسج اكلات خفيفه و خففي الدهون فيها او لما اتيين تحطين له رز مثلا حطيله نص الي كان ياكله ... و ترى الرجال يضعفون بسرررعه اسرع من الحريم بس تكون عندهم الاراده و النفسية اوكي .. واذا عنده وقت يروح الجيم ويلعب رياضه لو يومين بالاسبوع وايد تمام .. وخلي يحط بباله شي ان ماراح يضعف في وقت قصير .. يعني مستحيل يبي 10 كيلو جذي بسبوعين و ثلاثه عشان مايصيده احباط اذا مانزل وايد و ان لازم يستحمل شوي ...

=)

 

[#laloo]

بالعكس وزنه اوكي يعني يبيله بس كل يوم يمشي نص ساعه والا ساعه كامله
والاكل يبتعد عن الدهون والحلويات والغازات وكل يوم قبل مايرقد سويي له جاي خضر
والصبح على الريج ليمون وماي فاتر جذي بيتعدل وزنه
لكن الحبوب مانصحج فيها وايد وانتي رفعي من معنوياته مافيه شيء بين يوم وليلة يصير

 

[عنيّد]

الله يهداج وايد بالغتي بالكلام اصلا الي بزوجج ماينقال له مشكله !
وزنه طبيعي ويبيله يمكن بو عشر كيلوات بس يعني بظرف شهر قاطهم

اخوي نفس طوله ووزنه ١٤٠ ومانتحر عادي الحمدلله !!


لا تلعبين بالريال وتدورين له حبوب ، ماكو حبوب تضعف وماوراها اثار جانبيه ، لا تعدلين جسمه وتخسرينه صحته بسبب خرابيط الحبوب

ببساطه واقصر طريقه خليه يشترك بشركات الوجبات ، يحتاج شهر بالكثير شهرين ويوصل للوزن المطلوب