تكفون لقيت قطوه بيبي عمرها يومين بالشارع عند بيتنا من غير ام راح تموت عندي

[Lady-_-fushia]

السلام عليكم
الموضوع مبين من العنوان


تكفون انا اول يوم العيد لقيت قطو صغير منولد توا عند الزرع
وحتى جيس المشيمه وحبله السري فيه كان متشربك بالزرع
و عقب خليناه يوم كامل على اسااس امه تيله و لا يات
و اخر شي قصت الخدامه مكان الجيس و خلت شوي من حبله السري عشان مايتعور
وشربوه حليب
و ثاني يوم الصبح هم كان موجود
واخذته انا و خليته عندي و عطيته حليب خفت يموت
المهم شريت له من مركز سلطان حليب قطاوه ومميه
قاعده احاول اشربه من امس
يشرب شوي بس الحين شكله ماخذ برد لان قاعد يعاطس
وانا ماني قادره كل شوي اعطيه حليب
ومقطع قلبي حده
تعبت نفسيا صارلي من امس وانا صياح عليه عفيه
تكفون اللي عندها قطوه توها والده عفيه اخذوه ترضعه مع عيالها ولكم الاجر
انا ماقدر اخليه عندي و ماقدر اقطه بالشارع اخاف ياكلونه القطاوه
عفيه تكفون مادري شسوي انا معاي اكزيما و قاعده احاول احمل
ماقدر اجازف و صارلي جم يوم اعابل فيه حيل تعبت
ماني عارفه شسويله


اتمنى احد يساعدني ولا يعبرني برد
مشكورين

 

[((البرنسيسا))]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

يعمري مسكين انا ماعندي للأسف قطوة والدة

وإنشالله البنات بفيدونك

 

[كويتيه ~]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

حطي له كرتون صغير وخليه يقعد فيه وحطي له فوطه صغيره ماتبينها عشان البرد
وكل مره عطيه حليب
وخليه بعيد عنج مو شرط تمسكينه حطيه تحت الدرج او اي مكان دافي

ولاتشغلين عنده التكييف
حرام عشان البرد لايموت ولج الاجر ان شالله
ولي كبر طلعيه برا
او حطي موضوع بموقع مزاد الكويت فيه ناس يرضون يتبنون قطاوه

 

[$.. shahooda ..$]

يااي يكسر الخاطر :eh_s:

انا عندي قطوة شوارع والده عندي
هي قاعده بحوشنا مع عيالها

:eh_s(7):

يمكن اقدر اخذ القطو واربيه مع القطوة :hjy5jewf:

بس بشوف امي اذا توافق اربي قطوة شوارع ولا لأ :080402ask_prv:
بس ممكن تصورينه وتحطين صورته عشان بشوفه واقنع امي فيه :yaaaaaarb:

بس هو ذكر ولا نثيه ؟ :wqedqw:

ترا القطوه الي عندي خوش ام ههههههه < بدينا بالمدح :lololoe:​

 

[$.. shahooda ..$]

اسفه يا قلبي
امي رافضة

تقول ما ابي قطاوة شوارع

ان شاء الله تلاقين اللي يتبناه

 

[Lady-_-fushia]

هاي
سوري بنات توني اشوف الردود مشكورين عالرفع والرد


bose

ان شاء الله احاول اصوره واحط صورته
مادري انا اعتقد ذكر يمكن
بس ترا اهو لونه اسود و اطرافه بيضه يعني مثل سلفستر الي بتويتي عرفتي
بس متاكده قطوتج اخاف تطقه او تعضه
اهي اليفه؟
يعني تخليكم تجيسون عيالها؟
عفيه شوفي الوالده ودزيلي عالخاص شيصير وياج و انا برد اجيك عالموضوع كل شوي

 

[Lady-_-fushia]

هذي صورته الحين صورته
اهو بطنه ابيض و حلجه و ايديينه وريوله
بس لان نايم ماقدرت اصوره احسن من جذي
و انا حاطه له كور لونهم اسود بس لونتهم وردي لان مو مبين القطو وياهم
حاطتهم على اساس يعني يحس في فررو وجذي

 

[$.. shahooda ..$]

حلو

بس مثل ما قلت لك امي رافضة قطط الشوارع
بسبب الامراض
و غير الامراض انا عندي 10 قطاوه امي تقول حدنا عشره لا اكثر ولا اقل < ولا اقل يعني تبي هالـ 10 ههههههههههههههههههههههههههه

 

[coco-mad]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

حبيبتي انا اقترح انج تربينه بس لين يصير عمره اسبوعين او شهر و عرضيه بموقع مزاد للتبني و راح ياخذونا على طول و اكييد الله بيعوضج خير اذا اهتميتي فيه

 

[Lady-_-fushia]

سوري كاهي الصوره

 

[bitter-sweetness]

حبيبتي دوري بالنت عن طريقه العنايه فيه اذا ما تعرفين

 

[Lady-_-fushia]

المشكله ماقدر اخليه
انا عندي اكزيما
وقاعده اراجع بعياده عشان احمل و توني مطيحه ياهل الشهر الي فات
ماقدر اتحمل امر بنفس التجربه و ارد اطيح اذا الله كتبلي و حملت
مو زين القطو اذا الوحده تبي تحمل
وغير جذي
انا ساكنه ببيت اهل ريلي
وموراضين اخليه مايبونه
ورحت اوديه عند امي و مارضت
لان وايد اهتمام و اهي مو فاضيه واختي هناك عندها قطوتين همالايا وحده يابتها عشان تتزوج مع نثيتها و طلع مريض و بتقطه بعد
يعني ماقدر احتفظ فيه كلش
عالعموم مشكورين و انا حتى الملجأ دقيت عليهم و قالولي ماعندهم مكان
ومايهون علي اقطه بالشارع
لاحول ولا قوة الا بالله

