تكفون مالي غيركم بعد الله يساعدني (عملية أسنان وليدي يوم السبت)

[حوري2004]

السلام عليكم ورحمة الله وبركاته
بنات تكفون ساعدوني قلبي احسه بيوقف
بوم السبت الدكتور كاتب دخول حق سعودي علشان يدخلونه العمليات حق اسنانه اسنانه رايحه فيها ولازم يخدرونه تخدير كامل وانا والله خايفه
احسه هالسبوعه متغير وصاير تيجاوب معاي صح كلامه مرات مو مفهوم بس والله احس لو يسون اسنانه من غير تحدير كامل احسن
ابي استشير دكتور ثاني تكفون
تكفون ابي رقم اي دكتور شاطر وباله طويل ويعرف حق وليدي ولا يعوره

 

[فطومه]

حبيبتى روحى حق الصحه المدرسيه فى السالميه واى يحلاتهم يهبلون

فى دكتور كويتي بس شنو اقول لج روعه شويه عليه باله وسييييييييييع ويتحمل اليهال انا بنتى كلنت لوعه من الخوف لوعت جبدى هداها
ولعبها لما استرخت وعالجها بكل هدوء اما بالنسبه للتخدير العام انا هم جربته زين وفكه يخلصون مره وحده بس انتى ورايج حبوبه

 

[eldalla3]

الله يشافي يارب

 

[الموهوبه]

السلام عليكم ورحمة الله وبركاته
بنات تكفون ساعدوني قلبي احسه بيوقف
بوم السبت الدكتور كاتب دخول حق سعودي علشان يدخلونه العمليات حق اسنانه اسنانه رايحه فيها ولازم يخدرونه تخدير كامل وانا والله خايفه
احسه هالسبوعه متغير وصاير تيجاوب معاي صح كلامه مرات مو مفهوم بس والله احس لو يسون اسنانه من غير تحدير كامل احسن
ابي استشير دكتور ثاني تكفون
تكفون ابي رقم اي دكتور شاطر وباله طويل ويعرف حق وليدي ولا يعوره

السلام عليكم ورحمة الله وبركاته
توكلي على الله وروحي وخليه يسويها بالبنج لانهم مايشتغلون سن واحد يسوون كل اسنانه الي محتاجه شغل
والافضل انه ما يكون واعي
سوينها لبنتي مرتين والحمد لله
توكلي على الله ولا تحاتين

 

[HearT ChocolaTe]

اريح له حياتي ~ انتي ام اكيد قلبج بيحاتي ويخاف
بس البنج الموضوعي يالمه والعلاج الكامل احسن بوايد من سن واحد
استخيري فديتج وربي يشفيه ويرده لج بالسلامه :*

 

[حوري2004]

رد : رد: تكفون مالي غيركم بعد الله يساعدني (عملية أسنان وليدي يوم السبت)

الله ييسر دقيت علئ العياده وقالولي باجر اجازه ويوم السبت الدكتور عنده عمليات ما يقدر
ومحتاره بستخير عسى ربي ييسر

 

[حوري2004]

رد : رد: تكفون مالي غيركم بعد الله يساعدني (عملية أسنان وليدي يوم السبت)

الله ييسر دقيت علئ العياده وقالولي باجر اجازه ويوم السبت الدكتور عنده عمليات ما يقدر
ومحتاره بستخير عسى ربي ييسر

 

[مباركيه]

الله ييسر امرج وأستخيري وان شاء الله ماعليه الا العافية

البنج الكامل اريح له هدي بالج ولا تحاتين

ان شاء الله ما يشوف شر

 

[حوري2004]

رد : تكفون مالي غيركم بعد الله يساعدني (عملية أسنان وليدي يوم السبت)

