تكفون متضا يقه

[غيوم11]

هلا بخواتي الغاليات لي بنت وحده ومتأخره أربع سنوات ماحملت والتحاليل سليمه بس رحت لمعالجه وقالت فيني ميلان باالرحم ودلكت مرتين وبس لضروف ولي تقريبن شهرين لاحضت على بطني أنه كبر عن أول ولدرجت كثير يحسبوني حامل بشهرين وحتى لما البس شي ضيق أتفشل لي كريشه وزوجي رافض أروح لحرمه تكشف يقول كل شي سويته وديتك وبس ما كملت أبي أتعالج أبي أحمل وهو ما أحس عنده أهتمام أحمل أو لا والله يجي ببالي أطلب الطلاق أنا ماني صغيره يعني ما وصلت للأربعين بس العمر يروح وتقل نسبت الخصوبه وهو أكبر مني بشي بسيط بس لو ماحملت بيتزوج عشان العيال وأهله ذبحوني باالأسأ له وأقول ما فيني شي لا وقلت لهم أني متعوره من فتره وبعد ما خلصت منهم أه بس والله أكتب وأنا أبكي من القهر وخايفه من العمر يروح وأنا ما حملت قريبتي ولدت ولدها الثاني وهي أصغر مني والله تقطع قلبي مو حاسدته لا بس لأني تأخرت وش أسوي يارب مالي ألا البكاء تصدقون كرهت أطلع لاحد عشان ماأنسأل وش الحل وايش فيني وش تنصحوني أسوي مع زوجي ماأبي توصل للطلاق تكفون ساعدوني0000000000

 

[كويتيه مذهله 87]

لاحول الله
حبيبتي لا تتضايقين فهمي الناس أن هالشي بيد خالقهم ومدام ريلج يبي عيال ليش ماتقنعينه تروحون تراجعو قوليلى إي شي بسيط فينا تري يمنع الحمل
الله يرزقج يارب

 

[انادي]

الله يرزقنا بالشهر الفضيل او رحمة الله واسعه الله يهداج ويهدي سرج يارب يرزقج ليش ما تراجعين عشان تعرفين ليش متاخره بالحمل الله يرزقج بالذريه ويجي اخو حق بنتج يارب

 

[احلى^فراولة]

أأأأأأأأأأأأأأأأأه ياغيووووم مثل حالتي كرهت الطلعه والسبب الاسئله شهالناااااس ليش بتدخولللللللن

سمعي تعوذي من ابليس وكثري استغفار واكلي كلوميد يمكن ينفع روحي حق معصومه مخصيد ترى اهي افضل دكتوره بالكويت وصدقيني بتنصحج

 

[bnt_kwt]

لالالا ليش الطلاق وليش اليأس هذا كله
حبيبتي ليش ما تسوين تلقيح صناعي
وان شاء الله تحملين من أول مره

وان ما حملتي كرري المحاوله
بس لا تيئسين وادعي ربج بهالايام ان شاء الله يعطيج كل ما تتمنين

 

[ni3ssani]

الله يرزقج يارب

 

[Amory]

اختي بقولج نصيحه اخذيها من اخت لي اخت

تركي عنج سوالف الحريم اللي يدهنون وهالخرابيط ترى ما منهم فايده ابصراحه

الدنيا تطورت والدنيا راحت بأهلها وآنا مستغربه ان ليلحين في ناس تؤمن ابهالشغلات وبالعلاج الشعبي وتتردد عليه!

انتي قلتي انا ماني اصغيره وخايفه لا يفوتج الفوت حبيبتي دام انج خايفه لا اتفوتج الفرصه انصحج انج اتروحين لأحسن الدكاتره واللي نسبة نجاح العمليات عندهم اكبيره واتسوين طفل انابيب لأن نسبة نجاح طفل الانابيب كبيره ولا تتوترين ولا يضيق خلقج انا اعرف وحده اكبر منج ابواايد مشاء الله تزوجت وراحت عالجت والله رزقها الله يخليلها وليدها ويرزقج مثلها ياربي.

تفاهمي مع زوجج بلطف ولين ولا تزعلين ولا اتشدين اعصابج واذا ماله خلق يروح أو مل روحي مع اي احد ثاني مو شرط اهو بس وقت اللي يطلبونه يبلغونج.