 

[brettey]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

واي عور قلبي حرام شوفي حاولي تلاقين نواقع مزاد وعرضيه

 

[UNICORNA]

ريى يجزاكى خير

شوفى انا و اختى دوم نربى القطط اليتامى ونكسب فيهم اجر

شوفى اولا جيبى رضاعه صغيره او حتى قطاره العين

وغسليها تمام وحطى فيها حليب دافى يعنى مو بارد واياكى تسخنينه )=

وتمسكى وجه القطوه بس ماتنيميه على ظهره مثل البنى ادمين لحسن يموت عليك وتشيلى ذنب روح

انتى خليه بوضعه الطبيعى يده ورجوله على الارض او على رجولك وخلى وجهه لفوق شوى

ودخلى الرضاعه بحلجه وخله يرضع مره كل ساعتين او 3 ساعات

بس مو كثير يعنى نص القطاره بس او كلها لو حصلتيه يبى ثانى

ثانى شى

جيبى منشفه صغيره بها ماى دافى وديتول ونظفيله جسمه واذونه وعيونه وتحت ذيله وغسليها تمااام وخلها مخصوصه لنظافته

ودفيه عدل فديته (=

واى سؤال من عيونى

 

[((البرنسيسا))]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

يعمري حيل حيل نونو

 

[UNICORNA]

المشكله ماقدر اخليه
انا عندي اكزيما
وقاعده اراجع بعياده عشان احمل و توني مطيحه ياهل الشهر الي فات
ماقدر اتحمل امر بنفس التجربه و ارد اطيح اذا الله كتبلي و حملت
مو زين القطو اذا الوحده تبي تحمل
وغير جذي
انا ساكنه ببيت اهل ريلي
وموراضين اخليه مايبونه
ورحت اوديه عند امي و مارضت
لان وايد اهتمام و اهي مو فاضيه واختي هناك عندها قطوتين همالايا وحده يابتها عشان تتزوج مع نثيتها و طلع مريض و بتقطه بعد
يعني ماقدر احتفظ فيه كلش
عالعموم مشكورين و انا حتى الملجأ دقيت عليهم و قالولي ماعندهم مكان
ومايهون علي اقطه بالشارع
لاحول ولا قوة الا بالله

حبوبه حابه اوضحلك شغله مهمه

القطط ماتسبب عقم ولا تسبب اجهاض هذا حكى كذب وفارغ بيتناقلوه الناس

القطوه تسبب عقم لو تحمل مرض معين ومش كل القطط تحمل هالمرض

خلها عنك فتره واكسبى فيها اجر ماتعرفى وين الخير يمكن ربك ارسلها لكى كنوع من

الخير وعليها ربى بيرزقك بطفل ثانى

ترا ما تستهونى بالحيوانات ربى موصينها عليها والرسول بعد موصينا

عليه افضل صلاه وسلام

وهى ماراح تحتاج الا قليل حليب وراح تسوى شوى

ازعاج لمده كم يوم فقط وبعد فتره لمن تكبر شوى اخذيها للبيطرى يعطيها تطعيم

وبعدين خلها تصير بس شوى قويه وتكبر وبعدين لو حابه تخليها تروح بكيفك بس ترا

اطعام الحيوانات فيه خير وبركه وحسنات ورزق كبير جدا وكل شى:eh_s(17):

لانك تطعمى حيوان ابكم مايقدر يطلبك وضعيف

وانتى بعد مو بحاجه له يعنى تطعميه فقط لوجه الله فشوفى

كيف ربى بيردها لكى وهو اكرم الاكرمين وهو صاحب الخير والنعمه

 

[Lady-_-fushia]

مشكورين بنات كلكم اللي رديتو علي

و اناا حاليا قاعده اسوي اللي اقدر عليه و تقريبا اللي قلتيه unicornia
بس ماقدر انظفه اتوقع موزين نفس الطفل ما تسبحينه من اول شي
اهو الحين قاعده ادور احد يتبناه وان شاء الله خير
انا صارلي اسبوع يعني اهتم فيه و عشان كاسر خاطري
واجري على الله ان شاء الله

بس هم احسن لو شخص له وقت فراغ و خبره و يقدر يهتم فيه اكثر
اذا في اي بنت تبي تتبناه انا ان شاءالله بعطيها اياه و بعلمها الاشياء الي اسويها له و بعطيها حليبه وياه اغراضه
مابي فلوس ولا شي انا بس ابي اطمن عليه انه في مكان زين وشخص يحبه و يهتم فيه
صراحه اشوفه مثل البيبي

 

[شمالية غربية]

رد : تكفون لقيت قطوه بيبي عمرها يومين بالشارع عند بيتنا من غير ام راح تموت عندي

جزاج الله خير
انت لا تلمسينه خلي الخدامة هي اللي ترضعه وحطية بكرتون مسكر سوي فيه فتحات علشان يتنفس وحطية بالحوش او برا عند باب المطبخ
واذا الاكزيما اللي عندج خفيفة غسليها مرتين يوميا بصابونة الكبريت لمدة اسبوع وان شاء الله تطيبين بسرعة

 

[q8_goga]

unicornia
كلامها عدل مدل..حبيبتي مارح ياثر لا بحملج ولا باكزيمتج القطاوة مالهم شغل بالاكزيما وكل ماجستي قومي غسلي بس هذا هوا المهم
بس حبيت اعرف شلونه مع الرضاعة؟؟ وقاعد يشرب ولا لا؟

 

[Lady-_-fushia]

السلام شلونكم بنات

بس حبيت ابلغكم ان القطو مات اليوم