عسى الله يشافي عيالكم ويشافيكم ( دعوه خاصه لمباركيه ) ويوسع عليكم ويرزقكم مثل ما ريحتوني
خليت زوجي يطلع من الجلسه لان سعودي ياخذ كل اثنين وخميس جلسات تعديل سلوك ويروح الجابريه وخلي الدكتور يفحصه قال عنده ٦ اسنان خربانين ٣ منهم عصب وانا اشور عليك خدره تخدير كامل احسن واريحعلشان ما نقعد جلسات معاه ومراجعات مع مصارعه وتكتيف
وان شالله اني متوكله على الله وبندش المستشفى يوم السبت عسى ربي ييسر وقومه لي سالم غانم يا رب
تكفون بنات ادعولي لاني احس نفسي مخنوقه ودمعتي حايره
وادعو لسعودي والله يا بنات جلسات تعديل السلوك فرقة معاه وطبعا مع الاهتمام ضروري فديته صار يقول انام لمى يبي ينام ويسحبني من ايدي لله الحمد
*

 

[@شمس الضحى@]

الله يخليه لج وربي يريح قليبج ويطمنج عليه لاتحاتين حبيبتي وكلي امرج لله سبحاانه
والبنج العام احسن له صدقيني عشان يخلص ولا يحس بشي
طمنيناا عليه الله يقومه بالسلامه سهالات إن شاء الله

 

[الصابرة المحتسبة]

رد : تكفون مالي غيركم بعد الله يساعدني (عملية أسنان وليدي يوم السبت)

يابعد عمري يالجوري

عسى ربي يطمن قلبج عليه ويبلغج بشفائه اللهم آمين

توكلي على الرحمن والله حاسة فيج وبشعورج وكلنا نحس فيه عسى ربي يمسح على قليبج

 

[سمسومه الحبوبه]

الله يشفيه ويطمن قلبك عليه
حبيبتي لاتخافين انا بنتي سوت هالعمليه وشالوا لها سبع اسنان خذوها مني نايمه
وخدروها ونص ساعه وطلعوها لي ولله الحمد صاحيه وقاعده تصيح
ويومين ثلاثه ولتأمت لثتها

 

[حوري2004]

رد : رد: رد : تكفون مالي غيركم بعد الله يساعدني (عملية أسنان وليدي يوم السبت)

مرحبا يا الغاليات عسى الله يجزاكم خير على الدعوات الطيبه ولكم بالمثل ان شاء الله
ابشركم طلعنا من المستشفى يوم الاثنين ولله الحمد وسعودي طيب وصارة اسنانه حديد بحديد يعني يا ويله اللي راح يعضه لوووووول
بس والله اخاف لا كبر يزعل علي ليش خليتهم يركبوله هاللون الرصاصي لانه الحين لا ضحك حيل لمع اللون الرصاصي لان السن اللي جنب الناب ملبس كله
وأسأل الله العظيم رب العرش العظيم ان يشفيه ويشافي جميع عيالنا يارب العالمين

 

[سمسومه الحبوبه]

رد: رد : رد: رد : تكفون مالي غيركم بعد الله يساعدني (عملية أسنان وليدي يوم السبت)

مرحبا يا الغاليات عسى الله يجزاكم خير على الدعوات الطيبه ولكم بالمثل ان شاء الله
ابشركم طلعنا من المستشفى يوم الاثنين ولله الحمد وسعودي طيب وصارة اسنانه حديد بحديد يعني يا ويله اللي راح يعضه لوووووول
بس والله اخاف لا كبر يزعل علي ليش خليتهم يركبوله هاللون الرصاصي لانه الحين لا ضحك حيل لمع اللون الرصاصي لان السن اللي جنب الناب ملبس كله
وأسأل الله العظيم رب العرش العظيم ان يشفيه ويشافي جميع عيالنا يارب العالمين

الف الحمدلله على سلامة سعودي الله يخليه لك ويفرحك دووووم بسلامته
بس ليش مالبسوله نفس لون الاسنان :080402ask_prv:

 

[الصابرة المحتسبة]

رد : تكفون مالي غيركم بعد الله يساعدني (عملية أسنان وليدي يوم السبت)

الحمدلله على السلامة

ومبرووك الضروس الجديدة وباجر لي كبر بحيل الله تقدرين تعديلنهم.

 

[HearT ChocolaTe]

الحمد لله على سلامته فديته ربي يحفظه لج من كل شر
يا حلوه الرجل الحديدي صار :*
وهم الله يسامحهم ليش ما لبسوه ابيض ؟