 

[غيوم11]

طيب تكفون وشلون أقنعه بأني أسوي طفل أنابيب وهو مو مهتم بس بيجيله يوم ويفكر باالعيال ويتزوج وهو دايمن يقول ماعمري فكرت أتزوج والله ماني مصدقه يكفي أمه تحن ليش للحين ماحملت وهو يقول لها قولي لها يعني فيني شي والله مليت منه ومن أهله أبي طريقه أقنعه بطفل الأنابيب والله مالي أحد أستشيره وأقدر أصارحه غيركم تكفون سا عدوني وشورو علي أستنا ردودكم ومشكوره على كل الردود ويسلم أيديكم لا تتركوني محتاره تراي والله أبي أحس أنه لي أحد يشاركني همي 0000000000000

 

[روعة خيال]

حبيبتي من سمع حجي الناس تعب


بالعكس هذا اللي يرفع الهرمونات و يرفع هرمون الحليب و ما يخليج تحملين لان هرمون الحليب اللي هو البرولاكتين هرمون نفســـــي بحـــت هذا حجي دكتووور امريـــكي صارله 35 سنة يعالج هرمونات انتي مالج شغل بالناس كل ما عليج انج تلهين نفسج بالشغلات اللي تحبينها اذا موظفة تابعي شغلج لا تخلين احد يتدخل بحياتج انتي وزوجج انا متأكدة لو وحدة من حمواتج جاان ما خلو احد يتحجى حبيبتي انا ما احرضج عليهم بس اهم شي نفسيتج و دام عندج بنوتة حمدي ربج غيرج ما يقدر يحمل موووووووووووول

و عالجي هرموناتج و اذا كلش ماكو حل سوي انابيب و اذا ما رضى كتبي الحجي بورقة و علقيها بمكان بارز بغرفتج بحيث يشوفه زوجج خل يتذكر كل يوم انه اهو السبب انه ما يبي يهااال

هذا من حقج بس لا تخربين بيتج على سالفة تقدرين تحلينها

اسفة طولت بس و الله انقهرت من اللي يتحجون و يدخلون عصهم بشي ما يخصهم لي متى و الحمولة جذي!!!

 

[eng.q8]

الله يرزقنا بالشهر الفضيل

 

[Coffee-Girl]

اختي انصحج سوي منظار يمكن الانابيب عندج مسدوده اعرف وحده او ماتزوجت احملت وسقطت وبعدها اقعدت ثلاث سنين واهي اتعالج وماكوفايده اخر شي سوت منظار لقوا الانابيب عندها مسدوده وفتحوها وماشالله من نفس الشهر احملت

 

[الكيكة الأمورة]

اختى وعزيزتي انا سمعت انا في وحدة عندها ميلان بالرحم فقالتلها الدكتورة بعد الجماع لازم تنامين على بطنج مو ظهرج جربي والله كريم يرزقنا أجمعين انا شهر انام على بطني وشهر على الجنب وشهر على ظهري الله كريم ان شاء الله

 

[$غــ(ز)ــل$]

الله يرررررزقج يااارب

 

[.>حــــــــ(و)ـــراء<.]

ذكري ربج و قولي لا اله الا الله

ووسعي صدرج و ان شاءالله ربي بيرزقج

 

[بـــطوووطه]

لا حول ولا قوة الا بالله

حبيبتي هذي ارزاق بس الواحد لازم يسعى ويجرب والله كريم

الحين السبب من منو ؟؟ منج او منه ؟؟

لازم اثنينكم تحللون وتعرفون السبب

وانا اعرف وحدة دلك بنات خالتي وماشاءالله احملوا ان شاءالله اذا الله اراد اكلمهم واعطيج رقمها وعسى الله يشفيج ويرزقنا بالضنا الصالح

 

[المهذبه]

الله يرزقج

 

[حلاتي غير]

لاتروحين للحريم خليه المرا تييج للبيت وعندج ام علي شاطرة بهالسوالف واذا تبين اعطيج رقمها وانا اخذت رقمها من المنتدي ماقصروا البنات

 

[الاخلاص]

بعطيج رقم وحده شاطره تجي البيت راح تضبطج انشاء الله بس لاتنسين تدعين لامي بالشفاء العاجل انطري ادزه شوي بس اخذه من اختي